سیمه ییز خبرونه
د بېړنيو حالاتو د كمېټې په پروگرامونو كې د ولايتونو تر منځ انډول په پام كې ندى نيول شوى
د بېړنيو حالاتو د كمېټې غړي وايې، د ژمي لپاره پوره چمتوالى لري، او د احتمالي طبيعي پېښو د را منځته كېدو په صورت كې به ځپل شويو خلكو ته خوراكي توكي، درمل، پېسې او نور اړين توكي ورسول شي.
د بېړنيو حالاتو د كمېتې غړي، چې د مشرانو جرگې عمومي غونډې ته غوښتل شوي وو، وايې، د ژمي لپاره پوره چمتوالى لري.
دوى زياتوي، چې په ستراتيژيكو ډيپو گانو كې خوراكي توكي، درمل، خېمنې، البسه او داسې نور د اړتيا وړ توكي ځاى پر ځاى شوي دي.
خو د مشرانو جرگې ځينې غړي لكه ستار عفت او د مشرانو جرگې د عامه هوساينې د كميسون رئيس احمد بشير صميم د بېړنيو حالاتو د كمېټې پر كړنو نيوكه كوي او وايې:
له يوې خوا خلكو ته بې كېفېته توكي وركول كېږي او بله دا، چې د مرستو ۲۵په سلو كې مستحقو كسانو ته رسېږي.
دوى د بېړنيو حالاتو له كمېټي غوښتنه وكړه، چې تل په عمل كې اجرات وكړي نه دا چي ژمنې مرستې وكړي.
د مشرانو جرگې رئيس وايې، بايد د ټولو ولايتونو لپاره يو شان او متوازن پروگرامونه په پام كې ونيول شي، څو خلك د احتمالي طبيعي پېښو پر مهال له ستونزو سره مخ نه شي.