تازه خبرونه
دولت د کلیوالي او ښاري ملکیتونو د ثبت لړۍ له کابل ښار څخه پیل کړه
دولتي چارواکو د څرګندونو له مخې به د کليوالي او ښاري ملکيتونو د ثبت لړۍ ټول هېواد ته پراخه شي.
ولسمشر محمد اشرف غني وایي، د خلکو ملکیتونو ته رسمیت ورکول به یوه مهمه ټولنیزه ستونزه حل کړي. ولسمشر وویل، دا مهال کابل کې د ځمکو ملکیت په دې دلیل چې عرفي دی، خوندیتوب نه لري او د رسمي اسنادو په صدور سره به یې خاوندان تثبیت شي.
د افغانستان د اراضي اداره وایي، دا مهال اویا سلنه ښاري ملکیتونه او د اتیا سلنه کلیوالي ځمکو ملکیتونه په افغانستان کې غیر رسمي دي چې په دولتي ادارو کې نه دي ثبت شوي.
له بلې خوا ولسمشر غني وایي، د دغو ملکیتونو ثبت او د مالکیت د رسمي اسنادو صدور د همدې پروګرام په اجراء سره پیل کېږي څو خلک وکړای شي په ډاډه زړه خپل کورونه ښه جوړ کړي.
د افغانستان د ښاري او کلیوالي ملکیتونو د ثبت پروګرام د کابل ښار د خرابات له سیمې پیل شو او د ولسمشر غني په وینا، دغه سیمه به په فرهنګي پوهنتون بدله او د افغانستان د هنر ملي موزیم به هم دغلته جوړ شي.
ولسمشر اشرف غني وویل: “د دغه پروګرام موخه دا ده چې کابل احیا شي او خلک به د نوي کابل لیدونکي وي. د دې ښار مرکز به هېڅکله د اقتصادي ګټو قرباني نه شي.”
ولسمشر غني وایي چې کابل کې به ټول د انجنيري کارونه د اسلامي او افغاني پروګرامونو پر بنسټ وي څو ټول هېوادوال په دغه ښار باندې د پلازمېنې په توګه ویاړ وکړي. ولسمشر وایي چې د کابل احیا کې به د هند د ګورګانیانو د لړۍ د بنسټ اېښودونکي ظهیرالدین بابر چې کابل یې له یوې پلازمینې څخه و او دغه راز د غازي امانالله خان لیدلوری په پام کې ونیول شي.
تازه خبرونه
کابل ته د ترکیې د هوايي شرکت الوتنه ترسره شوه
د ټرانسپورت او هوایي چلند وزارت د څرګندونو له مخې؛ له څه باندې درې کلن ځنډ وروسته نن سهار سې شنبه د غبرګولي لومړۍ د ترکیش هوايي شرکت الوتکه کابل ته راورسېده.
په هغو مراسمو کې، چې د ټرانسپورټ او هوايي چلند وزارت مالي او ادراي مرستیال حافظ صدیقالله عابد، د هوايي ډګرونو لوی رییس الحاج عبدالستار غروال، د ترکیې سفیر جنک اونال او د وزارت یو شمېر نورو مسوولینو ګډون درلود ویل شوي، چې د کابل او استانبول ترمنځ به هره اوونۍ څلور الوتنې ترسره کیږي.
د خصوصي سکتور ځیني غړي افغانستان ته د لویو هوايي شرکتونو پر راتلو خوښي ښیي او څرګندوي؛ د ترکیې، عربي اماراتو، دبۍ او هندوستان په ګډون هېوادونه دې افغانانو ته د ویزې د ورکړي په برخو کې اسانیتاوې برابرې کړي، چې د خلکو ستونزې اوارې شي.
د سوداګرۍ او پانګونې خونې غړي خان جان الکوزی ویلي: مونږ خوښ یوو، چې په هېواد کې مو د نړۍ معتبرهوايي شرکتونه پروازونه کوي؛ خو هغه هېوادونه، چې افغانستان ته الوتنې کوي افغانانو ته باید ویزې ورکړي، چې د خلکو ستونزې اوارې شي.
