تازه خبرونه
د بريتانيا د پارلمان غړي په کابل کې د سفارت د بيا پرانستلو غوښتنه وکړه
د بریتانیا د پارلمان لوړپوړي غړي ویلي، چې افغانستان په دې وروستیو کې رښتینی پرمختګ کړی او هېواد یې باید په کابل کې خپل سفارت بېرته پرانیزي.
د تلګراف ورځپاڼې د راپور له مخې؛ د بریتانیا د پارلمان د دفاعي کمیتې مشر توبیاس الوود غواړي، چې حکومت یې له اسلامي امارت سره خبرې پیل کړي.
توبیاس الوود، چې د بریتانیا په پوځ کې یې هم کار کړی؛ ټینګار کوي، چې لویدیځ په افغانستان کې د وضعیت د ښه کولو لپاره عملي ستراتیژۍ ته اړتیا لري.
توبیاس الوود، چې یو ورور یې د افغانستان په شل کلنه جګړه کې وژل شوی ویلي؛ دی د اسلامي امارت ستاینه نهکوي؛ خو اوس د دې وخت راغلی، چې له افغان حکومت سره اړیکې جوړې او ښکېلتیا رامنځته شي او دغه هېواد د بې ثباتۍ، تروریزم او ډلهییز مهاجرت بل پړاو ته وردننه نهشي.
له افغانستان څخه د ناتو ځواکونو له ناوریني وتلو او د اسلامي امارت له بیا واکمنېدو نږدې دوه کاله تېرېږي؛ خو تر اوسه کوم هېواد دا نوی حکومت پر رسمیت نهدی پېژندلی.
توبیاس الوود، چې په دې وروستیو کې افغانستان ته تللی؛ ویلي، چې په خپل سفر کې د واقعي پرمختګ شاهد و او اوس باید له اسلامي امارت سره خبرې پیل شي.
هغه ویلي؛ افغانستان اوس د ۱۹۷۰ لسیزې پر پرتله بشپړ خوندي هېواد دی او له بندیزونو سره سره ښځو ته اجازه شته، چې کار ته ستنې شي، ځکه اقتصاد ورته اړتیا لري.
هغه دا هم ویلي: زه پوهیږم، چې د دوی تګلارې او اړوند سیاستونه به هیڅکله زمونږ له ایدیالونو سره سمون ونهلري؛ خو زه د هغه ناڅرګند شوي جوړجاړي شاهد یم، چې یو جنګ ځپلی ملت یې اوس منلو ته تیار دی.
د بریتانیا د پارلمان دغه غړي د افغانستان وضعیت خورا نازک وباله او څرګندوي، چې افغانستان د خوراکي توکو له پراخ کمښت سره مخ دی او د دغه هېواد د ۹ میلیون ماشومانو نیمايي یې ښوونځیو ته لاسرسی نهلري.
هغه په ډاګه کړې؛ ښکېلتیا او تعامل یوازنۍ لار ده، چې د راتلونکي په جوړولو کې مرسته کوي.
دغه راز توبیاس الوود وايي: که لویدیځ خپله غصه روانه وساتي؛ مونږ به یوه بله تېروتنه کړې وي، دا هېواد به مالي کندې ته وغورزوي او شونې ده، چې د بې ثباتۍ، تروریزم او ډلهییز مهاجرت یو بل پېر ورسره پیل شي.
هغه زیاته کړې: یوې پوره عملي ستراتیژۍ ته اړتیا ده. د ښځو د حقونو په اړه د طالبانو (اسلامي امارت) محدودیتونه کیدی شي د متقابل تفاهم لپاره د خبرو اترو د یوې وسیلې په توګه کار وکړي. دا ډول احتمال به تر هغې ناڅرګند پاتې وي، چې مونږ ویښ شوو. لومړی ګام مو د سفارت بیا پرانسته ده او دوهیم هغه دا دی، چې رښتیني وو.
تازه خبرونه
څار: د افغانستان په اړه پاکستان او قطر ته د امریکایي ډیپلوماټ سفرونه
تازه خبرونه
د سیمې هېوادونه باید په ګډه ثبات او پرمختګ ته زمینه برابره کړي – مولوي عبدالکبیر
د ریاست الوزراء سیاسي مرستیال په کابل کې د قزاقستان د لومړي وزیر له مرستیال سره په کتنه کې ویلي، چې د سیمې هېوادونه باید په ګډه د سترو سیمهییزو پروژو په پلي کولو کې ونډه واخلي.
د ریاست الوزراء سیاسي مرستیالۍ د خبرپاڼې له مخې؛ په دې ناسته کې مولوي عبدالکبیر د قزاقستان پانګوالو ته بلنه ورکړه، چې په افغانستان کې پانګونه وکړي.
