سیمه ییز خبرونه
د ترهگرو د وروستۍ ځالې تر له منځه وړلو به پاتې يو- پنيتا
د امريكا دفاع وزير وايي:
ترهغه پورې به له افغانستان څخه ونه وځو، چې د ترهگرو وروستۍ ځالې يې له منځه نه وي وړې.
ليون پنيتا، چې په كابل كې يې له ولسمشر حامد كرزي سره په يوه گډ خبري كنفرانس كې خبرې كولې وويل، چې:
موخه مو په افغانستان كې دوامدار شتون دى.
نوموړي څرگنده كړې، چې:
ولسمشر حامد كرزي د خپل امريكايي سيال اوباما بلنه منلې او له هغه سره به د دواړو هېوادونو د امنيتي تړون پرسر خبرې وكړي.
د امريكا دفاع وزير، چې دا يې افغانستان ته اتم سفر دى؛ يوځل بيا له افغان دولت او خلكو سره د اوږد مهاله ژمنو ټينگار وكړ.
د امريكا دفاع وزير د پاكستان په قبايلي سيمو كې د ترهگرو د اډو پر موجوديت اندېښنه وښوده او د ترهگرو د وروستيو ځالو د له منځه وړلو په موخه يې پر گړنديو هڅو ټينگار وكړ.
هغه وويل:
په ۲۰۱۴ز. كال كې به د امريكايي سرتېرو شمېر راكم شي، خو واشنگتن دا هېواد يوازې نه پريږدي.
د امريكا دفاع وزير ليون پنيتا به ډاگه كړې، چې:
د امريكا ولسمشر بارك اوباما او ولسمشر حامد كرزى به د جنورۍ په اوومه په واشنگتن كې سره وگوري او له ۲۰۱۴ ز. كال وروسته به د افغانستان په اړه خپل گډ ليدلوري وړاندې كړي.
په دې گډه خبري ناسته كې ولسمشر كرزي وويل:
د هغو سرتېرو د شمېر په اړه به له بارك اوباما سره خبرې وكړي چې په پام كې ده له ۲۰۱۴ م كال وروسته په افغانستان كې پاتې شي.
افغان ولسمشر حامد كرزي وويل:
د افغانستان په استازيتوب به د امنيتي هوكړه ليك او د ستراتيژيكو همكاريو د سند د تعقيب په اړه، چې له ولسمشر اوباما سره به لاسليك شي؛ پر مهمو مسايلو بحث وكړو.
حامد كرزي د بنديخانو او زندانيانو په اړه د امريكا دفاع وزير سره خبرې كړې دي او وايي:
موږ پوهيږو، چې واشنگتن د هغو امريكايي سرتېرو قانوني مصونيت ته ارزښت وركړى، چې په دې هېواد كې پاتې كيږي.
د حامد كرزي په وينا:
له ۲۰۱۴ ز. كال وروسته د امريكايي ځواكونو د رول په اړه خبرې خپل لومړيتوبونه لري. دا ډاډ، چې امريكا له افغانستان څخه ملاتړ كوي، افغانستان سمبالوي، زموږ لپاره ښه هوايي ځواك روزي او ځواكمنتيا مو زياتوي، چې افغانستان وكولى شي په سيمه كې خپلې گټې د افغانانو د ساتنې په موخه وكاروي؛ نو له دې وروسته زه كولى شم د افغانستان له خلكو سره د امريكايي سرتېرو د مصونيت په اړه موضوع په آسانۍ او له لايلو سره شريكه كړم، خو مخكې له دې، چې زه دا كار وكړم بايد له دې اړخه امريكا موږ ته ډاډ راكړي.
د امريكا دفاع وزير څرگنده كړې، چې د ترهگرۍ او افراطيت په وړاندې جگړه كې دوه زره امريكايي سرتېري او يو شمېر افغانان وژل شوي او دا قربانۍ نه شي كيداى بې موخې وي.
ليون پنيتا په پشپړ ټينگار وويل:
امريكا د ولسمشر حامد كرزي رهبرۍ ته درناوى لري او حامد كرزى توانيدلى، چې افغانستان د څو لسيزې جگړې له ميراث څخه وژغوري. پنيتا هيله وښوده، چې په نوي زېږديزكال كې به وتوانيږي د افغانستان او امريكا ترمنځ اړيكې پياوړې كړي.
د يادونې وړ ده، چې افغان ولسمشرحامد كرزي نن د كونسلانو په كلنۍ ناسته كې څرگنده كړه، چې امريكايي ځواكونه دې له كليو راوځي او په سترو ښاري مركزونو كې دې راټول شي، چې په ۲۰۱۴ ز. كال كې يې وتلو ته اسانتياوې رامنځته شي.
سیمه ییز خبرونه
په هر حال پر رفح برید شونی دی – نتانیاهو
د رویټرز خبري آژانس د راپور له مخې؛ که د اوبند او یرغمل خوشې کولو هوکړه وشی او که نه، اسرائیل به د غزې په جنوبي ښار رفح کې د حماس پر ضد خپل عملیات ترسره کوي.
نتانیاهو د خپل دفتر په خبرپاڼه کې څرګنده کړې: دا نظر، چې مونږ به د ټولو اهدافو ترلاسه کولو مخکې جګړه دروو؛ پر بحث او خبرو نه ارزي.
سیمه ییز خبرونه
د دوبۍ واکمن د هوایي ډګر د نوي ټرمینل جوړولو لپاره ۳۵ میلیارډ ډالر تصویب کړل
د دوبۍ واکمن شیخ محمد بن راشد آل مکتوم د یکشنبې پر ورځ په ایکس پاڼه کې لیکلي؛ د آل مکتوم نړیوال هوایي ډګر د مسافرینو د نوي ترمینل جوړولو لپاره ۱۲۸ میلیارډ درهم ( ۳۴ اعشاریه ۸۵ میلیارډ ډالر) تصویب شوي دي.
