Connect with us

کوید۱۹

د بالیوډ سینما ۱۳ستوري پر کرونا ویروس اخته شوي

خپور شوی

د

(Last Updated On: وری ۱۶, ۱۴۰۰)

د هندي چارواکو له مخې؛ د هند د بالیوډ سینما لږ تر لږه ۱۳ ستوري د کرونا ویرس دوه یمې څپې وهلي او دمګړۍ په کورونو کې قرنطین شوي دي.

د هندي چارواکو د څرګندونو له مخې؛ په هندوستان کې د کرونا ویروس دوه یمه څپه مخ پر پراخېدو ده او د دې ویروس د مثبتې پېښې د ممبیي په ماهاراشترل په ښار کې تر ټولو لوړ کچې ته رسیدلي دي.

د یکشنبې پر ورځ د هند لومړي وزیر نریندرا مودي له مرکزي چارواکو وغوښتل، چې له ماهاراشټرا ښاره لیدنه وکړي او په دې ښار کې د مثبتو پېښو د ډېریدو علتونه وڅېړي.

سربېره پردې د مهاراشترا حکومت د یکشنبې پر ورځ نوي بندیزونه او د یوې اوونۍ قرنطین اعلان کړ.

ویل کیږي، چې د بالیووډ ستوري له ویروس څخه د خلاصون ځواک نلري او پر ویروس اخته کسان یې دا دي:

اکشي کمار

د بی بی سی د څرګندونو له مخې، نومیالی لوبغاړی اکشې کمار پر کرونا له اخته کېدو وروسته په روغتون کې بستر شوی دی.

نوموړي ویلي روغتیایي حالت یې ښه دی؛ خو د روغتیایي پاملرنو له مخې بستر شوی دی.

 پریکړه یې وکړه چې د “طبي مشورې سره سم د احتیاطي تدبیر” په توګه ومنل شي.د بالیوډ اداکار

ټاکل شوې وه، چې اکشي کمار د اپریل پر ۳۰ یو سینمایې  خپرونه چمتو کړي؛ خو دا نېټه بدله شي.

ګووندا

له اکشې کمار یوه ګړۍ وروسته د بالیوډ د بل لوبغاړي ګووندا پایلې هم مثبتې.

د هغه میرمن سنیتا اهوجا سیمه ییزو رسنیو ته ویلي، چې ۵۷ کلن لوبغاړي ځان ګوښه کړی او دا مهال تر قرنطین لاندې دی.

آلیا باټ

دغه لوبغاړې د اپریل پر ۲ ر کرونا اخته شوې او په خپل کور کې تر قرنطین لاندې ده.

هغې د خپل انسټاګرام په پوسټ کې په دې اړه ویلي؛ د کرونا ویروس پایله مې مثبته ده. ما سمدلاسه خپل ځان ګوښه کړاو تر کورني قرنطین لاندې به یم. زه د خپلو ډاکټرانو مشورې پلې کوم. ستاسو له مینې او ملاتړ مننه. مهرباني وکړئ خوندي اوسئ او پاملرنه وکړئ.

فاطمه ثنا شيخ

د مارچ پر ۲۹ ښځینه لوبغاړې فاطمې ثنا شیخ هم خپلو مینوالو ته خبر ورکړ، چې هغه پر کرونا اخته شوې او دا مهال یې ځان قرنطین کړی دی.

ویکرانټ میس

د بالیوډ لوبغاړي ویکرانټ میس څرګنده کړې، چې له کرونا ویروسه کړیږي او روغتیایي پاملرنې یې پلې کړې دي.

هغه له ټولو هغو کسانو، چې ورسره په اړیکه کې ول غوښتي، چې د وینې آزمون تر سره کړي.

پارِش راوال

 د هند د سینما تکړه لوبغاړي پارش راوال ویلي، چې د مارچ پر۲۷ پر کرونا ویروس اخته شوی؛ خو له خپل روغتیایي حالته ډاډمن دی او له هغو ملګرو ، چې ورسره په اړیکه کې پاتې دي د آزموینې غوښتنه کوي.

کارټیک آریان

کارټیک آریان د مارچ پر ۲۲ په ټولنیزو شبکو کې په ډاګه کړې، چې پر کرونا ویروس  اخته شوی او له خپلو مینه والو یې د دعا غوښتنه کړې ده.

عامر خان

عامر خان د بالیوډ یو بل لوبغاړی دی، چې د مارچ پر ۲۴ پر کرونا ویروس اخته شوی او په کور کې  قرنطین دی.

مانوج باجپای

مانوچ باجپای هم د مارچ په دوه یمه اوونۍ کې پر کرونا ویروس اخته شوی دی.

