تازه خبرونه
زلمی خلیلزاد د سولې بهیر د غزولو لپاره کابل ته راغلی
د افغانستان د سولې لپاره د امریکا د بهرنیو چارو وزارت ځانګړي استازي ډاکټر زلمي خلیلزاد مازیګر مهال له ولسمشر اشرف غني او د پخلاینې شورا له مشر ډاکټر عبدالله عبدالله سره د سولې بهیر د غزولو په اړه ولیدل.
ولسمشرۍ په ډاګه کړې؛ په دې کتنه کې، چې په ارګ کې ترسره شوه او د ولسمشرۍ مرستیالانو، د ملي امنیت سلاکار او د اقتصادي او سوداګرۍ پراختیا او بېوزلۍ کمولو په چارو کې د ولسمشر ځانګړي استازي هم ګډون درلود، دواړو لوریو د سولې بهیر د راتلونکي په اړه خبرې وکړې او له مخامخ مذاکراتو وړاندې یې د اوربند پر ټینګښت یا اورکم ټینګار وکړ.
د ولسمشرۍ د څرګندونو له مخې؛ په دې ناسته کې د طالب بندیانو د خوشې کېدو په اړه هم خبرې وشوې او څرګنده شوه، چې د افغانستان حکومت او طالبان به په دې برخه کې پر یو واضح او معقول میکانېزم هوکړې ته ورسېږي.
1. محمد اشرف غنی رئیس جمهوری اسلامی افغانستان و داکتر عبدالله عبدالله رئیس شورای عالی مصالحه ملی با داکتر زلمی خلیلزاد نمایندۀ خاص وزارت امور خارجۀ ایالات متحدۀ امریکا در خصوص صلح افغانستان، دیدار نمودند.
— ارگ (@ARG_AFG) May 20, 2020
واشنګټن پوسټ راپور ورکوي، چې زلمي خلیلزاد په قطر کې د افغان بهرنیو ځواکونو د عمومي قومندان په ګډون له طالب استازیو سره د تاوتریخوالي د کمولو او د افغانانو تر منځ د خبرو پر اړتیا خبرې کړې دي.
یادې ورځپاڼې څرګنده کړې، چې د خلیلزاد هڅې به هغه وخت بریالۍ وي، چې ډونالډ ترمپ د امریکایي سرتېرو د وتلو بهیر په دې شرط روان وساتي، چې خپلمنځی خبرې پیل شي.
دغه راز چین هم غواړي د افغانانو تر منځ خبرې پیل شي.
د چین د بهرنیو چارو وزارت ویاند ژایو لیجیان ویلي: مونږ هیله لرو، چې خپلمنخي خبرې به ډېر ژر پیل شي او مثبتې پایلې به ولري. چین د افغانستان د سولې په بهیر کې له ښکېلو خواو سره د اړیکو او همغږۍ په پیاوړي کولو کې رغنده رول لوبولی شي.
طالبانو ته نږدې سرچینې وايي، چې که څه هم د خلیلزاد د سفر موخه اوربند ته طالبانو هڅول ول، خو ښکاري، چې طالبانو دا نده منلې.
تمه کیده، چې امریکا له طالبانو سره د سولې راوستلو هوکړې له لاسلیک وروسته اورکم وکړي؛ خو د ملي امنیت شورا د څرګندونو له مخې، د هوکړې له لاسلیک وروسته طالبانو نږدې څلور زره بریدونه کړي دي.
تازه خبرونه
یوناما پر افغانستان د پاکستاني پوځ په وروستيو هوايي بریدونو کې د ۷۷ کسانو مرګ او ژوبله تائید کړه
دې بنسټ په یوه خبرپاڼه کې لیکلي، چې د دغو بریدونو په قربانیانو کې ښځې او ماشومان هم لیدل شوي دي.
د افغانستان لپاره د ملګرو ملتونو مرستندویه پلاوي(یوناما) د پاکستاني پوځي رژیم په وروستیو هوايي بریدونو کې د پکتیا، پکتیکا او کونړ ولایتونو د ۲۸ ملکي وګړو وژنه او د ۴۹ نورو ټپي کېدل تائید کړي دي.
دې بنسټ په یوه خبرپاڼه کې لیکلي، چې د دغو بریدونو په قربانیانو کې ښځې او ماشومان هم لیدل شوي دي.
د یوناما د څرګندونو له مخې، د پکتیا د څمکنیو ولسوالۍ په هوايي برید کې ۲۲ ملکي وګړي وژل شوي او ۴۷ نور ټپیان دي. همدارنګه د پکتیکا د ګیان ولسوالۍ په برید کې شپږ ملکي وګړي وژل شوي او د کونړ د مرورې ولسوالۍ په برید کې دوه ماشومان ټپیان شوي دي.
یوناما په دې خبرپاڼه کې د ملکي وګړو پر خوندیتوب او د نړیوالو قوانینو پر درناوي ټینګار کړی دی.
دا په داسې حال کې ده، چې د اسلامي امارت د څرګندونو له مخې، د پاکستاني پوځي رژیم په هوايي بریدونو کې ۳۶ ملکي وګړي شهیدان شوي او ۱۶۳ نور ټپیان دي.
تازه خبرونه
په کابل کې د پاکستان شارژدافیر احضار شو؛ اسلامآباد ته د هوايي بریدونو په تړاو پرېکنده اعتراض وړاندې شو
د پاکستان پوځي رژیم تېره شپه د افغانستان د کونړ، پکتیا او پکتیکا ولایتونو په ځینو سیمو کې د ملکي وګړو پر استوګنیزو کورونو هوايي بریدونه کړي، چې د راپورونو له مخې په کې د ښځو او ماشومانو په ګډون ۳۶ عام ولسي وګړي «شهیدان» او ۱۶۳ نور ټپیان شوي دي.
