Connect with us

لوبی

د راتلونکي شل آوریز نړیوال جام لپاره افغان لوبډله په ډاګه شوه

خپور شوی

د

(Last Updated On: وږی ۲۴, ۱۴۰۱)

د افغانستان کرکت بورد غوراوي کمیتې نن پنجشنبهد وږي ۲۴ د راتلونکي ۲۰ آوریز نړیوال جام لپاره ۱۵ کسیزه لوبډله غوره او سربېره پر دې ۴ احتیاطي لوبغاړیو ته هم په کې ځای ورکړ شوی دی.

د افغانستان کرکت بورد د غوراوي کمیتې ویلي؛ یادې سیالۍ د راتلونکي اوکتوبر پر شپاړسمه د آسټرالیا په کوربتوب پیلیږي، چې د نومبر تر ۱۳دیارلسمې به روانې وي.

د افغان اتلانو په ډاګه شوي نوملړ کې محمد نبي لوبډلمشر، نجیب الله ځدراڼ مرستیال لوبډلمشر، رحمان الله ګربز ویکت ساتونکی او حضرت الله ځاځی، ابراهیم ځدراڼ، عثمان غني، درویش رسولي، عظمت الله عمرزی، راشد خان، قیس احمد، مجیب الرحمن، فضل الحق فاروقي، فرید احمد ملک، نوین الحق او سلیم ساپی شامل دي.

همدا راز شرف الدین اشرف، رحمت شاه، ګلبدین نایب او افسر ځاځی د احتیاطي لوبغاړیو په توګه ټاکل شوي دي.

د افغانستان کرکت بورد د غوراوي کمیتې مشر نورالحق ملکزي ویلي: مونږ تل په دې هڅه کې یوو، چې د ټولو نړیوالو سیالیو لپاره یوه تکړه او پياوړې لوبډله غوره کړو، چې وکولی شي د تېر په څېر د افغانستان نوم وځلوي.

نورالحق ملکزي څرګنده کړې: تاسې په آسیا جام کې ولیدل، چې افغان لوبډلې زړه راکښونکې او بریالۍ سیالي ترسره کړې او له افغانستان څخه یې غوره استازیتوب وکړ. په همدې موخه مو یاد نوملړ ته هم ډېر پیاوړي او باتجربه لوبغاړي په پام کې ونیول.

د راتلونکي شل آوریز نړیوال جام په الف ګروپ کې (افغانستان، نیوزیلند، انګلستان او آسټرالیا) لوبډلې راغلي، چې دوه نورې به ورته له لومړي پړاو څخه لار ومومي.

دغه راز د یادو سیالیو په ب ګروپ کې (هندوستان، بنګله دېش، پاکستان او سویلي آفریقا) لوبډلې ځای پر ځای شوي، چې یاد ګروپ ته به هم دوه نورې لوبډلې له لومړي پړاوه لار ومومي.

د یادونې وړ ده، چې یادې سیالۍ به د آسټرالیا په هوبرت، میلبرن، پرت، سیدني، بریسبین او ادلید ښارونو کې ترسره کېږي.

لوبی

د افغانستان فوټبال ملي لوبډلې هند ته د ۱ ګول پر توپیر ماتې ورکړه

Published

on

(Last Updated On: وری ۸, ۱۴۰۳)

د افغانستان فوټبال ملي لوبډلې نن سې شنبه ( د وري اوومه) د اسام ایالت په ګواهاتي لوبغالي کې د هند فوټبال ملي لوبډلې ته ۲-۱ ماتې ورکړه.

دا لوبې د فوټبال د ۲۰۲۶ نړیوال جام او د آسیا د ۲۰۲۷ د غوراوي پړاو دي.

افغانستان د دغو سیالیو په جدول کې د کویټ، قطر او هند سره په ګروپ کې دی.

د هند لوبډلمشر سنیل چیتري د لوبې په اووه‌دېرشمه دقیقه کې افغانستان ته یو ګول ورکړ؛ خو د لوبې د دوه‌یمې برخې په اووه‌اویایمه دقیقه کې افغان لوبغاړي رحمت اکبري ګول وواهه او لوبه یې ۱-۱ مساوي کړه.

افغان لوبغاړي شریف محمد د پنالټي پر شوټ ګول ورکړ او افغانستان دا لوبه ۲-۱ وګټله.

 افغانستان او هند ( د وري پر دوه‌یمه) د سعودي عربستان د خمیس ښار د ضمک په لوبغالي کې صفر-صفر لوبه مساوي کړې وه.

د افغانستان په دې لوبه کې اویس عزیزي، اسلام الدین امیري، محبوب حنفي، جبار شرزه، حبیب الله عسکر، مصور احدي، رحمت اکبري، امید پوپلزی، توفی سکندري، ذوالفقار نظري او شریف محمد لوبېدلي دي.

افغانستان له دې مخکې د ۲۰۲۶ د نړیوال جام د غوراوي د دوه‌یم پړاو په سیالیو کې قطر او کویټ ته لوبې بایللې وې او له همدې کبله یې له هند څخه د لوبې ګټلو ته اړتیا ډېره وه.

