لوبی
سريلانکا د ماتې له خطره بچ او د اسيا غوره سياليو بل پړاو ته دننه شوه
د سې شنبې پر ورځ دفاعي اتلې سريلانکا افغانستان ته په يوه زړهراکښونکې لوبه کې پر دوه منډو ماتې ورکړه او د اسيا کپ سياليو بل پړاو ته یې لار وموندله.
د فرانسې خبري سرچینې د څرګندونو له مخې؛ افغانستان ته، چې بل پړاو ته د لار موندلو لپاره یې اړتیا درلوده ونهشوکولی، چې په ۳۷.۱ اورونو کې د ۲۹۲ منډو هدف پوره کړي. په داسې حال کې، چې یوازې درې منډو ته يې اړتیا وه.
دوی کولی شول، چې ۲۹۵ منډې جوړې کړي؛ خو ۱۱ نمبر توپ وهونکی فضل الحق فاروقي دوه توپونه ودرول او په درېیم هغه کې وسوځېد.
په دې لوبه کې محمد نبي پر ۳۲ توپونو ۶۵ او لوبډلمشر حشمت الله شهیدي پر ۶۶ توپونو ۵۸ منډې وکړې.
راشد خان په اووه دېرشم اوور کې درې څلوریزې او څلور منډې ورکړې؛ خو مجیب الرحمن د بل اوور په لومړي توپ وسوځېد.
سریلانکا د کوسال مندیس د ۸۴ منډو پر مرسته د اتو لوبغاړیو پر سوځېدو ۲۹۱ منډې جوړې کړې.
پاکستان او هند له A ګروپه بل پړاو ته لار موندلې وه او له B ګروپه سریلانکا او بنګله دیش هم ورسره یوځای شول.
پاکستان د چارشنبه پر ورځ په لاهور کې له بنګله دیش سره بل پړاو ته لوبه پیلوي.
افغانستان په شل اورونو کې د څلورو لوبغاړو له سوځېدو سره ۱۲۹ منډې کړې وې؛ خو نبي توپ وهنه پیل کړه او وضعیت بدل شو او په لس اورونو کې نورې ۹۶ منډې جوړې شوې.
نبي د پېنځه شپږیزو او شپږ څلوریزو پر مرسته ۶۵ منډې جوړې کړې. هغه د خپل هېواد لپاره په یو ورځنیو نړیوالو لوبو کې پر ۲۴ توپونو چټکه پنځوسیزه ووهله.
د دې بڼې پخوانی ریکارد مجیب تېره میاشت له پاکستان سره په لوبه کې جوړ کړی و. هغه پر ۲۶ توپونو ۵۰ منډې وکړې.
د سریلانکا لوبډلمشر داسون شاناکا ومنله؛ نبي نږدې و، چې لوبه د افغانستان پر ګټه پای ته ورسوي.
شاناکا وویل: دا یوه سخته لوبه وه. د لوبې لومړی هدف په ۳۷.۱ اورونو کې و او نبي تقریباً لوبه له مونږه واخیسته؛ خو د اړتیا پر مهال مو ویکتې خپلې کړې.
شهیدي ویلي: لوبه بایلل خواشینوونکې ده. مونږ ښه مبارزه وکړه او خپلې هڅې مو وکړې. زه پر لوبډلې ویاړم. دوی تر وروستي توپ پورې ښه مبارزه وکړه.
په دې لوبه کې ګلبدین نایب څلور ویکتې واخیستې او ۶۰ منډې یې وکړې.
لوبی
اټکانرژۍ لوبډلې په نهمه سیالۍ کې سرخپوشانخوافي ته ۱ـ ۰ ماتې ورکړه
د افغانستان اتلانو لیګ په نهمه سیالۍ کې د چارشنبې پر ورځ ( د غویی پېنځمه) اټکانرژۍ افسي لوبډلې سرخپوشانخوافي ته یو د صفر پر توپیر ماتې ورکړه.
