Connect with us

لوبی

د کرکت ملي لوبډله به راتلونکې میاشت سریلانکا ته د درې یو ورځنیو لوبو لپاره سفر وکړي

خپور شوی

د

(Last Updated On: غویی ۲۰, ۱۴۰۲)

د افغانستان کرکت بورد څرګنده کړی، چې د کرکت ملي لوبډله به د جون په لومړیو کې سریلانکا ته د درې یو ورځنیو لوبو لپاره سفر وکړي.

د کرکت بورد د څرګندونو له مخې؛  کرکت ملپ لوبډله به د یاد هېواد په همبانتوتا ښار کې له کوربه لوبډلې سره د جون میاشتې پر دوه‌یمه، څلورمه او اوومه نېټه درې نړیوالې یو ورځنۍ سیالۍ ترسره کړي.

د سریلانکا کرکت ملي لوبډلې د ۲۰۲۳ کال پنځوس آووریز نړیوال جام سیالیو ته په مستقیمه توګه لار نده موندلې او باید یادو سیالیو ته د لارموندنې لپاره د یادو سیالیو په غوراوي پړاو لوبو کې برخه واخلي او په دغو سیالیو کې پایلوبې ته له رسېدو وروسته به نړیوال جام ته لار ومومي.

د افغانستان او سریلانکا ترمنځ راتلونکې درې نړیوالې یو ورځنۍ سیالۍ به له کوربه لوبډلې سره د کرکت نړیوالې شورا د ۲۰۲۳ کال پنځوس آووریز نړیوال جام د غوراوي پړاو سیالیو لپاره په تیاریو کې مرسته وکړي، دغه راز به د روان کال د نړیوال جام سیالیو لپاره د افغان لوبډلې په چمتووالي کې اغېزمن رول ولوبوي.

په دې اړه د افغانستان کرکت بورد اجرائیوي رییس نصیب خان وايي، چې د دغو درې نړیوالو سیالیو په اړه له سریلانکا کرکت بورد سره د خپلو خبرو اترو له پایلو خوښ دي.

نوموړي زیاته کړې، د سریلانکا پر وړاندې وروستۍ سیالۍ د دواړو هېوادونو لپاره غوره تجربه وه، چې دواړو لوبډلو په کې غوره او ډېرې په زړه پورې سیالۍ وکړې او دا ځل هم ډېرو ښو سیالیو ته سترګې په لاره یوو.

د یادونې ده، چې د افغانستان کرکت ملي لوبډلې د تېر کال په نومبر میاشت کې سریلانکا ته سفر کړی او هلته یې د کوربه لوبډلې پر وړاندې درې نړیوالې یوورځنۍ سیالۍ ترسره کړې. دا به په شپږ میاشتو کې دوه‌یم ځل وي، چې د سریلانکا کرکت بورد د درې یو ورځنیو سیالیو لپاره د افغانستان کرکت ملي لوبډلې کوربتوب کوي.

لوبی

د افغانستان فوټبال ملي لوبډلې هند ته د ۱ ګول پر توپیر ماتې ورکړه

Published

on

(Last Updated On: وری ۸, ۱۴۰۳)

د افغانستان فوټبال ملي لوبډلې نن سې شنبه ( د وري اوومه) د اسام ایالت په ګواهاتي لوبغالي کې د هند فوټبال ملي لوبډلې ته ۲-۱ ماتې ورکړه.

دا لوبې د فوټبال د ۲۰۲۶ نړیوال جام او د آسیا د ۲۰۲۷ د غوراوي پړاو دي.

افغانستان د دغو سیالیو په جدول کې د کویټ، قطر او هند سره په ګروپ کې دی.

د هند لوبډلمشر سنیل چیتري د لوبې په اووه‌دېرشمه دقیقه کې افغانستان ته یو ګول ورکړ؛ خو د لوبې د دوه‌یمې برخې په اووه‌اویایمه دقیقه کې افغان لوبغاړي رحمت اکبري ګول وواهه او لوبه یې ۱-۱ مساوي کړه.

افغان لوبغاړي شریف محمد د پنالټي پر شوټ ګول ورکړ او افغانستان دا لوبه ۲-۱ وګټله.

 افغانستان او هند ( د وري پر دوه‌یمه) د سعودي عربستان د خمیس ښار د ضمک په لوبغالي کې صفر-صفر لوبه مساوي کړې وه.

د افغانستان په دې لوبه کې اویس عزیزي، اسلام الدین امیري، محبوب حنفي، جبار شرزه، حبیب الله عسکر، مصور احدي، رحمت اکبري، امید پوپلزی، توفی سکندري، ذوالفقار نظري او شریف محمد لوبېدلي دي.

افغانستان له دې مخکې د ۲۰۲۶ د نړیوال جام د غوراوي د دوه‌یم پړاو په سیالیو کې قطر او کویټ ته لوبې بایللې وې او له همدې کبله یې له هند څخه د لوبې ګټلو ته اړتیا ډېره وه.

