تازه خبرونه
د سودان د کورنۍ جګړې ښکېلو لوریو د بهرنیانو د ایستلو لپاره پر ۷۲ ساعته اوربند هوکړه وکړه
د سودان د کورنۍ جګړې جنګیالیو د سې شنبې پر ورځ د لویدیځ، عربي او آسیایي هېوادونو د وګړیو د ایستلو لپاره د غویی پر ۵ / د اپریل پر ۲۵ پر ۷۲ ساعته اوربند هوکړه وکړه او اړوند هېوادونو د خپلو وګړیو د ایستلو سیالۍ پیل کړې.
د سودان وسلهوالو ځواکونو (SAF) ویلي، چې د امریکا او سعودي عربستان پر منځګړیتوب اوربند شوی دی.
د امریکا بهرنیو چارو وزیر انتوني بلینکن د دغې هوکړې په اړه ویلي، چې اوربند له دوه ورځو پرلپسې خبرو اترو وروسته رامنځته شوی دی.
رویټرز راپور ورکړی، چې دواړو خواوو د څو پخوانیو لنډمهاله اوربند هوکړې پلې کړې ندي.
د اپریل پر ۱۵ د سودان وسلهوالو ځواکونو SAF او چټک ملاتړ ځواکونو (RSF) ترمنځ جګړه پیل شوه او تر دې دمه په کې لږ تر لږه ۲۲۷ کسان وژل شوي، روغتونونه او نور خدمات یې ړنګ دي او د استوګنې سیمې یې د جګړې پر سیمو بدلې شوې دي.
بلینکن په یوه اعلامیه کې په ډاګه کړې: د اوربند په بهیر کې امریکا له SAF او RSF څخه غوښتنه کوي، چې سمدستي او په بشپړه توګه اوربند وساتي.
هغه ویلي؛ امریکا به د سیمهییزو، نړیوالو او د سودان له ملکي ګټو سره همغږي وکړي، چې یوه کمیته را جوړه او پر دایمي اوربند او بشري ترتیباتو پر کارونو څارنه وکړي.
RSF په خرطوم کې تائید کړې، چې د بشردوستانه هڅو د اسانتیا لپاره د نیمې شپې پیل شوي اوربند سره مو هوکړه کړې.مونږ د اوربند په موده کې بشپړ اوربند ته خپله ژمنتیا تائیدوو.
SAF په خپله فیسبوک پاڼه کې څرګنده کړې؛ دوی هم له اوربند سره هوکړه کړې ده. د سودان د مدني ټولنې ډلو یو ائتلاف، چې دیموکراسۍ ته د لیږد په اړه په خبرو اترو کې برخه درلوده له دې خبر هرکلی وکړ.
د رویترز د راپور له مخې؛ د ماښام د اوربند له اعلان مخکې هوايي بریدونو او ځمکنیو جګړو د پلازمېنې په اړوند سیمه کې له درې نږدې ښارونو څخه یو اومدرمان ولړزاوه او په پلازمېنه خرطوم کې هم نښتې وشوې.
د ملګرو ملتونو سرمنشي انتونیو ګوتریش ویلي؛ په یوه هېواد کې سرې بحیرې او ساحلي سیمو ته نږدې تاوتریخوالی شته او د یوې ناورین جوړوونکي اولګېدنې خطر شته، چې کولی شي ټوله سیمه ترې زیانمنه شي.
د سې شنبې پر ورځ د ملګرو ملتونو امنیت شورا د سودان په اړه یوه غونډه پلان کړه.
په تېرو څو ورځو کې د سودانیانو او د ګاونډ هېوادونو د اتباعو په ګډون لسګونه زره کسان مصر، چاد او جنوبي سودان ته تښتېدلي، چې هلته د بې ثباتۍ او د ژوند له سختو شرایطو سره مخ دي.
بهرنيو حکومتونو هم د خپلو اتباعو د خوندیتوب لپاره هڅې چټکې کړې دي. د ۶۵ موټرو یو کاروان لسګونه ماشومان، سلګونه دیپلوماتان او مرستندویه کارکوونکي ۸۰۰ کیلومتره له ګرمۍ ډکه لار په ۲۵ ساعتونو کې ووهله او له خرطوم څخه د سرې بحیرې بندري ښار ته ولېږدول شول.
د ملګرو ملتونو د ویاند مرستیال فرحان حق ویلي؛ د خوراکي توکو، پاکو اوبو، درملو او د سونګ توکو، مخابراتو او برېښنا د محدودیت له امله بیې لوړې شوې دي.
