Connect with us

نړۍ

روسیه او چین به د اروپا پر امنیت خبرې وکړي

خپور شوی

 په

(Last Updated On: سلواغه ۹, ۱۴۰۰)

ټاکل شوې د روسیې او چین ولسمشران ولادمیر پوتین او شي جینپینګ د اروپا د امنیت په اړه ګډې خبرې وکړي.

د رویټرز خبري آژانس د راپور له مخې؛ ټاکل شوې، چې پوتین به د فبرورۍ پر څلورمه د بېجینګ د ژمنیو المپیک لوبو د پرانیستې په مراسمو کې ګډون وکړي.

واشنګټن او نور متحدین به له نږدې د چین او روسیې د مشرانو ترمنځ د خبرو څارونکي وي.

د پوتین دغه سفر په داسې حال کې تر سره کېږي، چې د مسکو او لویدیځ ترمنځ کړکېچ مخ پر ډېرېدو دی.

د کرملین ویاند دیمتري پیسکوف ویلي: فکر کوم، چې په اروپا کې سټراټیژیک ثبات، د روسیې امنیتي تضمین، په اروپا کې د امنیت، د امریکا او ناټو سره د روسیې د خبرو اترو په ګډون د سیمه ییزو ستونزو او د نړیوالو مسلو په اړه ډېر وخت ته اړتیا ده.

مسکو له اوکراین سره د خپلې پولې په اوږدو کې لسګونه زره پوځیان ځای پر ځای کړي، چې پر اوکراین یې د روسیې د برید وېره راپارولې؛ خو مسکو تل پر کیف د برید کولو نیت رد کړی دی.

نړۍ

روسیې د اوکراین په دونباس کې  پر۴۰ ښارګوټي بریدونه کړي

خپور شوی

په

توسط

(Last Updated On: غبرګولى ۵, ۱۴۰۱)

د اوکراین پوځ ویلي، روسي ځواکونو د اوکرایین په ختیځ دونباس سیمه کې له ۴۰ ډېر ښارګوټي بمبارد کړي او د نورو بریدونو ګواښ یې یې هم کړی دی.

د اوکراین له پلازمېنې کیف وروسته په دوه یم لوی ښار خارکوف کې له ناکامۍ وروسته روسیه هڅه کوي د دونباس بشپړ کنټرول ترلاسه کړي، چې بیلتون غوښتونکي یې د استازیتوب ادعا کوي.

روسیې په زرګونه پوځیان سیمې ته استولي او له درې لوریو یې د اوکراین د ځواکونو د محاصره کولو هڅه یې روانه ساتلې ده.

د اوکراین د وسلوالو ځواکونو د ګډ کاري ځواک په فیسبوک کې په ډاګه شوې، چې د دغو توغنديزو بریدونو په پایله کې پېنځه ملکي وګړي وژل شوي او ۱۲ نور ټپیان دي. دغو نیواکګرو په دونیتڅک او لوهانڅک سیمو کې له ۴۰ څخه زیات ښارګوټي بمبارد کړي، د ۳۸ کورونو او یوه ښوونځي په ګډون یې ۴۷ ملکي ځایونه ویجاړ کړي او یا هم زیانمن دي.

په خبرپاڼه کې راغلي، چې د دښمن ۱۰ بریدونه پر شا وتمبول شول، څلور ټانګونه او څلور بې پیلوټه الوتکې له منځه لاړې او د دښمن ۶۲ سرتېري ووژل شول.

د اوکراین ولسمشر ولادیمیر زیلینسکي ویلي، د ختیځ په ځینو برخو کې د روسي پوځیانو شمېر له مونږ څخه ډېر دی.

رویټرز ونه توانید په خپلواکه توګه د جګړې د ډګر راپورونه تائید کړي.

مسکو هڅه کوي په خپله خاوره کې خپله ولکه ټینګه کړي. ولسمشر ولادیمیر پوتین یو فرمان لاسلیک کړی، چې د نویو نیول شویو ولسوالیو د اوسیدونکیو لپاره د روسیې تابعیت او پاسپورت ترلاسه کولو پروسه ساده کړي.

د روسیې پارلمان د چارشنبې پر ورځ په اردو کې د قراردادي خدمت لپاره د عمر لوړ حد لغوه کړ او د ورک شوي سرتېرو پر ځای یې د نورو ځای پر ځای کولو اړتیا پر ګوته کړه.

زیلینسکي د روسیې پر تازه دمو سرتېرو په تبصره کې ویلي: (دوی) نور کافي ځوانان نلري، خو دوی اوس هم د جګړې اراده لري او د دې ارادې ماتول به وخت ونیسي.

زیلینسکي په روانه اوونۍ کې ویلي، چې شخړه یوازې د هغه او پوتین ترمنځ له مستقیمو خبرو اترو سره پای ته رسیدلی شي.

روسیه او اوکرایین په نړۍ کې د خوراکي توکو او سونتوکو له لویو تولیدوونکیو هېوادونو څخه دی، چې دمګړۍ یې اروپا په ځانګړي توګه بریتانیا له لو لړ بشري ستونزو سره مخ کړې ده.

دا په داسې حال کې ده، چې روسیه په اوکراین کې د اوکراین د بې وسلې کولو او له فاشیستانو څخه د هېواد ژغورل خپل ځانګړي عملیات بولي؛ خو اوکراین او لویدیځ ويلي، چې د فاشیست تورونه بې اساسه دي او دا جګړه یو بې بنسټه یرغل دی.