Continue Reading

لوبی

افغانستان په فوټسال لوبه کې استرالیا ته ۵-۴ ماتې ورکړه

Published

on

(Last Updated On: وری ۷, ۱۴۰۳)

د افغانستان فوټسال ملي لوبډلې د استرالیا پر وړاندې څلور اړخیزه نړیواله سیالي د یو ګول پر توپیر وګټله.

په دې لوبه کې، چې نن (دوشنبه) په تایلینډ کې ترسره شوه، د افغانستان له لوري په لومړۍ نیمايي کې څلور ګولونه امید غضنبري، سید مجتبی حسیني، اکبر کاظمي او مهران غلامي ووهل.

اسټرالیا لوبه په دوه‌یمه نیمايي کې مساوي کړه او په وروستۍ دقیقه کې مهدي نوروزي د افغانستان لپاره د بریا ګول ترسره کړ.

په همدې حال کې د افغانستان لومړۍ لوبه د مالیزیا پر وړاندې ۳-۳ مساوي شوې وه.

د افغانستان راتلونکې لوبه د چارشنبې پر ورځ له کوربه لوبډلې تایلینډ سره ده.

Continue Reading

لوبی

آریانا ټلویزیون د هند کرکټ غوره لیګ د خپراوي حق خپل کړ

Published

on

(Last Updated On: وری ۲, ۱۴۰۳)

آریانا نړیوالې ټلویزیوني شبکې په ډاګه کړې، ​​چې په ټلویزیون او اوبپاڼې کې یې د هند کرکټ غوره لیګ (IPL) د خپراوي ځانګړی حق ترلاسه کړي دي.

د هند کرکټ غوره لیګ سیالۍ به سبا جمعه (د وري درېیمه / د مارچ دوه‌ویشتمه ) د ماښام پر ۶:۳۰ بجو پیل شي او دوه میاشتې به روانې او میلیونونو افغان مینه‌والو ته به د لاسرسي وړ وي.

په هند کې د کرکټ د څارنې بورډ (بي بي سي آی) په روانه اوونۍ کې د لیګ د نوي پړاو د ۲۱ لوبو مهالوېش خپور کړ، چې د مارچ له ۲۲ څخه د اپریل ۷ پورې به روانې وي.

د دې سياليو پايلوبه به د مې پر شپږویشتمه ترسره شي.

د هند غوره لیګ وخت به د بي بي سي آی د پلاوي له‌خوا اعلان شي.

د دې سیالیو په لومړۍ لوبه کې به سبا (جمعه) د هند په چینای ښار کې چینا سوپر کینګز او رویال چلېنجرز بنګلور لوبډلې سره مخ کیږي.

د تېر کال په څېر په دې ټورنمنټ کې به ۷۰ لوبې وي او هره لوبډله به ۱۴ لوبې ترسره کوي.

غوره څلور ټیمونه به پلی آف ته ولاړ شي، چې د کوالیفای یو پړاو وي، د یو وتلو له پړاو وروسته د کوالیفای پړاو دوه او بیا پایلوبه ده.

په هغو ورځو کې، چې دوه لوبې وي؛ لومړۍ لوبه به د ماسپښین پر ۲:۳۰ او دوه‌یمه د ماښام پر ۶:۳۰ وي.

هغه لس لوبډلې، چې تېر کال یې په ټورنمنټ کې برخه اخیستې وه، ټول به سږ کال د هند غوره لیګ په دې پړاو کې د ګډون لپاره راستانه شي.

لوبډلې په لاندې ډول دي:

چینای سوپر کینګز (اوسنی اتلان)

ډیلي کپیتنز

ګجرات ټایټنز

کلکته نایټ رایډرز

لکنو سوپر جاینټز

ممبي انډینز

پنجاب کینګز

راجستان رایالز

رویال چلنجرز بنګلور

سنرایزرز حیدرآباد

د هند پریمیر لیګ سیالۍ د هند په لس ښارونو کې ترسره کیږي، چې هره لوبډله یې د کور او بهر د سیالیو کوربه‌توب کوي، مخکې له دې، چې په نرندرا مودي لوبغالي کې ترسره کیږي.

د لومړنیو وړاندوینو له مخې؛ چینای سوپر کینګز کولی شي د خپلې اتلولې نوم وساتي؛ ځکه، چې دې لوبډلې تر دې دمه پېنځه ځله اتلولي خپله کړې ده.

دا سیالۍ به څنګه وګورو؟

دا سیالۍ به پر ژوندۍ، ځانګړې او قانوني بڼه له آریانا ټلویزیون   www.arianatelevision.com  او اوبپاڼې څخه خپرې شي.

کله، چې بي بي سي آی بورډ د دغو سیالیو بشپړ مهالوېش خپور کړ؛ نو د کرکټ مینه‌وال به بیا خبر شي.

سبا (جمعه د وري درېیمه / د مارچ دوه‌ویشتمه) اریانا ټلویزیون به د ماښام پر ۶:۳۰ بجو د هند غوره لیګ سیالي پیل کړي. ورپسې به لومړۍ لوبه د چینای سوپر کینګز او رویال چلینجر بنګلور ترمنځ د ماښام پر ۷:۰۰ بجو پیل شي.

Continue Reading

Trending

Copyright © 2022 Ariana News. All rights reserved!