تازه خبرونه
د افغان مهاجرینو له راستنېدو سره په ننګرهار کې د کورونه کرایه لوړه شوه
په ننګرهار ولایت کې خلک له راستنېدونکیو کډوالو سره په مرکزي ښار کې د کورونو د کرایو د لوړوالي شکایت کوي او له حکومته غواړي، چې د کورونو کرايې دې وڅارل شي.
له هغې وروسته، چې د تورخم له لارې د پاکستان لهخوا د افغان کډوالو د شړلو لړۍ چټکه شوه؛ ورسره همهاله د ننګرهار د مرکزي ښار جلالآباد اوسیدونکی کاتب خان شکایت کوي، چې د کورونو کرايه لوړي شوې ده.
د جلال اباد ښار یو بل اوسیدونکی محمد حسین د دې ترڅنګ، چې له حکومته د کرایو د کنترول غوښتنه کوي؛ د کورنو او رهنماګانو له خاوندانو هم غواړي، چې زړه سوی وښيي او د کورونو د کرایو د لوړېدو پر ځای دې د راستنیدونکیو کډوالو لپاره کرايه راکښته کړي.
د ننګرهار عدليې او ښاروالۍ ریاستونود کورونو د کرایو د لوړېدو د مخنيوي برخه کې له یو لړ اقداماتو خبرورکوي او د امربالمعروف او نهي عن المنکر ریاست محتسبین هم کوڅو او جوماتونو ته ځې او په دې اړه خلکو ته په دې اړه معلومات ورکوي.
د ننګرهار عدليې ریاست د انسجام امر ګل زمان ناصح وايي؛ له همدې اندېښنو وروسته يې د ښار د نهه ناحيو او رهنمګانو له استازیو سره ناسته کړې او هغو ورسره منلي، چې کرايي به نه لوړوي.
دوي وايې همدراز يې څار دوام لري او که څوک سرغړوني وکړي قانوني چلند به ورسره وکړي.
د څلورمې ناحيې د امرباالمعروف او نهي عن المنکر محتسب صاحب الله نعماني وایي؛ د جلالآباد ښار د بېلابېلو ناحیو محتسبین هم کوڅه پر کوڅه او جومات پر جومات ګرخي او خلکو ته د راستنېدونکیو کډوالو سره له شفقته ډکې لارښوونو ترڅنګ په کرایو کې د نرمښت بیانونه کوي.
ویل کیږي، چې په ټولو ناحيو کې د کرایو د لوړوالي د مخنیوي هڅې روانې دي.
تازه خبرونه
قزاقستان د اسلامي امارت نوم د ترهګرۍ له نوملړه وویست
د قزاقستان ولسمشر قاسم جومارت توکایوف ویلي، چې هېواد یې د اسلامي امارت نوم د ترهګرو له نوملړ څخه ایستلی دی.
د قزاقستان د رسنیو د راپورونو له مخې؛ جومارت توکایوف دغه څرګندونې د ګډ امنیتي تړون ټولنې د غړیو هېوادونو د غونډو له رییسانو سره په کتنه کې کړي دي.
نوموړی وایي، چې دغه پرېکړه له افغانستان سره د سوداګریزو او اقتصادي همکاریو د پراخېدا او پدې د پوهېدا په خاطر، چې د اسلامي امارت حکومت اوږدمهاله دی؛ رامنځته شوې ده.
هغه همداراز ټینګار کړی، چې په سیمهییزو اړیکو کې د اسلامي امارت فعاله ونډه ستراتیژیک لومړیتوب دی.
تازه خبرونه
پاکستان ولې له افغانستان سره په پوله کې د ترهګرو د راتګ مخنیوی نهکوي؟
د پاکستان د جمعیت علمای اسلام مشر مولانا فضل الرحمان پر افغانستان د پاکستان د ناامنۍ پر پړه اچونې نیوکه کړې او څرګندوي، چې که ترهګر له افغانستان څخه پاکستان ته راننوځي؛ نو ولې یې مخه نه نیول کېږي.
نوموړي د پنجاب ایالت یوې غونډې ته په وینا کې ویلي؛ په پاکستان کې د حکومت له هڅو سره – سره ترهګري زیاته شوې ده.
هغه زیاته کړې: اوس خپله ناکامي پټوي او وايي، چې د افغانستان حکومت په پاکستان کې د ترهګرۍ پر ملاتړ پړ دی. ولې؟ ځکه ترهګر له هغه ځایه راځي. که له هغه ځایه راځي؛ نو بیا باید له پولې را تېر شوي وي. تاسې په سرحد کې چیرته یاست، چې مخه یې ونیسئ؟
مولانا فضل الرحمن په ډاګه کړې، چې د پاکستان پخواني ولسمشر پرویز مشرف د پاکستان هوايي اډې امریکا ته د “افغانانو د بریدونو” لپاره ورکړې وې.