نوموړي زیاته کړې؛ اسلامي امارت د افغانستان پولې په بشپړ ډول کنټرول کړي، نشهيي توکي او فساد یې له منځه وړی او خپلواک ملي حاکمیت ټینګ شوی دی.
د قزاقستان د لومړي وزیر د مرستیالۍ د خبرپاڼې له مخې؛ په افغانستان کې د اسلامي امارت له لوري د شویو پرمختګونو قدرداني کړې او څرګندوي، چې هېواد یې له افغانستان سره اوږد مهاله سوداګریزو اړیکو، ټرانزیټ او اوږدمهاله پانګونې ته چمتو دی.
ژومانګارين افغان ځوانانو ته د تحصيلي بورسونو د ورکړې د چمتوالي ترڅنګ زياته کړې، چې افغانستان اوسمهال په سيمه کې د يوه سولهييز هېواد بېلګه ده او له همدې کبله له اسلامي امارت سره په بېلابېلو برخو کې د اړيکو ټينګول غواړي.
د قزاقستان لومړي وزير مرستيال دغه راز د کابل او الماتا ترمنځ د مستقيمو الوتنو د پيل غوښتنه وکړه او څرګندوي، چې هېواد يې له افغان حکومت سره په فرهنګي برخه کې دوه اړخيزو همکاريو ته چمتو دى.
اسلامي امارت په تېرو درې کلونو کې پرلهپسې ټینګار کړی، چې په ټول افغانستان کې د امنیت له رامنځته کیدو سره د سترو اقتصادي پروژو پلي کېدا ته له بل هر وخت ډېره ښه زمینه برابره شوې او اړتیا ده، چې افغانستان د سیمې هېوادونه سره ونښلوي.
تازه خبرونه
له پاکستان څخه دې د افغان کډوالو د جبري ایستلو چټکتیا راکمه شي
د سره صلیب یوه لوړپوړي چارواکي د پاکستان له حکومته غوښتي؛ د افغان مهاجرینو د جبري ایستلو چټکتیا دې راکمه شي، چې ښه لاسرسي ورته شونی شي.
د سره صلیب او سرې میاشتې ټولنې د آسیا او پاسیفیک څانګې مشر الکساندر مټیو په دوحه کې خبریالانو ته ویلي، چې له پاکستان څخه د راستنیدونکیو افغان کډوالو پر وړاندې یوه ننګونه دا هم وه، چې په کابل کې یې د اسلامي امارت له چارواکو سره پرې خبرې کړې دي.
هغه زیاته کړې: تاسې پوهیږئ، چې په وروستیو میاشتو کې له نیم میلیون څخه ډېر خلک له پولې څخه را تېر شوي او شونې ده، چې مونږ به په راتلونکیو میاشتو کې د نويو راستنیدونکیو لوی شمېر وګورو.
د هغه د څرګندونو له مخې؛ دا له ۲۰۱۷ کال وروسته په آسیا کې د میانمار او بنګله دیش تر منځ د وګړو ترټولو لوی حرکت دی.
پاکستان د تېر کال له اکتوبر میاشتې راپدیخوا له ۵۰۰ زره ډېر بې اسناده افغان کډوال جبري راایستلي دي.
مټیو زیاتوي، چې ډېري راستانه شويو کسانو له لسیزو راپدیخوا په پاکستان کې ژوند کړی او له حکومت او نړیوال ملاتړ پرته په افغانستان کې د نوي ژوند پیلولو ته چمتو ندي.
د نوموړي د څرګندونو له مخې؛ د راستنېدونکیو نيمايي برخه ماشومان دي، چې په کې د خوارځواکۍ پېښې هم زياتوالی لري.
-
نړۍ4 days ago
د فلسطین پر رفح ښار اسرائیلي ځواکونو د ځمکنيو بریدونو ګواښ وکړ
-
لوبی4 days ago
اټکانرژۍ لوبډلې په نهمه سیالۍ کې سرخپوشانخوافي ته ۱ـ ۰ ماتې ورکړه
-
سیمه ییز خبرونه5 days ago
د غزې په شمال کې د قحطۍ خطر ډېر دی
-
سیمه ییز خبرونه4 days ago
امریکا دې د بشري حقونو په اړه دوه ګوني سیاست ودروي – ترکیه
-
لوبی4 days ago
ابو مسلم فراه اوومه لوبه له خراسان فاریاب لوبډلې څخه ۶ د صفر پر توپیر وګټله
-
تازه خبرونه15 hours ago
ترکمنستان د ټاپي پروژې بشپړولو ته ژمن دی – امانوف
-
سیمه ییز خبرونه16 hours ago
په عراق کې به همجنسبازان پر۱۵ کاله بند شي –پارلمان
-
لوبی13 hours ago
په افغانستان اتلانو لیګ کې موج ساحل ۲-۱ سرسبز یاشلر او سورخ پوشان ۶ -۰ میوند مات کړل