تازه خبرونه
د دشت برچي اوسیدونکيو سیمې ته د ام اس اف د راستنېدو غوښتنه وکړه
د دشت برچي پر ۱۰۰ بستریز روغتون له خونړي برید یو کال تېریږي، چې په کې د میندو او ماشومانو په ګډون روغتیایي کارمندانو ته درنده مرګ و ژوبله اوښتې وه.
د دشت برچي د خلکو په ګډون افغانان به دا برید هیڅکله هېر نکړي؛ ځکه په دې برید کې د میندو او ماشومانو په ګډون لږ تر لږه ۲۴ کسان وژل شوي او لسګونه نور ټپیان ول.
له برید وروسته هغو بې پولې ډاکټرانو، چې د دشت برچي ۱۰۰ بستریز روغتون د زېږون څانګه یې اداره کوله، له روغتون څخه د وتلو پرېکړه وکړه او دا کار د برچي خلکو ته ټکان ورکوونکی او مایوسوونکی و.
ایم ایس اف په خپله اعلامیه کې څرګنده کړې، چې د دوی کارمندان په افغانستان او د نړۍ په کچه د پېښې د قربانیانو له کورنیو او قربانيانو سره په غم کې ځان شریک بولي او له هغو هزاره ګانو ته خپله خواخوږي څرګندوي، چې اوس هم د هغې ورځې فزیکي او رواني پایلو له کبله ټپی شوي دي.
مونږ هیله من یو، چې هیڅ کومه کورنۍ د خوښیو په شېبو کې دغه راز وحشيانه تراژیدي بیا ونه ویني.
د بې پولې ډاکټرانو د عملیاتي څانګې ډاکټرې مدیرې ایزابل دفورني ویلي؛ له برید څو اوونۍ وروسته مونږ له برچي څخه د وتلو لپاره سخته پرېکړه وکړه. مونږ پوهیدو، چې له وتلو وروسته ډېرې اړتیاوې رانه پاتې کیږي.
هغې زیاته کړې: د سیمې ځایي میرمنو ته زمونږ د زېږنتون څانګه اړینه وه؛ له ۲۰۰۹ کال راپدیخوا دلته ۱۶۰۰۰ ماشومان زېږیدلي دي؛ خو مونږ نشو کولی، چې له هغې پېښې ورړوسته خپلې هڅې روانې وساتو.
د سیمې یو اوسیدونکي احمد تمیم د ام اس اف له کارمندانو څخه د مننې تر څنګ ویلي: خلک به هیڅکله د دشت برچي د ام اس اف د کارمندانو پېرزوینې او د روغتون د دغې څانګې تړل کېدل هیڅکله هېر نکړي. د دغه روغتون تړل کېدو ټول حیران، بېوسه او خواشیني کړل.
هغه زیاته کړې: ټولو خلکو هیله درلوده، چې له برید وروسته به په دې بدمرغه او څنډې ته شوې سیمې اوسیدونکیو ته به خپله همکاري روانه وساتئ؛ خو په خواشینۍ، چې ستاسې وتل د خلکو لپاره یو بل غم و.
د دشت برچي اوسیدونکي له دې ټولنې څخه دغې سیمې ته د راستنېدو غوښتنه کوي.
دغه راز افغان ژورنالیسته سکینه امیري ویلي، چې د دشت برچي روغتون د تېر کال له مرګوني برید وروسته روغتیايي پاملرنې ته سخته اړتیا لري.
ښاغلې امیري په خپلې یوې یادونه کې څرګنده کړې: همدا د برچي په ۱۰۰ بستریز روغتون کې د ټولو څانګو روغتیايي خدمات د مشورې ورکولو تر کچې راټیټ شوي، چې یوازې بیړنیو ناروغانو ته د دردونو د کمولو درمل ورکول کیږي.
هغې دا هم ویلي، چې روغتون یوازې معمولي زیږون ترسره کوي.
نوموړې د ام اس اف له ډاکتذانو غوښتي؛ مهرباني وکړئ هغو خلکو ته بیا هم خپل روغتیایي خدمات وړاندې کړئ، چې د خوړلو لپاره ډوډس نلري. د کابل په لویدیځ کې د زېږون څانګه د زرګونه میندو د اړتیاوو پوره کوونکې وه او ده.
دغه ۱۰۰ بستریز روغتون د دشت برچي په یوه سیمه کې پروت دی، چې د روانې اوونۍ په پیل کې د نجونو ښوونځي زدکوونکې له درې چاودنو سره مخ شوې او لږ تر لږه ۸۷ زدکوونکې په کې ووژل شوې او ۲۰۰ نور یې ټپیان کړل.
تر دې دمه کومې هیچا د برید مسوولیت ندی منلی. حکومت طالبان تورنوي، چې په برید کې یې لاس درلود؛ خو طالبانو په کې لاس لرل رد کړي او ایران په دې برید کې داعش جنګیالیو ته ګوته نیسي.
