تازه خبرونه
د کندهار په سېلابونو کې خلکو ته درانده مالي او ځاني زیانونه اوښتي
يوه مياشت مخکې د هېواد د نورو ولايتونو ترڅنګ په کندهار کې هم د بې سارو بارانونو له کبله په راغلیو سېلابونو کې خلکو ته درانده مالي او ځاني زيانونه واوښتل.
دې سېلابونو زراعتي ځمکه، باغونه، کورونه او د زراعتي ځمکو د خړوبولو ويالې او کاريزونه ويجاړ کړي دي.
په کندهار کې سېلابونو د سپين بولدک ولسوالۍ ته د نورو ولسواليو پر پرتله ډېر زيانونه اړولي دي.
سيميز چارواکي وايي د خلکو ژغورنې لپاره د دولت د ملکي او نظامي ادارو د ګډو هڅو په پاېله کې د ډېرې مرګ و ژوبلې مخه نيول شوې ده.
د بولدک ولسوالۍ له سېل ځپلیو سره څه ناڅه مرستې شوي؛ خو دا وګړي وايي، دا مرستې بسنه نکوي او له خيريه ټولنو او نړېوالو بنسټونو څخه غواړي، چې د کورونو په بيارغونه کې بنستيزې مرستې وکړي .
د سپين بولدک ولسوال ملا عبدالعلي آغا عزيزي وایي: ۱۴۶۲ کورنیو کې شپږ شهيدان لرو دوه ټپيان لرو. د الله پاک نصرت او د مجاهدينو مرسته وه، چې ولس ته ډېر زیان اوښتی ندی. مجاهدینو ځانونه ستړي کړل؛ هغه مو ټول خوندي کړل، الوتکې مو راوغوښتلې او له مونږ سره هوايي ځواکونو ډېره مرسته وکړه او ولايتي ادارې هم ډېر کمکونه راسره وکړل.
په کندهار کې د مرستندويه ادارو سيميز چارواکي وايي، دولت تر خپله وسه له سېلاب ځپلیو سره مرستې کړي او دوی ته يي خوراکي توکي، خېمې او نغدې پيسې ورکړې دي .
په کندهار کې د افغاني سرې مياشتې مشر ملا فیض الله فیضي وایي: مونږ درې سوه کورنيو ته مرسته درلودله، چې په کې خوراکي توکي او غير خوراکي توکي ول. له هغه څخه وروسته تقريبا د اويا کورنیو لپاره د غير خوراکي توکو مرسته وه. همداراز د درې سوه کورنيو لپاره نغدي مرسته وه او د هرې کورنې لپاره لس- لس زره نغدې پيسې ورکړ شوې.
د سپين بولدک ولسوالۍ اوسيدونکي وایي، چې د یوشمېر مدرسو او ښوونځيو د ويجاړېدو او يا زيان اوښتو له کبله اوس ډېري زدکوونکي او طالبان خپلو درسونوته نه حاظريږي .
سېل ځپلی عبدالمتين وایي: هو! کمې کمې مرستې شوي؛ دا يوه خېمه ده، هغه اوړه دي، غوړي دي، چای دی. دا شيان يي راکړي دي.
سېلاب ځپلی حافظ محمد موسي نومی وایي: د مدرسې د نړېدو پر وجهه شاګردان نيمايي اوس سبقان وايي او نيمايي حصه، چې ده هغه د مدرسې د نړېدو له وجهې څخه اوس سبقانوته نه راځي.
د یادونې ده، چې د تېرې مياشتې سېلابونو له کبله په کندهار کې د وچې او تازه مېوو سوداګريزې چارې هم ټکنې شوي، چې بڼوالو ته يي درانده مالي زيانونه اړولي دي .
