Connect with us

تازه خبرونه

د اوسني بشري ناورین د حل لپاره باید له اسلامي امارت سره خبرې وشي ـ م.م

خپور شوی

د

د کډوالو په چارو کې د ملګرو ملتونو د عالي کمېشنرۍ مشر فلیپو ګرانډی ویلي، چې د اوسني بشري ناورین د حل لپاره باید نړیواله ټولنه له اسلامي امارت سره دوه اړخیزې خبرې وکړي.

د ملګرو ملتونو چارواکي د افغانستان پر روان وضعیت د اندېښنې له څرګندولو سره وايي؛ د اسلامي امارت چارواکي باید په دې پوه شي، چې افغانستان د ۱۹۹۰ لسیزې هېواد ندی او اوسنی وضعیت بل ډول دی.

له واشنګټن پوسټ سره په مرکه کې د ملګرو ملتونو د کډوالو د عالي کمیشنرۍ  مشر ویلي، چې په افغانستان کې د بشري ناورین د حل لار د نړیوالې ټولنې او اسلامي امارت ترمنځ خبرې دي.

نوموړي ویلي: کله، چې زه په کابل کې وم؛ طالبانو( اسلامي امارت) ته زمونږ پیغام دا و، چې که تاسې غواړئ پیسې مو آزادې کړئ، که غواړئ، چې هېواد مو بېرته خپل لومړنی ملاتړ ترلاسه کړي، نو دواړه لوري باید په دې اړه خبرې وکړي.

هغه  دا موضوع پېچلې وبلله؛ خو د ښځو، نجونو او لږکیو پر حقونو یې ټینګار وکړ او زیاتوي، چې نږدې نیمايي افغانان له قحطۍ سره مخ دي، ۸۰ سلنه روغتیايي سیستم یې فلج دی او ۷۰ سلنه ښوونکي اوس هم معاشونه نلري.

هغه وایي؛ که دا ستونزې اوارې نشي، له شک پرته وړاندویېنه کوم، چې مونږ به نور بې ځایه شوي کسان هم ووینو. مونږ به د سرحدونو او سیمې په اوږدو کې پراخه کډوالي تجربه کړو.

د اسلامي امارت ویاند ذبیح الله مجاهد د دې مسئلې د حل لپاره د صادقانه خبرو اترو له وړاندیز د هرکلی تر څنګ د خبرو له لارې د ستونزو د حل پر اړتیا ټینګار کوي او وایي، نړیواله ټولنه باید د بشري حقونو پر مسله سیاست ونکړي.

د نړیوالې ټولنې، امریکا او د اسلامي امارت د حکومتونو تر منځ یوه له اساسي مسایلو څخه د بشري حقونو په ځانګړي ډول د ښځو د حقونو خوندیتوب، له ترهګرۍ سره مبارزه او د یوه جامع حکومت جوړول دي.

تازه خبرونه

د اسلامي همکاریو ټولنه له اسلامي امارت سره د پړاوایز تعامل د لارې نقشه جوړوي

په دې غونډه کې ګډونوالو د افغانستان د سیاسي بدلونونو او بشري وضعیت په اړه د اسلامي همکاریو ټولنې اړوند مهم موضوعات وڅېړل او له واکمنو چارواکو سره یې د منظم او پړاوایز تعامل لپاره د یوه چوکاټ د رامنځته کولو لارې چارې وڅېړلې.

Published

on

 

د اسلامي همکاریو ټولنې د افغانستان په اړه د وزیرانو د تماس ډلې د جدې ښار په مقدماتي تخنیکي غونډه کې له اسلامي امارت سره د پړاوایز تعامل او اړیکو د تنظیم لپاره د لارې نقشې پر جوړولو بحث او خبرې کړې دي.

په دې غونډه کې ګډونوالو د افغانستان د سیاسي بدلونونو او بشري وضعیت په اړه د اسلامي همکاریو ټولنې اړوند مهم موضوعات وڅېړل او له واکمنو چارواکو سره یې د منظم او پړاوایز تعامل لپاره د یوه چوکاټ د رامنځته کولو لارې چارې وڅېړلې.

