روغتيا
د پكتيكا په برمل كې د گډوځواكونوپربمبارد ۲۹ وسله وال وژل شوي
د پكتيكاولايت چارواكي وايي، چې ناټوځواكونو د دغه ولايت په برمل ولسوالۍ كې عمليات كړي او ادعاكوي، چې په دې لړكې نهه ويشت وسله وال طالبان وژل شوي دي.
وسله وال طالبان بياد خپلو دوه كسانو وژل مني او وايي، چې نورملگري يې خپلو سيمو ته رسيدلي دي.
ناټوځواكونو تراوسه په دې اړه څه نه دي ويلي.
د آريانا راډيو- ټلويزيون خبريال محمدرسول عادل څرگنده كړې، چې:
د پكتيكا ولايت مطبوعاتي دفترخبري رسنيو ته په ليږل شوې اعلامه كې ويل شوي، چې:
د شنبې په شپه(د تلې ۱۶) د وسله والو پېنځه ويشت کسيزې ډلې غوښتل، چې د برمل په ولسوالۍ کې د افغان او بهرنيو ځواکونو پرگډه اډه بريد وکړي، خو موخې ته له رسيدو وړاندې د هوايي ځواكونو لخوا په نخښه شول.
په همدې حال كې له چاودېدونکيو توکو ډک يو صرف موټر، چې څلور کسان په كې سپاره ول او غوښتل يې، چې موټر بم او وسله وال بريد لپاره د بهرنيو پوځي اډې ته ننوځي، خو له پېژندل كيدو وروسته ويشتل شوي او څلور وسله وال په كې له منځه تللي او موټريې هم ويجاړشوى دى.
خبرپاڼه ليكي، چې په دې پېښو كې ملکي وگړيو او يا هم گډو ځواکونو ته کوم زيان نه دى اوښتى.
د وسله والوطالبانو وياند ذبيح الله مجاهد مني، چې ځانمرگي بريدكوونكي يې له بريد وړاندې ويشتل شوي او يو بل وسله وال يې هم په همدې مهال وژل شوى؛ خو دا نه مني، چې تر نهه ويشت ملگري يې وژل شوي دي.
برمل د پكتيكا يوه غرنۍ او ليرې پرته ولسوالۍ ده، چې ختيځ لوري ته له وزيرستان سره اوږده گډه پوله لري او ډېر وخت ترې د ورته پېښو گزارشونه وركول كيږي.
روغتيا
د عامې روغتیا وزارت نن په ټول هېواد کې د ګوزڼ واکسین کمپاین پیل کړ
عامې روغتیا وزارت له خلکو غوښتي، چې د ګوزڼ پر وړاندې خپل ماشومان واکسین کړی او په دې توګه له ګوزڼ څخه د خوندي افغانستان په جوړولو کې مرسته وکړي.
دا کمپاین به د غویی تر دیارلسمې / د می تر دوهیمې نېټې روان وي.
عامي روغتیا وزارت په پام کې لري، چې په دې پړاو کې له ۱۰ اعشاریه ۷ میلیون ډېرو ماشومانو ته، چې عمرونه یې له ۵ کلونو لږ وي؛ لاسرسي ومومي.
پولیو يا ګوزڼ يوه سارې نااعلاج ناروغي ده، چې په ماشومان کې د دايمي فلج سبب ګرځي؛ خو د روغتیا د برخې پوهان وايي، چې د دغې ناروغي مخنیوی یوازې پر واکسین کولو شونی دی.
د یادونې ده، چې تېر کال په ننګرهار کې د ۶ مثبتو پېښو په اړه راپور ورکړ شوی و.
روغتيا
قلندرعباد له آذربایجان څخه د کارکوونکیو د وړتیا لوړولو په اړه د مرستې غوښتنه وکړه
د عامې روغتیا وزارت چارسمبالي د هېواد د روغتیايي سکتور د کارکوونکیو د وړتیا لوړولو په برخه کې له آذربایجان څخه د مرستې غوښتنه وکړه.
قلندر عباد دغه غوښتنه په کابل کې د آذربایجان له سفیر الهام محمدوف سره په کتنه کې وکړه.
