سیمه ییز خبرونه
د افغانستان مشران باید د امنیتي تړون د نه لاسلیک کولو منفي اغېزې له پامه ونه غورځوي
د ناټو سرمنشی وایی، که کابل سمدستي له واشنګټن سره امنيتي سند لاسليك نه كړي، د ۲۰۱۴ كال په پاى كې به له افغانستان څخه د نړيوالو ځواكونو د وتلو په صورت كې د افغان حكومت لپاره ګرانه وي، چې د خپل ۳۵۲ زره كسيز ځواك لګښتونه پوره كړي.
داسې ښكاري، چې د كابل – واشنګټن پرامنيتي سند ناندرۍ جدي بڼه خپلوي. د دې سند پر سرتازه څرګندونو كې د ناټو سرمنشي اندرس فوګ راسموسن ويلي، كه كابل او واشنګټن په خپلو كې سمدستي امنيتي او دفاعي تړون لاسليك نه كړي، د نړیوالو د مالي ملاتړ دوام له خطر سره مخامخ كېږي.
د ناټو سرمنشي اندرس فوګ راسموسن وايي، چې د افغانستان مشران باید د امنیتي تړون د نه لاسلیک کولو منفي اغېزې له پامه ونه غورځوي.
راسموسن همدارنګه وایي (( امنیتي تړون، چې له ۲۰۱۴ کال وروسته د امریکايي او ناټو ځواکونو روزنیز ماموریت لپاره حقوقي بنسټ ټاکي، كه لاسلیک نه شي نو د دې ډېر امکان شته، چې ټول نړیوال ځواکونه له افغانستانه ووځي.))
د ناټو سرمنشي زیاته کړه، چې كه له افغانستان څخه ټول بهرني ځواكونه ووځي، دا به ډېره ستونزمنه وي، چې د افغان ځواکونو لپاره مالي مرسته ولټول شي.
د ناټو سرمنشي همدارنګه ووېل، ((نه پوهېږم، چې د افغانستان دولت به څنګه وکولای شي چې د نړیوالې ټولنې له مالي ملاتړ پرته د خپلو څه باندې ۳۵۰ زرو امنیتي ځواکونو لګښتونه برابر کړي.))
بل خوا د ولسي جرګې غړی محمد عبدو او سياسي كارپوه میاګل خالد وايي، په اوسنيو شرايطو كې له امريكا سره د امنيتي او دفاعي تړون لاسليك د افغانستان په ګټه دى.
دوی وايي، له هغه ځايه، چي افغانستان د ترهګرۍ له خطر سر ه مخا مخ او امنيتي حالت يي هم كړكېچن دى، نو د افغان ځواكونو دروزنې، تجهيز او تمويل په برخه كي د نړيوالې ټولنې ملاتړ ته اړتيا لري.
دوی خبردارى وركوي، چې كه چېرې امنيتي تړون لاسليك نشي، نو افغانستان به يو ځل بيا د اويايمې لسيزې پر څېر حالت سره مخامخ شي.
د ناټو سرمنشي د كابل او ناټو تر منځ د ناټو ځواكونو د حالت د تړون پر سر خبرو كې د پرمختګ هركلى كوي خو وايي، دا تړون هم د كابل- واشنګټن د دوه اړخيز امنيتي او دفاعي تړون له لاسليك سره تړاو لري.
ناټو خبردارى وركوي، چې د امنيتي سند د نه لاسليك په صورت كې به له امنيتي ځواكونو سره د امريكا او ناټو له لوري د كال شاوخوا ۴ ميليارد ډالره مرسته له ګواښ سره مخ شي.
سیمه ییز خبرونه
پوتين د ستراتيژيکو همکاريو د پراختيا لپاره بېجينګ ته رسېدلی
د روسيې ولسمشر ولاديمير پوتين نن (پنجشنبه د غویی اووهویشتمه ) بېجينګ ته پر دوه ورځني سفر رسېدلی دی.
د رویټرز د څرګندونو له مخې؛ پوتین به چین ته په خپل سفر کې له خپل چینايي سیال شي جینپینګ سره د ستراتیژیکو همکاریو د پراختیا په اړه خبرې وکړي.
مسکو د دوه ځواکمنو هېوادونو ترمنځ، چې د امریکا “ژیوپولیټیک” سیالان دي؛ “ستراتیژیکه ملګرتیا” پراخه کړي.
پوتين له شينهوا خبري اژانس سره په مرکه کې له شي جينپينګ څخه مننه وکړه، چې له روسيې سره يې د ملي ګټو او متقابل باور پر بنسټ د همکارۍ په جوړولو کې مرسته کړې ده.
