لوبی
د افغانستان کرکټ بورد د ۲۰۲۳ اسیا جام سیالیو ملي لوبډله اعلان کړه
د افغانستان کرکت بورد غوراوي کمیتې د یکشنبې پر ورځ ( د غبرګولي ۵ ) په یوه خبري غونډه کې د افغانستان د ۱۷ لوبغاړو نوملړ اعلان کړ، چې د وږي پر ۸ به په اسیا جام کې ولوبیږي.
د اسیا جام سیالۍ به د وږي پر ۸ / د اګست پر ۳۰ پیل او د وږي تر ۲۶ / د سپتمبر تر ۱۷ نېټې پورې په پاکستان او سریلانکا کې ترسره شي.
محمد سلیم ساپی او عبدالرحمن دوه توپ اچوونکي، چې د پاکستان پر وړاندې په وروستیو سیالیو کې د ملي لوبډلې برخه وه؛ په لوبډله کې ساتل شوي. په داسې حال کې، چې د اسیا جام سیالیو له نوملړه فرید احمد ملک او وفادار مومند ایستل شوي دي.
د هېواد د ملي لوبډلې لوبغاړی عظمت الله عمرزی د ټپي کېدو له کبله له نوملړ څخه ایستل شوی او پر ځای یې د هېواد د ملي لوبډلې دوه نور تکړه غړي ګلبدین نایب او کریم جنت د سیالیو لپاره د لوبډلې برخه ګرځېدلي دي.
د ملي لوبډلې بل تکړه لوبغاړی شرف الدین اشرف هم په دغه نوملړ کې ځای لري، چې د اړتیا له مخې به د ملي لوبډلې لپاره ولوبېږي.
همدارنګه نجیب الله ځدراڼ، چې د زنګون د ټپ له کبله د پاکستان پر وړاندې د ملي لوبډلې له تېرو سیالیو لرې کړای شوی و؛ د اسیا جام لپاره د لوبغاړو په نوملړ کې راغلی دی او تمه ده، چې د کرکت له پیل مخکې به یو ځل بیا لوبو ته چمتو شي.
دغه راز شاهدالله کمال، چې د پاکستان خلاف په وروستیو سیالیو کې د ځدراڼ پر ځای لوبېدلی و؛ د اسیا جام لپاره د لوبغاړو له نوملړ څخه ایستل شوی دی.
د کرکت د ملي لوبډلې د لوبغاړو نوملړ دا دی:
حشمت الله شهیدي (لوبډلمشر)، رحمان الله ګربز (ویکت ساتونکی)، اکرام علي خېل (ویکت ساتونکی)، ابراهیم ځدراڼ، ریاض حسن، رحمت شاه، نجیب الله ځدراڼ، محمد نبي، کریم جنت، ګلبدین نایب، راشد خان، عبدالرحمن، شرف الدین اشرف، مجیب الرحمن، نوراحمد، محمد سلیم ساپی او فضل الحق فاروقي.
آریانا تلویزیون به په ټول هېواد کې د کرکت مینه والو ته هره ورځ د وږي له ۸ ( د چارشنبې له ورځې ) ۱:۳۰ ټولې لوبې تر فاینل( د وږي تر ۲۶) پورې، چې په کولمبو کې ترسره کیږي پر ژوندۍ بڼه خپروي.
په دې سیالیو کې شپږ لوبډلې برخه اخلي، چې په دوه ګروپونو وېشل شوې دي؛ هند، نیپال او پاکستان په الف ګروپ کې او افغانستان، سریلانکا او بنګله دېش په ب ګروپ کې دي.
افغانستان به په ګروپي پړاو کې لومړۍ لوبه د وږي پر ۱۲ / د سپتمبر پر ۳ نېټه د پاکستان په لاهور ښار کې له بنګله دېش سره کوي. له دې وروسته به لوبډله د وږي پر ۱۵ / د سپتمبر پر پېنځمه په لاهور کې هم له سریلانکا سره لوبه کوي.
د لوبو د مهالوېش د پوهېدو لپاره داځای کېکاږئ!
لوبی
افغانستان پر لومړي ځل د فوټسال نړیوال جام ته لار وموندله
د افغانستان فوټسال ملي لوبډلې په پای لوبه کې قرغزستان ته ۵ پر ۳ ماته ورکړه او د ۲۰۲۴ کال د فوټسال نړیوال جام ته یې لار پیدا کړه.
دا لومړی ځل دی، چې افغانستان د فوټسال نړیوال جام ته لار مومي.
