سیمه ییز خبرونه
د پاکستان لومړي وزیر له لوړې سره سم د پیسو له نړیوال صندوق سره د خبرو سپارښتنه وکړه
رویټرز څرګنده کړې، چې د پاکستان لومړي وزیر شهباز شریف د دوشنبې پر ورځ ( د کب څوارلسمه ) د پارلماني ټاکنو له ناڅرګندو پایلو څه نا څه څلور اوونۍ وروسته د دوهیم ځل لپاره د لومړي وزیر په توګه لوړه وکړه.
۷۲ کلن شریف د پاکستان د ولسمشرۍ په دفتر کې د لوړې له مراسمو وروسته خپله دنده یوه ورځ وروسته له هغې پیل کړه، چې پارلمان هغه د پخواني لومړي وزیر عمران خان د ملاتړو استازیو له اعتراضونو سره – سره لومړی وزیر وټاکه.
د لوړې له مراسمو وروسته د هغه لومړۍ ناسته د هغه د مالي پلاوي سره وه.
د لومړي وزیر دفتر د دوشنبې پر ورځ ناوخته څرګنده کړې، چې دوی ته سپارښتنه شوې، چې د پیسو نړیوال صندوق (IMF) سره د تمویل د اسانتیاوو په اړه خبرې پیل کړي. اوسنی تړون د اپریل په میاشت کې پای ته رسیږي.
په خبرپاڼه کې راغلي: مونږ د هېواد د اقتصاد د ښه کولو لپاره سپارښتنه ترلاسه کړې او دا زمونږ د حکومت لومړیتوب دی.
شهباز شریف، چې شروانۍ نومې کرتۍ یې اغوستې وه د ملکي، نظامي، کارکوونکیو او نورو شخصیتونو ناستې ته په داسې حال کې حاضر شو، چې د لوړې مراسم یې له دولتي تلویزیون څخه پر ژوندۍ بڼه خپرېدل.
د فبرورۍ اتمې ټاکنې د ګرځند انټرنیټ له بندېدو، نیول کېدو، تاوتریخوالي رامنځته کېدو او د پایلو د ځنډ او درغلیو سره مل وې.
د عمران خان ملاتړیو خپلواکو نوماندانو تر ټولو زیاتې څوکۍ ترلاسه کړې؛ خو د پاکستان مسلم لیګ نواز (PML-N) او د پاکستان پیپلز پارټۍ (PPP) د ائتلافي حکومت پر جوړولو موافقه وکړه. د مسلم لیګ (ن) مشري د شهباز شریف مشر ورور او درې ځلي لومړی وزیر نواز شریف کوي؛ خو هغه د لومړي وزیر د څوکۍ د نهخپلولو پرېکړه وکړه.
اقتصاد پوهان، پانګوال او بهرني پانګوال اوس د شهباز شریف لهخوا د کابینې په ځانګړي توګه د مالي چارو مهمې برخې له نږدې څاري. د مالیې راتلونکی وزیر به د نړیوال وجهي صندوق سره د څو میلیارد ډالرو تړون د ترلاسه کولو لپاره د سختو خبرو مشري وکړي.
د مسلم لیګ (ن) سرچینو رویټرز ته ویلي: د مالیې پخوانی وزیر اسحاق ډار، چې څلور ځلې د مالیې وزیر و؛ تر ټولو مخکښ نوماند دی. که څه هم د څو نورو نوماندانو په اړه هم جدي غور کیږي.
په دې مراسمو کې د پاکستان غوره شوي لومړي وزیر ته د ولسمشر عارف علوي لهخوا لوړه ورکړ شوه.
ویل شوي، چې په دې مراسمو کې د بېلابېلو هېوادونو سفیرانو او دیپلوماتانو هم حضور درلود.
