تازه خبرونه
حکومتي او طالب پلاوي یو لړ پرمختګونو ته رسېدلي
د حکومت او طالبانو د مرکچي پلاویو د اړیکو ډلې تر منځ په دوحه کې خبرې روانې دي او په دې برخه کې یو لړ پرمختګونه هم رامنځته شوي، چې ژر به اعلان شي.
د دوحې خبرې د روسیې د بهرنیو چارو د وزیر لخوا تازه بې نتیجې اعلان شوې وې؛ خو اوس په دې خبرو کې د پرمختګونو یادونه کیږي.
د افغانستان د مرکچي ډلې غړي وایي، چې د دواړو لوریو د اړیکو ډلو تر منځ ناستې هره شپه روانې وي، او ښایي د ترکیې له ناستې مخکې یو سیاسي جورجاړی رامنځته شي.
د جمهوریت پلوي مرکچي پلاوي غړې فاطمه گیلاني ویلي: خبرې د هرې شپې تر ناوخته روانې وي؛ د اړیکو دواړه ډلې هره شپه په خپلو کې ناستې تر سره کوي او مهمو بریالیتوبونو ته هم رسېدلي، چې ژر به اعلان شي. مونږ هیله لرو، چې له طالبانو سره د ترکیې له ناستې مخکې یوه سیاسي جورجاړي ته ورسیږو.
د سیاستوالو او جمهوریت پلوي پلاوي د غړیو د څرګندونو له مخې؛ دا مهال نړیوال په ځانګړي توګه د سیمې هېواودنه او ګاونډیان له سولې ملاتړ کوي.
په بریټانیا کې افغان سفیر زلمي رسول ویلي، چې تپلې سوله به د افغانستان خلکو ته ناوړه پایلې ولري.
زلمی رسول وایي: تحمیلي سوله، چې په کې د افغانستان د خلکو غوښتنه او اراده د پام وړ نه وي؛ تلپاتې سوله نده او دا ډول سوله به ډېره خطرناکه وي. پر طالبانو هم باید فشار راوړل شي، چې تاوتریخوالی کم کړي او له اوربند سره هوکړه وکړي.
ملګري ملتونه د ترکیې د ناستې کوربتوب ته چمتووالی نیسي، چې د افغانستان د سولې او جګړې د برخلیک ټاکلو لپاره مهمه ناسته یاده شوې ده.
د ملګرو ملتونوویاند ستیفن دجیوریک وایي: مونږ له بېلابېلو بهیرونو سره زمونږ د نوي استازیتوب د پیل او د ملګرو ملتونو د ګډون په اړه خبرې روانې ساتو.
د مسکو ناسته د استانبول ناستې ته د زمینې برابرونکې نومول شوې، چې په اړه یې د افغانستان د سولې امریکایي استازي زلمي خلیلزاد له افغان مشرانو او طالبانو د ترکیې ناستې ته د چمتووالي غوښتنه کړې ده.
تازه خبرونه
جاپان د افغانستان له سیلاب ځپلیو سره د بېړنیو مرستو ژمنه وکړه
په افغانستان کې د جاپان سفارت د پنجشنبې پر ورځ په ډاګه کړه، چې د افغانستان د شمال له سیلاب ځپلیو خلکو سره به بېړنۍ مرستې وکړي.
د سفارت د خپرې شوې خبرپاڼې له مخې؛ دا مرستې به د جاپان د نړيوالې همکارۍ ادارې (JICA) له لارې د سره صليب او سرې مياشتې ټولنې (IFRC) او افغاني سرې مياشتې ټولنې (ARCS) پر همکارۍ ترسره شي.
دا مرست خیمې، کمبلې او نور اړین توکي رانغاړي.
په یادې خبرپاڼه کې راغلي؛ جاپان پرېکړه کړې، چې ډېر ژر به د افغانستان د سيلاب ځپلیو خلکو د مرستې لپاره بېړنۍ مرستې وکړي. مونږ تل د افغانستان د خلکو تر څنګ ولاړ یوو.
دغه راز د ملګرو ملتونو د بشري چارو د همغږۍ دفتر (OCHA) ویلي، چې په بغلان، بدخشان او تخار ولایتونو کې د سختو بارانونو او سیلابونو له کبله ۸ زره ۹۷۵ کورونه ویجاړ شوي او یا هم زیانمن شوي دي.
