Connect with us

سوداگري

د کابل مرکزي سیلو له ۳۰ کلن ځنډ وروسته خپل فعالیت بیا پیل کړ

خپور شوی

د

د دولتي تصديو عمومي رياست ويلي، مرکزي سيلو د ماليې وزارت د رهبرۍ د همکارۍ له مخې په لومړني بڼه خپل فعاليتونه بېرته پيل کړل.

د مرکزي سیلو مشر انجنیر خیال محمد څرګنده کړې، چې په مرکزي سيلو کې د ډوډۍ پخولو کار پر دوه داشونو پيل شوی دی.

هغه زیاته کړې؛ د دغه شرکت فعالیت لومړنی حالت لري او په منځني توګه  هره ورځ په دې شرکت کې شاوخوا ۱۰۰۰ ډوډی او ۲۰۰ روټې بازار ته وړاندې کېږي.

د نوموړي د څرګندونو له مخې؛ ياد شرکت په پام کې لري، چې په نږدې راتلونکي کې له ٤٥٠ زره ټنو اوړو څخه د ډوډۍ د توليد وړتیا خپله کړي.

د کابل د مرکزي سیلو چارواکو ډاډ څرګند کړی، چې له کابل وروسته به د کندهار او هرات ولایتونو سیلوګانو هم  فعالې شي.

د کابل سیلو کارګر؛ نرینه او میرمنې ټول پخوانې کسان دي.

 دوۍ وایی، چې د دې سیلو ډېرې څانګې فعالې دي؛ خو دوی له اسلامي امارت څخه د دې بنسټ دعصري کولو او ملاتړ غوښتنه کوي.

د سیلو د ژرندې کارګر شاولي عمري وایي: زما دلته ۴۰ کاله کیږي. مونږ ښه وړتیا لرو؛ خو مهمه ده، چې کار پرمختللی او عصري شي. مونږه  کولی شو د سیلو پخوانی باور بېرته په خلکو کې ترلاسه کړو.

د کابل سیلو د تخنیکی برخې مسوولینو هم ویسلي؛ که د حکومت لخوا د دې بنسټ ملاتړ وشي، دوۍ کولی شي خپل فعالیتونه ډېر پراخ کړي.

دوۍ څرګندوي؛ که څه هم ماشینونه یې پخواني دي؛ خو بیا هم کار کوي او اړتیا پرې پوره کیږي.

  د کابل  سیلو تخنیکي انجنیر ذاکر رسولي ویلي: مونږ د کار وړتیا لرو. که څه هم ماشینونه مو پخواني دي؛ خو فعالیت  کولی شي. که مونږ د اړتیا وړ تولید لپاره تړونونه تر لاسه کړو؛ نو بیا مونږ هم په مارکیټ کې رقابت کولی شوو.

له دې مخکې هم د کابل مرکزي سیلو ۲۴ ساعته فعاله وه او په ورځ کې یي ۵۰ ټنه غنم اوړه کول.

د کابل مرکزی سیلو د مشر د څرګندونو له مخې: د کابل مرکزي سیلو ۶۵ کاله مخکې فعالیت پیل کړ، چې هغه مهال په کې څه باندې ۲۰۰۰ کسانو کار کاوه؛ خو اوس مهال په کې  د ۱۲ ښځینه کار کوونکیو په ګډون ۱۳۸ کسان کار کوي.

د یادونې ده، چې د کابل مرکزي سیلو د ډوډۍ پخولو، غنمو ذخیره کولو او د غنمو اوړو کولو په برخه کې فعالیت کوي.

تازه خبرونه

افغانستان او ایران د ګمرکي همکاریو پر پراختیا هوکړه وکړه

دا هوکړې د افغانستان مالیې وزیر محمد ناصر آخوند او د ایران د اقتصاد او مالیې وزیر ډاکټر مدني‌زاده ترمنځ په تهران کې د لیدنې پر مهال شوې دي.

Published

on

 

د افغانستان او ایران چارواکو د دواړو هېوادونو د ګمرکي نظامونو پر نښلولو، د ګمرکي فعالیتونو پر ۲۴ ساعته کولو، په بندرونو کې د موټرو د تګ راتګ پر زیاتولو او د سوداګرۍ د پراختیا لپاره د آسانتیاوو پر رامنځته کولو هوکړه کړې ده.

دا هوکړې د افغانستان مالیې وزیر محمد ناصر آخوند او د ایران د اقتصاد او مالیې وزیر ډاکټر مدني‌زاده ترمنځ په تهران کې د لیدنې پر مهال شوې دي.

د مالیې وزارت د څرګندونو له مخې، د اسلام‌کلا بندر ګمرکي فعالیتونه به د راتلونکې شنبې له ورځې ۲۴ ساعته شي.

دواړو لوریو په بندرونو کې د موټرو د ځنډېدا او د د ګمرکي محصولاتو د ورکړې ستونزې(خاک‌پولي) پر اواري، د قاچاقي توکو پر مخنیوي او ایران ته د افغان صادراتو لپاره د آسانتیاوو پر برابرولو خبرې کړې دي.

په دې لیدنه کې د پانګونې، سوداګرۍ، ټرانزیټ، سرحدي او ګمرکي مسایلو او د دوه‌اړخیزو اقتصادي همکاریو د ګډ کمیسیون پر فعالیتونو هم خبرې شوې دي.

