تازه خبرونه
د هرات په زلزله ځپلیو سيمو کې کورنۍ د روغتیایي اسانتیاوو له نهشتوالي اندېښمن دي
د هرات ولایت په ټولو زيانمنو کليو کې روغتيايي ډلې روغتیایي خدمتونه وړاندې کوي؛ خو په زلزله ځپلیو سيمو کې يو شمېر زيانمن شوي کسان وايي، چې اسانتياوې کافي نهدي او روغتيايي ډلې نهشي کولى، چې بنسټیز خدمتونه وړاندې کړي.
دا مهال د سړې هوا له کبله ډېر ماشومان پر موسمي ناروغیو اخته کېږي؛ خو په زلزله ځپلیو سیمو کې یو شمېر داکتران وايي، چې په دې سیمو کې کافي اسانتیاوې لري او ټول روغتیايي خدمات ورته وړاندې کېږي.
یوه اوونۍ کېږي، چې ابراهیم له روغتونه رخصت شوی؛ خو اوس هم دلته تر خیمې لاندې له درده کړیږي. ده د هرات په زلزله کې خپل درې وروڼه له لاسه ورکړي او پخپله هم سخت ټپي شوی او درملنه يې اوس هم بشپړه شوې نهده.
د هرات د زنده جان ولسوالۍ اوسېدونکی ابراهیم وايي: یوه اوونۍ کېږي، چې مونږ له روغتونه وتلی یم. هغو راته وویل، چې ستاسو په خیمو کې به ستاسې درملنه کېږي او داکتر به تاسې ته هر هغه څه درکړي، چې اړتیا ورته لرئ.
د هرات د زنده جان ولسوالۍ اوسېدونکې مريم وايي: مونږ غواړو، چې ناروغ ته مو پاملرنه وشي؛ ځکه زمونږ د يوه ناروغ لاس او پښه کار نهکوي.
په ټولو زلزله ځپلیو سيمو کې طبي ډلې موجود دي؛ د دولتي رضاکارو ډلو تر څنګ نړيوالو ادارو هم خپل طبي همکاران زيانمنو سيمو ته رسولي دي.
داکتران وايي؛ ټول هغه ټپيان، چې په حوزوي روغتون کې بستر شوي وه؛ اوس دلته تر خیمو لاندې یې درملنه روانه ده.
د هرات د زنده جان ولسوالۍ په زلزله ځپلیو سيمو کې د يوې طبي ډلې مشر احمدجان رحيمي وايي: له هغه وخته، چې مونږ دلته راغلي يوو؛ ټول ټپيان په روغتون کې ول، خو اوس يې ټپيان له روغتونه رخصت کړي او په خپلو خیمو کې تر درملنې لاندې دي.
يو شمېر زيانمنې شوې کورنۍ وايي، چې په يادو سيمو کې کافي اسانتياوې او درمل نشته او اړ دي، چې خپل ناروغان مرکزي روغتونونو ته ولېږدوي.
د هرات د زنده جان ولسوالۍ اوسېدونکی فقیر احمد وايي: زما زوی دلته تر خیمې لاندې ناروغ دی؛ هیڅوک درمل نهورکوي، یوازې یو پاکت ګولۍ ورکوي او دا کار هېڅ ګټه نه کوي. مجبوره یوو، چې خپل زوی ښار ته د درملنې لپاره ولېږدوو.
اوسمهال د ښځو او نرينهوو د څانګو روغتيايي رضاکارې ډلې په زلزله ځپلیو سيمو کې خدمت کوي. ان ارواپوهان هم د رواني ناروغانو د مشورې او درملنې په برخه کې کار کوي.
مرضیه ابراهیمي، روغتیایي رضاکاره وايي: زه پخپله واکسین کوونکې یم؛ زه د واکسین په څانګه کې کار کوم او هغه واکسینونه، چې مونږ یې دلته تطبیقوو هغه واکسینونه دي، چې د ښار په کلینکونو کې هم پلي کیږي.