هغه د بشري مرستو د لوټلو رپوټونو ته هم نغوته او اشاره وکړه او وایي، چې په خرطوم او همدارنګه په شمالي، بلیو نیل، شمالي کوردوفان او دارفور ایالتونو کې “سختې جګړې” د مرستندویه عملیاتو مخه نیولې ده.
د بریدونو سره مخ شوي، مرستندویه ټولنې د هغو کسانو په منځ کې ول، چې کارمندان یې ایستل او د خواړو نړیوال پروګرام خپل د خواړو د وېش ماموریت وځنډاوه.
د لویدیځوالو ګړندي وتل پدې معنی دي، چې هېواد د سقوط په څنډه کې دی؛ خو مونږ له دوی څخه د ثبات په ملاتړ کې د لوی رول تمه لرو، چې دواړه خواوې د جګړې پر بندولو فشار راوړي.
د کانادا، فرانسې، پولند، سویس او امریکا په ګډون یو شمېر هېوادونو سفارتي هڅې تر بلې خبرتیا وځنډولې.
دا په داسې حال کې ده، چې د افغانستان اسلامي امارت د بهرنیو چارو وزیر مولوي امیر خان متقي تېره ورځ ویلي، چې د سودان په کورنۍ جګړه کې یې د ۱۲۰ بند پاتې افغانانو د ژغورنې او رایستلو کار پیل کړی؛ خو هغه پدې اړه نور جزئیات ورنهکړل.
تازه خبرونه
چین په افغانستان کې له سیلاب ځپلیو سره سل زره ډالر مرسته کوي
په کابل کې د چین سفیر په افغانستان کې د وروستیو سېلابونو له قربانیانو سره د دغه هېواد د سره صلیب له لارې د سل زره ډالرو مرستې اعلان وکړ.
ژاو شينګ د دوشنبې پر ورځ (د غویي لسمه) د ریاست الوزراء له اداري مرستيال عبدالسلام حنفي سره په کتنه کې ويلي، چې دغه مرستې به ډېر ژر اړوند چارواکو ته وسپارل شي.
د ریاست الوزراء د اداري مرستیالۍ د خبرپاڼې له مخې؛ د چين سفير ويلي، چې د دواړو هېوادونو د اړيکو د پياوړتيا لپاره چين په بېلابېلو برخو کې افغان زدهکړیالانو ته د تحصيلي بورسونو زمينه برابره کړې ده. همدارنګه د افغانانو د ظرفیت لوړولو لپاره د طب په ګډون په بېلابېلو څانګو کې لنډ مهاله روزنیز کورسونه تنظیموي.
نوموړي په بېلابېلو برخو کې د پانګونې لپاره د چينايي سوداګرو او شرکتونو لیوالتيا هم ياده کړې او څرګندوي؛ د دواړو هېوادونو اقتصادي او سوداګريزې اړيکې په ښه حالت کې دي او چينايي سوداګر او پانګوال لیواله دي، چې په افغانستان کې پانګونه وکړي.
تازه خبرونه
روسیې پر اوکراین د شمالي کوریا توغندي توغولي
د ملګرو ملتونو د بندیزونو څارونکیو د امنیت شورا یوې کمیټې ته په یوه راپور کې څرګنده کړې؛ د اوکراین پر خارکوف لګیدلی توغندی ښیي، چې په شمالي کوریا کې جوړ شوی دی.
د رویټرز د څرګندونو له مخې: د ملګرو ملتونو د بندیزونو د څارنې ډلې په هغه راپور کې، چې پرون (دوشنبه د غوایی لسمه) یې امنیت شورا ته وړاندې کړ؛ په ډاګه کوي، چې د اوکراین په خارکوف ښار کې د جنورۍ پر دوهیمه د توغندیز برید پاتې شوني د شمالی کوریا Hwasong-11 بالیستیک توغندي دي.
مسکو او پیونګ یانګ دواړو دا تورونه رد کړي؛ خو تېر کال یې ژمنه کړې وه، چې پوځي اړیکي به پراخوي.
د ۲۰۲۴ ز. کال د جنورۍ پر دوهیمه له برید څو ورځې وروسته د خارکوف سیمې څارنوالۍ د توغندیو ټوټې رسنیو ته وښودلې او څـرګنده شوه، چې دا د روسیې له ماډلونو څخه توپیر لري او ممکن دا توغندی د شمالي کوریا لخوا چمتو شوی وي.
شمالي کوریا له ۲۰۰۶ ز.کال راپدیخوا د بالیستیک توغندیو او اټومي پروګرامونو د پراختیا له کبله د ملګرو ملتونو تر بندیزونو لاندې ده او له هغه وخت راپدیخوا دغه بندیزونه نور هم سخت شوي دي.
