تازه خبرونه
د سولې بهیر د ترسره کولو لپاره اوربند ارزښتمن ګام دی – غني
د افغانستان ولسمشر اشرف غني د امریکا اتلانټیک شورا په ويډیوي کنفرانس کې د خبرو پر مهال یو ځل بیا ویلي، چې د سولې بهیر د ترسره کولو لپاره اوربند ارزښتمن ګام دی.
ولسمشر زیاته کړې، چې د افغانستان حالت ډاډمن ندی او حکومت اړ دی، چې حالاتو ته په کتو خپل دریځ وښیي.
نوموړي ټینګار کړی، چې افغانستان د ښو کانونو لرونکی هېواد دی او د سولې له خوندیتوب وروسته ترې ښه ګټه پورته کیدی شي.
د اشرف غني په باور اوس د سولې پر وړاندې خنډونه له مخې لیرې شوي دي.
دغه راز په دغو خبرو اترو کې ولسمشر غني د لنډمهالي حکومت د جوړیدو او د ده د ګوښه کیدو په اړه د یوې پوښتنې په ځواب کې ویلي؛ د ډاکټر نجیب ستره تېروتنه له مجاهدینو سره د خبرو په بهیر کې دا وه، چې خپله ګوښه کیدنه یې اعلام کړه. مونږ یو ځل فلم لیدلی، نه غواړو بیا یې وګورو!
هغه دا هم ویلي، چې د افغانستان او پاکستان دریځونه سره نږدې دي، ۲۰۰۰ طالب زندانیان خوشې شوي، ۲۰۰۰ نور به ژر خوشې شي او راتلونکې اوونۍ به د خپلمنځي خبرو ځای او وخت هم په ډاګه شي.
ولسمشر د خپلو خبرو په بهیر کې زیاته کړې، چې اوس دوه سری حکومت نشته، له ډاکټر عبدالله سره په ګډه توګه کار کوو او مرکچي پلاوی هم د افغانستان له ټولو خلکو استازیتوب کوي.
دا په داسې حال کې ده، چې د سولې د خبرو په درشل کې اوس هم د مذاکرې لپاره د دولت او طالبانو اجندا روښانه نده؛ خو طالبانو ویلي، چې ښایي د راتلونکي سیاسي نظام د ډول او اوربند په اړه به خبرې وکړي.
تازه خبرونه
اسلامي امارت امریکایی بندي ډینس کویل خوشې کړ
د یاد وزارت د خبرپاڼې له مخې؛ نن( سېشنبه د وري څلورمه ) د کویل مور د اسلامي امارت رهبر ته په یوه لیک کې د لوی اختر پر مناسبت د بښنې او د خپل زوی د خوشې کېدا غوښتنه کړې وه او سترې محکمې د هغه زندان کافي وګاڼه او د هغه د خوشې کولو پرېکړه یې وکړه.
د افغانستان اسلامي امارت بهرنیو چارو وزارت د امریکایي وګړي ډینس کویل له بند څخه د خوشې کېدا خبر ورکړ.
د یاد وزارت د خبرپاڼې له مخې؛ نن( سېشنبه د وري څلورمه ) د کویل مور د اسلامي امارت رهبر ته په یوه لیک کې د لوی اختر پر مناسبت د بښنې او د خپل زوی د خوشې کېدا غوښتنه کړې وه او سترې محکمې د هغه زندان کافي وګاڼه او د هغه د خوشې کولو پرېکړه یې وکړه.
تازه خبرونه
بریټانیا له افغانستان سره د بشري مرستو کچه ۳ میلیون پونډه کړه
د افغانستان لپاره د بریټانیا ځانګړي استازي ریچارډ لینډزي په ایکس کې ویلي؛ دا مرستې به د اړمنو خلکو لپاره د اړینو خوړو او اړوند مرستو چمتو کولو لپاره وکارول شي.
بریټانیا له افغانستان سره د بشري مرستو په برخه کې ۳ میلیون پونډه (۳۷۵ میلیون افغانۍ) اعلان کړه، چې موخه یې د طبیعي پېښو له کبله د زیانمن شویو خلکو ملاتړ دی.