د راپورونو له مخې د چین ولسمشر شي جین پینګ، د ترکیې ولسمشر رجب طیب اردوغان او د ایران ولسمشر ابراهیم رئیسي په هغو بهرنیو مشرانو کې دي چې شهباز شریف ته یې د لومړي وزیر په توګه د ټاکل کېدو مبارکي ورکړې ده.
سیمه ییز خبرونه
د ایران د ولسمشر ابراهیم رییسي راغورځېدلې چورلکه وموندل شوه – د ایران سره صلیب اداره
د ایران د سره صلیب ادارې مشر خبر ورکړی، چې د ولسمشر ابراهیم رئیسي او ورسره مل پلاوي چورلکه وموندل شوه.
د دې نړیوالې ادراې مشر پیرحسین کولیونډ ویلي؛ چورلکه موندل شوی. مونږ اوس د چورلکې پر لوري روان یوو؛ خو وضعیت ښه ندی.
نوموړي په دې اړه نور چزئیات ندي ورکړي.
د ایرنا رسمي خبري آژانس د کولیونډ له قوله ویلي، چې د پېښې ځای ته د ژغورنې او لټون ۷۲ ډلې رسیدلي؛ خو د ولسمشر او ورسره مل کسانو د مرګ او ژوبلې په اړه تر دې دمهڅه ویل شوي ندي.
د نوموړي د څرګندونو له مخې؛ په سیمې کې له اورښت او غبار سره – سره د یکشنبې له ورځې زاپدیخوا د ژغورنې او لټون هلې ځلې روانې ساتل شوې دي.
د ایران دولتي ټلویزیون هم ویلي، چې د ولسمشر ابراهیم رییسي او ورسره مل پلاوي چورلکه موندل شوې؛ خو د مسافرو ژوندي پاتې کیدو نښې نهلیدل کیږي.
د ایران د پوځ لوی درستیز امر کړی، چې د پوځ او سپاه پاسداران له ټولو منابعو دې د لټون او ژغورنې په عملیاتو کې کار واخیستل شي.
دولتي رسنیو د سیمهییزو ځواکونو د یوه قومندان له قوله ویلي؛ مونږ د پېښې د عمومي سیمې هر انچ په بشپړه توګه لټوو. سیمه ډېره سړه، باراني او له غباره ډکه ده او باران ورو ورو پر واورو بدلیږي.
یو شمېر هېوادونو د ژغورنې په هڅو کې د مرستې وړاندیزونه کړي دي.
سپینې ماڼۍ ویلي، چې د امریکا ولسمشر جوبایډن ته د الوتکې د نسکورېدو په اړه معلومات ورکړ شوي دي.
چین ژوره اندېښنه څرګنده کړې.
اروپايي ټولنې د بېړنۍ سپوږمکۍ نقشه کولو ټکنالوژۍ وړاندیز کړی.
رییسي د یکشنبې پر ورځ د آذربایجان پولې ته د قیز-قالاسي بند د یوې ګډې پروژې د پرانستلو لپاره تللی و.
د آذربایجان ولسمشر الهام علییوف، چې د ورځې په پیل کې له رییسي سره له ملګرتیا ډکه مخه ښه وکړه؛ د ژغورنې په برخه کې د مرستې وړاندیز وکړ.
۶۳ کلن رییسي په ۲۰۲۱ کال کې د ولسمشر په توګه وټاکل شو او واک ته له رسېدو راپدیخوا یې د اخلاقي قوانینو د سختولو امر کړی، د حکومت ضد مظاهرو پر وړاندې یې د خونړیو لاریونونو څارنه کړې او د نړۍ له قدرتونو سره یې په اتومي خبرو کې خپل ټینګار څرګند کړی دی.
دا پېښه په داسې حال کې رامنځته کېږي، چې په ایران کې د سیاسي، ټولنیزو او اقتصادي کړکېچونو پر سر اختلافونه ډېر شوي دي. د ایران مذهبي واکمن د تهران د جنجالي اټومي پروګرام او په اوکراین کې د جګړې پر مهال له روسیې سره د ژورو پوځي اړیکو له کبله له نړیوالو فشارونو سره مخ دي.
