سوداگري
هند، پاکستان، ترکیه او مالیزیا افغانستان ته د مرستو رسولو آسانتیاوې برابروي
افغان حکومت د ځمکې له لارې د پاکستان او هند پولې ته د ۴۰ لاریو یو کاروان د هندي مرسته شویو غنمو د رالیږدولو لپاره لېږلی دی.
دغه لارۍ به د پاکستان او هند تر منځ د واګې – عطاري پولې په اوږدو کې له مرسته شویو غنمو باریږي او د پاکستان له لارې به افغانستان ته راولېږدول شي.
د پنجاب صوبې د کورنیو چارو وزارت چارواکو ویلي؛ د کورنیو چارو او بهرنیو چارو وزارتونو د پنجاب او خیبر پښتونخوا صوبايي حکومتونو ته لارښوونه کړې، چې د بار لېږدولو امنیت چمتو کړي، چې د بدو پېښو مخه ونیول شي.
د پنجاب د کورنیو چارو وزارت سرچینو څرګنده کړې؛ له هند څخه د غنمو بار لارۍ به د سې شنبې پر ورځ په پوله کې افغان چارواکو ته وسپارل شي.
دغه راز په کابل کې له ترکیې څخه افغانستان ته د خیریه ریل ګاډي پر مټ ۷۵۰ ټنه بېړني مرستندویه توکي د اسلامي امارت چارواکو ته سپارل شوي دي.
د ترکیې د طبیعي پېښو پر وړاندې د مبارزې ریاست (AFAD) او نادولتي موسسو په ګډه همغږۍ د دوشنبې پر ورځ د افغانستان د عامې روغتیا وزارت ته د طبي مرستو ټولګه وسپارله.
په مرستو کې خوراکي توکي، ژمنۍ جامې، طبي تجهیزات، ویلچیرونه، لوبي او روغتیايي توکي شته دی.
په کابل کې د ترکيې سفارت يوه ډيپلومات ایمري مناف ويلي، چې دغه مرستې به ډېر ژر د افغانستان ٣٤ ولايتونو ته ولېږدول شي.
د دغو مرستو د سپارلو په مراسمو کې د مناف تر څنګ د افغانستان اسلامي امارت د روغتیا وزارت مرستیال حبیب الله اخندزاده او په کابل کې د ترکیې د یو شمېر ادارو استازیو هم ګډون کړی و.
ایمري مناف په خپلو خبرو کې په ډاګه کړې؛ لکه څنګه، چې په تېر وخت کې افغانان د ترکیې له خلکو سره ولاړ ول، اوس ترکیه د افغانانو ترڅنګ، چې مرستې ته اړتیا لري؛ ولاړه ده.
دغه اورګاډی د جنورۍ پر اووه ویشتمه له انقرې راوخوځېد او د فبرورۍ پر اوومه افغانستان ته داخل شو.
همدارنګه د سې شنبې پر ورځ له مالیزیا څخه د پېنځه ټنو بشري مرستو یوه ځانګړې الوتکه کابل ته رالېږلې ده.
د مالیزیا د بهرنیو چارو وزیر داتوک سری سیف الدین عبدالله د دغو بشردوستانه مرستندویه الوتکې د لیږلو په مراسمو کې برخه واخیسته، چې د ۱۲ رضاکاران ورسره مل دي.
د مالیزیا د بهرنیو چارو وزارت ویلي، دا الوتنه به کابل ته له سفر مخکې د هند په حیدرآباد او د پاکستان په اسلام آباد کې تمیږي.
تازه خبرونه
افغانستان او ایران د ګمرکي همکاریو پر پراختیا هوکړه وکړه
دا هوکړې د افغانستان مالیې وزیر محمد ناصر آخوند او د ایران د اقتصاد او مالیې وزیر ډاکټر مدنيزاده ترمنځ په تهران کې د لیدنې پر مهال شوې دي.
د افغانستان او ایران چارواکو د دواړو هېوادونو د ګمرکي نظامونو پر نښلولو، د ګمرکي فعالیتونو پر ۲۴ ساعته کولو، په بندرونو کې د موټرو د تګ راتګ پر زیاتولو او د سوداګرۍ د پراختیا لپاره د آسانتیاوو پر رامنځته کولو هوکړه کړې ده.
