Connect with us

تازه خبرونه

د ایراني اتومي ساینس پوه د وژلو غچ به اخلو – خامنه یي

خپور شوی

د

د ایران ستر مذهبي مشر ایت الله علي خامنه ای د شنبې پر ورځ( د لیندۍ ۸) څرګنده کړې؛  تهران بهپه مناسب وخت کې د خپل اتومي ساینس پوه د وژلو غچ واخلي.

دغه ایراني اتومي ساینس، چې  لویدیځ هېوادونه یې د اتومي وسلو د پټو پروګرامونو مشربولي؛ تېره  تېره ورځ تهران ته نږدې ترور شو.   

خامنه يي زیاته کړې، چې ساینس پوه محسن فخری‌زاده د “وحشي اجیرانو لخوا” وژل شوی دی.

هغه ویلي؛ دوه مهمې مسلې باید د اړوند بنسټونو په اجندا کې مطرح شي؛ لومړی، د دې جرم څارنه او د عاملینو او قومندانانو مجازات، دوه یم، د ټولو هغو برخو څارنه، چې شهید (فخری‌زاده) په کې علمي او تخنیکي هڅې تر سره کړي دي.

خامنه ای ویلي؛ تهران هیڅکله اتومي وسلې نه غوښتي او په خپله اعلامیه کې یې ژمنه کړې، چې د محسن فخری‌زاده کار به روان وي.

د رویترز د څرګندونو له مخې؛ دغه وژنه، چې د ایران ولسمشر یې پړه پر اسرائیلو وراچولې، د امریکا د ولسمشر دونالد ترمپ د کاري دورې په وروستيو اوونیو کې د منځني ختیځ د نوې لانجې د رامنځته کیدو ګواښ کوي.

دا کولی شي د غوره شوي ولسمشر جو بایدن لخوا له تهران سره د اختلافاتو د راپورته کولو د هغې هوکړې هڅې دي، چې د بارک اوباما په اداره کې هغه وخت رامنځته شوې وې. ترمپ واشنګتن د تهران له نړیوال اتومي تړون څخه، چې په ۲۰۱۵ کې پرې هوکړه شوې وه؛ ایستلی دی.

د اسرائیلو ان-۱۲ خبري چینل څرګنده کړې، چې د ایران لخوا د غچ اخیستنې له ګواښونو سره سم په ټوله نړۍ کې د اسرائیل سفارتونو د چمتووالی حالت نیولی دی.

د ایران ولسمشر حسن روحاني د کابینې یوې تلویزیوني غونډې ته ویلي، چې ایران به “په مناسب وخت” کې خپل ځواب ووایي.

هغه د اسرائیلو د کړنو په اړه په ډاګه کړې: نړیوالو صهیونیست اجیرانو یو ځل بیا خپل ناوړه لاسونو د یوه ایراني بچي پر وینو ولړل.

اسرائیلو د دې وژنې په اړه له څه ویلو ډډه کړې.

د رویترز د څرګندونو له مخې؛ سپینې ماڼۍ، پنتاګون، د امریکا بهرنیو چارو وزارت او سي آی ای هم په دې اړه له څه ویلو ډډه کړې ده.

تازه خبرونه

د خپلې واکمنۍ د ساتلو لپاره به مسلمانانو ته د جګړې اجازه ورنه‌کړم – د اسلامي امارت رهبر

نوموړي د مسلمانانو پر یووالي او پیوستون ټینګار کړی او څرګندوي، چې مؤمنان باید یو وجود وي او د یو بل ملاتړ وکړي.

Published

on

 

د اسلامي امارت رهبر شیخ هبة‌الله آخوندزاده په کابل پوهنتون کې د فرمانونو د اغېزو د څېړلو په اړه د علمي ـ څېړنیز کنفرانس ګډونوالو ته ویلي، د خپلې واکمنۍ د ساتلو لپاره به مسلمانانو ته د جګړې اجازه ورنه‌کړم.

