تازه خبرونه
د ولسمشرۍ دواړو نوماندانو په حکومت کې پر ملي وحدت توافق څرگند کړ
د ولسمشرۍ دواړو نوماندانو داکتر عبدالله عبدالله او داکتر اشرف غني نن له غرمې وروسته په یوه گډه خبري ناسته کې په ډاگه کړه، چې د ملي وحدت حکومت مني او پلي کولو ته په يې گډ کار کیږي.
د ولسمشرۍ نوماند داکتر عبدالله عبدالله په دې گډه خبري ناسته کې، چې جان کري او د دواړو تیمونو غړي یې برخوال ول وویل:
له داکتر اشرف غني احمدزي سره د ملي وحدت د حکومت پر جوړولو توافق شوی دی.
هغه زیاته کړه؛ هیله من یم، چې د رایو د ارزونې بهیر په غوره توگه تر سره شي او پایله يې هم دواړو اړخونو ته د منلو وړ ده.
د ولسمشرۍ نوماند داکتر عبدالله عبدالله وایي، د گډې اعلامیې پر بنسټ په راتلونکي حکومت کې د گډو همکاریو بنسټ کیښودل شو.
د ټاکنو د مشروعیت بهیر به له دې ارزونې سره بیرته راوگزيږي.
ښاغلي عبدالله هیله وښوده، چې نړۍ د افغانستان د ودې په اړه خپلې ژمنې پلې کوي.
د ولسمشرۍ نوماند داکتر اشرف غني احمدزی وایي، مونږ دې پرېکړې ته رسیدلي یو، چې هر اړخیزې گټې د پام وړ وبولو.
هغه دغه راز وویل، چې مونږ دواړه د ملت په وړاندې مسوول یو.
ښاغلی احمدزی وایي، زمونږ گډ توافق د گډ درک پایله ده، چې سر له ننه به ورته زمونږ تیمونه گډ کار کوي او د رایو پایله منو او د ارزونې بهیر باید د وږي په دوه یمه اوونې کې تر سره شي.
د دې خبري ناستې په پای کې د امریکا د بهرنیو چارو وریر وویل:
د دواړو نوماندانو تر منځ توافق د ولسمشرۍ رول نه بدلوي او دا توافق پارلماني نظام نه جوړوي.
ده د راتلونکي ولسمشر څخه هیله وکړه، چې نه یوازې باید د ناتو په ناسته کې گډون وکړي، بلکې خپله هراړخیزه همکاري ترې هم ونه سپموي.
ښاغلي جان کري له دواړو نوماندانووغوښتل، چې د عراق اوضاع باید په افغانستان کې تکرار نه شي.
ولسمشر حامد کرزي په ارګ کې د امریکا د بهرنیو چارو له وزیر سره په کتنه کې یو ځل بیا ټینگار وکړ، چې د افغانستان د خلکو انتظار باید نور پای ته و رسیږي او د ټاکنو نتیجه له ژمنې سره سم، د روانې میلادي میاشتې دننه اعلان شي.
تازه خبرونه
جاپان د افغانستان له سیلاب ځپلیو سره د بېړنیو مرستو ژمنه وکړه
په افغانستان کې د جاپان سفارت د پنجشنبې پر ورځ په ډاګه کړه، چې د افغانستان د شمال له سیلاب ځپلیو خلکو سره به بېړنۍ مرستې وکړي.
د سفارت د خپرې شوې خبرپاڼې له مخې؛ دا مرستې به د جاپان د نړيوالې همکارۍ ادارې (JICA) له لارې د سره صليب او سرې مياشتې ټولنې (IFRC) او افغاني سرې مياشتې ټولنې (ARCS) پر همکارۍ ترسره شي.
دا مرست خیمې، کمبلې او نور اړین توکي رانغاړي.
په یادې خبرپاڼه کې راغلي؛ جاپان پرېکړه کړې، چې ډېر ژر به د افغانستان د سيلاب ځپلیو خلکو د مرستې لپاره بېړنۍ مرستې وکړي. مونږ تل د افغانستان د خلکو تر څنګ ولاړ یوو.
دغه راز د ملګرو ملتونو د بشري چارو د همغږۍ دفتر (OCHA) ویلي، چې په بغلان، بدخشان او تخار ولایتونو کې د سختو بارانونو او سیلابونو له کبله ۸ زره ۹۷۵ کورونه ویجاړ شوي او یا هم زیانمن شوي دي.