دا هوکړې د افغانستان مالیې وزیر محمد ناصر آخوند او د ایران د اقتصاد او مالیې وزیر ډاکټر مدنيزاده ترمنځ په تهران کې د لیدنې پر مهال شوې دي.
د مالیې وزارت د څرګندونو له مخې، د اسلامکلا بندر ګمرکي فعالیتونه به د راتلونکې شنبې له ورځې ۲۴ ساعته شي.
دواړو لوریو په بندرونو کې د موټرو د ځنډېدا او د د ګمرکي محصولاتو د ورکړې ستونزې(خاکپولي) پر اواري، د قاچاقي توکو پر مخنیوي او ایران ته د افغان صادراتو لپاره د آسانتیاوو پر برابرولو خبرې کړې دي.
په دې لیدنه کې د پانګونې، سوداګرۍ، ټرانزیټ، سرحدي او ګمرکي مسایلو او د دوهاړخیزو اقتصادي همکاریو د ګډ کمیسیون پر فعالیتونو هم خبرې شوې دي.
سوداگري
تاجکستان له افغانستان سره پر پوله د ګډ بازار جوړولو غوښتنه وکړه
د افغانستان سوداګرۍ او پانګونې خونې د خبرپاڼې له مخې؛ په دې لیدنه کې دواړو لوریو د اقتصادي او سوداګریزو اړیکو پر پراختیا، د دوهاړخیزو همکاریو پر زیاتېدا او د سوداګرو او پانګهوالو لپاره د نویو فرصتونو پر برابرېدا خبرې کړې دي.
د تاجکستان سفیر سعدي شریفي په کابل کې د افغانستان د سوداګرۍ او پانګونې خونې له عمومي رییس سید کریم هاشمي سره په لیدنه کې ویلي؛ هېواد یې لېواله دی، چې د دواړو هېوادونو په پوله کې ګډ بازار جوړ کړي.
د افغانستان سوداګرۍ او پانګونې خونې د خبرپاڼې له مخې؛ په دې لیدنه کې دواړو لوریو د اقتصادي او سوداګریزو اړیکو پر پراختیا، د دوهاړخیزو همکاریو پر زیاتېدا او د سوداګرو او پانګهوالو لپاره د نویو فرصتونو پر برابرېدا خبرې کړې دي.
د تاجکستان سفیر ویلي، د هېواد مشرتابه یې له افغانستان سره د اقتصادي همکاریو د پراختیا او د دواړو هېوادونو د سوداګرو ترمنځ د ګډو فعالیتونو لپاره د زمینې برابرولو غوښتونکی دی.
د نوموړي د څرګندونو له مخې؛ په ګډه پوله کې ګډ بازار کولی شي د دواړو هېوادونو د وګړو او سوداګرو لپاره د راکړې ورکړې او اقتصادي تعاملاتو ډېر فرصتونه برابر کړي.
دغه راز د افغانستان سوداګرۍ او پانګونې خونې عمومي رییس وړاندیز کړی؛ په لومړي ګام کې تاجکستان ته د لږ تر لږه ۱۰ افغان سوداګرو د یوه پلاوي د سفر زمینه برابره شي، چې په دې هېواد کې له سوداګریزو او پانګیزو فرصتونو سره بلد شي.
سوداگري
افغانستان او هند د سوداګریزو او اقتصادي اړیکو پر پراختیا خبرې وکړې
په دې ناسته کې د اسلامي امارت د صنعت او سوداګرۍ وزارت مرستیال احمدالله زاهد، په هند کې د افغانستان سفیر نوراحمد نور، د دغه وزارت د صادراتو رییس شهاب لېوال او د سوداګریزو ټولنو یو شمېر استازو او افغان سوداګرو ګډون کړی و.
