تازه خبرونه
د افغانستان د لوړو زدهکړو وزیر د خبرو اترو لپاره عمان ته روان شو
د لوړو زدهکړو وزارت د معلوماتو له مخې؛ په دې سفر کې به له اړوند عماني چارواکو سره لیدنې ترسره شي، چې په کې به د علمي همکاریو پر پراختیا، علمي تجربو تبادلې، لوړو زدهکړو بنسټونو ترمنځ د اړیکو ټینګښت او د افغانستان او عمان ترمنځ د تعلیمي تعاملاتو پراخولو خبرې وشي.
د اسلامي امارت د لوړو زدهکړو وزیر ندا محمد ندیم د یکشنبې پر ورځ( د مرغومي یوویشتمه ) عمان ته ولاړ، چې د دواړو هېوادونو ترمنځ علمي همکاري پراخه او پیاوړې کړي.
د لوړو زدهکړو وزارت د معلوماتو له مخې؛ په دې سفر کې به له اړوند عماني چارواکو سره لیدنې ترسره شي، چې په کې به د علمي همکاریو پر پراختیا، علمي تجربو تبادلې، لوړو زدهکړو بنسټونو ترمنځ د اړیکو ټینګښت او د افغانستان او عمان ترمنځ د تعلیمي تعاملاتو پراخولو خبرې وشي.
همدارنګه ټاکل شوې، چې ندا محمد ندیم او ورسره مل پلاوی به د لوړو زدهکړو په برخه کې د دوهاړخیزو همکاریو د پیاوړتیا لپاره په عمان کې له یو شمېر علمي او تعلیمي بنسټونو څخه لیدنې وکړي.