تازه خبرونه
د سوداګریزو شخړو د هواري مرکز پرانیستل شو
د سوداګرۍ او صنایعو خونې په چوکاټ کې د لومړي ځل لپاره دسوداګریزو شخړو د هواري مرکز پرانیستل شو.
د دې مرکز په جوړېدو یو اعشاریه اته میلیون ډالر لګیدلي دي.
د سوداګرۍ وزیر وایي، په دې مرکز کې به سوداګریزې شخړې ژر او په وخت سره حل او کارونه ښه تنظیم شي.
دا نوی پرانیستل شوی مرکز به وروسته له دې د سوداګریزو شخړو د حل محکمې چارې په مخ وړي، چې د سترې محکمې په چوکاټ کې فعالیت لري.
ویل کیږي چې مخکې به د سوداګرو شخړې په اووه څلویښت پړاونو کې د ۱۶ سوو ورځو په تېرېدو او د پانګوالو د شتمنۍ د پنځه ویشت سلنې برخې په مصرف سره حل کېدې، خو د دې مرکز په فعالېدو سره به دا کار چټک او په عین حال کې ساده شي.
د سوداګرۍ اوصنایعو وزیر همایون رسا:
” مونږ هڅه کوو چې له سوداګرو سره په همکاري کې په مخ ولاړشو. سوداګریز قوانین به له سره وارزول شي که بدلون ته اړتیا وه، نو د پروسې د لا آسانتیا لپاره به نور کار هم وشي.“
د حرکت ادارې رییس نسیم اکبر:
“ په دغه مرکز کي به قضیې په خپلواک، مسلکي او روڼ ډول وڅیړل شي، دا مرکز به د سوداګریزو ستونزو د حل لپاره ښه رول ولوبوي.“
بلخوا د سوداګرۍ او صنایعو خونه د دې مرکز شتون اړین بولي.
د سوداګرۍ او صنایعو خونې مرستیال خان جان الکوزی:
” د سوداګریزو شخړو د هواري د مرکز فعالېدل یوه اساسي موضوع ده، د دې مرکز په فعالېدو سره به د سوداګرو ستونزې همدلته حل شي.“
ویل کیږي چې څلور اتیا کاله مخکې چې کله د سوداګرۍ او صنایعو خونه را منځته شوه، په هغه مهال د سوداګرو د ستونزو د حل یو مرکز هم په دې بنسټ کې پرانیستل شوی و، خو کورنیو جګړو د دې مرکز د فعالیت مخه ونیوله.
خبریال: اسلم حجاب
تازه خبرونه
جاپان د افغانستان له سیلاب ځپلیو سره د بېړنیو مرستو ژمنه وکړه
په افغانستان کې د جاپان سفارت د پنجشنبې پر ورځ په ډاګه کړه، چې د افغانستان د شمال له سیلاب ځپلیو خلکو سره به بېړنۍ مرستې وکړي.
د سفارت د خپرې شوې خبرپاڼې له مخې؛ دا مرستې به د جاپان د نړيوالې همکارۍ ادارې (JICA) له لارې د سره صليب او سرې مياشتې ټولنې (IFRC) او افغاني سرې مياشتې ټولنې (ARCS) پر همکارۍ ترسره شي.
دا مرست خیمې، کمبلې او نور اړین توکي رانغاړي.
په یادې خبرپاڼه کې راغلي؛ جاپان پرېکړه کړې، چې ډېر ژر به د افغانستان د سيلاب ځپلیو خلکو د مرستې لپاره بېړنۍ مرستې وکړي. مونږ تل د افغانستان د خلکو تر څنګ ولاړ یوو.
دغه راز د ملګرو ملتونو د بشري چارو د همغږۍ دفتر (OCHA) ویلي، چې په بغلان، بدخشان او تخار ولایتونو کې د سختو بارانونو او سیلابونو له کبله ۸ زره ۹۷۵ کورونه ویجاړ شوي او یا هم زیانمن شوي دي.
روسیې هم د اړتیا په صورت کې د مرستې ژمنه کړې ده.