تازه خبرونه
چین په افغانستان کې له سیلاب ځپلیو سره سل زره ډالر مرسته کوي
په کابل کې د چین سفیر په افغانستان کې د وروستیو سېلابونو له قربانیانو سره د دغه هېواد د سره صلیب له لارې د سل زره ډالرو مرستې اعلان وکړ.
ژاو شينګ د دوشنبې پر ورځ (د غویي لسمه) د ریاست الوزراء له اداري مرستيال عبدالسلام حنفي سره په کتنه کې ويلي، چې دغه مرستې به ډېر ژر اړوند چارواکو ته وسپارل شي.
د ریاست الوزراء د اداري مرستیالۍ د خبرپاڼې له مخې؛ د چين سفير ويلي، چې د دواړو هېوادونو د اړيکو د پياوړتيا لپاره چين په بېلابېلو برخو کې افغان زدهکړیالانو ته د تحصيلي بورسونو زمينه برابره کړې ده. همدارنګه د افغانانو د ظرفیت لوړولو لپاره د طب په ګډون په بېلابېلو څانګو کې لنډ مهاله روزنیز کورسونه تنظیموي.
نوموړي په بېلابېلو برخو کې د پانګونې لپاره د چينايي سوداګرو او شرکتونو لیوالتيا هم ياده کړې او څرګندوي؛ د دواړو هېوادونو اقتصادي او سوداګريزې اړيکې په ښه حالت کې دي او چينايي سوداګر او پانګوال لیواله دي، چې په افغانستان کې پانګونه وکړي.
تازه خبرونه
روسیې پر اوکراین د شمالي کوریا توغندي توغولي
د ملګرو ملتونو د بندیزونو څارونکیو د امنیت شورا یوې کمیټې ته په یوه راپور کې څرګنده کړې؛ د اوکراین پر خارکوف لګیدلی توغندی ښیي، چې په شمالي کوریا کې جوړ شوی دی.
د رویټرز د څرګندونو له مخې: د ملګرو ملتونو د بندیزونو د څارنې ډلې په هغه راپور کې، چې پرون (دوشنبه د غوایی لسمه) یې امنیت شورا ته وړاندې کړ؛ په ډاګه کوي، چې د اوکراین په خارکوف ښار کې د جنورۍ پر دوهیمه د توغندیز برید پاتې شوني د شمالی کوریا Hwasong-11 بالیستیک توغندي دي.
مسکو او پیونګ یانګ دواړو دا تورونه رد کړي؛ خو تېر کال یې ژمنه کړې وه، چې پوځي اړیکي به پراخوي.
د ۲۰۲۴ ز. کال د جنورۍ پر دوهیمه له برید څو ورځې وروسته د خارکوف سیمې څارنوالۍ د توغندیو ټوټې رسنیو ته وښودلې او څـرګنده شوه، چې دا د روسیې له ماډلونو څخه توپیر لري او ممکن دا توغندی د شمالي کوریا لخوا چمتو شوی وي.
شمالي کوریا له ۲۰۰۶ ز.کال راپدیخوا د بالیستیک توغندیو او اټومي پروګرامونو د پراختیا له کبله د ملګرو ملتونو تر بندیزونو لاندې ده او له هغه وخت راپدیخوا دغه بندیزونه نور هم سخت شوي دي.
د ملګرو ملتونو د بندیزونو درې څارونکیو د روانې میاشتې په پیل کې اوکراین ته د توغندي د پاتې شونو د کتنې لپاره سفر وکړ؛ خو داسې شواهد یې ونهموندل، چې دا توغندی دې د روسیې لخوا جوړ شوی وي.
د راپور له مخې؛ دوی په خپلواکه توګه نشي کولی دا معلومه کړي، چې راکټونه له کوم ځای څخه او د چا لخوا توغول شوي.
دغو څارونکیو ویلي، چې د اوکرایني چارواکو لهخوا د دغه توغندي د توغولو په اړه ورکړ شوي معلومات ښيي، چې دا د روسیې له خاورې توغول شوی دی.