د ملګرو ملتونو د بندیزونو درې څارونکیو د روانې میاشتې په پیل کې اوکراین ته د توغندي د پاتې شونو د کتنې لپاره سفر وکړ؛ خو داسې شواهد یې ونهموندل، چې دا توغندی دې د روسیې لخوا جوړ شوی وي.
د راپور له مخې؛ دوی په خپلواکه توګه نشي کولی دا معلومه کړي، چې راکټونه له کوم ځای څخه او د چا لخوا توغول شوي.
دغو څارونکیو ویلي، چې د اوکرایني چارواکو لهخوا د دغه توغندي د توغولو په اړه ورکړ شوي معلومات ښيي، چې دا د روسیې له خاورې توغول شوی دی.
د دوی د څرګندونو له مخې؛ که دا تږغندی د روسي ځواکونو په واک کې و، نو ښایي دا په ډاګه کړي، چې روسیې ترلاسه کړی او دا د شمالي کوریا پر وړاندې د ۲۰۰۶ کال د وسلو له بندیز څخه ښکاره سرغړونه ده.
د سپینې ماڼۍ د ملي امنیت شورا ویاند تېر کال ویلي وه، چې شمالي کوریا په دې وروستیو کې مسکو ته د اوکراین پر ضد د روسیې په جګړه کې د کارولو لپاره بالیستیک توغندي او لانچرونه ورکړي، چې ځینې یې روسیې پر اوکراین توغولي دي.
د امریکا حکومت په دې باور دی، چې تېر کال د روسیې او شمالي کوریا د مشرانو له غونډې وروسته روسیې ته د شمالي کوریا لهخوا د بالیستیک توغندیو او توپونو د لېږلو لړۍ پیل شوې ده.
تازه خبرونه
د افغانستان د کانونو د اوومه توکو پروسس باید په هېواد کې دننه ترسره شي – شهاب الدین دلاور
د کانونو او پټرولیم وزارت چارسمبالي شهاب الدین دلاور د یوې چینايي کمپنۍ له مسوولینو سره په لیدنه کې ویلي، چې له هېواده بهر د کانونو د اوومه توکو پروسس او صادرولو ته اجازه ناشونې ده.
دلاور دا خبره د چین له دولتي شرکت ایم سي سي هولودا سره د لیدنې پر مهال کړې. دا په داسې حال کې ده، چې د میس عینک د استخراج قراردادي شرکت هم حضور درلود.
د کانونو او پټرولیم وزارت په خبرپاڼه کې راغلي، چې MCC هولودا په چین کې د مسو، سربو او جستو د استخراج او پروسس یو له سترو شرکتونو څخه دی.
په خبرپاڼه کې راغلي، چې دغه شرکت په افغانستان کې د مسو، سربو او جستو په کانونو کې پانګونې ته لیوالتیا ښودلې ده.
دلاور د دوى له لیوالتيا هرکلى کړی او څرګندوي؛ په باميانو، کندهار او غور ولايتونو کې د سربو او جیت کانونه شته او که دغه شرکت په افغانستان کې د کانونو د پروسس په برخه کې هوکړه وکړي، وزارت ورته د همکاري ډاډ وړاندې کوي.
دلاور د مس عینک د مسو د پروژې په اړه هم خبرې وکړې او د کار د چټکتیا غوښتنه یې وکړه.
-
تازه خبرونه2 days ago
د بغلان ولایت د غوري سمنټو تولید زیات شوی
-
لوبی5 days ago
اټکانرژۍ لوبډلې په نهمه سیالۍ کې سرخپوشانخوافي ته ۱ـ ۰ ماتې ورکړه
-
تازه خبرونه2 days ago
ترکمنستان د ټاپي پروژې بشپړولو ته ژمن دی – امانوف
-
سیمه ییز خبرونه2 days ago
په عراق کې به همجنسبازان پر۱۵ کاله بند شي –پارلمان
-
لوبی2 days ago
په افغانستان اتلانو لیګ کې موج ساحل ۲-۱ سرسبز یاشلر او سورخ پوشان ۶ -۰ میوند مات کړل
-
سیمه ییز خبرونه1 day ago
د دوبۍ واکمن د هوایي ډګر د نوي ټرمینل جوړولو لپاره ۳۵ میلیارډ ډالر تصویب کړل
-
تازه خبرونه2 days ago
له پاکستان څخه دې د افغان کډوالو د جبري ایستلو چټکتیا راکمه شي
-
تازه خبرونه20 hours ago
تېر کال د ۳۵ میلیون ډالرو پر ارزښت پراختیايي او بشري پروژې ترسره شوي