په دې کتنه کې دواړو لوریو د روغتیا په برخه کې د همکارۍ، د افغان روغتیايي کارکوونکیو د وړتیا لوړولو او نورو اړوند مسایلو په اړه خبرې وکړې.
دغه راز د آذربایجان سفیر په دې کتنه کې ویلي، چې هېواد یې هڅه کوي له افغانستان سره د روغتیا په برخه کې خپله مرسته او همکاري روانه وساتي.
د يو بل خبر له مخې؛ د اندراګاندي د ماشومانو په روغتون کې د اکسيجن د توليد د څانګې د ودانۍ د بنسټ ډبره کېښودل شوه.
د عامې روغتیا وزارت چارواکي وايي، دغه څانګه به د روغتیا نړیوالې ټولنې پر مالي او تخنیکي همکارۍ جوړه شي او په یوه ورځ کې د ۲۰۰ اکسیجن بالونونو د ډکولو پر وړتیا سربېره به دغه روغتون ته د اکسيجن د رسولو تر څنګ د روغتیا وزارت نورو روغتونونو ته هم اړین اکسیجن چمتو کړي.
روغتيا
قلندر عباد د روغتیایي سکټور ملاتړکوونکیو بنسټونو ته د افغانانو اړتیاوې وړاندې کړې
د افغانستان اسلامي امارت د عامې روغتیا وزارت چارسمبالي قلندر عباد د پنجشنبې پر ورځ ( د کب لسمه ) د قطر په پلازمېنه دوحه کې د روغتیایي سکټور د ملاتړو بنسټونو په غونډه کې ګډون وکړ او د افغانانو پر روغتیایي اړتیاوو یې خبرې وکړې.
په دې غونډه کې قلندرعباد د روغتیايي سیسټم د اصلاح، ګډې څارنې، روغتیايي ځانبسیاینې، د کلیو او ولسوالیو پر کچه د روغتیايي خدمتونو معیاري کولو او هر اړخیزو روغتیايي خدمتونو د وړاندې کولو په اړه خبرې وکړې.
نوموړي په روغتیایي برخه کې له نړیوالو همکارانو وغوښتل، چې د اداري لګښتونو د کمولو او د مرستو په سمو او ډاډمنو رسولو کې ډېرې هڅې وکړي.
د نوموړي د څرګندونو له مخې؛ که د ډېرو اداري لګښتونو مخه ونیول شي، د روغتیايي خدمتونو د لګښتونو پر برخه به مثبت اغېز ولري.
همدارنګه عباد ټینګار کړی، چې د هېواد د کنګل شوې شتمنۍ ازادېدا به د روغتیایي سکټور په ځانګړي توګه د میندو او ماشومانو لپاره ګټوره وي.
د قلندر عباد د څرګندونو له مخې؛ دا د افغانستان د روغتيايي سيسټم د خپلواکۍ، د روغتيايي خدمتونو د پراختيا او معياري کولو لپاره يو ستر او مثبت ګام دى، چې بايد نړيواله ټولنه يې ومني.
-
تازه خبرونه3 days ago
الله ګل مجاهد د قتل پر تور ونیول شو
-
تازه خبرونه3 days ago
په بغلان کې سېلابونو ۱۹۴۵ کسانو ته مرګ او ژوبله اړولې
-
سوداگري3 days ago
افغانستان او پاکستان د بار وړونکیو موټرو پر نوي ټرانسپورټي میکانیزم هوکړه وکړه
-
تازه خبرونه2 days ago
د اسلامي هېوادونو همکاریو ټولنې د افغانستان له سیلاب ځپلیو سره د مرستې غوښتنه وکړه
-
تازه خبرونه3 days ago
څو ایراني شرکتونو د افغانستان په کانونو کې د پانګونې پرېکړه وکړه – قدیر قیافه
-
تازه خبرونه1 day ago
د یوناما استازې د ایران له بهرنیو چارو وزیر سره وکتل
-
لوبی1 day ago
د کابل کرکټ غوره لیګ لوبغاړو د داوطلبۍ مراسم ترسره شول
-
تازه خبرونه21 hours ago
په ننګرهار کې د ناکامورا کانال پروژه بشپړه شوه