ټاکل شوې، چې د فوټسال نړیوال جام لسم پړاو به د ازبکستان پر کوربتوب د ۲۰۲۴ کال د سپټمبر پر څوارلسمه پیل شي.
په دې سیالیو کې به څوارلس لوبډلې برخه واخلي؛ افغانستان، فرانسه، نیوزیلنډ او تاجکستان هغه لوبډلې دي، چې د لومړي ځل لپاره یې د فوټسال نړیوال جام ته لار وموندله.
لوبی
په آسیا اتلانو لیګ کې موج ساحل ۲-۱ سرسبز یاشلر او سورخ پوشان ۶ -۰ میوند مات کړل
د شنبې په ورځ په کابل کې د آسیا اتلانو لیګ په پېنځلسمه لوبه کې موج ساحل لوبډلې سرسبز یاشلر هغې ته ۲ـ۱ او پر همدې ورځ د دغو سیالیو په شپاړلسمه لوبه کې سورخ پوشان لوبډلې میوند ته ۶ـ۰ماتې ورکړې.
د موج ساحل لپاره صنعنان رحیمي او عصمت الله هدفمند دوه ګولونه ووهل.
د سرسبز یاشلر یوازنی ګول محمد ناصر نیازي تر سره کړ.
د میوند لوبډلې پر وړاندې سرخ پوشان لوبډلې ۶ ګولونه وول، چې حبیب الله هوتک ۱، سمیر میرزي ۱، حمیر امیري ۱، امید رجبي ۲ او لوبډلمشر فرهاد عليزاده ۱ ګولونه ترسره کړي دي.
د یکشنبې پر ورځ به استقلال کابل له عدالت فراه سره د غرمې ير ۱:۰۰ او خدیم له جوانان واحدي سره له غرمې وروسته پر ۳:۳۰ بجو لوبیږي.
دغه سیالۍ له آریانا ټلویزیون څخه پر ژوندۍ بڼه خپریږي.
لوبی
اټکانرژۍ لوبډلې په نهمه سیالۍ کې سرخپوشانخوافي ته ۱ـ ۰ ماتې ورکړه
د افغانستان اتلانو لیګ په نهمه سیالۍ کې د چارشنبې پر ورځ ( د غویی پېنځمه) اټکانرژۍ افسي لوبډلې سرخپوشانخوافي ته یو د صفر پر توپیر ماتې ورکړه.
حسیب احدي د اټکانرژۍ غوره لوبغاړی شو او د لوبډلې لپاره یې ګټونکی ګول وواهه.
دغه راز د دې سیالیو په لسمې لوبه کې استتقلال کابل بریالی شو، چې موج ساحل ته ۲ پر ۱ ماتې ورکړي.
په دې لوبه کې شاداب ملکزاده غوره لوبغاړی ونومول شو.
د پنجشنبې پر ورځ ( د غویی شپږمه ) یوه نیمه بجه د افغانستان اتلانو لیګ د درېیم پړاو په یوولسمه سیالۍ کې خدیم افسي د میوند افسي پر وړاندې لوبیږي او دغه راز په همدې ورځ درې نیمې بجې د دې سیالیو دولسمه لوبه د جوانان واحدي او عدالت فراه لوبډلو تر منځ پیلیږي.
د یادونې ده، چې دا سیالۍ له آریانا تلویزیون څخه پر ژوندۍ بڼه خپریږي.
-
نړۍ3 days ago
د فلسطین پر رفح ښار اسرائیلي ځواکونو د ځمکنيو بریدونو ګواښ وکړ
-
تازه خبرونه5 days ago
راشد خان د افغان بیسیم سوداګریز سفیر شو
-
لوبی3 days ago
اټکانرژۍ لوبډلې په نهمه سیالۍ کې سرخپوشانخوافي ته ۱ـ ۰ ماتې ورکړه
-
سیمه ییز خبرونه4 days ago
د غزې په شمال کې د قحطۍ خطر ډېر دی
-
سیمه ییز خبرونه3 days ago
امریکا دې د بشري حقونو په اړه دوه ګوني سیاست ودروي – ترکیه
-
لوبی4 days ago
ابو مسلم فراه اوومه لوبه له خراسان فاریاب لوبډلې څخه ۶ د صفر پر توپیر وګټله
-
تازه خبرونه5 days ago
د اسلامي همکاریو ټولنې پلاوي د اروپايي ټولنې له استازې سره ولیدل
-
تازه خبرونه4 days ago
ایران او پاکستان په افغانستان کې پر ترهګرو ډلو اندېښنه څرګنده کړه