د افغانستان اسلامي امارت بهرنیو چارو وزارت ویلي، چې په کابل کې یې د پاکستان د سفارت شارژدافیر احضار کړ او د افغانستان د هوايي حریم د نقض او د کونړ، پکتیا او پکتیکا ولایتونو د ملکي وګړو پر کورونو د بریدونو پهاړه ورته پرېکنده اعتراض وړاندې شوی دی.
د پاکستان پوځي رژیم تېره شپه د افغانستان د کونړ، پکتیا او پکتیکا ولایتونو په ځینو سیمو کې د ملکي وګړو پر استوګنیزو کورونو هوايي بریدونه کړي، چې د راپورونو له مخې په کې د ښځو او ماشومانو په ګډون ۳۶ عام ولسي وګړي «شهیدان» او ۱۶۳ نور ټپیان شوي دي.
دغه بریدونه د اسلامي امارت لهخوا له نړیوالو اصولو، بشري قوانینو او ملي حاکمیت څخه ښکاره سرغړونه بلل شوې او پر سختو ټکو یې غندلي دي.
د اسلامي امارت د څرګندونو له مخې، پاکستان له دې وړاندې هم د ځینو امنیتي پېښو او چاودنو په تړاو افغانستان بېله معتبره شواهدو تورن کړی او دا ډول کړنې د دواړو هېوادونو ترمنځ د باور فضا ته زیان رسوي او د زور له لارې د ستونزو د حل تګلاره ناکامه بلل کېږي، چې د سیمهییز ثبات لپاره منفي پایلې لري.
تازه خبرونه
د پاکستان د هوايي بریدونو ۳۳ ټپیان کابل ته ولېږدول شول
د روغتیایي مسوولانو د څرګندونو له مخې؛ یاد کسان د هغو ۶۶ سختو ټپیانو یوه برخه ده، چې د پکتیا، پکتیکا او کونړ ولایتونو پر استوګنیزو سیمو د پاکستاني پوځي رژیم د تېرې شپې له بریدونو وروسته یې روغتیايي وضعیت د اندېښنې وړ بلل شوی و.
د پکتیا روغتیايي مسوولانو ویلي: د پاکستاني پوځي رژیم د هوايي بریدونو ۳۳ سخت ټپیان، چې د افغانستان په ختیځ کې د وروستیو بریدونو پر مهال ټپیان شوي وه؛ د بېړنیو درملنیزو چوپړتیاوو د ترلاسه کولو لپاره د چورلکې پرمټ کابل ته لېږدول شوي دي.
د روغتیایي مسوولانو د څرګندونو له مخې؛ یاد کسان د هغو ۶۶ سختو ټپیانو یوه برخه ده، چې د پکتیا، پکتیکا او کونړ ولایتونو پر استوګنیزو سیمو د پاکستاني پوځي رژیم د تېرې شپې له بریدونو وروسته یې روغتیايي وضعیت د اندېښنې وړ بلل شوی و.
ټپیان د کابل په یو شمېر دولتي روغتونونو کې بستر شوي او متخصصې روغتیايي ډلې یې درملنه کوي. تر اوسه د نورو سختو ټپیانو د روغتیايي وضعیت او کابل ته د هغوی د احتمالي لېږد په اړه نور جزئیات خپاره شوي نهدي.
دا لېږدونه په داسې حال کې ترسره کېږي، چې افغان چارواکي اوس هم د تېرې شپې د هوايي بریدونو د مرګ او ژوبلې د کچې ارزونه کوي.
اسلامي امارت پاکستان د دغو بریدونو مسوول بولي او وایي، چې په پایله کې یې لږ تر لږه ۳۶ ملکي وګړي، چې ښځې او ماشومان هم په کې دي؛ شهیدان شوي او ۱۶۳ نور ټپیان دي.
دا په داسې حال کې ده، چې دغو بریدونو پراخ کورني او نړیوال غبرګونونه راپارولي او د افغانستان یوشمېر پخوانیو چارواکو او نړیوالو څېرو د تاوتریخوالي د کمولو او د خبرو اترو له لارې د اختلافاتو د هواري غوښتنه کړې ده.
-
International Sports2 days agoد مسي غوره ځلېدنه؛ ارجنټاین د بشپړې بریا پر خپلولو د ۲۰۲۶ نړیوال جام حذفي پړاو ته ورسېد
-
تازه خبرونه3 days agoد ریښتر پر کچه ۶.۱ درجې زلزلې د افغانستان ځینې سیمې ولړزولې
-
تازه خبرونه3 days agoافغانستان له ۴۷ کلونو وروسته د امنیت، یووالي او پرمختګ پړاو ته رسېدلی – شهاب الدین دلاور
-
څار3 days agoڅار: له اروپایي هېوادونو د افغان پناه غوښتونکو د ایستلو بهیر ته اندېښنې
-
تازه خبرونه2 days agoله ملګرو ملتونو سره په پراختیايي پروژو کې خپلې همکارۍ روانې ساتو – امیرخان متقي
-
سیمه ییز خبرونه2 days agoپه فارس خلیج کې د ایران او امریکا کړکېچ سخت شوی؛ متقابل بریدونه، نوې تورونه او د سولې د هوکړې د ماتېدا اندېښنې
-
لوبی2 days agoافغانستان او ازبکستان په خوست کې دوستانه شلآوریزه لوبه کوي
-
تازه خبرونه1 day agoپه افغانستان کې د پاکستان د وروستيو هوايي بریدونو له کبله ملکي وګړو ته مرګ او ژوبله اوښتې
