تازه خبرونه
د افغانستان دولتي او خصوصي کارکوونکي شغلي خوندیتوب نلري
د سوداګرۍ او صنعت وزیر نثاراحمد غوریاني د کارموندنې نړیوالې اوونۍ په مناسبت په جوړو شویو مراسمو کې اندېښنه وښوده، چې د حکومتي او خصوصي بنسټونو کارکوونکي کاري ډاډ او امنیت نلري.
نوموړي څرګنده کړې: د افغانستان په دولتي او خصوصي ادارو کې کارکوونکي له سختو شرایطو سره مخ دي؛ باید د ګومارنې پر کړنلارې له سره غور وشي او شغلي خوندیتوب ورته رامنځته شي.
د سوداګرۍ او صنعت وزیر نثار احمد فیضي غوریاني په ډاګه کړې: مونږ له هغو سوداګرو، چې پانګې یې له هېواده ایستلي؛ د بېرته راستنولو غوښتنه کوو. مونږ چمتو یو د خپل سوداګر تر حنګه د یو ساتونکي په توګه ودریږو او له هغو څخه لکه ورور ساتنه وکړو.
په افغانستان کې د دندې نشتوالی د ستونزې یو اړخ دی؛ خو یو شمېر سوداګر وایي؛ تحصیلي بنسټونه نشي کولی، چې خصوصي دندو ته د اړتیا وړ کسان وړاندې کړي.
پانګوال ذبیح الله زیارمل وایي: ځوان، کوچني او منځني متشبثین د یوه هېواد د ملا تیر جوړوي.
په افغانستان کې پر دولتي بنسټونو سربېره زرګونه کسان په خصوصي بنسټونو کې پر کارونو اخته دي.
د خصوصي سکتور غړي وايي، چې دولت یې ملاتړ نکوي؛ نو، ځکه دوی هم نشي کولی په دوامداره توګه کارکوونکي له ځان سره وساتي.
د ولسي جرګې غړې ناهید فرید په دې اړه وایي: زه له همدې پتې، چې د سوداګرۍ وزارت دی؛ په افغانستان کې د خصوصی سکتور راتلونکې ته دېره هیله منه یم.
په افغانستان کې پېنځلس میلیون وګړي پر کاري شرایطو برابر دي؛ خو اته میلیون یې بېکاره او اووه میلیون نور په مقطعي ډول کارونه ترلاسه کولی شي.
دا په داسې حال کې ده، چې نوي فارغ شوي زدکړیالاند کاري زمینو له نشتوالي سرټکوي او وایي، چې د استخدام په بهیر کې اړیکې غوروالی لري.
تازه خبرونه
د ازبکستان بشري مرستې بلخ ته راورسېدې
نن پنجشنبه ( د غویي شپږمه ) له ازبکستان څخه د بشري مرستو یوه ټولګه د بلخ په سوداګریز بندر حیرتان کې د دې ولایت سیمهییزو چارواکو ته وسپارل شوه.
د سیمهییزو چارواکو د څرګندونو له مخې؛ په دغو مرستو کې ۶۰ ټنه خوراکي توکي( اوړه، غوړي، غنم، بوره او غوښه ) شته، چې د ازبکستان د سرخاندریا د والي لهخوا د بلخ چارسمبالي والي ته سپارل شوې ده.
د سرخاندریا والي د دغو مرستو موخه د افغانستان له خلکو ملاتړ یاد او د دواړو هېوادونو ترمنځ يې د ښو اړيکو پر پراختيا ټينګار څرګند کړ.
په تېرو دوه کلونو کې دا څووم ځل دی، چې ازبکستان افغانستان ته دا ډول مرستې را لیږي.
کابل او تاشکند دا مهال ښې اقتصادي او سیاسي اړیکي لري او دا دواړه هېوادونه په پام کې لري، چې په روان کال کې د افغان ټرانس د اوسپنې پټلۍ کار هم پیل کړي.
