Connect with us

مهم خبرونه

د سعودي او اماراتو مشرانو د امریکا له ولسمشر بایډن سره ټیلیفوني خبرې رد کړې

خپور شوی

د

(Last Updated On: کب ۱۹, ۱۴۰۰)

وال سټریټ ژورنال څرګنده کړی؛ سپینې ماڼۍ له ولسمشر جو بایډن سره د سعودي د ولیعهد محمد بن سلمان او د ابوظبۍ د ولیعهد محمد بن زاید آل نهیان د ټیلیفوني خبرو په تنظیمولو کې ناکامه شوه.

که څه هم دا غوښتنې د اوکراین لپاره د نړیوال ملاتړ د رامنځته کولو او د تېلو د بیو د لوړیدو پر څارنې راڅرخي؛ خو د دواړو خلیجي هېوادونو مشرانو د امریکا له ولسمشر جو بایډن سره د خبرو کولو غوښتنه ردکړه.

چارواکو ویلي؛ د خبرو ردول په داسې حال کې رامنځته کیږي، چې سعودي او اماراتي چارواکو په وروستیو اوونیو کې د دوی په اړه د امریکا پر تګلارې نیوکې کړې دي.

د میډل ایست آی د راپور له مخې؛ سعودي او امارات په یمن کې د ایران په ملاتړ د حوثي یاغیانو لخوا د وروستيو توغندیزو بریدونو په اړه د امریکا د غبرګون په اړه ګډه اندېښنه لري.

دواړه حکومتونه د ایران د اټمي هوکړې د بیا راپورته کېدو په اړه هم اندېښمن دي، چې په ویانا کې د خبرو وروستي پړاو ته وردننه شوي دي.

بایډن د فبرورۍ پر نهمه له پاچا سلمان سره خبرې کړې وې او د اوږدو دوه اړخیزو اړیکو بیا تکرار یې وغوښت؛ خو د خلیج نارضایتي په داسې حال کې رامنځته کیږي، چې واشنګټن د تېلو له لرونکیو هېوادونو سره د ښو اړیکو ساتلو لپاره کار کوي؛ ځکه، چې د تېلو بیه په نږدې ۱۴ کلونو کې د لومړي ځل لپاره د هر بیرل بیه له ۱۳۰ ډالرو ډېره شوې ده.

د سرچینې د څرګندونو له مخې؛ سعودي عربستان او متحده عربي امارات دوه هغه هېوادونه دي، چې د تېلو یوازني دوه لوی تولیدونکي دي، چې کولی شي په میلیونونو بیرل نور تېل تولید کړي، چې کولی شي په امریکا کې د تېلو د بیو د لوړیدو په مخنیوي کې مرسته وکړي.

دغو دواړو هېوادونو د زیاتو تېلو له تولیدولو ډډه کړې او ویلي یې دي، چې دوی د اوپک پلس یا د پټرولیم صادروونکیو هېوادونو ټولنې او د روسیې په مشرۍ د متحدینو تولیدي پروګرام ته لیواله دي.

تېره اوونۍ د سعودي ولیعهد او شیخ محمد دواړو د روسیې له ولسمشر ولادیمیر پوتین سره، چې د فبرورۍ پر څلیریشتمه یې پر اوکراین یرغل پیل کړ؛ د امریکا له ولسمشر سره د خبرو له ردولو وروسته ټیلیفوني خبرې کړې دي. په داسې حال کې، چې دوی دواړو وروسته د اوکراین له ولسمشر ولادیمیر زیلینسکي سره هم خبرې وکړې.

مهم خبرونه

د واګنر ډلې قومندان د الوتکې د راغورځېدو په پېښه کې مړ شو

Published

on

(Last Updated On: وږی ۲, ۱۴۰۲)

د واګنر خصوصي پوځ قومندان پرګوزین ځانګړې الوتکه مسکو ته نږدې راوغوځېده.

د تاس خبري آژانس د خبر له مخې، د چارشنبې پر ماښام د واګنر د قومندان پریګوزین ځانګړې الوتکه مسکو ته نږدې راغورځېدلې، چې له کبله یې ۱۰ کسان ووژل شول.

د زاپوریزیا د سیمه‌ییزې ادارې غړي ولادیمیر روګوف ویلي، چې پریګوزین ته نږدې خلکو د هغه او د واګنر ګروپ بنسټ ایښودونکي دیمیتري اوتکین مړینه تائید کړې ده.

د روسیې د ملکي هوايي چلند ادارې څرګنده کړې، چې د واګنر د خصوصي پوځي ډلې قومندان پریګوزین د خپلې ځانګړې الوتکې د مسافرو په لیست کې و، چې د مسکو په شمال کې راوغورځېده.

د ریبار پوځي اوبپاڼې راپور ورکړی، چې د مسکو په شمال کې د راغورځېدلې الوتکې د مسافرینو په منځ کې د واګنر د قومندانانو د شتون په اړه معلومات اوس هم تائید شوي نه‌دي.

روسي اوبپاڼې ريدووکا څرګنده کړې، چې ښايي پرګوزين په الوتکه کې د مسافر په توګه خپل نوم ثبت کړی وي او يوازې د امنيتي دلايلو له مخې په بله الوتکه کې سپور شوی وي.

د روسیې د بېړنیو حالاتو وزارت ویلي، چې د مسکو په شمال کې د راغورځېدلې الوتکې د ۸ کسانو سپرلیو مړي موندل شوي دي.

ځینو روسي رسنیو راپور ورکړی، چې یوګیني پریګوزین ممکن په دوه‌ییمه الوتکه کې وي، چې په مسکو کې راکښته شوه.

