د افغانستان په زندانونو کې ناوړه چلند او شکنجې روانې دي

د ماليې وزارت وايي چې د افغان بیسیم د (مای منی) د سیستم له لارې دولتي کارکوونکي کولی شي په ډیره اسانۍ سره له ځانګړو ماشینونو څخهخپل معاشونه ترلاسه کړي.

د مالیې وزارت د چارواکو په وینا د دغه سیستم په سرتاسري کیدو سره به ټول دولتي مامورین په هغو لرې پرتو سیمو کې هم خپل معاشونه د دغه سیستم له لارې تر لاسه کړي چې هلته د بانګونونو نماینده ګۍ هم نه وي.

افغان بیسیسم اوس دغه سیستم په کابل کې په ازمایښتي ډول فعال پیل کړی.

د مالي وزارت چارواکي وايي؛ د هیواد په یو شمیر هغه سیمو کی چې بانکی خدمتونه شتون ونه لري؛ دولتي کار کوو نکي خپلې پیسې د افغان بیسیم د مای منی(زما پیسی) له خدمتونو څخه په پوره ډول تر لاسه کولی شی.

شفیق احمد قاری زاده د مالي وزارت د پلان مرستیال:

“په تیره کی زموږ د مامورینو د معاشونو په اجرا کی بلخصو ص په ولایتونو کی فساد کیده چی ددې سیستم په فعالیدو سره به فسا ختم شی.”

دافغان بیسم مخابراتی شرکت رییس هم وايي چی د نوي سیستم په فعالیت سره مامورین کولی شي له هر ډول فساد پرته او پروخت خپلی پیسی ترلاسه کړی.

د مامورینو معاشونه لومړی دماليي وزارت له خوا بانکونوته استول کیږی او بیا هغه کارکوونکی چې له افغان بیسم سره نوم لیکنه ولري هغوې ته د هیواد په هره برخه کی چې وي پیسې رسول کیږی.

د افغان بیسیم مخابراتی چارواکی وایی د هیواد اوسنیو شرایطو ته په کتو یی دا سیستم جوړکړی دی.

امین رامین دافغان بیسم مخابراتی شرکت رییس

“مونږ اوس په کابل کی دا سستم په ازمایښتي ډول فعال کړی. هر وخت چي دمالیې وزارت وغواړي؛ نورو ولایتونه ته یی استوو. مونږ ۲۰ میلونه کسانو ته د معاشونو د اجرا لپاره سیستم تیار کړی ده.“

په ورته وخت کي د نوي کابل بانک رییس احمد ضیا ضیا هم وايي چی د دغه سیستم په فعالیدو سره به د معاشونو په برخه کی د دولتی کارکوونکو ستونزې ډیرې راکمې شي.

احمد ضیا ضیا دنوي کابل بانک رییس:

“په ډاډ سره ویلای شم چې د دې سیستم په فعالیدو سره به د مامورینو معاشونه له هر ډول لاسوهنې وژغورل شي او هر چیري چي وي، خپل معاسونه به تر لاسه کوي.“

دغه سیستم د اوس لپاره په کابل کی فعال دي او د لومړی ځل لپاره د ماليي وزارت ۵۰ تنو مامورینو پکي نوم لیکنه کړې. هغه مامورین چی اوس په نوي کابل بانک او میوند بانک کې حساب ولري، کولی شی چی د افغان بیسیم د مای مني له دي خدمتونو ګټه واخلي.

خبریال: اسلم حجاب