نوموړي د مسلمانانو پر یووالي او پیوستون ټینګار کړی او څرګندوي، چې مؤمنان باید یو وجود وي او د یو بل ملاتړ وکړي.

آخوندزاده زیاته کړې؛ د فتنې د مخنیوي او د هغې د لارو د بندولو لپاره یې د اسلامي امارت مشري منلې او چمتو دی، چې د مسلمانانو د خوندي پاتې کېدا لپاره خپل ژوند قربان کړي.

نوموړي د دیني عالمانو پر رول هم ټینګار کړی او وایي؛ عالمان باید خلکو ته دین ورسوي، عامه افکار جوړ کړي او خلک د اسلامي امارت له تعریف او ماهیت سره بلد کړي.

هغه ویلي، د اسلامي امارت سیاست پر قرآن کریم او شریعت ولاړ دی او د امیر درناوی د رعیت درناوی دی.

همدارنګه آخوندزاده ویلي، د قصاص او شرعي حدودو فیصلې د ده له تنفیذي امر پرته نه تطبیقېږي او د اسلامي امارت له شتون پرته د شریعت پلي کول ناشوني دي.

په همدې کنفرانس کې د هېواد له بېلابېلو سیمو څخه راغلو یو شمېر جیدو دیني عالمانو هبت‌الله آخوندزاده ته د«شیخ‌الاسلام» لقب ورکړ.

Continue Reading

تازه خبرونه

اسلامي امارت آلمان ته خپل څلور نوي ډیپلوماټان لېږي

د سرچینو د څرګندونو له مخې، هدایت‌الله پکتین، محمدحکیم حکیمي، بشیر احمد افغان او سعید اکبر رستاد هغه څلور ډیپلوماټان دي، چې اوس‌مهال د آلمان د ویزې ترلاسه کولو لپاره د قطر په پلازمېنه دوحه کې دي.

Published

on

 

د بهرنیو چارو وزارت باخبره سرچینې ويلي، دا وزارت غواړي د آلمان په برلین کې د افغانستان سفارت او د بن ښار قونسلګرۍ ته د فعالیت لپاره خپل څلور نوي ډیپلوماټان ولېږي.

د سرچینو د څرګندونو له مخې، هدایت‌الله پکتین، محمدحکیم حکیمي، بشیر احمد افغان او سعید اکبر رستاد هغه څلور ډیپلوماټان دي، چې اوس‌مهال د آلمان د ویزې ترلاسه کولو لپاره د قطر په پلازمېنه دوحه کې دي.

سرچینو زیاته کړې؛ بشیر احمد افغان په برلین کې د افغانستان د سفارت لومړي منشي او سعید اکبر رستاد دوه‌یم منشي ټاکل شوي دي. په داسې حال کې چې هدایت‌الله پکتین او محمدحکیم حکیمي به په بن کې د افغانستان د قونسلګرۍ د دوه‌یمو منشیانو دندې ترسره کړي.

سرچینې زیاته کړې، د آلمان حکومت دغو څلور استازو ته د ویزو له ورکړې سره موافقه کړې؛ خو د کابل او د آلمان د بهرنیو چارو وزارت چارواکو تر اوسه په دې اړه رسمي څه نه‌دي ویلي.

د راپور له مخې، دا پرمختګونه د برلین او کابل ترمنځ د قونسلي چارو د تنظیم او د هغو افغان پناه‌غوښتونکو د بېرته ستنولو د بهیر د آسانتیا لپاره د تخنیکي هوکړو په لړ کې رامنځته کېږي، چې د قانوني اوسېدنې حق نه‌لري.

د آلمان د حکومت د رسمي څرګندونو له مخې، شاوخوا ۴۵۰ زره افغان وګړي په دې هېواد کې مېشت دي او برلین د هویتي اسنادو د صادرولو او د کډوالۍ د دوسیو د سمبالولو لپاره د افغانستان د ډیپلوماټیکو او قونسلي استازولیو فعال پاتې کېدل اړین بولي.

