سیمه ییز خبرونه
د پاكستان د امنيتي پوستو او دروازې په له منځه وړلو كې هېڅ لارې چارې نه سپموو
د افغانستان د دفاع وزارت خبردراى وركړى، چې د ديورنډ كرښې په اوږدو كې به د پاكستان د امنيتي پوستو او دروازې په له منځه وړلو كې هېڅ لارې چارې ونه سپموي.
د پاكستان سرحدي ځواكونو اته كاله وړاندې په افغانستان كې د نړيوالو ځواكونو په ملاتړ ډيورنډ كرښې ته څېرمه په كرمه اجنسۍ كې امنيتي پوستې جوړې كړې، خو دا ځل پاكستاني ځواكونو د ننګرهار په ګوشته ولسوالۍ كې يوه دروازه هم درولې ده.
دې كار د افغانستان د ملي امنيت د شورا غبرګون را پارولى دى.
افغان ولسمشر حامد كرزي يو شمېر افغان ادارو ته لارښوونه كړې، چې په دې اړه اقدام وكړي.
په همدې وخت كې د ملي دفاع وزارت وياند ظاهر عظيمي وايي:
د دې دروازې د ليرې كولو په برخه كې به هېڅ راز هڅې ونه سپموي.
پاكستاني ځواكونو دغه راز دا نوې پوستې په پرمختللو او درندو وسلو سمبال كړې دي.
په روانه اوونۍ كې په كونړ كې د افغانستان د ملي اردو ديارلس سرتېري په هغه بريد كې ووژل شول، چې د پاكستان له خاورې شوى و.
همدارنګه د دفاع وزارت ویاند زیاتوي، چې د طالبانو دا بريد په پرمختللو وسلو، چې د پاكستاني استخباراتو ملاتړ يې هم درلود شوى دى.
دا مسئولين خبردارى وركوي، چې دښمن به تل ناكام وي.
په کابل کې د آيساف وياند ګونتركتز، چې د دفاع له وزارت سره په ګډ كنفرانس كې يې خبرې كولې وايي:
د پاكستان د دې پوستو په اړه به څېړنه وكړي.
ګونتركتز زیاتوي، چې مونږ په پولو كې حالات وڅېړل، له افغاني او هم له پاكستاني اړخ سره په خبرو كې يو. مونږ بايد وګورو، چې د افغانستان د ملي امنيت په شورا كې څه وېل شوي دي تر اوسه له وخته مخكې ده، چې په دې اړوند څه ووايو.
د افغانستان په خاوره كې د ترهګرو د ځالو موجوديت په تېرو دوولسو كلونو كې د افغان دولت يوه اندېښنه ګڼل كېږي او افغان ولسمشر حامد كرزي دغه راز تل له خپلو نړيوالو متحدينو غوښتي، چې د ترهګرۍ پروړاندې جګړه د افغانستان له كليو او بانډو څخه د هغه اصلي مركزونو ته ولېږدوي.
سیمه ییز خبرونه
په جمو کې ۴۲ هندو زیارت کوونکيو ته مرګ و ژوبله اوښتې – هندي پولیس
هندي پولیسو ویلي، چې د یکشنبې پر ورځ (د غبرګولي شلمه) د شکمنو تندلارو په برید کې ۹ هندو زیارت کوونکي وژل شوي او ۳۳ نور ټپیان دي.
د جمو د سیمهییزو پولیسو یوه چارواکي موهیټا شرما ویلي: وسلهوالو تند لارو پر بس برید کړی؛ بس په دره کې لوېدلی، چې له کبله یې ۹ کسان وژل شوي او ۳۳ نور ټپیان دي.
د هند پولیسو ویلي، چې د دې پېښې ټپیان نږدې روغتونونو ته لېږدول شوي او په سیمه کې د شکمنو بریدګرو د موندلو عملیات پیل شوي دي.
دا پېښه نن په داسې ورځ رامنځته شوې، چې نریندرا مودي د درېیم ځل لپاره د هند د لومړي وزیر په توګه لوړه وکړه.
د هندي زیارت کوونکیو وژنې ته په نغوته کې د نریندرا مودي د اپوزیسیون مشر راهول ګاندي پر ایکس پاڼه لیکلي: دا شرموونکې پېښه په جمو او کشمیر کې د خطرناک امنیتي وضعیت رښتینی انځور دی.
جمو او کشمیر، چې پاکستان یې هم د ملکیت ادعا لري؛ له لسیزو راپدیخوا د سخت دریځو اسلامپالو د تاوتریخوالي مرکز دی او لسګونه زره خلک پرې وژل شوي دي.
پر ۲۰۱۷ کال هم شکمنو وسلهوالو په جمو او کشمیر کې د هندو زیارت کوونکیو پر یوه بس برید کړی و، چې په کې اته کسان وژل شوي دي.
تېره ورځ د جمو د پولیسو مشر ویلي، چې په دې سیمه کې د ځايي تندلارو شمېر کم شوی، چې پر وینا یې یوازې په جمو کې له ۷۰ څخه تر ۸۰ بهرني تندلاري فعال دي.