ارواپوه محمد الیاس خیرخواه وايي: مونږ خیمې له نږدې ګورو او خلکو ته بلنه ورکوو او هڅوو یې، چې راشي او په غونډو کې ګډون وکړي او د رواني مشورې له اصولو څخه کار واخلي.
د سړې هوا له رارسېدو سره د اغېزمنو کورنیو ترمنځ موسمي ناروغۍ زیاتې شوي؛ داکتران وايي، چې په دغو روغتیايي مرکزونو کې د ډېرو ناروغانو درملنه کېږي.
تازه خبرونه
ملا برادر د ټاپي پروژې د پرمختګ په اړه د ترکمنستان له ملي مشر سره ولیدل
ملا برادر له ترکمنستان څخه وغوښتل؛ دواړه هېوادونه د ګاز بیې په اړه هوکړې ته ورسېږي او د بیې ټاکلو فورمول داسې بدل شي، چې پر بیه د اروپايي بازارونو د بیو د سختو بدلونونو د اغېز مخنیوی شي.
د ریاستالوزراء اقتصادي مرستیال ملا عبدالغني برادر، هرات ولایت ته د خپل سفر پر مهال، نن(دوشنبه د زمري نولسمه ) په تورغونډۍ کې د ترکمنستان له ملي مشر قربانقلي بردي محمدوف سره د ټاپي پروژې پر وروستیو پرمختګونو او د افغانستان او ترکمنستان ترمنځ راتلونکو اقتصادي همکاریو خبرې وکړې.
د ریاستالوزراء د خبرپاڼې له مخې؛ ملا برادر ویلي؛ په هرات کې د ټاپي پروژې چارې ښې روانې دي او تمه ده، چې پاتې برخې یې پر ټاکلي وخت بشپړې شي.
ملا برادر له ترکمنستان څخه وغوښتل؛ دواړه هېوادونه د ګاز بیې په اړه هوکړې ته ورسېږي او د بیې ټاکلو فورمول داسې بدل شي، چې پر بیه د اروپايي بازارونو د بیو د سختو بدلونونو د اغېز مخنیوی شي.
هغه وړاندیز وکړ، چې د ګاز تړون دې د اوږدې مودې لپاره وشي؛ شرایط دې یې ساده وي او د تړون د بیاکتنې لپاره دې د انعطاف وړ کړنلاره په پام کې ونیول شي.
نوموړي په هرات کې د ګاز د وېش او لګښت شبکې د جوړولو، د ټاپي پروژې د پاتې موضوعاتو د اواري لپاره د ګډې تخنیکي او حقوقي کمیټې د جوړولو او په دې پروژه کې افغانانو ته د ډېرو کاري فرصتونو د برابرولو لپاره د ګډو هڅو غوښتنه وکړه.
برادر ویلي؛ ټاپي پروژې د افغانستان او ترکمنستان سټراټېژیکې همکارۍ پیاوړې کړې دي او دواړه لوري باید د سوداګرۍ د پراختیا لپاره د نفتو د لېږد لپاره د آقکریم بندر د پرانیستو، په ترکمنباشي بندر کې د افغانستان د ټرانزیټي مالونو لپاره د آسانتیاوو برابرولو، د لاجورد لارې بیا فعالولو ته د شته ستونزو د حل او د هرات ـ تورغونډۍ د اوسپنېپټلۍ د بیارغونې او پراختیا په برخو کې ګډ کار وکړي.
هغه له ترکمنستان څخه وغوښتل، چې په افغانستان کې د برښنا او ټرانسپورټ په برخو کې له سترو اقتصادي پروژو ملاتړ وکړي.
په دې لیدنه کې قربانقلي بردي محمدوف ویلي، چې د ترکمنستان او افغانستان اړیکې د ښه نیت او ښه ګاونډیتوب پر بنسټ پیاوړې شوې او په بېلابېلو برخو کې یې د ګډو همکاریو زمینه برابره کړې ده.
