تازه خبرونه
د افغانستان او پاکستان ترمنځ د کړکېچ دوام هیڅ لوري ته ګټه نهلري – ذبیحالله مجاهد
مجاهد، چې نن یې د «حکومت د رسنیو په هېنداره کې» نومي پروګرام کې خبریي ناستې ته ویلي؛ اسلامي امارت نه غواړي له هیڅ هېواد سره سیاسي او اقتصادي کړکېچ رامنځته شي.
د اسلامي امارت ویاند ذبیحالله مجاهد ویلي؛ د افغانستان او پاکستان ترمنځ د کړکېچ دوام د دواړو هېوادونو په ګټه نهدی او اسلامي امارت هڅه کوي، چې د کابل او اسلامآباد ترمنځ شته ستونزې د خبرو او رغنده تعامل له لارې اوارې کړي.
مجاهد، چې نن یې د «حکومت د رسنیو په هېنداره کې» نومي پروګرام کې خبریي ناستې ته ویلي؛ اسلامي امارت نه غواړي له هیڅ هېواد سره سیاسي او اقتصادي کړکېچ رامنځته شي.
د نوموړي د څرګندونو له مخې، پاکستان د افغانستان د ټرانزیټي لارو له تړلو سره افغان سوداګرو او د دواړو هېوادونو ترمنځ سوداګرۍ ته ستونزې جوړې کړې دي.
هغه وایي:« وروستۍ هڅې روانې دي، چې د دغو ستونزو د بنسټیز اواري لپاره اغېزمن ګامونه پورته شي.»
د اسلامي امارت ویاند د خپلو خبرو په بله برخه کې «متحدې جبهې» نومې ډلې ته په نغوته کې ویلي، دغه ډله یوازې په ټولنیزو رسنیو کې فعالیت لري او د افغانستان دننه اغېزناک حضور نهلري.
ذبیحالله مجاهد زیاته کړې، افغان امنیتي ځواکونه به هیچا ته اجازه ورنهکړي، چې د هېواد امنیت او ثبات وګواښي.
هغه همداراز ویلي، ورته ډلو پخوا هم په بېلابېلو نومونو په افغانستان کې فعالیت کاوه او اوس یې یوازې نومونه بدل کړي دي.
د اسلامي امارت ویاند ټینګار کړی، چې د کورني امنیت ټینګښت او له ګاونډ هېوادونو سره د باثباته اړیکو ساتل د اسلامي امارت له لومړیتوبونو څخه دي.