هغه ویلي؛ سره له دې، چې کمزوری شوی یم؛ خو روغتیایي حالت مې ورځ تر بلې مخ پر ښه کېدو دی.

سیندنت چټوروادی

دغه لوبغاړي ویلي، چې تېره میاشت یې آزموینه مثبته په ډاګه شوې او اوس په کورني قرنطین کې یم.

رنبر کپور

ویل کیږي، چې رنبر کپور، اشیش ویډیارټی او سانجی لیلا بهانسالی  هم تېره میاشت پر کرونا ویروس اخته شوي دي.

دا په داسې حال کې ده، چې له تېرو څلیریشت ګړیو راپدیخوا په هندوستان کې ۹۳۲۴۹ مثبتې پېښې ثبت شوي، چې له دې سره د کرونا ویروس ټولې پېښې ۱۲،۵ میلیون کسانو ته رسېدلي دي

کوید۱۹

د کرونا ویروس نړیوال بېړنی حالت پای ته ورسید

Published

on

(Last Updated On: غویی ۱۶, ۱۴۰۲)

د روغتیا نړیوالې ټولنې اعلان کړی، چې د ژوند او اقتصاد تر اغېزو او د میلیونونو خلکو له مړینې درې کاله وروسته؛ کرونا ویروس نور “نړیوال روغتیا بېړني حالت نه‌دی.

د روغتیا نړیوالې ټولنې مشر ویلي، چې دې ویروس په نړۍ کې خپل ژور زخمونه پریښي او اوس د دې خبر اعلان د نمانځلو یوه شېبه ده.

دغه راز دې ټولنې حکومتونو ته هم خبرداری ورکړ، چې احتیاط وکړي او دا ویرس باید د نورو ساري ناروغیو تر څنګ تر ادارې او څارنې لاندې شي.

د روغتیا نړیوالې ټولنې مشر هغو ساینس پوهانو ته هم درناوی وکړ، چې د کرونا پر وړاندې یې د مبارزې لپاره حیاتي واکسین جوړ کړي دي.

د روغتیا نړیوالې ټولنې مشر تیدروس ادهانوم ویلي، چې لږ تر لږه اووه میلیون خلک د دې ناروغۍ له کبله مړه شوي؛ خو د مړینې رښتینی شمېر شونی دی، چې ۲۰ میلیون کسانو ته نږدې وي.

د دې ټولنې د څرګندونو له مخې؛ د ویروس له کبله د مړنې شمېر د ۲۰۲۱ کال تر جنورۍ په اوونۍ کې له ۱۰۰ زره څخه ډېر و؛ خو د اپریل تر ۲۴ درې زره پېنځه ته راټیټ شوی دی.

نوموړی وایي: پرون بېړنۍ کمیتې د پېنځلسم ځل لپاره غونډه وکړه او ما ته یې مشوره راکړه، چې د عامې روغتیا بېړني حالت پای ته ورسوي. ما دا مشوره ومنله؛ نو پر بشپړ ډاډ څرګندوم، چې کرونا ویروس د نړیوال روغتیا بېړني حالت په توګه نور پای ته رسیدلی دی.

هغه زیاته کړې: دا پرېکړه د څه مودې لپاره په پام کې نیول شوې وه او د معلوماتو د بشپړې شننې له مخې په ډاګه شوه.

په هر حال تیدروس خبرداری ورکړی، چې د خبرتیا د لوړې کچې پورته کول د خطر پای ته د رسیدو معنا نه‌لري او څرګندوي، چې که شرایط بدل شي بېړنی حالت بېرته پیل کېدی شي.

Continue Reading

کوید۱۹

په ایران کې د کرونا ویروس نږدې ۹۰۰ نوې پېښې ثبت او ۲۴ کسان مړه شوي

Published

on

(Last Updated On: وری ۷, ۱۴۰۲)

د ایران د روغتیا وزارت د یکشنبې پر ورځ څرګنده کړې، چې په تېرو ۲۴ ګړیو کې د کرونا ویروس څه باندې ۸۹۱ نوې پېښې ثبت شوې دي او په همدې موده کې ۲۴ کسان مړه شوي دي.

د ایران روغتیا وزارت د عامه اړیکو مرکز د یکشنبې پر ورځ ویلي: په تېرو څلیریشت ګړیو کې د کرونا ویروس پر ناروغۍ اخته ۸۹۱ نوي ناروغان پېژندل شوي دي.

یادې سرچینې زیاته کړې؛ پر کرونا ویروس د اخته ۶۱۱ کسانو روغتیايي وضعیت د اندېښنې وړ دی.