محمدوف زیاته کړې؛ ترکمنستان چمتو دی، چې هرات ته د ټاپي نللیکې د غځولو ترڅنګ، په دې ولایت کې د ګاز د وېش شبکې د جوړولو او د ټاپ پروژې د عملي چارو د پیل په برخه کې همکاري وکړي. هغه ویلي، چې یو شمېر بهرنیو شرکتونو په ټاپ پروژه کې پانګونې ته چمتووالی ښودلی دی.
هغه همداراز ویلي؛ عشقآباد چمتو دی، چې په ترکمنباشي بندر کې د افغانستان د ټرانزیټي او سوداګریزو مالونو لپاره ټولې اړینې آسانتیاوې برابرې کړي.
نوموړي د دواړو هېوادونو او سیمې ترمنځ د سوداګرۍ د زیاتوالي لپاره د لاجورد لارې د بیا فعالولو په موخه پر ګډو هڅو هم ټینګار کړی دی.
د ترکمنستان ملي مشر افغان لوري ته ډاډ ورکړی، چې په افغانستان کې د برښنا او اوسپنېپټلۍ په برخو کې د پیل شویو پروژو چارې به پر ټاکلي وخت او چټکۍ بشپړې شي.
په پای کې دواړو لوریو هوکړه کړې؛ د ټاپي، ټاپ، فایبر نوري او اوسپنېپټلۍ پروژو د څارنې او پلي کولو لپاره به د لوړپوړیو چارواکو پر مشرۍ تخنیکي کمیټه جوړه کړي، چې د دغو پروژو د پلي کېدا بهیر ښه پر مخ یووړل شي.
تازه خبرونه
په تېرو درې میاشتو کې ډېورنډ کرښې ته څېرمه ډېر قاچاقي توکي ونیول شول
د دې وزارت د څرګندونو له مخې؛ ۶۶ کلاشینکوفونه، ۲۰ ام۱۶، ۱۷ ام۴، ۳۳ تومانچې، اته زره د سپکو او درندو وسلو بېلابېلې مرمۍ، ۴۵ نقلیه وسایط، ۲۶۰۰ کیلوګرامه نشهيي توکي، ۴۸۶ کارټنه درمل، ۲۳۷۳ پسونه او ۳۴ د ثانیهسوزو بستې نیول شوې دي.
د افغانستان دفاع وزارت ویلي، چې د هېواد دفاعي ځواکونو په تېرو درې میاشتو کې د ډېورنډ فرضي کرښې ته څېرمه په بېلابېلو سیمو کې د عملیاتو پر مهال ګڼ شمېر وسلې، مهمات، درمل، نقلیه وسایط او نور قاچاقي توکي کشف او نیول شوي دي.
د دې وزارت د څرګندونو له مخې؛ ۶۶ کلاشینکوفونه، ۲۰ ام۱۶، ۱۷ ام۴، ۳۳ تومانچې، اته زره د سپکو او درندو وسلو بېلابېلې مرمۍ، ۴۵ نقلیه وسایط، ۲۶۰۰ کیلوګرامه نشهيي توکي، ۴۸۶ کارټنه درمل، ۲۳۷۳ پسونه او ۳۴ د ثانیهسوزو بستې نیول شوې دي.
ویل کیږي، چې د دغو پېښو پر تړاو ۳۹ قاچاقبران هم نیول شوي دي.
تازه خبرونه
ایران په تېرو پېنځه میاشتو کې له ۲۰۰ زره ډېر بېاسناده افغانان ایستلي
هغه ټینګار کړی؛ دغه بهیر د افغانستان ټول وګړي نه رانغاړي، بلکې موخه یې په ایران کې د بهرنیو وګړو د اوسېدنې تنظیم او د هغوی د استوګنې د وضعیت کره معلومول دي.
د ایران کورنیو چارو وزارت ویاند علي زینيوند ویلي؛ له ایران څخه د بېاسناده افغانانو د ایستلو او بېرته ستنولو بهیر پر وروستیو بدلونونو او کړکېچونو سربېره نهدی درول شوی او روان دی.
