تازه خبرونه
د کابل نړیوال هوایي ډګر به ډېر ژر نړیوالو الوتنو ته چمتو شي
د بهرنیو ځواکونو له وتلو او د کابل په نړیوال هوایي ډګر کې د الوتنو لپاره رامنځته شوې ننګونې اوس له منځه تللي او د کندهار، هرات او بلخ ولایتونو ته له څو ورځو راپدیخوا کورنۍ الوتنې کوي.
د کابل هوایي ډګر چارواکي وايي، چې د عربي هېوادونو تخنیکي ډلې هڅې کوي، چې له دې هوایي ډګره په څو ورځو کې بهرنیو الوتنو ته د الوت زمینه برابره کړي.
د کابل هوایي ډګر مسوول مولوي عبدالهادي حمدان ویلي: په هوایي ډګر کې د ملګرو هېوادونو تخنیکي هڅې روانې دي، چې وضعیت بېرته عادي حالت ته راوګرځي.
د کابل هوایي ډګر سرحدي ساتونکي بېرته کار ته راستانه شوي؛ هڅه کوي خلکو ته غوره خدمات وړاندې کړي.
دوی خلکو ته ډاډ ورکوي، چې د کابل هوایي ډګر ننګونې حل شوي او مسافرو ته د خدمات وړاندې کولو لپاره چمتو دی.
د کابل هوایي ډګر افسر محمد ناصر نسیمي وایي: د مرسته کوونکیو هېوادونو په مرسته، چې شپه او ورځ کار کوي؛ وتوانیدو له دې ډګره الوتنې چمتو او ډاډمنې شي. تېره اوونۍ کورنۍ الوتنې په نورمال ډول پیل شوې او هیڅ خنډ نشته او مونږ خلکو ته ډاډ ورکوو، چې تېره اوونۍ مونږ دوه بهرنۍ الوتنې لرلې او په نږدې راتلونکي کې به میدان بېرته خپل لومړني حالت ته راوګرزي.
د عربي متحده اماراتو او بحرین د مرستو دوه الوتکې د کابل هوایی ډګر ته رارسیدلي، چې په دې مرستو کې خوراکي توکي او درمل شته، چې په افغانستان کې به اړو خلکو ته ووېشل شي.
مولوي عبدالهادي حمدان زیاته کړې؛ مونږ د نړۍ له هېوادونو غوښتي، چې له افغانستان سره خپلې مرستې پیل کړي؛ ځکه خلک دې مرستو ته سخته اړتیا لري.
دغه راز د پاکستان د مرستو درېیمه جوپه هم افغانستان ته رارسیدلې ده. د دغه هېواد یوې الوتکې په دې وروستیو کې خوست ولایت ته هم بشري مرستې لېږدولې دي.
تازه خبرونه
د ۲۰۲۶ کال د بشري مرستو کمېدا میلیونونه کسان له بحران سره مخ کړي
د دې ادارې د څرګندونو له مخې، د ۲۰۲۶ کال له پیل څخه شپږ میاشتې وروسته یوازې ۳۰ سلنه هغه بودجه ترلاسه شوې، چې د نړۍ د ۲۵۲ میلیون اړمنو کسانو له ډلې د ۱۴۳ میلیون کسانو د ملاتړ لپاره اړتیا ده.
د ناروې د کډوالو شورا (NRC) خبرداری ورکړی، چې په ۲۰۲۶ز.کال کې د نړۍ د بشري اړتیاوو له زیاتوالي سره – سره د ژغورونکو مرستو د برابرولو کچه تر هر وخت ډېره ټیټه شوې ده او میلیونونه کسان په «هېر شویو ناورینونو » کې له سخت خطر سره مخ دي.
د دې ادارې د څرګندونو له مخې، د ۲۰۲۶ کال له پیل څخه شپږ میاشتې وروسته یوازې ۳۰ سلنه هغه بودجه ترلاسه شوې، چې د نړۍ د ۲۵۲ میلیون اړمنو کسانو له ډلې د ۱۴۳ میلیون کسانو د ملاتړ لپاره اړتیا ده.
د NRC سرمنشي یان ایګلنډ ویلي، چې ۲۰۲۶ کال د وینزویلا او سوډان په ګډون د میلیونونو کسانو لپاره «برخهلیک ټاکونکی کال» دی او خبرداری یې ورکړی، چې د مرستو پرلهپسې کمښت کولی شي د «سترو انساني تلفاتو» لامل شي.
هغه زیاته کړې؛ هېوادونه باید بشري مرستې د اړتیا پر بنسټ، نه د سیاسي ملاحظاتو پر اساس ووېشي او له هغو هېوادونو یې، چې مالي سرچینې لري د بشري ناورینونو پر وړاندې له مسوولیت څخه د ډکو کړنو د تر سره کولو ِوښتنه کړې ده.
په راپور کې راغلي، چې افغانستان هم د لومړي ځل لپاره د NRC د «هېر شویو ناورینونو» په نوملړ کې شامل شوی او د بشري پروګرامونو تمویل یې شاوخوا ۱۱ سلنې ته راټیټ شوی دی.
NRC خبرداری ورکړی، چې د مرستو کمېدا په داسې حال کې ده، چې له ۲۱.۹ میلیون زیات افغانان مرستو ته اړتیا لري او میلیونونه نور هم له ګاونډ هېوادونو څخه هېواد ته راستانه شوي دي.
