تازه خبرونه
د پخواني نظام لوړپوړي چارواکي دې هېواد ته ډاډمن راستانه شي – سراج الدین حقاني
د کورنیو چارو وزارت چارسمبالي د تېر نظام له چارواکو څخه هېواد ته د راستنېدو غوښتنه کړې او وایي، چې کولی شي په افغانستان کې له عزت ډک ژوند غوره کړي.
د کورنیو چارو وزارت چارسمبالي او د اسلامي امارت د مشرتابه شورا غړی د پخواني حکومت له چارواکو او پخوانیو امنیتي ځواکونو څخه غوښتنه کړې کړې، چې افغانستان ته بېرته راستانه شي.
د کورنیو چارو وزارت چارسمبالی سراج الدین حقاني وايي، چې اسلامي امارت د ټولو افغانانو د سر، مال او عزت دفاع کوي او هغه څوک، چې بېرته هېواد ته راستانه شوي؛ اوس پوره خوندي دي.
د کورنیو چارو وزارت چارسمبالی سراج الدین حقاني وایي: مونږ هغو کسانو ته بلنه ورکوو، چې له هېواده بهر تللي دي. د پخواني حکومت لوړ پوړي چارواکي دلته د عزت ژوند کوي. اسلامي امارت ستاسې له عزت، ناموس او مال څخه په کلکه دفاع کوي.
بل لوري ته بیا د نړیوالو اړیکو شنونکي وايي، چې اسلامي امارت باید د پخواني حکومت څانګوالو چارواکو او متخصیصنو د بېرته راتګ لپاره یو سم مکانیزم جوړ کړي او عمومي بښنه هم باید په سم ډول سره عملي شي. کنه پاتې کسان هم بیا د وضع شویو محدودیتونو په تړوا د هېواد پریښودو ته زړه ښه کوي.
د نړیوالو اړیکو شنونکی احمدجاوید سنګ دل وایي: حکومت باید د پخواني حکومت د ځواکونو د راستنېدو لپاره یو بشپړ میکانیزم رامنځته کړي او دا میکانیزم باید د هېواد مشهور اشخاص او شخصیتونه پلي کړي.
د نړیوالو اړیکو شنونکی عبدالولی فروزان وایي: بښنه باید په سمه توګه پلي او محدودیتونه باید لرې شي، چې دا ځواکونه په سمه او خوندي توګه کورونو ته راستانه شي.
دا په داسې حال کې ده، چې د بښنې نړویوال سازمان په یوه راپور کې څرګنده کړې؛ د اسلامي امارت له واکمنیدو سره د پخواني دولت امنیتي ځواکونه او پلویان په یوه ډول نه یو ډول ربړول شوي، خو اسلامي امارت تل د عمومي عفوې له پلي کېدو خبرې کړي دي.
تازه خبرونه
د اسلامي امارت مالیې وزیر د ایران د مازندران له کرنیزو او تولیدي مرکزونو لیدنه وکړه
د مالیې وزارت په خبرپاڼه کې راغلي، محمد ناصر آخوند په مازندران کې له ځايي کارخونو، د کبانو له روزنتونونو او د تازه مېوو له بستهبندۍ مرکزونو لیدنه کړې ده.
د اسلامي امارت مالیې وزیر محمد ناصر آخوند ایران ته د خپل سفر په لړ کې مازندران ته تللی او د دې ولایت له سیمهییزو چارواکو سره یې د کرنې، سوداګرۍ او تخنیکي همکاریو په اړه خبرې کړې دي.
د مالیې وزارت په خبرپاڼه کې راغلي، محمد ناصر آخوند په مازندران کې له ځايي کارخونو، د کبانو له روزنتونونو او د تازه مېوو له بستهبندۍ مرکزونو لیدنه کړې ده.
د دغه وزارت د څرګندونو له مخې؛ د مازندران چارواکو د کرنې، سوداګرۍ او نورو اړوند برخو کې له افغانستان سره د مسلکي او تخنیکي همکاریو ډاډ ورکړی دی.
مازندران د ایران په شمال کې د کسپین بحیرې ترڅنګ موقعیت لري او د دغه هېواد له حاصلخیزو ولایتونو څخه دی.
د سیمهییزو چارواکو د معلوماتو له مخې، دغه ولایت پراخ لیمو او مالټې بڼونه او د کبانو ګڼ روزنتونونه لري، چې د ایران په اقتصاد کې مهم رول لري.
