د امریکا بریدونو ممکن د ایران اټومي پروګرام یوازې څو میاشتې ځنډولی وي

د امریکا د استخباراتي لومړني ارزونې سره د بلد درې سرچینو د څرګندونو له مخې؛ تېره اوونۍ د ایران پر درې اټومي تاسیساتو د امریکا پوځي بریدونو د دې هېواد د اټومي پروګرام مهمې برخې ویجاړې کړې ندي او ممکن څو میاشتې ځنډېدلې وي.

د راپور دا ارزونه، چې مخکې نده ورکړ شوی؛ د دفاعي استخباراتو ادارې (DIA) د پنټاګون د استخباراتي څانګې لخوا چمتو شوې ده.

یوې سرچینې ویلي، چې دا شننه له بریدونو وروسته د امریکا مرکزي قومندې (CENTCOM) لخوا د جګړې د زیان د ارزونې پر بنسټ ترسره شوې ده.

سایټونو ته د زیان او د ایران پر اټومي پروګرام د بریدونو د اغېزو شننه روانه ده او ممکن د نورو معلوماتو پر تر لاسه کولو بدلون ومومي؛ خو لومړنۍ موندنې د امریکا د ولسمشر ډونالډ ټرمپ له تکراري ادعاوو سره په ټکر کې دي، چې بریدونو د ایران د غني کولو تاسیسات بشپړ ویجاړ کړي دي.

له ارزونې سره بلد دوه سرچینو ویلي، چې د ایران د غني شوي یورانیمو زیرمه نده ویجاړه شوې او سنټرفیوجونه په لویه کچه روغ پاتې دي. په هر حال ارزونه دا ده، چې امریکا د ایران پروګرام تر ډېره حده څو میاشتې ځنډولی دی.

سپینې ماڼۍ دا ارزونه تائید کړه؛ خو وایي، چې ورسره مخالف دی.

د سپینې ماڼۍ ویاندې کارولین لیویټ په یوه نا تائید شوې خبرپاڼه کې CNN ته ویلي: “دا ادعا شوې ارزونه بشپړه تېروتنه ده او د فوق العاده پټې طبقه بندۍ سره – سره، د استخباراتو په ټولنه کې د یو نامعلوم او ټیټ رتبه عنصر لخوا CNN ته افشا شوې ده. د دې ادعا شوي راپور خپرېدل د ولسمشر ټرمپ د سپکاوي او د هغو زړورو پیلوټانو د بدنامولو لپاره یوه ښکاره هڅه ده، چې د ایران د اټومي پروګرام د ویجاړولو لپاره یې بې عیبه ماموریت ترسره کړی. هرڅوک پوهیږي، چې کله ۳۰ پونډه ۱۴بمونه پخپلو موخو راکښته شي؛ نو څه پېښیږي: بشپړه ویجاړتیا!”