دې ادارې ټینګار کړی، چې د عاجلو بشري مرستو له زیاتوالي پرته به میلیونونه کورنۍ په افغانستان او نورو ناورین ځپلیو هېوادونو کې له لوږې، بېکورۍ او زیاتې ناامیدۍ سره مخ شي.
تازه خبرونه
«مونږ له بمبارۍ او فشار نه وېرېږو او نه ماتې خورو!» -د اطلاعاتو او کلتور وزیر
هغه زیاتوي؛ مونږ هغه کسان مات کړل، چې له تاسې څخه پر پرمختللیو تجهیزاتو او عصري وسلو سمبال ول.»
د اطلاعاتو او کلتور وزیر شېر احمد حقاني په کاپیسا ولایت کې د « خبریالانو د فکري، عقیدوي او مسلکي وړتیاوو لوړولو» سمینار ته د وینا پر مهال ویلي، چې هیڅ راز فشار او برید نهشي کولی د افغانانو اراده کمزورې کړي.
نوموړی وایي:« هغو کسانو ته باید وویل شي، چې زمونږ ماشومان یې د شپې پر خوب ویده ظالمانه بمبار او «شهیدان» کړي دي؛ مونږ له بمبارۍ او سختیو نه وېرېږو.»
هغه زیاتوي؛ مونږ هغه کسان مات کړل، چې له تاسې څخه پر پرمختللیو تجهیزاتو او عصري وسلو سمبال ول.»
تازه خبرونه
ازبکستان او قطر د افغانستان د تلپاتي پرمختګ پر ملاتړ ټینګار وکړ
د ازبکستان بهرنیو چارو وزارت څرګنده کړې، چې د افغانستان په چارو کې د دغه هېواد ځانګړي استازي، عصمتالله ارګاشوف، په تاشکند کې د قطر له سفیر حسن حمزه هاشم سره د سوداګرۍ، پانګونې، ټرانسپورټ، لوژسټیک کلتوري او بشري نوښتونو په برخو کې د همکاریو په اړه خبرې کړې دي.
ازبکستان او قطر په ګډه غونډه کې د دوهاړخیزو همکاریو د پراختیا او د افغانستان د تلپاتي پرمختګ د ملاتړ پر لارو چارو خبرې کړې دي.
د ازبکستان بهرنیو چارو وزارت څرګنده کړې، چې د افغانستان په چارو کې د دغه هېواد ځانګړي استازي، عصمتالله ارګاشوف، په تاشکند کې د قطر له سفیر حسن حمزه هاشم سره د سوداګرۍ، پانګونې، ټرانسپورټ، لوژسټیک کلتوري او بشري نوښتونو په برخو کې د همکاریو په اړه خبرې کړې دي.
په دې لیدنه کې دواړو لوریو د سیمې پر وروستیو تحولاتو، د افغانستان اړوند موضوعاتو او ډېرې همغږۍ اندونه وړاندې کړي دي.
د ازبکستان بهرنیو چارو وزارت د خبرپاڼې له مخې، قطر د افغانستان د بیارغونې او اقتصادي رغونې د ملاتړ لپاره د تاشکند له پرلهپسې هڅو ستاینه کړې او د سیمهییز ثبات، سیمهییز اتصال او اقتصادي پراختیا په پیاوړتیا کې یې د ازبکستان رول اړین بللی دی.
دواړو لوریو د غونډې په پای کې د خبرو د دوام، د عملي همکاریو د پراختیا او د هغو نوښتونو پر ملاتړ ټینګار هم وکړ، چې له افغانستان سره په تړاو د سولې، اقتصادي پراختیا او د سیمهییز اتصال له پیاوړتیا سره مرسته کوي.
-
تازه خبرونه1 day agoپناه غوښتونکي ښايي تر ۱۰ زره پونډو پورې لګښتونه بېرته ورکړي
-
International Sports3 days agoد مسي غوره ځلېدنه؛ ارجنټاین د بشپړې بریا پر خپلولو د ۲۰۲۶ نړیوال جام حذفي پړاو ته ورسېد
-
تازه خبرونه4 days agoد ریښتر پر کچه ۶.۱ درجې زلزلې د افغانستان ځینې سیمې ولړزولې
-
تازه خبرونه3 days agoله ملګرو ملتونو سره په پراختیايي پروژو کې خپلې همکارۍ روانې ساتو – امیرخان متقي
-
تازه خبرونه4 days agoافغانستان له ۴۷ کلونو وروسته د امنیت، یووالي او پرمختګ پړاو ته رسېدلی – شهاب الدین دلاور
-
څار4 days agoڅار: له اروپایي هېوادونو د افغان پناه غوښتونکو د ایستلو بهیر ته اندېښنې
-
تازه خبرونه2 days agoپه افغانستان کې د پاکستان د وروستيو هوايي بریدونو له کبله ملکي وګړو ته مرګ او ژوبله اوښتې
-
سیمه ییز خبرونه3 days agoپه فارس خلیج کې د ایران او امریکا کړکېچ سخت شوی؛ متقابل بریدونه، نوې تورونه او د سولې د هوکړې د ماتېدا اندېښنې