Continue Reading

لوبی

افغانستان په فوټسال لوبه کې استرالیا ته ۵-۴ ماتې ورکړه

Published

on

(Last Updated On: وری ۷, ۱۴۰۳)

د افغانستان فوټسال ملي لوبډلې د استرالیا پر وړاندې څلور اړخیزه نړیواله سیالي د یو ګول پر توپیر وګټله.

په دې لوبه کې، چې نن (دوشنبه) په تایلینډ کې ترسره شوه، د افغانستان له لوري په لومړۍ نیمايي کې څلور ګولونه امید غضنبري، سید مجتبی حسیني، اکبر کاظمي او مهران غلامي ووهل.

اسټرالیا لوبه په دوه‌یمه نیمايي کې مساوي کړه او په وروستۍ دقیقه کې مهدي نوروزي د افغانستان لپاره د بریا ګول ترسره کړ.

په همدې حال کې د افغانستان لومړۍ لوبه د مالیزیا پر وړاندې ۳-۳ مساوي شوې وه.

د افغانستان راتلونکې لوبه د چارشنبې پر ورځ له کوربه لوبډلې تایلینډ سره ده.

Continue Reading

لوبی

آریانا ټلویزیون د هند کرکټ غوره لیګ د خپراوي حق خپل کړ

Published

on

(Last Updated On: وری ۲, ۱۴۰۳)

آریانا نړیوالې ټلویزیوني شبکې په ډاګه کړې، ​​چې په ټلویزیون او اوبپاڼې کې یې د هند کرکټ غوره لیګ (IPL) د خپراوي ځانګړی حق ترلاسه کړي دي.

د هند کرکټ غوره لیګ سیالۍ به سبا جمعه (د وري درېیمه / د مارچ دوه‌ویشتمه ) د ماښام پر ۶:۳۰ بجو پیل شي او دوه میاشتې به روانې او میلیونونو افغان مینه‌والو ته به د لاسرسي وړ وي.

په هند کې د کرکټ د څارنې بورډ (بي بي سي آی) په روانه اوونۍ کې د لیګ د نوي پړاو د ۲۱ لوبو مهالوېش خپور کړ، چې د مارچ له ۲۲ څخه د اپریل ۷ پورې به روانې وي.

د دې سياليو پايلوبه به د مې پر شپږویشتمه ترسره شي.

د هند غوره لیګ وخت به د بي بي سي آی د پلاوي له‌خوا اعلان شي.

د دې سیالیو په لومړۍ لوبه کې به سبا (جمعه) د هند په چینای ښار کې چینا سوپر کینګز او رویال چلېنجرز بنګلور لوبډلې سره مخ کیږي.

د تېر کال په څېر په دې ټورنمنټ کې به ۷۰ لوبې وي او هره لوبډله به ۱۴ لوبې ترسره کوي.

غوره څلور ټیمونه به پلی آف ته ولاړ شي، چې د کوالیفای یو پړاو وي، د یو وتلو له پړاو وروسته د کوالیفای پړاو دوه او بیا پایلوبه ده.

په هغو ورځو کې، چې دوه لوبې وي؛ لومړۍ لوبه به د ماسپښین پر ۲:۳۰ او دوه‌یمه د ماښام پر ۶:۳۰ وي.

هغه لس لوبډلې، چې تېر کال یې په ټورنمنټ کې برخه اخیستې وه، ټول به سږ کال د هند غوره لیګ په دې پړاو کې د ګډون لپاره راستانه شي.

لوبډلې په لاندې ډول دي:

چینای سوپر کینګز (اوسنی اتلان)

ډیلي کپیتنز

ګجرات ټایټنز

کلکته نایټ رایډرز

لکنو سوپر جاینټز

ممبي انډینز

پنجاب کینګز

راجستان رایالز

رویال چلنجرز بنګلور

سنرایزرز حیدرآباد

د هند پریمیر لیګ سیالۍ د هند په لس ښارونو کې ترسره کیږي، چې هره لوبډله یې د کور او بهر د سیالیو کوربه‌توب کوي، مخکې له دې، چې په نرندرا مودي لوبغالي کې ترسره کیږي.

د لومړنیو وړاندوینو له مخې؛ چینای سوپر کینګز کولی شي د خپلې اتلولې نوم وساتي؛ ځکه، چې دې لوبډلې تر دې دمه پېنځه ځله اتلولي خپله کړې ده.

دا سیالۍ به څنګه وګورو؟

دا سیالۍ به پر ژوندۍ، ځانګړې او قانوني بڼه له آریانا ټلویزیون   www.arianatelevision.com  او اوبپاڼې څخه خپرې شي.

کله، چې بي بي سي آی بورډ د دغو سیالیو بشپړ مهالوېش خپور کړ؛ نو د کرکټ مینه‌وال به بیا خبر شي.

سبا (جمعه د وري درېیمه / د مارچ دوه‌ویشتمه) اریانا ټلویزیون به د ماښام پر ۶:۳۰ بجو د هند غوره لیګ سیالي پیل کړي. ورپسې به لومړۍ لوبه د چینای سوپر کینګز او رویال چلینجر بنګلور ترمنځ د ماښام پر ۷:۰۰ بجو پیل شي.

Continue Reading

Trending

Copyright © 2022 Ariana News. All rights reserved!