د افغانستان لپاره د بریټانیا ځانګړي استازي ریچارډ لینډزي په ایکس کې ویلي؛ دا مرستې به د اړمنو خلکو لپاره د اړینو خوړو او اړوند مرستو چمتو کولو لپاره وکارول شي.
له دې نوې مرستې سره افغانستان ته د بريټانیا سږنۍ دوه اړخیزه مرسته ۱۵۴ میلیون پونډ (۱۳.۸ میلیارډ افغانۍ) ته رسیږي.
تازه خبرونه
برلین د اسلامي امارت استازی د افغان سفارت د چارسمبالي په توګه نه پېژني
له دې مخکې د جرمني ایآرډي ټلویزیون راپور ورکړی و: نبراسالحق عزیز نومی کس، چې له اسلامي امارت سره تړاو لري؛ په برلین کې د افغانستان د سفارت دنده پر غاړه اخیستې ده.
د جرمني حکومت اعلان کړی، چې د اسلامي امارت استازی په برلین کې د افغانستان د سفارت د سفیر یا چارسمبالي او شارژدافیر په توګه نهپېژني.
له دې مخکې د جرمني ایآرډي ټلویزیون راپور ورکړی و: نبراسالحق عزیز نومی کس، چې له اسلامي امارت سره تړاو لري؛ په برلین کې د افغانستان د سفارت دنده پر غاړه اخیستې ده.
د دویچه ویله د څرګندونو له مخې؛ د جرمني بهرنیو چارو وزارت ویاند د دوشنبې پر ورځ په برلین کې ویلي: “د بهرنیو چارو وزارت ته [په افغان سفارت کې] د پرسونل په اړه د کوم بدلون خبر ورکړ شوی نهدی.”
هغه زیاته کړې؛ د جرمني حکومت به له افغانستان اسلامي امارت سره اړیکه ونیسي او خبر به ورکړي، چې ” د [ سفارت حقوقي وضعیت] به پخپل اوسني حال پاتې شي.”
د جرمني بهرنیو چارو وزارت ویاند دا هم څرګنده کړې، چې په سفارت کې نوی مامور یوازې هغه وخت د سفیر په توګه پېژندل کیږي، چې هېواد یې مخکې هغه کوربه هېواد ته ورپېژندلی وي او کوربه هېواد ورته باورلیک ورکړی وي.
هغه ټینګار کړی، چې د افغان سفارت په اړه داسې کوم کار نهدی شوی.
د جرمني بهرنیو چارو وزارت ویاند دا هم ویلي، چې برلین په جرمني کې د افغانستان له منظمو قونسلي خدمتونو سره ډېره لېوالتیا لري. د نوموړي د څرګندونو له مخې؛ له دې کار سره “هغه کسان، چې له جرمني څخه وتلو ته اړ وي” بېرته راستنېدا ته یې لار اواروي.
-
تازه خبرونه1 day agoپاکستان له افغانستان سره په روان جنګ کې د روسیې د منځګړیتوب غوښتنه وکړه
-
تازه خبرونه2 days agoد اسلامي امارت یوه غړي په برلین کې د افغانستان سفارت چارسمبالي پر غاړه اخیستې
-
تازه خبرونه2 days agoد پاکستان پوځي رژیم یو ځل بیا اوربند مات کړ
-
تازه خبرونه1 day agoنړۍ دې د افغانستان او پاکستان د پراخې جګړې مخه ونیسي – فایننشل ټایمز
-
نړۍ1 day agoکیم جونګ اون یو ځل بیا د شمالي کوریا د دولتي چارو رییس وټاکل شو
-
لوبی2 days agoپه کوکپر نړیوالو سیالیو کې د وزلوبې ملي لوبډله درېیمه شوه
-
تازه خبرونه2 days agoد افغانستان او پاکستان ترمنځ تاوتریخوالی خطرناک پړاو ته رسېدلی – د بحران نړیواله ډله
-
نړۍ8 hours agoپه کولمبیا کې د پوځي الوتکې غورځېدا له کبله ۶۶ کسان مړه شوي او ۴ نور ورک دي
