راشد خان په آسیا جام کې د خپلې ځواکمنې افغان لوبډلې مشري کوي

ټاکل شوې، چې د ۲۰۲۵ آسیا جام لوبې روانه اوونۍ په متحده عربي اماراتو کې پیل شي؛ هند، پاکستان او سریلانکا به له افغانستان، بنګله دېش او هانګ کانګ سره ولوبیږي.

شل اوریزو دودیزو سیالیو ته له راستنېدا سره د ټولو سترګې د افغانستان کرکټ لوبډلې ته اوړي؛ ځکه، چې دا کم عمره؛ خو زړوره لوبډله د لوبغاړو پر نه ستړي کېدونکو هڅو له نورو سره پر اصلي سیالانو بدله شوې ده.

د افغانستان لوبډله د مجیب الرحمن، نور احمد او تجربه لرونکي محمد نبي په ګډون د خپل ستوري راشد خان پر مشرۍ ورځ تر بلې ځواکمنه کیږي. د دوی د توپ‌اچونې ځواک ډېر ښه ځلېدلی دی؛ تېره اوونۍ د متحده عربي اماراتو د درې اړخیز لوبلړ په بهیر کې د افغانستان توپ‌اچوونکو د پاکستان د توپ‌وهنې پر وړاندې زړه‌راکښونکې بریا خپله کړه؛ خو په پایلوبه کې بخت ورسره یاري ونکړه او یوازې پر ۶۶ منډو وسوځیدل.

دغه راز د توپ‌وهنې په برخه کې افغان لوبډله د رحمان الله ګربز او ابراهیم ځدران پر مټو تکیه لري او د صدیق الله اتل او دروېش رسولي د راڅرګندېدونکو استعدادونو له ملاتړ برخمن دي.

د لوبډلې مشرانو ويلي، چې ځوان جوړښت او تجربه دوی ته باور ورکوي، چې وکولی شي له ګروپي پړاوه ورتېر شي او د بنګله دېش، هانګ کانګ او سریلانکا پر وړاندې سیالي وکړي.

د کرکټ شنونکو یادونه کړې، چې د افغانستان کرکټ وده په آسیا کې یو خورا زړه‌راکښونکی داستان دی؛ د کډوالۍ له کمپونو څخه، چې خام استعدادونه یې وروزل تر هغې لوبډلې، چې اوس د سیمې دودیزو کرکټ ځواکونو ته د ماتې ورکولو وړتیا لري. آسیا جام ته د دوی کمپاین سپورتي او سمبولیک ارزښت لري.

د سیالیو له پیل سره د افغانستان ننګونه به ثبات وي. که دوی وکولی شي د توپ‌اچونې ځواک او د توپ‌وهنې اصل خپل کړي؛ دوی نه یوازې نیمه پای لوبې ته رسېدلی شي، بلکې د آسیا کرکټ پر ټولو بڼو به ځان هم ځواکمن وساتي.