دوی وایي؛ که د نړیوالو هوايي شرکتونو لهخوا افغان صادارتو لپاره د کارګو خدمتونه پراخ شي؛ د هېواد وچه او تازه میوه به د نړۍ مارکیټونو ته په منظم ډول او پرټاکلې وخت ورسیږي.
ویل کیږي، چې د یاد هوايي شرکت د الوتنو له پیلېدا سره به ترکیې هېواد ته د افغان مسافرو لپاره د سفر پر اسانتياوو سربېره د دواړو هېوادونو ترمنځ هوايي ټرانسپورټ او سوداګریزې اړیکې هم پراختیا ومومي.
تازه خبرونه
په کابل ښار کې د کمانډو ځواکونو مرکز پرانیستل شو
د کابل په ګارنیزون کې د لومړي ځل لپاره تېره ورځ د ملي اسلامي اردو د ځانګړیو ځواکونو (کمانډو) د لومړي کنډک قومندانۍ مرکز پرانیستل شو.
دفاع وزارت په ایکس پاڼه کې زیاته کړې، چې د دې وزارت اړوند چارواکو د ډاډمن امنیت د خوندي کولو لپاره په نورو ولايتونو کې هم د ورته مرکز له پرانستلو خبر ورکړی دی.
ویل کیږي، چې ځانګړي ځواکونه پر عصري او پرمختللیو وسلو سمبال او مسلکي روزنه یې لیدلې، چې په هر ډول شرایطو کې به خپله دنده ترسره کوي.
تازه خبرونه
اروپايي ټولنې په افغانستان کې سېلاب ځپلیو ته ۴۰۰ زره یورو ځانګړې کړې
اروپايي ټولنې څرګنده کړې، چې په بغلان، بدخشان او تخار ولایتونو کې له سېلاب ځپلیو سره یې د بشري مرستو د رسولو لپاره ۴۰۰ زره یورو ( څه باندې ۳۰ میلیون افغانۍ) ځانګړې کړي دي.
د دې بنسټ د نننۍ (سې شنبه د غبرګولي لومړۍ ) خبرپاڼې له مخې؛ يادې مرستې به د اکتيډ او ډاکار موسسو لهخوا وړاندې شي، چې په کې نغدو پيسو، پاکو اوبو او پاکوونکیو توکو ته لاسرسي شته دی.
اروپايي ټولنې دا يادونه هم کړې، چې له ۱۹۹۴ ز. کال راپدیخوا يې په افغانستان کې د بشري مرستو په برخه کې مالي مرستې کړي او تر اوسه يې نږدې یو اعشاریه اته ميليارډ يورو مرسته کړې ده.
دغه راز دې ټولنې یوازې تېر کال د بشري مرستو په برخه کې ۱۵۹ میلیون یورو مرسته کړې. سربېره پر دې اروپايي ټولنې له ۲۰۲۱ ز. کال راپدیخوا د ۳۵ الوتنو له لارې افغانستان ته ۱۶۰۰ ټنه مرسته رالېږلې ده.
-
لوبی3 days ago
راشد خان د افغان بیسیم مخابراتي شرکت رسمي سوداګریز سفیر شو
-
تازه خبرونه5 days ago
جاپان د افغانستان له سیلاب ځپلیو سره د بېړنیو مرستو ژمنه وکړه
-
تازه خبرونه2 days ago
په افغانستان کې د وروستیو سیلابونو له کبله ۵۴۰ کسان مړه شوي – م.م
-
نړۍ2 days ago
د سعودي او امریکا چارواکو په غزه کې پر جګړه او دوه اړخیزې هوکړې خبرې وکړې
-
تحول5 days ago
تحول: د چین له سفیر سره د ریاست الوزراء د سیاسي مرستیال لیدنه
-
څار5 days ago
څار: د افغانستان په اړه سیمهییزه اجماع
-
سیمه ییز خبرونه1 day ago
د ایران ولسمشر ابراهیم رییسي د چورلکې د راغورځېدو په پېښه کې مړ شو
-
روغتيا2 days ago
قطر له افغانستان سره پر زړه د سوریو ماشومانو د درملنې هوکړهلیک لاسلیک کړ