د روسیې ولسمشر زیاته کړې: مونږ به هڅه وکړو، چې د صنعت او پرمختللې ټکنالوژۍ، فضا او سوله ییزې اټومي انرژۍ، مصنوعي ځیرکتیا، د نوي کیدونکي انرژۍ د سرچینو او نورو نوښتګرو برخو کې نږدې همکارۍ رامنځته کړو.
پوتین د شپږ کلنې دورې له لوړې وروسته د خپل لومړي بهرني سفر لپاره چین وټاکه او غواړي، چې نړۍ ته د خپلو لومړيتوبونو پیغام په ځانګړي توګه له شي جينپينګ سره د لیدنې له لارې وړاندې کړي.
٧١ کلن پوتين او ٧٠ کلن شي جينپينګ به د پخواني شوروي اتحاد د چين د ولسي جمهوريت د پېنځهاویایمې کليزې د نمانځنې په مراسمو کې ګډون وکړي، چې په ١٩٤٩ ز.کال کې د مائو تسهتونګ لخوا اعلان شوی و.
چین او روسیې د ۲۰۲۲ کال په فبرورۍ کې بیجینګ ته د پوتین د سفر پر مهال “غیر محدوده ملګرتیا” اعلان کړه.
امریکا چین د خپل لوی سیال په توګه او روسیه د خپل حکومت او خلکو لپاره تر ټولو لوی ګواښ ګڼي.
په دغه سفر کې پوتین به د چین په شمال ختیځ کې د هاربین ښار ته هم ولاړ شي، چې له روسیې سره ژورې اړیکې لري.
دا سفر په داسې حال کې کېږي، چې چین په وروستیو کلونو کې د امریکا او متحدینو لهخوا یې پر دغو دوه هېوادونو د لګول شویو بندیزونو له کبله له روسیې سره خپلې سوداګریزې او پوځي اړیکې زیاتې کړې دي.
د یادولو ده، چې د لویدیځو هېوادونو مشرانو په ځانګړي توګه امریکا له روسیې سره د بندیزونو په معامله کې د چین رول مهم بللی دی.
سیمه ییز خبرونه
پر رفح د اسرائیلو بریدونه په نړیواله محکمه کې ارزول کیږي
د ملګرو ملتونو د عدالت نړیواله محکمه به د پنجشنبې او جمعې په ورځو کې د جنوبي افریقا پر غوښتنه د غزې د جګړې پر مهال پر رفح د اسرائیلو د بریدونو په اړه بحث وکړي.
د نړیوالې محکمې د څرګندونو له مخې؛ د جنوبی افریقا پر غوښتنه به د غویی پر اووه ویشتمه او اتهویشتمه / د می پر شپاړلسمه او اووهلسمه پر رفح د اسرائیلو پر بریدونو ناستې تر سره شي.
دا غوښتنه د هغو دوسیو یوه اړینه برخه ده، چې سویلي افریقا د جنوري په میاشت کې د اسرائیلو پر وړاندې ثبت شوې او دا هېواد یې په غزه کې د فلسطینیانو پر نسلي وژنې تورن کړی دی.
د یکشنبې پر ورځ مصر له ترکیې او کولمبیا سره د اسرائیلو پر ضد د درېدو غوښتنه وکړه.
د مصر حکومت په نړیواله محکمه کې د اسرائیلو پر ضد له درېدو وروسته اوس له دې رژیم سره د سیاسی اړیکو د کچې پر کمولو غور کوي.
د سکای نیوز د راپور له مخې؛ د مصر حکومت له اسرائیلو سره د سیاسي اړیکو د کمولو په اړه هڅې پیل کړې دي.
د مصر د بهرنیو چارو وزارت د یکشنبې پر ورځ څرګنده کړه، چې هېواد یې په رسمي توګه د جزا په نړیواله محکمه کې د اسرائیلي رژیم پر ضد د جنوبي افریقا له غوښتنې ملاتړ کوي.
د مصر د بهرنیو چارو وزارت ویلي: مونږ یو ځل بیا د ملګرو ملتو له امنیت شورا او نفوذ لرونکیو خواوو غواړو، چې د غزې په تړانګه کې د اوربند د ټینګولو او پر رفح د پوځی عملیاتو د بندولو لپاره بېړنۍ هڅې وکړي.
د جرمونو نړیوالې محکمې د تېرې میاشتې په پیل کې پر غزه د صهیونیسټ رژیم لهخوا د ډلهییزې وژنې د ترسره کولو په اړه د جنوبی افریقا پر غوښتنه بیا کتنه وکړه.
