تازه خبرونه
د ویانا د ناستې تخریبي هڅې د افغانستان او نظام په ګټه نهدي – ذبیح الله مجاهد
په ویانا کې د یو شمېر افغان سیاستوالو د ناستې په غبرګون کې د اسلامي امارت ویاند ويلي، چې دا ډول غونډې د افغانستان په ګټه نه دي او هغه کسان، چې دا ډول غونډې له افغانستان څخه بهر جوړوي په هېواد کې دننه هم ولسي ملاتړ او خای نه لري.
د اسلامي امارت ویاند ذبیح الله مجاهد وايي؛ سیاسي څېرې باید د نظام د تخریب په لټه کې نه وي.
په ویانا کې د یو شمېر سیاستوالو تر منځ له غونډې وروسته ذبیح الله مجاهد ويلي؛ دا ډول غونډې د افغانستان په ګټه نهدي او هیڅوک باید د نظام د تخریب په لټه کې ونه اوسي.
مجاهد وايي، چې د ویانا د غونډې ګډونوال په افغانستان کې دننه ولسي ملاتړ نهلري.
ذبیح الله مجاهد له سیاسي شخصیتونو غواړي، چې هېواد دې په جګړه کې نه ښکېل کوي؛ ځکه اسلامي امارت به هیچا ته اجازه ورنهکړي، چې هېواد ناامنه کړي.
نوموړي ویلي: د افغانستان خلک به بیا د دوی لخوا نه دوکه کېږي؛ دا څو کسان دي، چې د شخصي ګټو او د خپلو شخصي شتمنیو د ساتنې په لټه کې دي.
هغه زیاته کړې: اسلامي امارت په افغانستان کې د یوه حکومت او نظام په توګه هغه کسان غندي، چې د افغانستان بد غواړي پر بدو نیتونو یو او بل ځای راټولیږي.
یو شمېر کارپوهان وايي، دا ډول غونډې د افغانستان ستونزه نهشي حل کولی؛ ځکه د افغانستان مسله باید د افغانانو ترمنځ د خبرو له لارې حل شي.
د دوی د څرګندونو له مخې، دا ډول غونډې ننداریزې بڼې لري.
دا په ویانا کې د سیاسي څېرو دوهیمه غونډه ده، چې د اتریش د نړیوالو چارو د انستیتوت لخوا جوړه شوې وه. د غونډې ګډونوالو د افغانستان په اړه خبرې کړي دي.
تازه خبرونه
په بدخشان ولایت کې ماین چاودنې ۸ کسانو ته مرګ او ژوبله اړولې
کورنیو چارو وزارت تائید کړې، چې په بدخشان ولایت کې د یوه نښلېدونکي ماین په چاودنه کې ۳ امنیتي سرتېري وژل شوي او ۵ نور ټپیان دي.
د کورنیو چارو وزارت ویاند عبدالمتین قانع وايي: له بده مرغه نن له غرمې مخکې شاوخوا ۱۱ بجې د بدخشان ولایت د فیضآباد ښار د جوزون په اړوند سیمه کې پر موټرسایکل نښلول شوي ماین چاودنه کړې ده.
د عبدالمتین قانع زیاته کړې؛ دغه ماين هغه مهال چاودنه وکړه، چې د پوليسو د موټرو یو کاروان له ياد سړک څخه د کوکنارو د کښت د له منځه وړلو لپاره له سیمې څخه د تېرېدو په حال کې و.
ده زياته کړې، چې دغه پېښه د پوليسو تر څېړنې لاندې ده.
تر اوسه کومې ډلې یا شخص د دې پېښې مسوولیت پر غاړه ندی اخیستی.
تازه خبرونه
د سې شنبې پر ورځ خراسان او سرخ پوشان لوبډلو لوبه وګټله
د سې شنبې پر ورځ ( د غویي اتلسمه) د افغانستان فوټبال اتلانو لیګ د سیالیو په پېنځه دېرشمه لوبه کې د خراسان فاریاب لوبډلې کابل استقلال لوبډلې ته ۱ د صفر پر توپیر ماتې ورکړه.
د خراسان فارياب لوبډلې لوبغاړي فريد احمد يو ګول وواهه او د ميدان غوره لوبغاړی ونومول شو.
دغه راز په شپږدېرشمه لوبه کې سرخ پوشان خوافې لوبغاړو سرسبز یاشلر لوبډلې ته ۴ پر۱ ماتې ورکړه.
حبيب الله هوتک او اميد رجبي د سرخپوشانو لوبغاړو ګولونه وکړل او حبيب الله هوتک هم وتوانېد، چې د ډګر د غوره لوبغاړي نوم خپل کړي.
د نن چارشنبه د ثور نولسمه د غرمې ۱:۳۰ ابو مسلم فراه او عدالت فراه او له غرمې وروسته ۳:۳۰ بجې میوند او جوانان واحدي لوبډلې سره مخ کېږي.
د يادونې ده، چې دغه سيالۍ له آريانا ټلويزيون څخه پر ژوندۍ بڼه خپرېږي.
تازه خبرونه
د پاکستان خاوره د افغانستان پر ضد کارول کیږي
د افغانستان ملي دفاع وزارت د پاکستان د پوځ د ویاند وروستۍ ادعا، چې په پاکستان کې پر چینايي اتباعو وروستی برید د افغانستان له خاورې پلان شوی و، له حقیقته لرې بولي او پر کلکه یې ردوي.
عنایت الله خوارزمي وایي، چې داعش له پاکستان څخه د افغانستان خاورې ته را اوښتي او موخې یې له هغه ځایه تنظیم شوې دي.
د دفاع وزارت ویاند دا هم په ډاګه کړې، چې پاکستان باید دغو کړنو ته پخپله ځواب ورکړي.
د ملي دفاع وزارت وياند عنايت الله خوارزمي ويلي، د خيبر پښتونخوا په يوه سيمه کې، چې د پاکستان د پوځ تر امنيتي پوښښ لاندې ده؛ د چينايي وګړو وژل کېدل د امنیتي بنسټونو خپله کمزوري ده او یا هم له بریدګرو د دوی د همکارۍ ښکارندویي کوي.
ویل کیږي، چې اسلامي امارت په دې اړه چین ته ډاډ ورکړی او دوی هم په دې خبره پوه شوي، چې افغانان په داسې مسایلو کې ښکېل ندي.
-
تازه خبرونه3 days ago
په غور کې د سېلابونو له کبله سلګونه خلک بې ځایه شول
-
تازه خبرونه3 days ago
اسلامي امارت په بدخشان کې د اعتراضي لاريون د څېړلو لپاره یو پلاوي وټاکه
-
تازه خبرونه3 days ago
په افغانستان کې پر کوکنارو د بندیز له کبله کروندګرو خپل عاید له لاسه ورکړی – نړیوال بانک
-
تازه خبرونه2 days ago
د اسلامي همکاریو ټولنې سرمشریزې په افغانستان کې د نجونو پر زدهکړو ټینګار څرګند کړ
-
نړۍ2 days ago
اسرائیلي ځواکونو بیت المقدس ته نږدې د الجزیرې پر رسنیز دفتر چاپه ووهله
-
سوداگري3 days ago
د ترکمنستان د سوداګرو او صنایعو اتحادیې مشر هرات ته سفر وګړ
-
نړۍ2 days ago
د غزې په جګړه کې مو د مصر او قطر د اوربند وړاندیز منلی – حماس
-
لوبی2 days ago
ابو مسلم فراه افسي میوند فوټبال لوبډلې ته ۹ پر ۱ ماتې ورکړه