تازه خبرونه
د امریکا له خاورې د ستورمزلو استول په بریالیتوب تر سره شول
د امریکا ځانګړيو فضایي خدماتو رامنخته کوونکي فضایی شرکت په سپیس اکس فضایي بېړۍ کې دوه ستور مزلي فضا ته واستول.
د دوی دغه توغندی د شنبې پر ورځ په ځایي وخت له غرمې ورسته ۳:۲۲ د فلوریډا د کنیډي له فضایي مرکزه وتوغول شو.
دا په تېره یوه لسیزه کې د دې هېواد له ځمکې څخه د راګرزیدو لومړنی انساني سفر دی.
We did it 🚀
In partnership with @SpaceX, we successfully launched @NASA_Astronauts to space from U.S. soil. Here’s a recap of today’s historic #LaunchAmerica mission with @AstroBehnken and @Astro_Doug who are on their journey to the @Space_Station : https://t.co/Y0vkPwKJSp pic.twitter.com/oJlMl20Cci
— NASA (@NASA) May 31, 2020
د ناسا مشر جیم بریډنسټین ویلي؛ اوس مو له ۹ کلونو وروسته امریکایي ستورمزلي پر امریکایي توغندیو له امریکا وتوغول.
ناسا په ډاګه کړې، چې د سپیس اکس دا الوتنه به د عامه ټرانسپورټي سیسټم د ډاډمنولو لپاره وروستۍ هڅه وي.
ناسا دا هم په ډاګه کړې، چې ستور مزلي به د خپل ماموریت په بهیر کې د فضایي چاپیریال د څارنې سیسټم ، څرګندوونکي، د ځواک څارونکي، ځمکې ته د کښته کیدنې وړتیا او نور ډېر څه تر آزموينې لاندې ونیسي.
د سی ان ان د څرګندونو له مخې؛ ، امریکا په ۲۰۱۱ کال کې د شاټل له فضایي پروګرام وروسته خپل ستورمزلي فضاته نه دي استولي؛ له همغه وخته د ناسا ستور مزلي اړ ول، چې روسیې ته سفر وکړي او په سیوز فضايي مرکز کې زدکړې ترلاسه زدکړې تر لاسه کړي.
کیدی شي، چې دراګون نومې دا فضایي بېړۍ، چې دوه امریکایي ستورمزلي لیږدوي؛ د یکشنبې پر سهار د ځایی وخت پر ۱۰:۱۹ دقیقو نړیوال فضایي مرکزته ورسیږي.
تازه خبرونه
ایران او پاکستان د افغانستان په اړه ګډه اعلامیه خپره کړه
ایران او پاکستان په یوه ګډه اعلامیه کې د یو سولهییز، متحد، خپلواک او له ترهګرۍ او نشهیي توکو قاچاق څخه د پاک افغانستان په اړه پخپلو ژمنو ټینګار څرګند کړی دی.
دواړو لوریو د ترهګریزو ډلو شتوالي ته په افغانستان کې نغوته کړې، چې سیمې او نړۍ ته امنیتي ګواښ دی؛ نو پر وړاندې یې پر مبارزه، همکارۍ او متحدې جبهې جوړولو ټینګار کړی دی.
دوی دغه راز د سیمې د امنیت او ثبات د ډاډمنولو لپاره د سیمهییزې او نړیوالې همغږۍ د اړتیاوو پر اهمیت خبرې کړې دي.
دواړه لوري د افغانستان حاکمیت او ځمکنۍ بشپړتیا ته د احترام کولو تر څنګ څرګندوي؛ د دې هېواد ټولې خواوې باید په بنسټیزو پرېکړو کې ونډه ولري، چې په هېواد کې د سولې او ثبات لامل شي.
تازه خبرونه
له ۱۰۰۰ ډېر افغان مهاجرین له پاکستان څخه جبري وایستل شول
د مهاجرینو چارو وزارت ویلي، چې د غویي پر څلورمه د سپین بولدک له فرضي کرښې څخه ۱۰۰۱ افغان مهاجرین پر جبري بڼه خپل هېواد ته راستانه شول.