د اسلامي همکاریو ټولنې د څرګندونو له مخې؛ دغه چوکاټ د افغانانو د ګټو د خوندي کولو او په افغانستان کې د ثبات او پرمختګ لپاره د مرستې لپاره په پام کې نیول شوی دی.

دغه راز په دې غونډه کې هغه لومړیتوبونه وڅېړل شول، چې د تماس ډله به پرې د اسلامي همکاریو ټولنې د بهرنیو چارو د وزیرانو شورا د اړوند پرېکړه‌لیکونو د عملي کولو لپاره تمرکز کوي.

ګډونوالو له اسلامي امارت چارواکو سره د ګډو لومړیتوبونو په اړه مستقیمې او رغنده خبرو اترو پر ترسره کولو هم نظرونه وړاندې کړل.

Continue Reading

تازه خبرونه

د کورنیو چارو وزارت د کوکنارو د کښت د زیاتوالي په اړه د ملګرو ملتونو راپور رد کړ

یاد وزارت ویلي، چې په ۲۰۲۶ز.کال کې یې له ۲۳ زره هکټارو څخه زیاته ځمکه د نشه‌یي توکو له کښت څخه پاکه کړې او د ارزونو له مخې یې په هېواد کې د کوکنارو کښت نږدې صفر ته رسېدلی دی.

Published

on

 

د اسلامي امارت د کورنیو چارو وزارت په افغانستان کې د کوکنارو د کښت د زیاتوالي په اړه د ملګرو ملتونو د نشه‌یي توکو او جرمونو پر وړاندې د مبارزې دفتر تازه راپور رد کړی او د دغه راپور د ارزونې پر کړنلارې یې نیوکه کړې ده.

یاد وزارت ویلي، چې په ۲۰۲۶ز.کال کې یې له ۲۳ زره هکټارو څخه زیاته ځمکه د نشه‌یي توکو له کښت څخه پاکه کړې او د ارزونو له مخې یې په هېواد کې د کوکنارو کښت نږدې صفر ته رسېدلی دی.

د ملګرو ملتونو د نشه‌یي توکو او جرمونو پر وړاندې د مبارزې دفتر په خپل تازه راپور کې ویلي، چې په افغانستان کې د کوکنارو کښت په ۲۰۲۶ز.کال کې تر ۳۰۰ سلنې ډېر زیات شوی او څه باندې ۴۳ زره هکټاره ځمکې ته رسېدلی دی. په داسې حال کې، چې دغه کچه تېر کال شاوخوا ۱۰ زره هکټاره وه.

د یاد دفتر د«۲۰۲۶ز. کال لپاره د افغانستان د تریاکو د وضعیت ارزونې» د راپور له مخې؛ د تریاکو تولید هم نږدې ۴۰۰ سلنه زیات شوی او په ۲۰۲۵ز.کال کې له نږدې ۳۰۰ ټنو څخه په روان کال کې شاوخوا یو زر او ۵۰۰ ټنو ته رسېدلی دی.

راپور ښيي، چې په افغانستان کې د کوکنارو د کښت مرکز شمال‌ختیځو ولایتونو ته لېږدول شوی او د کښت شاوخوا ۷۶ سلنه ځمکه په همدې سیمه کې ده.

بدخشان او تخار د کوکنارو د کښت له مهمو مرکزونو څخه بلل شوي دي.

د دغه بنسټ د څرګندونو له مخې؛ په ۲۰۲۶ز. کال کې د ۱۶ ولایتونو د کوکنارو کښت ثبت شوی، چې د تېر کال پر پرتله پنځه ولایتونه زیاتوالی ښيي.

د ملګرو ملتونو دغه دفتر د بزګرانو اقتصادي ستونزې او د بدیل عاید د فرصتونو محدودیت د کوکنارو د کښت د بیا زیاتېدا اصلي لاملونه بللي او خبرداری یې ورکړی، چې له بزګرانو څخه له دوامدار ملاتړ پرته به د دغه بوټي د کښت مخنیوی ستونزمن وي.