د دوی د څرګندونو له مخې؛ که دا تږغندی د روسي ځواکونو په واک کې و، نو ښایي دا په ډاګه کړي، چې روسیې ترلاسه کړی او دا د شمالي کوریا پر وړاندې د ۲۰۰۶ کال د وسلو له بندیز څخه ښکاره سرغړونه ده.
د سپینې ماڼۍ د ملي امنیت شورا ویاند تېر کال ویلي وه، چې شمالي کوریا په دې وروستیو کې مسکو ته د اوکراین پر ضد د روسیې په جګړه کې د کارولو لپاره بالیستیک توغندي او لانچرونه ورکړي، چې ځینې یې روسیې پر اوکراین توغولي دي.
د امریکا حکومت په دې باور دی، چې تېر کال د روسیې او شمالي کوریا د مشرانو له غونډې وروسته روسیې ته د شمالي کوریا لهخوا د بالیستیک توغندیو او توپونو د لېږلو لړۍ پیل شوې ده.
تازه خبرونه
د افغانستان د کانونو د اوومه توکو پروسس باید په هېواد کې دننه ترسره شي – شهاب الدین دلاور
د کانونو او پټرولیم وزارت چارسمبالي شهاب الدین دلاور د یوې چینايي کمپنۍ له مسوولینو سره په لیدنه کې ویلي، چې له هېواده بهر د کانونو د اوومه توکو پروسس او صادرولو ته اجازه ناشونې ده.
دلاور دا خبره د چین له دولتي شرکت ایم سي سي هولودا سره د لیدنې پر مهال کړې. دا په داسې حال کې ده، چې د میس عینک د استخراج قراردادي شرکت هم حضور درلود.
د کانونو او پټرولیم وزارت په خبرپاڼه کې راغلي، چې MCC هولودا په چین کې د مسو، سربو او جستو د استخراج او پروسس یو له سترو شرکتونو څخه دی.
په خبرپاڼه کې راغلي، چې دغه شرکت په افغانستان کې د مسو، سربو او جستو په کانونو کې پانګونې ته لیوالتیا ښودلې ده.
دلاور د دوى له لیوالتيا هرکلى کړی او څرګندوي؛ په باميانو، کندهار او غور ولايتونو کې د سربو او جیت کانونه شته او که دغه شرکت په افغانستان کې د کانونو د پروسس په برخه کې هوکړه وکړي، وزارت ورته د همکاري ډاډ وړاندې کوي.
دلاور د مس عینک د مسو د پروژې په اړه هم خبرې وکړې او د کار د چټکتیا غوښتنه یې وکړه.
-
تازه خبرونه2 days ago
د بغلان ولایت د غوري سمنټو تولید زیات شوی
-
لوبی5 days ago
اټکانرژۍ لوبډلې په نهمه سیالۍ کې سرخپوشانخوافي ته ۱ـ ۰ ماتې ورکړه
-
تازه خبرونه2 days ago
ترکمنستان د ټاپي پروژې بشپړولو ته ژمن دی – امانوف
-
سیمه ییز خبرونه2 days ago
په عراق کې به همجنسبازان پر۱۵ کاله بند شي –پارلمان
-
لوبی2 days ago
په افغانستان اتلانو لیګ کې موج ساحل ۲-۱ سرسبز یاشلر او سورخ پوشان ۶ -۰ میوند مات کړل
-
سیمه ییز خبرونه1 day ago
د دوبۍ واکمن د هوایي ډګر د نوي ټرمینل جوړولو لپاره ۳۵ میلیارډ ډالر تصویب کړل
-
تازه خبرونه2 days ago
له پاکستان څخه دې د افغان کډوالو د جبري ایستلو چټکتیا راکمه شي
-
تازه خبرونه20 hours ago
تېر کال د ۳۵ میلیون ډالرو پر ارزښت پراختیايي او بشري پروژې ترسره شوي