دا په داسې حال کې، چې د اسلامي همکاریو ټولنې (OIC) هم له اسلامي هېوادونو او مرستندویه ټولونو غوښتي، چې د افغانستان له سیلاب ځپلیو سره مرسته وکړي.
تازه خبرونه
د ترکیې سفیر د افغانستان سیلاب ځپلیو ته د ۶۷۰ ټنو مرستې اعلان وکړ
په کابل کې د ترکیې سفیر د اقتصاد وزارت له چارسمبالي سره په کتنه کې څرګنده کړې، چې سبا (جمعه د غویی ۲۸ ) ته به د افغانستان د وروستیو سیلاب ځپلیو لپاره د لومړنیو توکو څه باندې۲۰ ټنه مرسته راولېږدول شي.
د اقتصاد وزارت د خبرپاڼې له مخې؛ جنګ اونال له دین محمد حنیف سره په کتنه کې له ترکیې څخه د ۶۵۰ ټنو نورو بشري مرستو له رالېدولو هم خبر ورکړی، چې په کې خیمې، خوراکي توکي، درمل، جامې او نور توکي شامل دي.
هغه دا ډاډ هم ورکړی، چې افغانستان ته به دا مرستې د اوسپنېپټلۍ له لارې د هرات تورغنډۍ بندر ته رادننه شي.
په دې کتنه کې دین محمد حنیف له دغو مرستو څخه د هرکلي تر څنګ ویلي، چې د ترکیې هېواد د تاریخ په اوږدو کې د افغانستان یو ښه دوست او همکار پاتې شوی دی.
تازه خبرونه
ملګري ملتونه غواړي په افغانستان کې د ځمکو خړبولو لپاره سولري پمپونه ولګوي
د ریاست الوزراء اداري مرستیال عبدالسلام حنفي د سې شنبې پر ورځ ( د غویی پېنځهویشتمه ) د ملګرو ملتونو د پروژې خدمتونو د دفتر (UNOPS) له اجرائیوي رییس جورج موریرا داسیلوا سره وکتل.
په دې کتنه کې جورج موریرا داسیلوا اداري مرستيال ته د خپلو تېرو هڅو او لاسته راوړنو په اړه معلومات ورکړل او څرګندوي؛ دا اداره غواړي، چې په افغانستان کې د سولري پمپونو پر لګولو د کرنيزو ځمکو د خړوبولو يوه نوې پروژه پيل کړي.
عبدالسلام حنفي د دې ادارې د فعالیتونو او لاسته راوړنو د ستاینې ترڅنګ ویلي، چې اسلامي امارت په افغانستان کې د (UNOPS) ادارې له هڅو ملاتړ کوي او د پروژو د پلي کولو لپاره یې لازمې اسانتیاوې برابروي.
ویل کیږي، چې عبدالسلام حنفي له ټولو نړیوالو مرستندویه بنسټونو وغوښتل، چې کروندګرو ته د کوکنارو د بدیل کښت او افغان ځوانانو ته د کار د زمینې په برابرولو کې همکاري وکړي.
-
تازه خبرونه5 days ago
په بغلان کې سېلابونو ۱۹۴۵ کسانو ته مرګ او ژوبله اړولې
-
لوبی3 days ago
د کابل کرکټ غوره لیګ لوبغاړو د داوطلبۍ مراسم ترسره شول
-
تازه خبرونه4 days ago
د اسلامي هېوادونو همکاریو ټولنې د افغانستان له سیلاب ځپلیو سره د مرستې غوښتنه وکړه
-
تازه خبرونه3 days ago
د یوناما استازې د ایران له بهرنیو چارو وزیر سره وکتل
-
تازه خبرونه3 days ago
په ننګرهار کې د ناکامورا کانال پروژه بشپړه شوه
-
تازه خبرونه5 days ago
څو ایراني شرکتونو د افغانستان په کانونو کې د پانګونې پرېکړه وکړه – قدیر قیافه
-
تازه خبرونه3 days ago
ملګرو ملتونو د دې ټولنې په عمومي ناسته کې د افغانستان د رایې حق وځنډاوه
-
د هوا حالاتو بدلونونه2 days ago
په تېرو ۲ زره کلونو کې د تېر کال اوړی له ټولو تود و – څېړنه