هغه ټینګار کړی؛ دغه بهیر د افغانستان ټول وګړي نه رانغاړي، بلکې موخه یې په ایران کې د بهرنیو وګړو د اوسېدنې تنظیم او د هغوی د استوګنې د وضعیت کره معلومول دي.
زینيوند ویلي، چې یو شمېر بېاسناده بهرني وګړي د قضايي حکمونو له مخې له ایران څخه ایستل شوي او د نورو بېسنده وګړو د وضعیت د تنظیم بهیر هم په جدي توګه روان دی.
د نوموړي د څرګندونو له مخې، د روان کال له پیله تر اوسه له ۲۰۰زره ډېر بېاسناده افغانان پخپله خوښه له ایران څخه وتلي دي.
د ایران د کورنیو چارو وزارت ویاند زیاته کړې، چې د دې بهیر اصلي موخه د بهرنیو وګړو د معلوماتو کره پېژندنه او ثبتول دي، چې څرګنده وي؛ هر وګړی له کومې لارې ایران ته داخل شوی، چېرته اوسېږي او له کومو خدمتونو ګټه اخلي.
ملا برادر د ټاپي پروژې د پرمختګ په اړه د ترکمنستان له ملي مشر سره ولیدل
په تېرو درې میاشتو کې ډېورنډ کرښې ته څېرمه ډېر قاچاقي توکي ونیول شول
ایران په تېرو پېنځه میاشتو کې له ۲۰۰ زره ډېر بېاسناده افغانان ایستلي
افغانستان او پاکستان د ایران پر وړاندې د ګډوډۍ د مخنیوي لپاره همکاري کړې- پزشکیان
آباسین ډیفنډرز کابل زلمي ته آسانه ماتې ورکړه
هند افغان ځوانانو ته زر آنلاین تحصیلي بورسونه ځانګړي کړي
د ایران د سویل په تازه بریدونو کې له ۳۰ ډېر ملکي وګړي ووژل شول
د افغانستان د غېږنیونې غوره لیګ لومړي پړاو ته اووه ورځې پاتې دي
تحول: د ایران او امریکا ترمنځ بیاځلي کړکېچ
ټرمپ کانګرس ته د ایران پر ضد د پوځي عملیاتو د بیا پیل خبر ورکړ
تحول: د افغانستان له لارې د هرمز تنګي بدیله لار
څار: پر سیمه د پاکستان، سعودي او ترکیې د نوی تړون اغېز
تحول: د ایران د جګړې پر سر د اختلافونو زیاتېدا
څار: د ترکیې، سعودي عربستان او پاکستان دفاعي تړون
تحول: د چابهار بندر لپاره د امریکا د بندیزونو د معافیت پای ته رسېدل
-
سیمه ییز خبرونه2 days agoپه پاکستان کې د مالونو د سراسري لېږد درېدا؛ موټرچلوونکي اعتصاب کوي
-
ساینس او ټیکنالوژي4 days agoساینسپوهانو د لمر تر ټولو روښانه انځور ثبت کړ
-
سیمه ییز خبرونه5 days agoکه امریکا بیا برید وکړي، د خلیج د انرژۍ تاسیسات به تر برید لاندې راشي – ایران
-
تازه خبرونه4 days agoامریکا په افغانستان کې د داعش خراسان له ګواښه خبرداری ورکړ
-
څار4 days agoڅار: د داعش خراسان د ګواښ په اړه د امریکا خبرداری
-
تازه خبرونه4 days agoکویټ له افغانستان بشري صندوق سره ۲.۵ میلیون ډالر مرسته وکړه
-
تازه خبرونه4 days agoچین له اسلامي امارت څخه د ترهګرو ډلو پر ضد د اقدام غوښتنه وکړه
-
تازه خبرونه2 days agoروسي شرکتونه په افغانستان کې د برښنايي وسایلو پر تولید پانګونه کوي