په راپور کې راغلي، چې د وچو تریاکو د هر کیلوګرام منځنۍ بیه په ۲۰۲۵ز.کال کې له شاوخوا ۵۷۰ ډالرو څخه په روان کال کې ۵۰۰ ډالرو ته راټیټه شوې؛ خو اوس هم د نشه‌یي توکو پر سراسري بندیز د لګېدو له مخکینۍ کچې څخه د پام وړ لوړه ده.

ملګرو ملتونو زیاته کړې؛ په افغانستان کې د کوکنارو کښت او د تریاکو تولید، سره له دې زیاتوالي، اوس هم د بندیز له لګېدا مخکې کچې ته نه‌دي رسېدلي. هغه مهال څه باندې ۲۰۰ زره هکټاره ځمکه د کوکنارو تر کښت لاندې وه.

دا په داسې حال کې ده، چې له دې مخکې اسلامي امارت ویلي وه؛ د کوکنارو کښت، پلور او قاچاق د افغانستان له پولو بهر ته لېږدېدلی دی.

Continue Reading

تازه خبرونه

افغانستان د اسلام‌آباد د ایکو غونډې له حذفېدا وروسته د تهران سرمشریزې ته ځي

ټاکل شوې، چې د ایکو اته‌لسمه سرمشریزه د روان میلادي کال د ډسمبر پر درېیمه او څلورمه د ایران په پلازمېنه تهران کې د غړو هېوادونو د مشرانو او لوړپوړو چارواکو پر ګډون جوړه شي او د سیمه‌ییزو همکاریو په اړه خبرې اترې وکړي.

Published

on

د بهرنیو چارو وزارت د اطلاعاتو او عامه اړیکو رییس ضیاء احمد تکل ويلي، چې د افغانستان اسلامي امارت پلاوی به د اقتصادي همکاریو ټولنې( ایکو) په اته‌لسمه سرمشریزه کې ګډون وکړي.

د نوموړي د څرګندونو له مخې، د دې پلاوي مشري به د بهرنیو چارو وزیر امیرخان متقي پر غاړه ولري.

ټاکل شوې، چې د ایکو اته‌لسمه سرمشریزه د روان میلادي کال د ډسمبر پر درېیمه او څلورمه د ایران په پلازمېنه تهران کې د غړو هېوادونو د مشرانو او لوړپوړو چارواکو پر ګډون جوړه شي او د سیمه‌ییزو همکاریو په اړه خبرې اترې وکړي.

دا اعلان په داسې حال کې کیږي، چې د نومبر پر پنځلسمه او شپاړلسمه په اسلام‌آباد کې د پاکستان پر کوربه‌توب د اقتصادي همکاریو ټولنې د بهرنیو چارو وزیرانو په دېرشمه غونډه کې له ګډون څخه پاتې شو. په داسې حال کې، چې افغانستان د دې سیمه‌ییزې ټولنې غړی هېواد دی.

د پاکستان بهرنیو چارو وزارت ویلي وه، چې کابل ته بلنه ورکړ شوې نه‌وه؛ ځکه اسلام‌آباد د افغانستان اوسنۍ اداره پر رسمیت نه‌پیژني.

پاکستانيو چارواکو دا ادعا هم کړې، چې د افغانستان غړیتوب د اقتصادي همکاریو ټولنې د دارالانشا لخوا ځنډول شوی دی.

دا پرېکړه د افغان چارواکو له نیوکو سره مخ شوه.

اسلامي امارت استدلال کوي، چې سیاسي اختلافات باید د سیمه ییزو اقتصادي نوښتونو او همکاریو په برخه کې د افغانستان د ګډون مخه ونه نیسي.

د تهران په سرمشریزه کې د افغانستان ګډون به کابل ته دا فرصت برابر کړي، چې له سیمه ییزو شریکانو سره د سوداګرۍ، اقتصادي پراختیا، ټرانسپورټي نښلون او سیمه‌ییزو همکاریو ته ورته مسایلو په اړه بیا اړیکې ټینګې او خبرې اترې وکړي.

Continue Reading
Advertisement

Trending

Copyright © 2026 Ariana News. All rights reserved!