آلمان نورو اروپايي هېوادونو ته ورته د ۲۰۲۱ز.کال له سیاسي بدلونونو وروسته اسلامي امارت پر رسمیت نه‌دی پېژندلی؛ خو د پناه‌غوښتونکو د ستونزې د مدیریت او د مجرمو کسانو د ایستلو پر موخه یې له کابل سره تخنیکي تعاملات پراخ کړي دي. د آلمان چارواکو ټینګار کړی، چې دا اداري او قونسلي همکاري د اسلامي امارت د رسمي سیاسي پېژندنې معنا نهلري.

Continue Reading

تازه خبرونه

افغانستان په ملګرو ملتونو کې د غړیتوب اتیایمه کلیزه نمانځي

په ملګرو ملتونو کې د افغانستان د دایمي استازولۍ چارسمبالي نصیر احمد فایق د دوشنبې پر ورځ(د لړم پنځه‌ویشتمه) ویلي، دا غونډه د افغانستان د استازولیو پر همکارۍ په نیویارک، ژنیو او ویانا کې جوړېږي.

Published

on

 

په ملګرو ملتونو کې د افغانستان دایمي استازولۍ په دې ټولنه کې د دې هېواد د غړیتوب د اتیایمې کلیزې په مناسبت د یوې غونډې له جوړولو خبر ورکړی. په دې غونډه کې به له ملګرو ملتونو سره د افغانستان د اړیکو پر تاریخ، د دې هېواد د ډیپلوماټیک رول او د راتلونکو همکاریو پر امکاناتو خبرې وشي.

په ملګرو ملتونو کې د افغانستان د دایمي استازولۍ چارسمبالي نصیر احمد فایق د دوشنبې پر ورځ(د لړم پنځه‌ویشتمه) ویلي، دا غونډه د افغانستان د استازولیو پر همکارۍ په نیویارک، ژنیو او ویانا کې جوړېږي.

د نوموړي د څرګندونو له مخې:« افغانستان او ملګري ملتونه؛ اته لسیزې تعامل، مشارکت او د راتلونکي لپاره زده‌کړې» تر سرلیک لاندې دغه غونډه د نومبر پر اته‌لسمه د انلاین او ژوندۍ بڼې له لارې ترسره کېږي.

فایق زیاته کړې؛ دغه غونډه به د افغانستان د خلکو د نظرونو او غوښتنو د څرګندولو او د سولې، انساني کرامت، برابرۍ او ښه راتلونکي لپاره د هغوی پر هیلو د ټینګار زمینه برابره کړي.

په ژنیو کې د افغانستان استازولۍ هم ویلي، چې په دې غونډه کې به په ملګرو ملتونو کې د افغانستان د حضور تاریخ، د هېواد ډیپلوماټیک رول او د راتلونکو همکاریو په اړه بحث وشي.

افغانستان د ۱۹۴۶ز.کال د نومبر پر نولسمه د ملګرو ملتونو غړیتوب ترلاسه کړ او سږ کال په دې نړیوالې ټولنې کې د خپل غړیتوب اتیایمه کلیزه نمانځي.

محمدکبیر لودین په ۱۹۵۲ز.کال کې د ملګرو ملتونو لپاره د افغانستان د لومړي دایمي استازي دنده پیل کړې.

دا په داسې حال کې ده، چې د ۲۰۲۱زږکال د اګست له سیاسي بدلونونو وروسته د ملګرو ملتونو د اعتبارلیکونو کمیټې تر اوسه د اسلامي امارت له‌خوا د معرفي شوي استازي د منلو په اړه وروستۍ پرېکړه نه‌ده کړې او د افغانستان استازولي اوس هم د پخواني نظام د ډیپلوماټانو له‌خوا اداره کېږي.

Continue Reading
Advertisement

Trending

Copyright © 2026 Ariana News. All rights reserved!