Connect with us

تازه خبرونه

د افغانستان وضعیت د سیمې امنیتي ودې او پراختیا ته لومړیتوب لري

نوموړي پر سیمه د افغانستان د وضعیت اغېز ته په نغوته کې زیاته کړې؛ د سیمې امنیتي او اقتصادي پرمختګونه نه یوازې دوه اړخیزې پاملرنې ته اړتیا لري، بلکې د لویو زیربناوو، انرژۍ او ټرانسپورټ په پروژو کې هم د دې هېواد ادغام باید د سیمه‌ییزو پالیسیو په سر کې ځای ولري.

خپور شوی

د

د راپورونو له مخې؛ د مرکزي آسیا د هېوادونو د مشرانو په اوومه مشورتي غونډه کې د ازبکستان ولسمشر شوکت میرضیایف ویلي؛ د افغانستان وضعیت د سیمې امنیتي او اقتصادي پرمختګ ته لومړیتوب لري.

نوموړي پر سیمه د افغانستان د وضعیت اغېز ته په نغوته کې زیاته کړې؛ د سیمې امنیتي او اقتصادي پرمختګونه نه یوازې دوه اړخیزې پاملرنې ته اړتیا لري، بلکې د لویو زیربناوو، انرژۍ او ټرانسپورټ په پروژو کې هم د دې هېواد ادغام باید د سیمه‌ییزو پالیسیو په سر کې ځای ولري.

 هغه د آمو سیند له اوبو څخه د ګټې اخیستنې په اړه ویلي؛ دې اوبو ته لاسرسی د سیمه‌ییزو خبرو اترو له لارې شونی دی.

د مرکزي آسیا هېوادونو د مشرانو اوومه دوه ورځنۍ مشورتي غونډه د لړم پر څلیریشتمه او پېنځه‌ویشتمه د ازبکستان د ولسمشر شوکت میرضیایف پر نوښت د قزاقستان، قرغزستان، تاجکستان، ترکمنستان، آذربایجان د مشرانو او د ملګرو ملتونو د ځانګړي استازي په ګډون د ازبکستان په پلازمېنه تاشکند کې جوړه شوې ده.

تمه ده، چې دا غونډه به نن د یوې ګډې اعلامیې پر خپرولو پای ته ورسیږي، چې په کې به د سیمې له امنیتي او اقتصادي پرمختګونو سره د افغانستان د یوځای پر اړتیا ټینګار څرګند شي.

تازه خبرونه

متقي او خلیلزاد د افغانستان او امریکا د اړیکو پر پراختیا خبرې وکړې

د بهرنیو چارو وزارت د شنبې پر ماښام د خپرې شوې خبرپاڼې له مخې؛ په دې لیدنه کې د بېلابېلو برخو شته فرصتونه او د افغانستان او امریکا د اړیکو اړوند هغه موضوعات وڅېړل شول، چې د دواړو هېوادونو ترمنځ د تعامل په پراختیا کې رول لرلی شي.

Published

on

Last Updated on: وږی ۱۵, ۱۴۰۵

د بهرنیو چارو وزیر امیرخان متقي د افغانستان لپاره د امریکا له پخواني ځانګړي استازي زلمي خلیلزاد سره لیدلي او د افغانستان د اوسني وضعیت او د کابل او واشنګټن ترمنځ د اړیکو د پراختیا پر لارو چارو یې خبرې کړې دي.

د بهرنیو چارو وزارت د شنبې پر ماښام د خپرې شوې خبرپاڼې له مخې؛ په دې لیدنه کې د بېلابېلو برخو شته فرصتونه او د افغانستان او امریکا د اړیکو اړوند هغه موضوعات وڅېړل شول، چې د دواړو هېوادونو ترمنځ د تعامل په پراختیا کې رول لرلی شي.

امیرخان متقي د ثبات، امنیت، اقتصادي ودې او پر ځان بساینې په برخو کې شویو پرمختګونو ته د نغوتې پر مهال ویلي، چې افغانستان اوس د پانګونې لپاره له مناسب چاپېریال څخه برخمن دی.

دغه راز زلمي خلیلزاد په افغانستان کې د شته امنیت، ثبات او بیارغونې په اړه شوي پرمختګونه د ستاینې وړ وبلل او د آبادۍ، اقتصادي ودې او پر ځان‌بساینې په برخو کې د ډېر پرمختګ هیله څرګنده کړه.

خلیلزاد همداراز د افغانستان او امریکا ترمنځ د اړیکو د پراختیا او رغنده تعامل په اړه خپل نظرونه له اړوند لوري سره شریک کړل.

Continue Reading

تازه خبرونه

د بدخشان په واخان کې یو اسټرالیایي سېلانی د زړه له درېدا مړ شو

د فخري د څرګندونو له مخې؛ دغه سېلاني، چې «چارلس» نومېده او د اسټرالیا تابعیت یې درلود، د واخان ولسوالۍ په چپاران سیمه کې یې ژوند له لاسه ورکړ.

Published

on

Last Updated on: وږی ۱۵, ۱۴۰۵

د افغان ټور دولتي شرکت مسوول ظهورالله فخري ويلي؛ یو اسټرالیایي سېلانی د بدخشان ولایت په واخان ولسوالۍ کې د زړه د درېدا له کبله مړ شوی دی.

د فخري د څرګندونو له مخې؛ دغه سېلاني، چې «چارلس» نومېده او د اسټرالیا تابعیت یې درلود، د واخان ولسوالۍ په چپاران سیمه کې یې ژوند له لاسه ورکړ.

نوموړي د دې پېښې د رامنځته کېدا د وخت او د دغه سېلاني د مړي د لېږد په اړه جزئیات نه‌دي ورکړي.

Continue Reading

تازه خبرونه

متقي او ژیرنوف د افغانستان او روسیې د راتلونکو همکاریو په اړه خبرې وکړې

د افغانستان بهرنیو چارو وزارت ویلي، چې په دې لیدنه کې د دوه اړخیزو اړیکو پر پراختیا، ګډو ګټو او د دواړو هېوادونو ترمنځ د اړیکو د پیاوړتیا پر لارو چارو خبرې وشوې.

Published

on

Last Updated on: وږی ۱۵, ۱۴۰۵

 

د روسیې سفیر دیمیتري ژیرنوف نن شنبه په کابل کې د بهرنیو چارو له وزیر امیرخان متقي سره لیدلي دي.

د افغانستان بهرنیو چارو وزارت ویلي، چې په دې لیدنه کې د دوه اړخیزو اړیکو پر پراختیا، ګډو ګټو او د دواړو هېوادونو ترمنځ د اړیکو د پیاوړتیا پر لارو چارو خبرې وشوې.

دواړو لوریو د سیمې د وضعیت په اړه هم د نظرونو تبادله کړې او ټینګار یې کړی، چې په سیمه کې روانو بدلونونو ته پر پاملرنه د افغانستان او روسیې ترمنځ د اړیکو دوام د دواړو هېوادونو پر ګټه دی.

په دې لیدنه کې د دواړو هېوادونو د راتلونکو همکاریو په اړه هم خبرې وشوې او د افغانستان او روسیې د اړیکو پر پراختیا ټینګار وشو.

Continue Reading
Advertisement

Trending

Copyright © 2026 Ariana News. All rights reserved!