هغه ویلي: کله هم هغو له تاسې شکایت کړی، چې ولې الوتکې ستاسې له هوایي ډګرونو راالوځي او پر موږ برید کوي؟” هغو ستاسې د الوتکو او بمبارډ په اړه شکایت ندی کړی. تاسو شل کاله د زرګونه خلکو ژوند مو تباه و برباد کړ. قبایل مو تبا او برباد کړل؟ آیا تاسې پوهیږئ؛ هغه کسان، چې په سرحدي سیمو کې اوسیږي پاکستانیان دي او د پاکستان له ادارو کرکه لري او غواړي، چې د پاکستان له ادارو سره جګړه وکړي؟ آیا بل څوک پر هغې کرکې پړ دی، چې خپله مو رامنځته ګړې ده؟
پاکستانيو چارواکو تل ادعاوې کړي، چې په پاکستان کې بریدونه له افغانستان څخه پلانېږي او عاملین یې له افغانستان څخه پاکستان ته راننوځي.
دا په داسې حال کې ده، چې اسلامي امارت تل دغه ادعاوې رد کړي او څرګندوي، چې افغانستان د پاکستان د “امنیتي ناکامۍ” مسوول ندی.
تازه خبرونه
اندونیزیا افغانستان ته د روغتیايي همکاريو او تحصیلي بورسیو ډاډ څرګند کړ
د اندونیزیا د سرې میاشتې او د جوماتونو شورا رییس او د اندونیزیا د ولسمشر پخواني مرستیال محمد یوسف کالا او مل پلاوي یې په کابل کې د افغانستان له بهرنیو چارو وزیر امیر خان متقی سره ولیدل.
په کتنه کې د افغانستان او اندونیزیا ترمنځ پر سیاسي، اقتصادي، سوداګریزو او د ولسونو ترمنځ د دوه اړخیزو اړیکو پر پراختیاخبرې شوې دي.
بهرنیو چارو وزارت څرګنده کړې؛ محمد یوسف کالا په دغې لیدنه کې ویلي، چې اندونیزیا له افغانستان سره د روغتیا په ګډون په بېلابېلو برخو کې همکاري غواړي او افغان زدهکړیالانو ته تحصیلي بورسیې ورکوي.
دغه راز امیرخان متقي ویلي، چې افغانستان د خپل ستراتیژیک موقعیت له مخې چمتو دی، چې د منځنۍ او جنوبي آسیا ترمنځ پانګونې ،سوداګریزۍ او ټرانزیټ اسانتیاوې رامنځته کړي.
امیر خان متقي زیاته کړې؛ افغانستان اوس د سیمې له هېوادونو سره د همغږۍ له مخې پر سترو سیمهییزو اقتصادي پروژو کار کوي، چې په کې د کاسا ۱۰۰۰ د انرژۍ پروژه، ټاپي او افغان- ټرانس شامل دي.
په دې پلاوي کې د قوانینو او بشري حقونو پخوانی وزیر عبدالحمید اول الدین او د اندونیزیا د انرژۍ او کانونو پخوانی وزیر سعید سودیرمن هم د سرې میاشتې او جوماتونو شورا د رییس محمد یوسف کالا ملتیا کوي.
ویل کیږي، چې له نړیوالې ټولنې سره د افغانستان اړیکې مخ پر پراخېدو دي او غواړي، چې د جنوب ختیځې آسیا له هېوادونو سره هم خپلې اړیکې پراخې کړي.
-
نړۍ5 days ago
اسرائیلي ځواکونو د غزې او مصر د پولې کنټرول هم تر لاسه کړ
-
تازه خبرونه4 days ago
په کابل کې د نجونو کافي خونه او کتابتون پرانستل شو
-
لوبی4 days ago
د افغانستان او عمان ترمنځ د کرکټ روزنیزه لوبه بې پایلې پای ته ورسېده
-
لوبی1 day ago
امریکا د جونز پر غوره توپوهنې د ۲۰ اوریز نړیوال جام لومړۍ لوبه له کاناډا وګټله
-
تازه خبرونه5 days ago
د زدهکوونکیو د خوراکي خوندیتوب لپاره ۱۰ میلیون یورو مرسته کیږي – اروپايي ټولنه
-
تازه خبرونه5 days ago
د اروپايي ټولنې او قطر استازو د افغانستان په اړه خبرې وکړې
-
نړۍ2 days ago
د جنوبي کوریا خلک دې د شمالي کوریا د رالېږل شویو بالونونو په اړه پوځ یا پولیس خبر کړي – چارواکي
-
تحول4 days ago
تحول: د افغانستان لپاره په دوحه کې د درېیمې ناستې جوړېدا