د کندهار سپین بولدک سرحدي آمریت د راپور له مخې؛ ۱۹۱ کورنۍ، چې ۹۹۸ کسان دي او درې کسان نور، چې له بنده ازاد شوي؛ په جبري توګه له پاکستان څخه هېواد ته راستانه شول.
د مهاجرینو چارو وزارت د څرګندونو له مخې؛ د مهاجرینو چارو له ریاست سره له نوم لیکنې وروسته د نورو مرستو لپاره د ملګرو ملتونو عالي کمېشنرۍ، د مهاجرت او د خوړو نړیوالې ټولنې دفترونو ته ور وپېژندل شول.
دغه راز له ۱۸ کلونو کم عمره دوه کسان، چې بندیان ول د مرستې لپاره OMPO موسسې ته ور پېژندل شوي.
ویل کیږي، چې له هرې کورنۍ سره د حکومت له لوري لس – لس زره افغانۍ نغدي مرسته هم شوې ده.
تازه خبرونه
د ټرانسپورټ او هوايي چلند وزارت چارسمبالي د ازبکستان په شپږ اړخیزه غونډه کې ګډون وکړ
د ټرانسپورټ او هوايي چلند وزارت چارسمبالي حميدالله اخوندزاده پرون (سې شنبه د غویی څلورمه) د يوه پلاوي پر مشرۍ ازبکستان ته سفر کړی او د دې هېواد پر کوبتوب یې د افغانستان، روسيې، بېلاروس، پاکستان، قزاقستان او ازبکستان هېوادونو ترمنځ په شپږ اړخيزه غونډه کې ګډون وکړ.
د افغانستان پلاوي په دې کتنه کې د نورو هېوادونو له استازیو سره د افغانستان، روسيې، بېلاروس، پاکستان، قزاقستان او ازبکستان هېوادونو ترمنځ د شپږ اړخيز دهليز له لارې د راکړې ورکړې د پراختيا په اړه خبرې وکړې.
د ټرانسپورټ او هوايي چلند وزارت ويلي، چې د دې غونډې په څنډه کې د دغه وزارت چارسمبالي د روسیې او بلاروس د ټرانسپورټ له مرستیالانو سره هم وکتل.
دغه راز د ټرانسپورت او هوايي چلند وزارت چارسمبالي د روسيې او بېلاروس د ټرانسپورټ وزارتونو له مرستيالانو سره د افغانستان او روسيې، افغانستان او بېلاروس ترمنځ د ټرانزيټي لارو د پراختيا او د ټرانسپورټي اسانتياوو د برابرولو په اړه خبرې وکړې.
ویل کیږي، چې د ټرانسپورټ او هوايي چلند وزارت چارسمبالي د افغانستان په چارو کې د ازبکستان د ولسمشر ځانګړي استازي او د ټرانسپورټ له وزیر سره دوه اړخیزې ناستې کړي او د دواړو هېوادونو ترمنځ یې د ټرانزیټ پر پراختیا بحث او خبرې کړې دي.
-
تازه خبرونه2 days ago
وروستیو سیلابونو په افغانستان کې ۱۵۰۰ کورنیو ته زیانونه رسولي
-
نړۍ3 days ago
د جاپان دوه پوځي چورلکې بحر ته وغورځېدې
-
نړۍ2 days ago
د مالیزیا بحري ځواکونو د چورلکو په ټکر کې ۱۰ کسان مړه شول
-
تازه خبرونه3 days ago
د پاکستان سرحدونو وزیر د افغان کډوالو پر باعزته ستنېدا ټینګار وکړ
-
لوبی3 days ago
عینو مېنې، استقلال کابل او اټکانرژي فوټبال لوبډلې، خدیم افسي مات کړل
-
لوبی2 days ago
د موج ساحل لوبغاړي د جوانان واحدي لوبډلې پر وړاندې زړهراکښونکی ګول ترسره کړ
-
سیمه ییز خبرونه2 days ago
د ایران ولسمشر پر درې ورځني سفر پاکستان ته ولاړ
-
تازه خبرونه1 day ago
راشد خان د افغان بیسیم سوداګریز سفیر شو