تازه خبرونه
په سیمه او هېواد کې امنیتي پېښې وارداتي دي – امیر خان متقي
نن پنجشنبه ( د غویی شپږمه ) د اسلامي امارت بهرنیو چارو وزارت چارسمبالي امیرخان متقي د افغان-قزاق نندارتون د پرانیستې په مراسمو کې د افغانستان او سیمې امنیتي پېښې وارداتي یادې کړې دي.
نوموړي په دې اړه په خپلو خبرو کې ویلي: متاسفانه زمونږ درې ګاونډي هېوادونه په نوبت سره؛ په یوه هېواد کې د داعش لپاره بشري قوه او افراد تیاریږي؛ مونږ او تاسې ولیدل، چې د نړۍ په بېلابېلو برخو کې یې پېښې تر سره کړې.
بل هېواد د هغې لارې پر سر پروت دی، چې امن خرابوونکي افراد ترې راتېریږي.
او بل هېواد بیا په خپله خاوره کې دوی ته د مرکزیت، د تمویل او پلان جوړونې مراکز ورکړي دي. که دا درې هېوادونه خپل مسوولیت ادا کړي؛ په افغانستان او سیمه کې هیڅ مشکل نشته.
ویل کیږي، چې بد امني پر ګډه همکارۍ او همغږۍ له منځه وړل کیږي.
تازه خبرونه
له اسلامي امارت سره نړیوالې اړیکې ورځ تر بلې پراخیږي – ذبیح الله مجاهد
د اسلامي امارت ویاند ذبیح الله مجاهد افغانستان ته د ګڼشمېر ډیپلوماټیکو استازو راتګ او نورو هېوادونو ته د افغان لوړ پوړیو چارواکو سفرونو ته په نغوته کې ويلي، چې اسلامي امارت په پراخه کچه منل شوی؛ اړیکې ورسره خوندي او لیدنې یې روانې دي.
ذبیح الله مجاهد زیاته کړې؛ له اسلامي امارت سره د نړۍ د هېوادونو اړیکې ورځ تر بلې پراخېږي او اغېزمنتیا یې مخ پر ډېرېدو ده.
د اسلامي امارت ویاند ټینګار کړی: د ځینو خلکو او کړیو دا تصور، چې افغانستان انزوا ته تلی او اقتصاد یې مخ پر خرابېدو دی او له نورو هېوادونو سره یې اړیکې نشي خوندي کېدی؛ ټول دروغ ثابت شول.
د نوموړي د څرګندونو له مخې؛ اوس څرګنده شوه، چې افغانستان له سیاسي او اقتصادي پلوه د ودې او پراختیا پر لوري چټک ګامونه اخلي او دا هڅې به نورې هم ګړندۍ شي.
-
تازه خبرونه2 days ago
وروستیو سیلابونو په افغانستان کې ۱۵۰۰ کورنیو ته زیانونه رسولي
-
نړۍ4 days ago
د جاپان دوه پوځي چورلکې بحر ته وغورځېدې
-
تازه خبرونه4 days ago
د پاکستان سرحدونو وزیر د افغان کډوالو پر باعزته ستنېدا ټینګار وکړ
-
نړۍ2 days ago
د مالیزیا بحري ځواکونو د چورلکو په ټکر کې ۱۰ کسان مړه شول
-
لوبی3 days ago
عینو مېنې، استقلال کابل او اټکانرژي فوټبال لوبډلې، خدیم افسي مات کړل
-
تازه خبرونه2 days ago
راشد خان د افغان بیسیم سوداګریز سفیر شو
-
لوبی2 days ago
د موج ساحل لوبغاړي د جوانان واحدي لوبډلې پر وړاندې زړهراکښونکی ګول ترسره کړ
-
سیمه ییز خبرونه3 days ago
د ایران ولسمشر پر درې ورځني سفر پاکستان ته ولاړ