روسیې هم د اړتیا په صورت کې د مرستې ژمنه کړې ده.
دا په داسې حال کې، چې د اسلامي همکاریو ټولنې (OIC) هم له اسلامي هېوادونو او مرستندویه ټولونو غوښتي، چې د افغانستان له سیلاب ځپلیو سره مرسته وکړي.
تازه خبرونه
د ترکیې سفیر د افغانستان سیلاب ځپلیو ته د ۶۷۰ ټنو مرستې اعلان وکړ
په کابل کې د ترکیې سفیر د اقتصاد وزارت له چارسمبالي سره په کتنه کې څرګنده کړې، چې سبا (جمعه د غویی ۲۸ ) ته به د افغانستان د وروستیو سیلاب ځپلیو لپاره د لومړنیو توکو څه باندې۲۰ ټنه مرسته راولېږدول شي.
د اقتصاد وزارت د خبرپاڼې له مخې؛ جنګ اونال له دین محمد حنیف سره په کتنه کې له ترکیې څخه د ۶۵۰ ټنو نورو بشري مرستو له رالېدولو هم خبر ورکړی، چې په کې خیمې، خوراکي توکي، درمل، جامې او نور توکي شامل دي.
هغه دا ډاډ هم ورکړی، چې افغانستان ته به دا مرستې د اوسپنېپټلۍ له لارې د هرات تورغنډۍ بندر ته رادننه شي.
په دې کتنه کې دین محمد حنیف له دغو مرستو څخه د هرکلي تر څنګ ویلي، چې د ترکیې هېواد د تاریخ په اوږدو کې د افغانستان یو ښه دوست او همکار پاتې شوی دی.
تازه خبرونه
ملګري ملتونه غواړي په افغانستان کې د ځمکو خړبولو لپاره سولري پمپونه ولګوي
د ریاست الوزراء اداري مرستیال عبدالسلام حنفي د سې شنبې پر ورځ ( د غویی پېنځهویشتمه ) د ملګرو ملتونو د پروژې خدمتونو د دفتر (UNOPS) له اجرائیوي رییس جورج موریرا داسیلوا سره وکتل.
په دې کتنه کې جورج موریرا داسیلوا اداري مرستيال ته د خپلو تېرو هڅو او لاسته راوړنو په اړه معلومات ورکړل او څرګندوي؛ دا اداره غواړي، چې په افغانستان کې د سولري پمپونو پر لګولو د کرنيزو ځمکو د خړوبولو يوه نوې پروژه پيل کړي.
عبدالسلام حنفي د دې ادارې د فعالیتونو او لاسته راوړنو د ستاینې ترڅنګ ویلي، چې اسلامي امارت په افغانستان کې د (UNOPS) ادارې له هڅو ملاتړ کوي او د پروژو د پلي کولو لپاره یې لازمې اسانتیاوې برابروي.
ویل کیږي، چې عبدالسلام حنفي له ټولو نړیوالو مرستندویه بنسټونو وغوښتل، چې کروندګرو ته د کوکنارو د بدیل کښت او افغان ځوانانو ته د کار د زمینې په برابرولو کې همکاري وکړي.
-
لوبی4 days ago
د کابل کرکټ غوره لیګ لوبغاړو د داوطلبۍ مراسم ترسره شول
-
تازه خبرونه4 days ago
په ننګرهار کې د ناکامورا کانال پروژه بشپړه شوه
-
تازه خبرونه4 days ago
د یوناما استازې د ایران له بهرنیو چارو وزیر سره وکتل
-
تازه خبرونه4 days ago
ملګرو ملتونو د دې ټولنې په عمومي ناسته کې د افغانستان د رایې حق وځنډاوه
-
سوداگري2 days ago
د صنایعو او سوداګرۍ وزارت چارسمبالي د تاتارستان له ولسمر سره وکتل
-
د هوا حالاتو بدلونونه3 days ago
په تېرو ۲ زره کلونو کې د تېر کال اوړی له ټولو تود و – څېړنه
-
نړۍ5 days ago
انټوني بلینکن اوکراین ته رسېدلی
-
سیمه ییز خبرونه4 days ago
پر رفح د اسرائیلو بریدونه په نړیواله محکمه کې ارزول کیږي