له ۲۰۱۹ کال راپدیخوا، چې د هند د لومړي وزیر نریندرا مودي پر مشرۍ حکومت د کشمیر نیمه خپلواکي هم واخیسته؛ د هند پر وړاندې د کشمیري بېلتون غوښتوونکیو او تندلارو کرکه او غصه مخ پر زیاتېدو ده.
په ۱۹۴۷ کال کې د پاکستان او هند له خپلواکۍ وروسته، کشمیر، چې ډېري یې مسلمانان دي؛ پر دوه برخو ووېشل شو، چې یوه برخه د هند تر ادارې لاندې او بله یې د پاکستان تر ادارې لاندې ده.
هند او پاکستان – دوه اټومي وسله لرونکي سیال ګاونډیانو – د کشمیر پر سر دوه ځله جګړه کړې. که څه هم له دغو دواړو هېوادونو څخه هر یو د کشمیر یوه برخه تر خپلې ادارې لاندې لري؛ خو دواړه یې د بشپړ ملکیت ادعا لري.
سیمه ییز خبرونه
په پاکستان د یوې چاودنې له کبله ۷ پاکستاني پوځیان ووژل شول
د پاکستان پوځ د یکشنبې پر ورځ (د غبرګولي شلمه) ویلي، چې له افغانستان سره پولې ته څېرمه د پاکستان په شمال لویدیځ کې د پوځ پر یوه لارۍ د بمي چاودنې له کبله اووه پاکستاني پوځیان وژل شوي دي.
تر اوسه کومې ډلې د دې بمي برید مسوولیت ندی منلی.
د پاکستان د پوځ په خبرپاڼه کې راغلي، چې د پوځ یوه موټر ته څېرمه چاودنه شوې، چې له کبله یې د یوه افسر په ګډون اووه سرتېري وژل شوي دي.
دا پېښه د خیبر پښتونخوا قبایلي سیمې لکیمروټ په اړوند سیمه کې رامنځته شوې ده.
تحریک طالبان پاکستان په تېرو وختونو کې د ورته بریدونو مسوولیت منلی دی.
پاکستان تل ویلي، دا ډله په افغانستان او قبایلي سیمو کې شتون لري او د پاکستان د حکومت د نسکورولو لپاره وسلهواله مبارزه کوي.
د افغانستان اسلامي امارت تل د پاکستاني پوځ ادعاوې رد کړي او څرګندوي، چې په پاکستان کې د تاوتریخوالي زیاتوالی د اسلامآباد داخلي ستونزه ده.
سیمه ییز خبرونه
د ایران ولسمشریزو ټاکنو ته د وړ نوماندانو نوملړ اعلان شو
د ایران د ټاکنو مرکزي دفتر ویاند محسن اسلامي نن یکشنبه (د غبرګولي شلمه) د دغه هېواد د ولسمشریزو ټاکنو لپاره د وړ نوماندانو نوملړ اعلان کړ.
مهر خبری سرچینې راپور ورکړی، چې په دې نوملړ کې د مصطفی پورمحمدي، مسعود پزشکیان، امیرحسین قاضيزاده، علیرضا زاکانی، سعید جلیلي او محمد باقر قالیباف نومونه راغلي دي.
د خلکو له باور سره سم محمود احمدينژاد او علي لاریجاني هغه دوه نوماندان دي، چې د شورانګهبان لهخوا وړ ونهپېژندل شول او په دې ټاکنو کې به ګډون ونکړي.
ایران د الوتکې د راغورځېدو په پېښه کې د ولسمشر ابراهیم رییسي له مړینې وروسته له وخت مخکې ولسمشریزې ټاکنې ترسره کوي.
ټاکل شوې، چې دا ټاکنې د روان ۱۴۰۳ لمریز لېږدیز کال د چنګاښ پر اتمه ترسره شي.
-
لوبی3 days ago
د افغانستان کرکټ ملي لوبډلې د نیوزیلینډ پر وړاندې تاریخي بریا خپله کړه
-
تازه خبرونه1 day ago
اسلامي امارت ته مشوره مداخله نده؛ د تهران غونډه ورته ښه تریبون و، خوګډون یې په کې ونکړ
-
تحول5 days ago
تحول؛ د افغانستان لپاره د مسکو فارمټ ناستې جوړېدل
-
سیمه ییز خبرونه1 day ago
د ایران ولسمشریزو ټاکنو ته د وړ نوماندانو نوملړ اعلان شو
-
لوبی13 hours ago
هند په ۲۰ اوریز نړیوال جام کې پاکستان ته د لږ نمرو پر توپیر ماتې ورکړه
-
تازه خبرونه4 days ago
د روسیې ولسمشر د کابل او مسکو پر نږدې اړیکو ټینګار څرګند کړ
-
تازه خبرونه1 day ago
اسرائیل د افغانستان او ایران ترمنځ د درز رامنځته کولو هڅې کوي
-
تحول4 days ago
تحول: متحده عربي اماراتو ته د کورنیو چارو وزارت د چارسمبالي پر سفر غبرګونونه