تازه خبرونه
د ښځو له نړیوالې ورځې څخه د بیات په رسنیز مرکز کې لمانځنه وشوه
د آریانا او آریانا نیوز نړیوالې شبکې او د افغان بیسیم مخابراتي شرکت له خوا د مارچ اتمه نیټه ولمانځل شوه.
د دغه غونډې ویناوال ټینګار کوي چې د ورستیو څو کلونو مرستې د ښځو په ژوند کې هیڅ بدلون ندی راوستی او لا تر اوسه هم له تاوتریخوالي سره لاس او ګریوان دي.
د افغان بیسیم مخابراتي شرکت او د آریانا او آریانا نیوز نړیوالو ټلویزیونونو له خوا دلته له دوو سوو زیاتو کارکوونکو لپاره د ګلانو ګیډۍ او نقدې پیسې ورکړل شو.
د ښځې له نړیوالې ورځېیا د مارچ له اتمې په داسې حال کې لمانځنه کیږي چې اوس هم دښځو پر وړاندې د هیواد په ګوټګوټ ستونزې شتون لري.
د دې غونډې ویناوال وایي میرمنې کولای شي د هیواد په پرمختګ کې فعاله ونډه ولري او باید له دې قوې قشر نه په بیلابیلو برخو کېګټه تر لاسه شي
له بلې خوا ګډون کوونکي ټینګار کوي چېښځو ته په چارو کې په سنبولیکه توګه کتل کیږي او باید دا قشر خپل واقعي ځای پیدا کړي.
نن د مارچ اتمه د ښځو نړیواله ورځ ده او یا د نړۍ له ښځو سره د پیوستون د ورځې په نامه نومول شوې ده.
دا ورځ د ښځو په وړاندې د تبعیض خلاف د سیاسي او ټولنیزې مبارزې تاريخي ورځ ده.
هر کال د نړۍ په مختلفو هېوادونو کې په میلیونونو ښځې او نرینه د غه ورځ نمانځي.
له دې سره سره نږدې سل کاله کیږي، چې په سیاسي، ټولنیزو، حقوقي، اقتصادي، کورنیو حقوقو او داسې نورو برخو کې، چې په نړۍ کې د ښځو په وړاندې تعصب روان دی پرله پسې مبارزه کيږي؛ خو بیا هم د نړۍ په ټولو هېوادونو کې د ښځو په وړاندې په مختلفو برخو کې تبعیض او تعصب شته دی.
د ښځو چارو وزارت وايي، سږ کال د مارچ له اتمې د گڼو مراسمو په ترڅ کې نمانځنه کوو.
افغانان دا ورځ په داسي حال کې نمانځي، چې د تېرو دیارلس کلونو په تېریدو اوس هم افغان میرمنې له زیاتو ستونزو او تاوتریخوالو سره مخ دي.
له بل لوري د ملگرو ملتونو د بشري حقونو دفتر ویلي، چي افغان میرمنې خپلو حقونو ته د لاسرسي په برخه کې له گڼو ستونزو سره مخ دي.
په افغانستان کی له دی ورځې څخه په داسی حال کی نمانځنه کیږي، چی د دې هېواد ښځی کوم حقوق، چې اسلامي قانون- بشري او مدني قوانينو ښخو ته ورکړي، تر اوسه ترېبې برخې ده. په تېره بیا په ليریو پرتو سيمو کې تر اوسه هم ښځې له خپلو بنیادي حقونو بې برخې پاتې دي.
تازه خبرونه
جاپان د افغانستان له سیلاب ځپلیو سره د بېړنیو مرستو ژمنه وکړه
په افغانستان کې د جاپان سفارت د پنجشنبې پر ورځ په ډاګه کړه، چې د افغانستان د شمال له سیلاب ځپلیو خلکو سره به بېړنۍ مرستې وکړي.
د سفارت د خپرې شوې خبرپاڼې له مخې؛ دا مرستې به د جاپان د نړيوالې همکارۍ ادارې (JICA) له لارې د سره صليب او سرې مياشتې ټولنې (IFRC) او افغاني سرې مياشتې ټولنې (ARCS) پر همکارۍ ترسره شي.
دا مرست خیمې، کمبلې او نور اړین توکي رانغاړي.
په یادې خبرپاڼه کې راغلي؛ جاپان پرېکړه کړې، چې ډېر ژر به د افغانستان د سيلاب ځپلیو خلکو د مرستې لپاره بېړنۍ مرستې وکړي. مونږ تل د افغانستان د خلکو تر څنګ ولاړ یوو.