دې محکمې له صهيونیسټ رژيم څخه وغوښتل، چې په غزه کې د نسلي وژنې د مخنيوي لپاره ټولې اړینې هڅې ترسره کړي.
دې محکمې امر وکړ، چې په يوه مياشت کې دننه د ټولو هغو اقداماتو راپور نړيوال عدالت ته وړاندې کړي، چې د نسلي وژنې د مخنيوي لپاره يې کړي دي. همداشان د دغې محکمې قاضي ویلي، چې د جزا حکم د صهیونیسټي رژیم لپاره نړیوال مکلفیتونه رامنځته کوي .
د دې ترڅنګ نړیوالې محکمې صهیونیسټ رژیم ته امر وکړ، چې په غزه کې د بېړنیو خدماتو او بشردوستانه مرستو د رسولو لپاره بېړني اقدامات وکړي؛ خو د اوربند رامنځته کولو حکم یې صادر نکړ.
سیمه ییز خبرونه
پوتین د ولسمشرۍ بله ۶ کلنه لوړه وکړه
د روسیې ولسمشر ولادیمیر پوتین د سې شنبې پر ورځ د غویی اتلسمه په کرملین ماڼۍ کې د یو لړ مراسمو پر مهال د دغه هېواد د ولسمشر په توګه خپل نوی شپږ کلن پېر پیل کړ.
پوتین له دې مخکې څلور ځله د روسیې د اساسي قانون د ساتنې لوړه کړې ده.
ولادیمیر پوتین له ۱۹۹۹ ز.کال راپدیخوا د روسیې په سیاسي ډګر کې د ولسمشر یا لومړي وزیر په توګه خپل واک ساتلی دی.
۷۱ کلن پوتین په تېر مارچ کې د روسیې د ولسمشریزو ټاکنو ګټونکی وپېژندل شو.
د هغه تر ټولو نومیالی سیال الکسي ناوالني یوه میاشت مخکې د شمالي قطب په یوه زندان کې ناڅاپه مړ شو.
د الکسي ناوالني میرمنې په یوټیوب کې د ولسمشرۍ د لوړې له مراسمو مخکې یوه ویډیو خپره کړه؛ پوتین یې ظالم او قاتل یاد کړی او له پلویانو یې وغوښتل، چې د پوتین پر وړاندې مبارزه روانه وساتي.
امریکا، بریټانیا او یو شمېر نورو هېوادونو د پوتین د لوړې له مراسمو ډده کړی ده.
د امریکا بهرنیو چارو وزارت ویاند مټیو میلر د دوشنبې پر ورځ ویلي: مونږ به د هغه د لوړې په مراسمو کې استازی ونلرو. مونږ د [روسیې] ټاکنې ازادې او عادلانه نه ګڼو؛ خو پوتین د روسیې ولسمشر دی او په اټکل کیږي، چې خپل کار به روان وساتي.
د آلمان خبري آژانس او د اروپايي اتحاديې د ډيپلوماتانو د څرګندونو له مخې؛ ځينو هېوادونو لکه فرانسې، هنګري او سلواکیا د پوتين د لوړې مراسمو ته د اړیکو د ساتلو لپاره خپل استازي استولي دي.
ولادیمیر پوتین، چې لږ تر لږه ۲۵ کاله په واک کې پاتې دی؛ تر ۲۰۳۰ پورې به د روسیې د ولسمشر په توګه خپلې دندې ترسره کوي.
-
لوبی5 days ago
د کابل کرکټ غوره لیګ لوبغاړو د داوطلبۍ مراسم ترسره شول
-
تازه خبرونه5 days ago
په ننګرهار کې د ناکامورا کانال پروژه بشپړه شوه
-
تازه خبرونه5 days ago
د یوناما استازې د ایران له بهرنیو چارو وزیر سره وکتل
-
سوداگري3 days ago
د صنایعو او سوداګرۍ وزارت چارسمبالي د تاتارستان له ولسمر سره وکتل
-
تازه خبرونه5 days ago
ملګرو ملتونو د دې ټولنې په عمومي ناسته کې د افغانستان د رایې حق وځنډاوه
-
د هوا حالاتو بدلونونه4 days ago
په تېرو ۲ زره کلونو کې د تېر کال اوړی له ټولو تود و – څېړنه
-
نړۍ5 days ago
انټوني بلینکن اوکراین ته رسېدلی
-
سیمه ییز خبرونه4 days ago
پر رفح د اسرائیلو بریدونه په نړیواله محکمه کې ارزول کیږي