د رویټرز د راپور له مخې؛ د آل مکتوم نړیوال هوایي ډګر په نړۍ کې ترټولو لوی دی، چې د ۲۶۰ میلیون مسافرینو وړتیا لري او له دوبۍ نړیوال هوایي ډګر څخه به پېنځه چنده لوی وي.
دغه راز څرګنده شوې، چې په راتلونکیو کلونو کې به د دوبۍ هوایي ډګر ټول عملیات آل مکتوم ته ولیږدول شي.
د آل مکتوم هوايي ډګر به د ټرمینل ۴۰۰ دروازې او پېنځه ځغاستلیکې هم ولري.
د دوبۍ د اماراتو دولتي هوايي شرکت رییس شیخ احمد بن سعید آل مکتوم ویلي: دا هوايي ډګر به د اماراتو او د هغه د خور د لږ لګښت لرونکي هوايي شرکت فلای دوبۍ نوی کور وي او د ټولو هوايي شرکتونو له شریکانو سره، چې نړۍ له دوبۍ سره نښلوي؛ مل پاتې شي.
د دوبۍ د میډیا دفتر او د دوبۍ د هوایي ډګرونو اجرائیوي رییس پاول ګریفیټس څرګنده کړې؛ دا هڅه په نړۍ کې د هوایي چلند د مخکښ مرکز په توګه د دوبۍ موقعیت نور هم پیاوړی کوي.
سیمه ییز خبرونه
په عراق کې به همجنسبازان پر۱۵ کاله بند شي –پارلمان
د عراق پارلمان د شنبې پر ورځ د دیني ارزښتونو د ساتلو لپاره یو داسې قانون تصویب کړ، چې د همجنسبازانو اړیکې په کې جرم یاد شوی، چې سرغړوونکیي به یې پر ۱۵ کلونو بند محکوم شي.
رویټرز خبري آژانس د دې قانون د یوې کاپي له مخې راپور ورکړی، چې د دې قانون موخه د همجنسپالنې د اخلاقي ضعف پر وړاندې د عراقي ټولنې ژغورنه ده.
له دې پرېکړې څخه په ټولیزه توګه شیعه مسلمانو ګوندونو ملاتړ کړی، چې د عراق په پارلمان کې ترټولو لوی ائتلاف دی.
له زنا او همجنسبازۍ سره د مبارزې قانون همجنسبازي جرم اعهلانوي او ورته له ۱۰ کلونو څخه تر ۱۵ کلونو پورې د بند موده ټاکل شوې ده؛ خو د هغو لپاره، چې همجنسبازي یا فحشا ته وده ورکوي پر لږ تر لږه اووه کاله بند به محکومیږي.
دغه راز هغو کسانو ته، چې خپل بیولوژیکي جنسیت بدلوي یا قصداً ښځینه جامې اغوندي له یو څخه تر درې کلونو بند په نظر کې نیول شوی دی.
په پیل کې د همجنسبازانو لپاره د مرګ سزا د پام وړ وه؛ خو د امریکا او اروپايي هېوادونو له سخت مخالفت وروسته ورته د بند سزا په پام کې ونیول شوه.
په عراق کې تر شنبه ورځې پورې په ښکاره ډول همجنسبازي جرم نهو. که څه هم د جزا په کوډ کې نرم تعریف شوي قوانین د جنسي اړیکو د جزا لپاره کارېدل؛ خو د ټولنې غړي به د وسلهوالو ډلو او اشخاصو لخوا وژل کېدل.
رویټرز د بشري حقونو په څار ټولنه کې د همجنسبازانو د پروګرام د مدیر مرستیال راشا یونس د څرګندونو له مخې څرګنده کړې: د عراق د پارلمان لخوا د همجنسبازانو ضد قانون تصويب د عراق د همجنسبازانو له حقونو سرغړونه او پر بشري حقونو یو جدي ګوزار دی.
عراقي چارواکي، چې د بشري حقونو څارنه کوي؛ تر دې دمه په دې اړه له څه ویلو ډډه کړې ده.
د یو لړ څرګندونو له مخې؛ له ۶۰ څخه په ډېرو هېوادونو کې د همجنسپالانو جنسي اړیکې جرم ګڼل کیږي. په داسې حال کې، چې د همجنسبازانو جنسي اړیکې په ۱۳۰ هېوادونو کې قانوني دي.
-
سیمه ییز خبرونه3 days ago
په هر حال پر رفح برید شونی دی – نتانیاهو
-
سیمه ییز خبرونه5 days ago
د دوبۍ واکمن د هوایي ډګر د نوي ټرمینل جوړولو لپاره ۳۵ میلیارډ ډالر تصویب کړل
-
تازه خبرونه2 days ago
نړیوال بانک له افغانستان سره ۸۴ میلیون ډالر مرسته ومنله
-
لوبی3 days ago
افغانستان د ۲۰۲۴ کال ۲۰ اوریز نړیوال جام ته لوبډله اعلان کړه
-
تازه خبرونه4 days ago
تېر کال د ۳۵ میلیون ډالرو پر ارزښت پراختیايي او بشري پروژې ترسره شوي
-
لوبی4 days ago
اټک انرژي او موج ساحل د دوشنبې د ورځې لوبې وګټلې
-
نړۍ4 days ago
د امریکا بهرنیو چارو وزیر د غزې او اسرائیلو د اړیکو عادي کولو لپاره سعودي عربستان ته رسېدلی
-
تازه خبرونه5 days ago
د تېرو ۴ ورځو بارانونو له کبله ۸ کسان مړه شوي