د افغانستان رسمي او سوداګریز پلاوي د هند نړیوالې سوداګرۍ د پنځهڅلوېښتم نندارتون په څنډه کې د هند د سوداګرۍ او صنایعو د خونو فډراسیون له چارواکو سره په یوه ناسته کې د اقتصادي اړیکو پر پراختیا، د سوداګرۍ پر آسانتیا او د دواړو هېوادونو ترمنځ د پانګونې د نویو فرصتونو پر رامنځته کولو خبرې وکړې.
په دې ناسته کې د اسلامي امارت د صنعت او سوداګرۍ وزارت مرستیال احمدالله زاهد، په هند کې د افغانستان سفیر نوراحمد نور، د دغه وزارت د صادراتو رییس شهاب لېوال او د سوداګریزو ټولنو یو شمېر استازو او افغان سوداګرو ګډون کړی و.
دواړو لوریو د سوداګریزو او ټرانزیټي همکاریو پر پراختیا، د توکو د لېږد د آسانتیا، د افغانستان د صادراتو او وارداتو لپاره د هند د بندرونو له ظرفیت څخه د ګټې اخیستنې، د بدیلو ټرانزیټي لارو د رامنځته کولو او د لېږد رالېږد د لګښتونو د کمولو په اړه خبرې وکړې.
هند ته د افغانستان د صادراتو پراختیا، پر ځانګړې بڼه د وچې مېوې، زعفرانو او نورو کرنیزو محصولاتو په برخه کې د خصوصي شرکتونو ترمنځ د همکاریو پیاوړتیا او د ګډو پانګونو لپاره د زمینې برابرول هم د دې ناستې له نورو مهمو موضوعاتو څخه ول.
دغه راز افغانستان ته د هند د درملو او درملیزو محصولاتو پر صادراتو، د باکیفیته درملو د واردولو پر آسانتیا، د روغتیايي معیارونو پر مراعتولو او د دواړو هېوادونو د درمل جوړولو شرکتونو ترمنځ د مستقیمو تړونونو پر رامنځته کولو خبرې وشوې.
په مالي برخه کې هم دواړو لوریو د پیسو د لېږد ستونزې، بانکي آسانتیاوې، افغان سوداګرو ته د سوداګریزو ویزو د ورکړې چټکتیا او د ګمرکي همکاریو په اړه خپل نظرونه سره شریک کړل.
په دې ناسته کې د هند د سوداګرۍ او صنایعو د خونو فډراسیون، د افغانستان د سوداګرۍ او پانګونې خونې او مسلکي اتحادیو ترمنځ د بنسټیزو همکاریو پر پیاوړتیا ټینګار وشو.
دا خبرې په داسې وخت کې کېږي، چې له هند سره د اقتصادي او سوداګریزو اړیکو پراختیا کولی شي د افغانستان محصولاتو ته سیمهییزو بازارونو ته د ښه لاسرسي او د پانګونې د نویو فرصتونو د پراختیا زمینه برابره کړي.
-
لوبی4 days agoپه آی ال ټي ۲۰ لیګ کې د افغان او اماراتي لوبغاړو ګډون اړین شو
-
تازه خبرونه4 days agoترکیې یونان ته د اوښتو په هڅه کې ۳۵ افغان کډوال ونیول
-
لوبی2 days agoسرخپوشان خوافي د افغانستان فوټبال اتلانو لیګ نه ماتېدونکی اتل شو
-
لوبی4 days agoزیمبابوې له افغانستان څخه د دوهیمې ټسټ لوبې پر دوهیمه ورځ ۱۸۰ منډې مخکې شو
-
لوبی3 days agoارمان افسي استقلال کابل ته پنځه پر صفر ماتې ورکړه
-
تازه خبرونه4 days agoپه تېرو دوه اوونیو کې له ایران او پاکستان څخه څه باندې ۹۵ زره افغانان افغانستان ته راغلي
-
تازه خبرونه4 days agoپه جوزجان کې د بیات پاور ۴۰ میګاواټه ګازي برښنا تولیدي توربین بېرته فعال شو
-
تازه خبرونه2 days agoد اسلامي امارت مالیې وزیر د ایران د مازندران له کرنیزو او تولیدي مرکزونو لیدنه وکړه