Continue Reading

سوداگري

تاجکستان له افغانستان سره پر پوله د ګډ بازار جوړولو غوښتنه وکړه

د افغانستان سوداګرۍ او پانګونې خونې د خبرپاڼې له مخې؛ په دې لیدنه کې دواړو لوریو د اقتصادي او سوداګریزو اړیکو پر پراختیا، د دوه‌اړخیزو همکاریو پر زیاتېدا او د سوداګرو او پانګه‌والو لپاره د نویو فرصتونو پر برابرېدا خبرې کړې دي.

Published

on

 

د تاجکستان سفیر سعدي شریفي په کابل کې د افغانستان د سوداګرۍ او پانګونې خونې له عمومي رییس سید کریم هاشمي سره په لیدنه کې ویلي؛ هېواد یې لېواله دی، چې د دواړو هېوادونو په پوله کې ګډ بازار جوړ کړي.

د افغانستان سوداګرۍ او پانګونې خونې د خبرپاڼې له مخې؛ په دې لیدنه کې دواړو لوریو د اقتصادي او سوداګریزو اړیکو پر پراختیا، د دوه‌اړخیزو همکاریو پر زیاتېدا او د سوداګرو او پانګه‌والو لپاره د نویو فرصتونو پر برابرېدا خبرې کړې دي.

د تاجکستان سفیر ویلي، د هېواد مشرتابه یې له افغانستان سره د اقتصادي همکاریو د پراختیا او د دواړو هېوادونو د سوداګرو ترمنځ د ګډو فعالیتونو لپاره د زمینې برابرولو غوښتونکی دی.

د نوموړي د څرګندونو له مخې؛ په ګډه پوله کې ګډ بازار کولی شي د دواړو هېوادونو د وګړو او سوداګرو لپاره د راکړې ورکړې او اقتصادي تعاملاتو ډېر فرصتونه برابر کړي.

دغه راز د افغانستان سوداګرۍ او پانګونې خونې عمومي رییس وړاندیز کړی؛ په لومړي ګام کې تاجکستان ته د لږ تر لږه ۱۰ افغان سوداګرو د یوه پلاوي د سفر زمینه برابره شي، چې په دې هېواد کې له سوداګریزو او پانګیزو فرصتونو سره بلد شي.

Continue Reading

سوداگري

افغانستان او هند د سوداګریزو او اقتصادي اړیکو پر پراختیا خبرې وکړې

په دې ناسته کې د اسلامي امارت د صنعت او سوداګرۍ وزارت مرستیال احمدالله زاهد، په هند کې د افغانستان سفیر نوراحمد نور، د دغه وزارت د صادراتو رییس شهاب لېوال او د سوداګریزو ټولنو یو شمېر استازو او افغان سوداګرو ګډون کړی و.

Published

on

 

د افغانستان رسمي او سوداګریز پلاوي د هند نړیوالې سوداګرۍ د پنځه‌څلوېښتم نندارتون په څنډه کې د هند د سوداګرۍ او صنایعو د خونو فډراسیون له چارواکو سره په یوه ناسته کې د اقتصادي اړیکو پر پراختیا، د سوداګرۍ پر آسانتیا او د دواړو هېوادونو ترمنځ د پانګونې د نویو فرصتونو پر رامنځته کولو خبرې وکړې.

په دې ناسته کې د اسلامي امارت د صنعت او سوداګرۍ وزارت مرستیال احمدالله زاهد، په هند کې د افغانستان سفیر نوراحمد نور، د دغه وزارت د صادراتو رییس شهاب لېوال او د سوداګریزو ټولنو یو شمېر استازو او افغان سوداګرو ګډون کړی و.

دواړو لوریو د سوداګریزو او ټرانزیټي همکاریو پر پراختیا، د توکو د لېږد د آسانتیا، د افغانستان د صادراتو او وارداتو لپاره د هند د بندرونو له ظرفیت څخه د ګټې اخیستنې، د بدیلو ټرانزیټي لارو د رامنځته کولو او د لېږد رالېږد د لګښتونو د کمولو په اړه خبرې وکړې.

هند ته د افغانستان د صادراتو پراختیا، پر ځانګړې بڼه د وچې مېوې، زعفرانو او نورو کرنیزو محصولاتو په برخه کې د خصوصي شرکتونو ترمنځ د همکاریو پیاوړتیا او د ګډو پانګونو لپاره د زمینې برابرول هم د دې ناستې له نورو مهمو موضوعاتو څخه ول.

دغه راز افغانستان ته د هند د درملو او درملیزو محصولاتو پر صادراتو، د باکیفیته درملو د واردولو پر آسانتیا، د روغتیايي معیارونو پر مراعتولو او د دواړو هېوادونو د درمل جوړولو شرکتونو ترمنځ د مستقیمو تړونونو پر رامنځته کولو خبرې وشوې.

په مالي برخه کې هم دواړو لوریو د پیسو د لېږد ستونزې، بانکي آسانتیاوې، افغان سوداګرو ته د سوداګریزو ویزو د ورکړې چټکتیا او د ګمرکي همکاریو په اړه خپل نظرونه سره شریک کړل.

په دې ناسته کې د هند د سوداګرۍ او صنایعو د خونو فډراسیون، د افغانستان د سوداګرۍ او پانګونې خونې او مسلکي اتحادیو ترمنځ د بنسټیزو همکاریو پر پیاوړتیا ټینګار وشو.

دا خبرې په داسې وخت کې کېږي، چې له هند سره د اقتصادي او سوداګریزو اړیکو پراختیا کولی شي د افغانستان محصولاتو ته سیمه‌ییزو بازارونو ته د ښه لاسرسي او د پانګونې د نویو فرصتونو د پراختیا زمینه برابره کړي.

Continue Reading
Advertisement

Trending

Copyright © 2026 Ariana News. All rights reserved!