دغه راز د ملګرو ملتونو د بشري چارو د همغږۍ دفتر (OCHA) ویلي، چې په بغلان، بدخشان او تخار ولایتونو کې د سختو بارانونو او سیلابونو له کبله ۸ زره ۹۷۵ کورونه ویجاړ شوي او یا هم زیانمن شوي دي.
روسیې هم د اړتیا په صورت کې د مرستې ژمنه کړې ده.
دا په داسې حال کې، چې د اسلامي همکاریو ټولنې (OIC) هم له اسلامي هېوادونو او مرستندویه ټولونو غوښتي، چې د افغانستان له سیلاب ځپلیو سره مرسته وکړي.
تازه خبرونه
د ترکیې سفیر د افغانستان سیلاب ځپلیو ته د ۶۷۰ ټنو مرستې اعلان وکړ
په کابل کې د ترکیې سفیر د اقتصاد وزارت له چارسمبالي سره په کتنه کې څرګنده کړې، چې سبا (جمعه د غویی ۲۸ ) ته به د افغانستان د وروستیو سیلاب ځپلیو لپاره د لومړنیو توکو څه باندې۲۰ ټنه مرسته راولېږدول شي.
د اقتصاد وزارت د خبرپاڼې له مخې؛ جنګ اونال له دین محمد حنیف سره په کتنه کې له ترکیې څخه د ۶۵۰ ټنو نورو بشري مرستو له رالېدولو هم خبر ورکړی، چې په کې خیمې، خوراکي توکي، درمل، جامې او نور توکي شامل دي.
هغه دا ډاډ هم ورکړی، چې افغانستان ته به دا مرستې د اوسپنېپټلۍ له لارې د هرات تورغنډۍ بندر ته رادننه شي.
په دې کتنه کې دین محمد حنیف له دغو مرستو څخه د هرکلي تر څنګ ویلي، چې د ترکیې هېواد د تاریخ په اوږدو کې د افغانستان یو ښه دوست او همکار پاتې شوی دی.
تازه خبرونه
ملګري ملتونه غواړي په افغانستان کې د ځمکو خړبولو لپاره سولري پمپونه ولګوي
د ریاست الوزراء اداري مرستیال عبدالسلام حنفي د سې شنبې پر ورځ ( د غویی پېنځهویشتمه ) د ملګرو ملتونو د پروژې خدمتونو د دفتر (UNOPS) له اجرائیوي رییس جورج موریرا داسیلوا سره وکتل.
په دې کتنه کې جورج موریرا داسیلوا اداري مرستيال ته د خپلو تېرو هڅو او لاسته راوړنو په اړه معلومات ورکړل او څرګندوي؛ دا اداره غواړي، چې په افغانستان کې د سولري پمپونو پر لګولو د کرنيزو ځمکو د خړوبولو يوه نوې پروژه پيل کړي.
عبدالسلام حنفي د دې ادارې د فعالیتونو او لاسته راوړنو د ستاینې ترڅنګ ویلي، چې اسلامي امارت په افغانستان کې د (UNOPS) ادارې له هڅو ملاتړ کوي او د پروژو د پلي کولو لپاره یې لازمې اسانتیاوې برابروي.
ویل کیږي، چې عبدالسلام حنفي له ټولو نړیوالو مرستندویه بنسټونو وغوښتل، چې کروندګرو ته د کوکنارو د بدیل کښت او افغان ځوانانو ته د کار د زمینې په برابرولو کې همکاري وکړي.
-
لوبی4 days ago
د کابل کرکټ غوره لیګ لوبغاړو د داوطلبۍ مراسم ترسره شول
-
تازه خبرونه4 days ago
په ننګرهار کې د ناکامورا کانال پروژه بشپړه شوه
-
تازه خبرونه4 days ago
د یوناما استازې د ایران له بهرنیو چارو وزیر سره وکتل
-
تازه خبرونه4 days ago
ملګرو ملتونو د دې ټولنې په عمومي ناسته کې د افغانستان د رایې حق وځنډاوه
-
د هوا حالاتو بدلونونه3 days ago
په تېرو ۲ زره کلونو کې د تېر کال اوړی له ټولو تود و – څېړنه
-
سوداگري2 days ago
د صنایعو او سوداګرۍ وزارت چارسمبالي د تاتارستان له ولسمر سره وکتل
-
نړۍ4 days ago
انټوني بلینکن اوکراین ته رسېدلی
-
سیمه ییز خبرونه3 days ago
پر رفح د اسرائیلو بریدونه په نړیواله محکمه کې ارزول کیږي