سیمه ییز خبرونه
پوتين د ستراتيژيکو همکاريو د پراختيا لپاره بېجينګ ته رسېدلی
د روسيې ولسمشر ولاديمير پوتين نن (پنجشنبه د غویی اووهویشتمه ) بېجينګ ته پر دوه ورځني سفر رسېدلی دی.
د رویټرز د څرګندونو له مخې؛ پوتین به چین ته په خپل سفر کې له خپل چینايي سیال شي جینپینګ سره د ستراتیژیکو همکاریو د پراختیا په اړه خبرې وکړي.
مسکو د دوه ځواکمنو هېوادونو ترمنځ، چې د امریکا “ژیوپولیټیک” سیالان دي؛ “ستراتیژیکه ملګرتیا” پراخه کړي.
پوتين له شينهوا خبري اژانس سره په مرکه کې له شي جينپينګ څخه مننه وکړه، چې له روسيې سره يې د ملي ګټو او متقابل باور پر بنسټ د همکارۍ په جوړولو کې مرسته کړې ده.
د روسیې ولسمشر زیاته کړې: مونږ به هڅه وکړو، چې د صنعت او پرمختللې ټکنالوژۍ، فضا او سوله ییزې اټومي انرژۍ، مصنوعي ځیرکتیا، د نوي کیدونکي انرژۍ د سرچینو او نورو نوښتګرو برخو کې نږدې همکارۍ رامنځته کړو.
پوتین د شپږ کلنې دورې له لوړې وروسته د خپل لومړي بهرني سفر لپاره چین وټاکه او غواړي، چې نړۍ ته د خپلو لومړيتوبونو پیغام په ځانګړي توګه له شي جينپينګ سره د لیدنې له لارې وړاندې کړي.
٧١ کلن پوتين او ٧٠ کلن شي جينپينګ به د پخواني شوروي اتحاد د چين د ولسي جمهوريت د پېنځهاویایمې کليزې د نمانځنې په مراسمو کې ګډون وکړي، چې په ١٩٤٩ ز.کال کې د مائو تسهتونګ لخوا اعلان شوی و.
چین او روسیې د ۲۰۲۲ کال په فبرورۍ کې بیجینګ ته د پوتین د سفر پر مهال “غیر محدوده ملګرتیا” اعلان کړه.
امریکا چین د خپل لوی سیال په توګه او روسیه د خپل حکومت او خلکو لپاره تر ټولو لوی ګواښ ګڼي.
په دغه سفر کې پوتین به د چین په شمال ختیځ کې د هاربین ښار ته هم ولاړ شي، چې له روسیې سره ژورې اړیکې لري.
دا سفر په داسې حال کې کېږي، چې چین په وروستیو کلونو کې د امریکا او متحدینو لهخوا یې پر دغو دوه هېوادونو د لګول شویو بندیزونو له کبله له روسیې سره خپلې سوداګریزې او پوځي اړیکې زیاتې کړې دي.
د یادولو ده، چې د لویدیځو هېوادونو مشرانو په ځانګړي توګه امریکا له روسیې سره د بندیزونو په معامله کې د چین رول مهم بللی دی.
سیمه ییز خبرونه
پر رفح د اسرائیلو بریدونه په نړیواله محکمه کې ارزول کیږي
د ملګرو ملتونو د عدالت نړیواله محکمه به د پنجشنبې او جمعې په ورځو کې د جنوبي افریقا پر غوښتنه د غزې د جګړې پر مهال پر رفح د اسرائیلو د بریدونو په اړه بحث وکړي.
د نړیوالې محکمې د څرګندونو له مخې؛ د جنوبی افریقا پر غوښتنه به د غویی پر اووه ویشتمه او اتهویشتمه / د می پر شپاړلسمه او اووهلسمه پر رفح د اسرائیلو پر بریدونو ناستې تر سره شي.