Continue Reading

کوید۱۹

چینایانو نوی سپوږمیز کال پر کرونا اخته قربانیانو ته د روغتیا پر دعا پیل کړ

Published

on

(Last Updated On: سلواغه ۳, ۱۴۰۱)

رویترز راپور ورکړی، چې چین د یکشنبې پر ورځ د نوي سپوږمیز کال په پیل کې له خپلو هغو خلکو سره، چې تېر درې کاله یې تر ناروغۍ لاندې مړینې، فشارونه او مالي ستونزې ګاللي؛ د روغتیا او ډاډګېرنې دعا وکړه.

په بیجینګ کې له لاما عبادتځي یا معبد څخه بهر شاوخوا یو کیلومتر کتارونه وغزېدل، چې د دسمبر له پیله د کرونایي محدودیتونو له پای ته رسیدو مخکې تړلي وه؛ په زرګونه خلک خپلو عزیزانو ته د دعا کولو لپاره د وار په تمه کتار ودرېدل.

له دې مخکې چارواکو د جنورۍ له ۱۳ څخه تر ۱۹مې نېټې پورې په روغتونونو کې د کرونا له کبله د نږدې ۱۳ زره کسانو له مړینې خبر ورکړی و، چې په دې میاشت کې یا له هغې مخکې نږدې ۶۰ زره کسانو ته یې د مړینې کچه رسېدلې وه.

چینايي روغتیا پوهان وايي، چې په ټول هېواد کې د انتاناتو څپې لا دمخه لوړې شوې دي.

د چینایي چارواکو لخوا د مړینې راپور شوی شمېر هغه کسان ندي، چې په کور کې مړه شوي.

ځینو داکترانو ویلي، چې دوی د مړینې په سندونو کې د کرونا له لیکو هم ډډه کوي.

چين د جنورۍ پر ۱۴ نېټه د دسمبر له اتمې نېټې څخه د جنورۍ تر ۱۲ پورې په روغتونونو کې د کرونا له کبله د څه د پاسه ۶۰ زره کسانو له مړينې خبر ورکړ، چې د دغې ناروغۍ له پیله د ټولو مړو شويو ۵۰۰۰ کسانو څخه ډېروالی ښيي.

ځینې روغتیا پوهانو ویلي، چې سږکال به په چین کې له یو میلیون څخه ډېر خلک د دې ناروغۍ له کبله مړه شي.

بریتانیا میشت روغتیایي معلوماتو شرکت ایرفینیتي وړاندویېنه کړې، چې په دې اوونۍ کې به هره ورځ د له دې ناروغۍ د مړینې کچه ۳۶۰۰۰ ته ورسیږي.

د چين د کمونست ګوند د چارواكو د راپور له مخې، د نوي سپوږمیز كال د ۴۰ ورځني سفر په لومړيو ۱۵ ورځو كې د جنورۍ له ۷ څخه تر ۲۱  نېټې پورې شاوخوا ۱۱۰ میليون د اورګاډي مسافرينو سفرونه کړي، چې د تېر كال په پرتله ۲۸ سلنه زياتوالى ښیي.

د دولتي CCTV د راپور له مخې؛ د نوي کال په ماښام کې د ریل پټلۍ، لویو لارو، کښتیو او الوتکو له لارې ټولټال ۲۶.۲۳ میلیون سفرونه ترسره شوي، چې له ناروغۍ مخکې یې کچه نیمایي وه؛ خو د تېر کال په پرتله ۵۰.۸ سلنه زیاتوالی ښيي.

د شنبې پر ورځ د چین د ناروغیو څارنې او مخنیوي مرکز مشر ایپیدیمولوژیست وو زونیو ویلي؛ د رخصتۍ په بهیر کې شونې ده، چې د خلکو ډله‌ییز حرکت د وبا ناروغي خپره کړي؛ خو په نږدې وخت کې د کرونا دوه‌یمه څپه امکان نلري.

وو زنیو زیاته کړې، چې په راتلونکیو دوه یا درې میاشتو کې د کرونا ویروس د راګرځېدو احتمال شته؛ ځکه، چې ۸۰ سلنه خلک پدې ناروغۍ اخته شوي دي.

له هغې وروسته، چې چين د جنورۍ پر اتمه نېټه خپلې پولې بېرته پرانيستې؛ يو شمېر چينايانو هم بهر ته د تګ راتګ سفرونه کړي دي.

رویترز راپور ورکړی، چې چین د آسیا ګرځندوی سیمو ته د چینایي سیلانیانو بېرته راستنیدو لپاره هڅې کوي، چې له وبا مخکې یې پرې ۲۵۵ میلیارد دالر لګولي دي.

Continue Reading

Trending

Copyright © 2022 Ariana News. All rights reserved!