(Last Updated On: وږی ۹, ۱۴۰۱)رویترز خبري آژانس د څرګندونو له مخې؛ میخایل ګورباچوف د خپلې واکمنۍ په کلونو کې نړیواله سړه جګړه له وینې تویولو پرته پای ته ورسوله، خو د شوروي اتحاد د ړنګېدو په مخنیوي کې پاتې راغلو او پرون د ۹۱ کلونو په عمر مړ شو.
ګورباچوف د شوروي وروستي ولسمشرله امریکا سره د وسلو د کمولو معامله او لویدیځو قدرتونو سره ملګرتیا جوړه د آلمان د بیا یوځای کیدو لامل شو.
د هغه کورنیو اصلاحاتو یا پېرو سترویکا د شوروي اتحاد په کمزوري کولو کې مرسته وکړه تر هغه ځایه، چې ټوټه ټوټه شو او دا کار ولسمشر ولادیمیر پوتین د شلمې پېړۍ “ستر جیو پولیټیکل ناورین” ونوماوه.
د روسیې مرکزي کلینیکي روغتون ویلي، چې میخایل ګورباچوف د سې شنبې پر شپه د یوې جدي او اوږدې ناروغۍ وروسته مړ شو.
د کرملین ویاند دیمیتري پیسکوف انترفکس ته ویلي، چې پوتین په دې اړه خپله ژوره خواخوږي څرګنده کړې ده.
هغه وایي: سبا به د هغه کورنۍ او ملګرو ته د خواخوږۍ ټلیګرام واستول شي.
د نړۍ مشرانو له ځنډ پرته نوموړي ته احترام او درناوی څرګند کړ.
د رویترز خبري آژانس د راپور له مخې پوتین ویلي وه، چې په ۲۰۱۸ کې به هغه د شوروي اتحاد د ویجاړېدو مخه ونیسي.
د رویترز خبري آژانس د راپور له مخې؛ د اروپايي کمیسیون مشرې اروسولا وان دیر لاین ویلي، ګورباچوف، چې په ۱۹۹۰ کال کې د سولې د نوبل جایزه ترلاسه کړې وه، د یوې آزادې اروپا لپاره لاره پرانیستله.
د امریکا ولسمشر جو بایدن ویلي، چې هغه په ګلاسنوست او پیروسترویکا – خپلواکي او بیارغونه – یوازې د شعارونو په توګه نه، بلکې د شوروي اتحاد د خلکو لپاره د څو کلونو انزوا او محرومیت وروسته د راتلونکې لارې په توګه باور درلود.
د بریتانیا لومړي وزیر بوریس جانسن، پر اوکراین د پوتین د برید په اړه وویل، د ګورباچوف د شوروي ټولنې د پرانستلو لپاره نه ستړي کیدونکي ژمنې زمونږ ټولو لپاره یوه بېلګه ده.
میخایل ګورباچوف په ۱۹۸۵ زیږدیز کال کې واک ورسېدو او د شوروي اتحاد په سوسیالیستي جمهوریتونو کې یې د پرانیستو پالیسیو او له لویدیځ سره د تعاملاتو له کبله ښه شهرت تر لاسه کړ؛ خو په ۱۹۹۱ کال کې یې د دغه اتحاد د پاشل کېدو مخه ونه شوه نیولی.
د یادونې ده، چې د شوروي اتحاد وروستي ولسمشر میخایل ګورباچوف په خپل هېواد کې د اقتصادي اصلاحاتو راوستو او له خپل بهرني سیاسته د تاوتریخوالي لرې کولو لپاره وغوښتل، چې له افغانستان څخه خپل پوځونه وباسي.