Continue Reading

نړۍ

د امریکا په یوه ښوونځي کې دوه ښوونکي د ۱۹ ماشومانو په ګډون ووژل شول

خپور شوی

په

توسط

(Last Updated On: غبرګولى ۴, ۱۴۰۱)

د ټکسزاس په یوه لومړني ښوونځي کې د ډزو له کبله د وژل شویو کسانو شمېر ۲۱ ته رسېدلی، چې ۱۹ یې د ښوونځي زدکوونکي دي.

د ټکسزاس والي ګریګ ابوټ ویلي، چې د سې شنبې پر ورځ د غبرګولي ۳ / د می ۲۴ د دغه ایالت په یوه لومړني ښوونځي کې یو ۱۸ کلن هلک پر ډزو څو ښوونکي او زدکوونکي ووژل یو شمېر نور یې ټپیان کړل.

د ګریک ابوټ د لومړنيو څرګندونو له مخې په پېښه کې ۱۴ ماشومان او یو ښوونکی و؛ خو د وژل شویو کسانو شمېر لوړ شو.

هغه دا هم ویلي وه، چې برید کوونکی وژل شوی دی.

نږدې یوه لسیزه مخکې هم ورته یوه خونړۍ پېښه د کنیکټیکټ ایالت په سینډي هوک ښوونځي کې رامنځته شوې وه.

د تکزاس والي د څرګندونو له مخې؛ بریدګر د یووالدي ښار د روب لومړني ښوونځي ته له تومانچې او ټوپک سره ننوت او ډزې یې وکړې.

د تکزاس چارواکو تر دې دمه د بریدګر د انګیزې په اړه څه ندي ویلي؛ خو یوازې دومره وایي، چې له سن انتونیو څخه ۱۳۵ کیلومتره لرې په یوه ښارګوټي کې اوسېده.

ګریګ ابوټ زیاته کړې؛ ښايي بریدګر د پولیسو په ډزو کې وژل شوی وي، چې په اړه یې نورې پلټنې هم روانې دي.

د یووالدي پولیسو هم ویلي، چې برید کوونکی یوازې و.

د ټکسزس ایالت په تاریخ کې دا ستر خونړی برید ګڼل شوی، چې له دې څه نا څه څلور کاله مخکې یو کس د هیوسټون د سانتا فه په منځني ښوونځي کې لږ تر لږه ۱۰ تنه وژلي وه.

د ټپيانو شمېر تر اوسه ندى معلوم؛ خو د يووالدي پوليس وايي، چې څو کسان ټپيان شوي هم دي.

د سپینې ماڼۍ ویاندې کارین ژان پییر ویلي؛ د امریکا ولسمشر جوبایډن د آسیا له پېنځه ورځني سفر څخه د راستنېدو پر مهال له دې بریده خبر شو.

جوبایډن د سې شنبې پر ماښام په سپینه ماڼۍ کې په دې اړه وینا وکړه، چې د وسلو پر ګرزولو یې نیوکې راوپارولې.

هغه د امریکا له خلکو وغوښتل، چې په هېواد کې د وسلو د لابی پر وړاندې ودریږي او ویې ویل، چې د وسلو ځواکمنې لابي د ټوپک د مالکیت د سختو قوانینو د تصویب مخه نیولې ده.

د ټکسزاس د چارواکو د څرګندونو له مخې، د مرمیو قربانیان د دوه یم، درېیم او څلورم ټولګي زدکوونکي دي.

د یووالدي مموریال روغتون په ډاګه کړې، چې د ۱۵ زدکوونکیو درملنه یې کړې ده.

یووالدي لږ تر لږه ۱۶۰۰۰ اوسیدونکي او وګړي لري. دا ښار د مکسیکو له پولې څخه په ۱۲۰ کیلومټرۍ کې پروت دی او د راب لومړني ښوونځي زدکوونکي هم ټول لاتیني نژاده دي.

Continue Reading

نړۍ

په ابوظبي کې ګاز چاودنې ۱۲۲ کسانو ته مرګ و ژوبله اړولې

خپور شوی

په

توسط

(Last Updated On: غبرګولى ۳, ۱۴۰۱)

د عربي متحده اماراتو په پلازمېنه ابوظبي کې د دوشنبې پر ورځ په یوه رستورانت کې د ګاز ډبې د چاودنې له کبله دوه کسان وژل شوي او ۱۲۰ نور ټپیان دي.

د پولیسو د څرګندونو له مخې، د ملکي دفاع اور وژونکیو د اور لګېدنې د پراخېدو مخنیوی کړی؛ خو څو دوکانونه او شپږ ودانۍ زیانمنې شوې دي.

دوی دا هم ویلي وه، چې څلور نورې ودانۍ له خلکو تشې شوې وې.

د ځایی رسنیو لخوا خپاره شوي انځورونه ښیې، چې د سړک په اوږدو کې ښیښې او د ویجاړیو توکي پراته دي.

د یادونې ده، چې دغه رستورانت د خلدیې ولسوالۍ د اوبو په غاړه کې پروت دی.

Continue Reading

Trending

Copyright © 2022 Ariana News. All rights reserved!