تازه خبرونه
د افغانستان ثبات د ټولې سیمې پر ګټه دی – سویس
دغه څرګندونې د افغانستان د بدلونونو او د هغو د سیمهییزو اغېزو په اړه د یوې غونډې پر مهال د سویس د سفیر او د افغانستان لپاره د بریټانیا د ځانګړي استازي او په پاکستان کې د ناروې د سفیر له لیدنې وروسته مطرح شوې دي.
په پاکستان کې د سویس سفارت ویلي، د افغانستان ثبات د ټولې سیمې پر ګټه دی او د دې موخې د ترلاسه کولو لپاره د نړیوالې ټولنې پرلهپسې تعامل، د شریکانو ترمنځ نږدې همغږي او له سیمهییزو هېوادونو سره د خبرو دوام اړین دی.
دغه څرګندونې د افغانستان د بدلونونو او د هغو د سیمهییزو اغېزو په اړه د یوې غونډې پر مهال د سویس د سفیر او د افغانستان لپاره د بریټانیا د ځانګړي استازي او په پاکستان کې د ناروې د سفیر له لیدنې وروسته مطرح شوې دي.
په دې کتنه کې د افغانستان پر وروستیو بدلونونو او پر سیمهییزو اغېزو خبرې شوې دي.
تازه خبرونه
د خپلې واکمنۍ د ساتلو لپاره به مسلمانانو ته د جګړې اجازه ورنهکړم – د اسلامي امارت رهبر
نوموړي د مسلمانانو پر یووالي او پیوستون ټینګار کړی او څرګندوي، چې مؤمنان باید یو وجود وي او د یو بل ملاتړ وکړي.
د اسلامي امارت رهبر شیخ هبةالله آخوندزاده په کابل پوهنتون کې د فرمانونو د اغېزو د څېړلو په اړه د علمي ـ څېړنیز کنفرانس ګډونوالو ته ویلي، د خپلې واکمنۍ د ساتلو لپاره به مسلمانانو ته د جګړې اجازه ورنهکړم.
نوموړي د مسلمانانو پر یووالي او پیوستون ټینګار کړی او څرګندوي، چې مؤمنان باید یو وجود وي او د یو بل ملاتړ وکړي.
آخوندزاده زیاته کړې؛ د فتنې د مخنیوي او د هغې د لارو د بندولو لپاره یې د اسلامي امارت مشري منلې او چمتو دی، چې د مسلمانانو د خوندي پاتې کېدا لپاره خپل ژوند قربان کړي.
نوموړي د دیني عالمانو پر رول هم ټینګار کړی او وایي؛ عالمان باید خلکو ته دین ورسوي، عامه افکار جوړ کړي او خلک د اسلامي امارت له تعریف او ماهیت سره بلد کړي.
هغه ویلي، د اسلامي امارت سیاست پر قرآن کریم او شریعت ولاړ دی او د امیر درناوی د رعیت درناوی دی.
همدارنګه آخوندزاده ویلي، د قصاص او شرعي حدودو فیصلې د ده له تنفیذي امر پرته نه تطبیقېږي او د اسلامي امارت له شتون پرته د شریعت پلي کول ناشوني دي.
په همدې کنفرانس کې د هېواد له بېلابېلو سیمو څخه راغلو یو شمېر جیدو دیني عالمانو هبتالله آخوندزاده ته د«شیخالاسلام» لقب ورکړ.
-
لوبی2 days agoپه آی ال ټي ۲۰ لیګ کې د افغان او اماراتي لوبغاړو ګډون اړین شو
-
تازه خبرونه2 days agoترکیې یونان ته د اوښتو په هڅه کې ۳۵ افغان کډوال ونیول
-
لوبی1 day agoسرخپوشان خوافي د افغانستان فوټبال اتلانو لیګ نه ماتېدونکی اتل شو
-
لوبی3 days agoزیمبابوې له افغانستان څخه د دوهیمې ټسټ لوبې پر دوهیمه ورځ ۱۸۰ منډې مخکې شو
-
لوبی2 days agoارمان افسي استقلال کابل ته پنځه پر صفر ماتې ورکړه
-
تازه خبرونه3 days agoپه جوزجان کې د بیات پاور ۴۰ میګاواټه ګازي برښنا تولیدي توربین بېرته فعال شو
-
تازه خبرونه3 days agoپه تېرو دوه اوونیو کې له ایران او پاکستان څخه څه باندې ۹۵ زره افغانان افغانستان ته راغلي
-
لوبی2 days agoپه آی ال ټي ۲۰ سیالیو کې ۲۵ افغان لوبغاړو قراردادونه ترلاسه کړل