روسیې هم د اړتیا په صورت کې د مرستې ژمنه کړې ده.
دا په داسې حال کې، چې د اسلامي همکاریو ټولنې (OIC) هم له اسلامي هېوادونو او مرستندویه ټولونو غوښتي، چې د افغانستان له سیلاب ځپلیو سره مرسته وکړي.
تازه خبرونه
د ترکیې سفیر د افغانستان سیلاب ځپلیو ته د ۶۷۰ ټنو مرستې اعلان وکړ
په کابل کې د ترکیې سفیر د اقتصاد وزارت له چارسمبالي سره په کتنه کې څرګنده کړې، چې سبا (جمعه د غویی ۲۸ ) ته به د افغانستان د وروستیو سیلاب ځپلیو لپاره د لومړنیو توکو څه باندې۲۰ ټنه مرسته راولېږدول شي.
د اقتصاد وزارت د خبرپاڼې له مخې؛ جنګ اونال له دین محمد حنیف سره په کتنه کې له ترکیې څخه د ۶۵۰ ټنو نورو بشري مرستو له رالېدولو هم خبر ورکړی، چې په کې خیمې، خوراکي توکي، درمل، جامې او نور توکي شامل دي.
هغه دا ډاډ هم ورکړی، چې افغانستان ته به دا مرستې د اوسپنېپټلۍ له لارې د هرات تورغنډۍ بندر ته رادننه شي.
په دې کتنه کې دین محمد حنیف له دغو مرستو څخه د هرکلي تر څنګ ویلي، چې د ترکیې هېواد د تاریخ په اوږدو کې د افغانستان یو ښه دوست او همکار پاتې شوی دی.
تازه خبرونه
ملګري ملتونه غواړي په افغانستان کې د ځمکو خړبولو لپاره سولري پمپونه ولګوي
د ریاست الوزراء اداري مرستیال عبدالسلام حنفي د سې شنبې پر ورځ ( د غویی پېنځهویشتمه ) د ملګرو ملتونو د پروژې خدمتونو د دفتر (UNOPS) له اجرائیوي رییس جورج موریرا داسیلوا سره وکتل.
په دې کتنه کې جورج موریرا داسیلوا اداري مرستيال ته د خپلو تېرو هڅو او لاسته راوړنو په اړه معلومات ورکړل او څرګندوي؛ دا اداره غواړي، چې په افغانستان کې د سولري پمپونو پر لګولو د کرنيزو ځمکو د خړوبولو يوه نوې پروژه پيل کړي.
عبدالسلام حنفي د دې ادارې د فعالیتونو او لاسته راوړنو د ستاینې ترڅنګ ویلي، چې اسلامي امارت په افغانستان کې د (UNOPS) ادارې له هڅو ملاتړ کوي او د پروژو د پلي کولو لپاره یې لازمې اسانتیاوې برابروي.
ویل کیږي، چې عبدالسلام حنفي له ټولو نړیوالو مرستندویه بنسټونو وغوښتل، چې کروندګرو ته د کوکنارو د بدیل کښت او افغان ځوانانو ته د کار د زمینې په برابرولو کې همکاري وکړي.
-
تازه خبرونه5 days ago
په بغلان کې سېلابونو ۱۹۴۵ کسانو ته مرګ او ژوبله اړولې
-
لوبی3 days ago
د کابل کرکټ غوره لیګ لوبغاړو د داوطلبۍ مراسم ترسره شول
-
تازه خبرونه4 days ago
د اسلامي هېوادونو همکاریو ټولنې د افغانستان له سیلاب ځپلیو سره د مرستې غوښتنه وکړه
-
تازه خبرونه3 days ago
د یوناما استازې د ایران له بهرنیو چارو وزیر سره وکتل
-
تازه خبرونه3 days ago
په ننګرهار کې د ناکامورا کانال پروژه بشپړه شوه
-
تازه خبرونه3 days ago
ملګرو ملتونو د دې ټولنې په عمومي ناسته کې د افغانستان د رایې حق وځنډاوه
-
د هوا حالاتو بدلونونه2 days ago
په تېرو ۲ زره کلونو کې د تېر کال اوړی له ټولو تود و – څېړنه
-
نړۍ4 days ago
انټوني بلینکن اوکراین ته رسېدلی