دا غوښتنه د هغو دوسیو یوه اړینه برخه ده، چې سویلي افریقا د جنوري په میاشت کې د اسرائیلو پر وړاندې ثبت شوې او دا هېواد یې په غزه کې د فلسطینیانو پر نسلي وژنې تورن کړی دی.
د یکشنبې پر ورځ مصر له ترکیې او کولمبیا سره د اسرائیلو پر ضد د درېدو غوښتنه وکړه.
د مصر حکومت په نړیواله محکمه کې د اسرائیلو پر ضد له درېدو وروسته اوس له دې رژیم سره د سیاسی اړیکو د کچې پر کمولو غور کوي.
د سکای نیوز د راپور له مخې؛ د مصر حکومت له اسرائیلو سره د سیاسي اړیکو د کمولو په اړه هڅې پیل کړې دي.
د مصر د بهرنیو چارو وزارت د یکشنبې پر ورځ څرګنده کړه، چې هېواد یې په رسمي توګه د جزا په نړیواله محکمه کې د اسرائیلي رژیم پر ضد د جنوبي افریقا له غوښتنې ملاتړ کوي.
د مصر د بهرنیو چارو وزارت ویلي: مونږ یو ځل بیا د ملګرو ملتو له امنیت شورا او نفوذ لرونکیو خواوو غواړو، چې د غزې په تړانګه کې د اوربند د ټینګولو او پر رفح د پوځی عملیاتو د بندولو لپاره بېړنۍ هڅې وکړي.
د جرمونو نړیوالې محکمې د تېرې میاشتې په پیل کې پر غزه د صهیونیسټ رژیم لهخوا د ډلهییزې وژنې د ترسره کولو په اړه د جنوبی افریقا پر غوښتنه بیا کتنه وکړه.
دې محکمې له صهيونیسټ رژيم څخه وغوښتل، چې په غزه کې د نسلي وژنې د مخنيوي لپاره ټولې اړینې هڅې ترسره کړي.
دې محکمې امر وکړ، چې په يوه مياشت کې دننه د ټولو هغو اقداماتو راپور نړيوال عدالت ته وړاندې کړي، چې د نسلي وژنې د مخنيوي لپاره يې کړي دي. همداشان د دغې محکمې قاضي ویلي، چې د جزا حکم د صهیونیسټي رژیم لپاره نړیوال مکلفیتونه رامنځته کوي .
د دې ترڅنګ نړیوالې محکمې صهیونیسټ رژیم ته امر وکړ، چې په غزه کې د بېړنیو خدماتو او بشردوستانه مرستو د رسولو لپاره بېړني اقدامات وکړي؛ خو د اوربند رامنځته کولو حکم یې صادر نکړ.
-
د هوا حالاتو بدلونونه5 days ago
په تېرو ۲ زره کلونو کې د تېر کال اوړی له ټولو تود و – څېړنه
-
سوداگري4 days ago
د صنایعو او سوداګرۍ وزارت چارسمبالي د تاتارستان له ولسمر سره وکتل
-
تازه خبرونه4 days ago
د تورخم لار لنډمهاله تړل کیږي
-
تازه خبرونه4 days ago
جاپان د افغانستان له سیلاب ځپلیو سره د بېړنیو مرستو ژمنه وکړه
-
لوبی2 days ago
راشد خان د افغان بیسیم مخابراتي شرکت رسمي سوداګریز سفیر شو
-
نړۍ4 days ago
اروپايي ټولنې روسي رسنۍ هم د بندیزونو په نوملړ کې ورزیاتې کړې
-
سوداگري5 days ago
تېر کال د صادراتو او وارداتو ارزښت له ۱۰ میلیارډ ډالرو ډېر و – د احصائې ملي اداره
-
تازه خبرونه5 days ago
د سولې په چارو کې د ملګرو ملتونو د عمومي منشي مرستیال کابل ته راغلی