په انترنیت کې د خپرو شویو ویدیوګانو له مخې د پریګوزین اړوند د ایمبرایر الوتکه د تور ولایت د خوتیلوو پوځي هوایي ډګر په ۱۵ کیلو مترۍ کې رالوېدلې ده.

ویل کېږي، چې په دې الوتکه کې درې کسان عمله او اووه مسافر سپاره ول.

دا په داسې حال کې ده، چې بي بي سي د واګنر د قومندان د مړ کېدو ادعا کړې ده.

Continue Reading

سیمه ییز خبرونه

د پاکستان پخوانی لومړی وزیر عمران خان ونیول شو

Published

on

(Last Updated On: زمری ۱۴, ۱۴۰۲)

د پاکستان پولیسو د شنبې پر ورځ یو ځل بیا د اپوزیسیون مشر او پخوانی لومړی وزیر عمران خان په لاهور ښار کې له خپله کوره نیولی دی.

د اسوشیتید پرس د څرګندونو له مخې؛ د شنبې پر سهار محکمې عمران خان د شتمنیو د پټولو په قضیه کې مجرم وګاڼه او د بند سزا یې ورته صادره کړه، چې کیدی شي د هغه سیاسي فعالیتونه ودروي. د عمران خان له محکومولو وروسته د اسلام‌آباد محکمې د هغه د نیولو حکم صادر کړ او د لاهور پولیسو له ځنډ پرته له خپل کوره ونیوه او د پاکستان پلازمېنې ته یې ولېږداوه.

دا واک ته د راستنېدو لپاره د عمران خان پرهڅو یو نوی ګوزار دی.

په پارلمان کې د ۲۰۲۰ کال د اپریل د میاشتې د عدم اعتماد د رایې او ګوښه کېدو وروسته له ۱۵۰ څخه ډېرو قانوني قضیو په ګډون د می د میاشتې د خونړیو لاریونونو پرمهال د فساد، تروریزم او تاوتریخوالي ته د هڅولو له تورونو سره مخ شو. په دغو لاریونونو کې د عمران خان پلویانو په ټول هېواد کې پر دولتي او پوځي تاسیساتو بریدونه کړي دي.

Continue Reading

تازه خبرونه

پر ستونزو د خبرو لپاره له هېواده وتلي خلک دې راستانه شئ – طاهر زهیر

Published

on

(Last Updated On: غویی ۲۶, ۱۴۰۲)

د پخواني حکومت والي او د کابینې غړی طاهر زهیر، چې په دې وروستیو کې له شاوخوا دوه کلن وسلهوال مخالفت وروسته له اسلامي امارت سره یوځای شوی، جګړه د افغانستان د ستونزو  حل لار نهګڼي او د خبرو له لارې د شته ستونزو پر حل ټینګار کوي.

هغه له چارواکو، مشرانو او نورو سیاسي څېرو غواړي چې هېواد ته راستانه شي او د هېواد په آبادۍ او پرمختګ کې ونډه واخلي.

نوموړي په سمنګان ولایت کې یوې غونډې ته د وینا پر مهال له اسلامي امارت وغوښتل، چې په هېواد کې د یووالي بنسټونه پیاوړي کړي او ټولو قومونه ته د نظام په جوړښت کې ونډه ورکړي.

طاهر زهیر وايي، چې په هېواد کې جګړه د ستونزو  حل لار نهده. هغه خلک، چې غواړي د افغانستان ستونزه د جګړې له لارې حل کړې؛ هېواد ته دې راستانه شي او د خبرو  اترو  لار دې خپله کړي.

د سمنګان ولایت سیمه ییز چارواکي او مشران له ټولو هغو کسانو  او مشرانو څخه چې له هېواده وتلي دي غواړي چې  خپل وطن ته راستانه شي او د هېواد په پرمختګ کې ونډه واخلي.

د سمنګان والي عبدالاحد فضلي ويلي: زموږ د هغو افغان وروڼو لپاره، چې بهر ته تللي او یا هم هغه وروڼه، چې غرونو ته پورته شوي؛ ډېر خواشینی یم. له دوی ټولو څخه زمونږ غوښتنه دا ده، چې د افغانستان د اسلامي امارت مشر ټول ولس ته عفو کړې؛ نو خپل وطن او هېواد ته راشئ، تاسې ټول مو وروڼه یاست.

د سمنګان امنیه قومندان احمدالله بدر ویلي: زما پیغام د اسلامي امارت ټولو مخالفانو ته دا دی، چې د افغانستان اسلامي امارت د رهبرۍ د عمومي عفوې له فرمان څخه ګټه پورته کړي؛ له اسلامي امارت سره یو ځای شي او له خپل توان او قوت څخه کار واخلي او د اسلامي امارت د پياوړتيا په لار کې له مونږ سره ټول بوخت شي.

د دې ولایت د استخباراتو رییس محمد هاشم شفیق ویلي: ټولو هغو کسانو ته، چې بهر ته تللي؛ د اسلامي امارت غېږ ورته خلاصه ده، خپل هېواد خدمت ته دې راستانه شي.

طاهرزهیر ويلي، چې غواړي د یوه عادي وګړي په توګه خپل ژوند روان وساتي او په نظام  کې د کار کولو نیت نهلري؛ خو اسلامي امارته دې د باور فضا رامنځته کړي، چې ټول سیاسي او ټولنیز شخصیتونه هېواد ته راستانه شي.

Continue Reading

Trending

Copyright © 2022 Ariana News. All rights reserved!