تازه خبرونه
د ازبکستان بشري مرستې بلخ ته راورسېدې
نن پنجشنبه ( د غویي شپږمه ) له ازبکستان څخه د بشري مرستو یوه ټولګه د بلخ په سوداګریز بندر حیرتان کې د دې ولایت سیمهییزو چارواکو ته وسپارل شوه.
د سیمهییزو چارواکو د څرګندونو له مخې؛ په دغو مرستو کې ۶۰ ټنه خوراکي توکي( اوړه، غوړي، غنم، بوره او غوښه ) شته، چې د ازبکستان د سرخاندریا د والي لهخوا د بلخ چارسمبالي والي ته سپارل شوې ده.
د سرخاندریا والي د دغو مرستو موخه د افغانستان له خلکو ملاتړ یاد او د دواړو هېوادونو ترمنځ يې د ښو اړيکو پر پراختيا ټينګار څرګند کړ.
په تېرو دوه کلونو کې دا څووم ځل دی، چې ازبکستان افغانستان ته دا ډول مرستې را لیږي.
کابل او تاشکند دا مهال ښې اقتصادي او سیاسي اړیکي لري او دا دواړه هېوادونه په پام کې لري، چې په روان کال کې د افغان ټرانس د اوسپنې پټلۍ کار هم پیل کړي.
تازه خبرونه
په سیمه او هېواد کې امنیتي پېښې وارداتي دي – امیر خان متقي
نن پنجشنبه ( د غویی شپږمه ) د اسلامي امارت بهرنیو چارو وزارت چارسمبالي امیرخان متقي د افغان-قزاق نندارتون د پرانیستې په مراسمو کې د افغانستان او سیمې امنیتي پېښې وارداتي یادې کړې دي.
نوموړي په دې اړه په خپلو خبرو کې ویلي: متاسفانه زمونږ درې ګاونډي هېوادونه په نوبت سره؛ په یوه هېواد کې د داعش لپاره بشري قوه او افراد تیاریږي؛ مونږ او تاسې ولیدل، چې د نړۍ په بېلابېلو برخو کې یې پېښې تر سره کړې.
بل هېواد د هغې لارې پر سر پروت دی، چې امن خرابوونکي افراد ترې راتېریږي.
او بل هېواد بیا په خپله خاوره کې دوی ته د مرکزیت، د تمویل او پلان جوړونې مراکز ورکړي دي. که دا درې هېوادونه خپل مسوولیت ادا کړي؛ په افغانستان او سیمه کې هیڅ مشکل نشته.
ویل کیږي، چې بد امني پر ګډه همکارۍ او همغږۍ له منځه وړل کیږي.
تازه خبرونه
له اسلامي امارت سره نړیوالې اړیکې ورځ تر بلې پراخیږي – ذبیح الله مجاهد
د اسلامي امارت ویاند ذبیح الله مجاهد افغانستان ته د ګڼشمېر ډیپلوماټیکو استازو راتګ او نورو هېوادونو ته د افغان لوړ پوړیو چارواکو سفرونو ته په نغوته کې ويلي، چې اسلامي امارت په پراخه کچه منل شوی؛ اړیکې ورسره خوندي او لیدنې یې روانې دي.
ذبیح الله مجاهد زیاته کړې؛ له اسلامي امارت سره د نړۍ د هېوادونو اړیکې ورځ تر بلې پراخېږي او اغېزمنتیا یې مخ پر ډېرېدو ده.
د اسلامي امارت ویاند ټینګار کړی: د ځینو خلکو او کړیو دا تصور، چې افغانستان انزوا ته تلی او اقتصاد یې مخ پر خرابېدو دی او له نورو هېوادونو سره یې اړیکې نشي خوندي کېدی؛ ټول دروغ ثابت شول.
د نوموړي د څرګندونو له مخې؛ اوس څرګنده شوه، چې افغانستان له سیاسي او اقتصادي پلوه د ودې او پراختیا پر لوري چټک ګامونه اخلي او دا هڅې به نورې هم ګړندۍ شي.
-
تازه خبرونه3 days ago
وروستیو سیلابونو په افغانستان کې ۱۵۰۰ کورنیو ته زیانونه رسولي
-
نړۍ5 days ago
د جاپان دوه پوځي چورلکې بحر ته وغورځېدې
-
نړۍ3 days ago
د مالیزیا بحري ځواکونو د چورلکو په ټکر کې ۱۰ کسان مړه شول
-
تازه خبرونه5 days ago
د پاکستان سرحدونو وزیر د افغان کډوالو پر باعزته ستنېدا ټینګار وکړ
-
لوبی4 days ago
عینو مېنې، استقلال کابل او اټکانرژي فوټبال لوبډلې، خدیم افسي مات کړل
-
تازه خبرونه3 days ago
راشد خان د افغان بیسیم سوداګریز سفیر شو
-
لوبی3 days ago
د موج ساحل لوبغاړي د جوانان واحدي لوبډلې پر وړاندې زړهراکښونکی ګول ترسره کړ
-
سیمه ییز خبرونه3 days ago
د ایران ولسمشر پر درې ورځني سفر پاکستان ته ولاړ