حسیب احدي د اټکانرژۍ غوره لوبغاړی شو او د لوبډلې لپاره یې ګټونکی ګول وواهه.
دغه راز د دې سیالیو په لسمې لوبه کې استتقلال کابل بریالی شو، چې موج ساحل ته ۲ پر ۱ ماتې ورکړي.
په دې لوبه کې شاداب ملکزاده غوره لوبغاړی ونومول شو.
د پنجشنبې پر ورځ ( د غویی شپږمه ) یوه نیمه بجه د افغانستان اتلانو لیګ د درېیم پړاو په یوولسمه سیالۍ کې خدیم افسي د میوند افسي پر وړاندې لوبیږي او دغه راز په همدې ورځ درې نیمې بجې د دې سیالیو دولسمه لوبه د جوانان واحدي او عدالت فراه لوبډلو تر منځ پیلیږي.
د یادونې ده، چې دا سیالۍ له آریانا تلویزیون څخه پر ژوندۍ بڼه خپریږي.
لوبی
ابو مسلم فراه اوومه لوبه له خراسان فاریاب لوبډلې څخه ۶ د صفر پر توپیر وګټله
د سې شنبې پر ورځ په کابل کې د افغانستان اتلانو لیګ په اوومه لوبه کې ابو مسلم فراه لوبډلې خراسان فاریاب لوبډلې ته ۶ د صفر پر توبیر ماتې ورکړه.
د همدې ورځې په دوهیمه لوبه کې د افغانستان اتلانو لیګ اتمه لوبه عینو مېنې وګټله او سرسبز یاشلر افسي ته یې ۴ پر صفر ماتې ورکړه.
د ابو مسلم فراه له لوري سهراب افغان درې ګولونه، امان الله سرداري دوه ګولونه او احمد خالد مجیدي یو ګول ترسره او د ډګر اتلان شول.
سهراب افغان د افغانستان اتلانو لیګ لومړنی لوبغاړی شو، چې په یوه لوبه کې یې درې ګولونه ووهل او د دې لوبې غوره لوبغاړی ونومول شو.
هغه له لوبې وروسته څرګنده کړه: لوبه ښه وه او ما د لوبډلې د غړیو پر همغږۍ درې ګولونه سیالې لوبډلې ته ورکړل.
د ابو مسلم فراه فوټبال لوبډله د ۸ ګولونو پر وهلو د لښتیلیک یا جدول په سر کې ده.
عینو مېنه د اووه ګولونو پر ترسره کولو دوهیم مقام لري.
آهن الله درمان د سرسبز یاشلر افسي لوبډلې پر وړاندې په لوبه کې د غوره لوبغاړي نوم خپل کړ.
درمان د جام له خپلولو وروسته ویلي؛ خوښ یم، چې د عینو مېنې په لوبډله کې د کندهار د خلکو استازیتوب کوم او خپلو خلکو ته خوښۍ راوړم او دا بریا او جایزه د کندهار ټولو ولسونو په ځانګړي توګه خپلې کورنۍ ته وړاندې کوم.
د عینو مېنې لوبډلې له لوري آهن الله درمان ۲ ګولونه وهلي؛ احمد نبي مقدس او رامین حمیدي یو ـ یو ګول وهلی دی.
د سرسبز یاشلر افسي لوبډلې مشر روزونکي د لوبډلې پر ماتې خواشیني څرګنده کړې او وایي، چې د لوبډلې د ماتې لامل د تجربه لرونکیو لوبغاړو نشتوالی دی.
نوموړي زیاته کړې؛ هیله ده، چې په راتلونکیو سیالیو کې یې لوبډله ښه وځلیږي.
د چارشنبې په سیالۍ کې، چې د غرمي پر ۱:۰۰ پیلیږي؛ سرخ پوشان خوافي به له اټک انرژي افسي سره لوبه وکړي. په داسې حال کې، چې استقلال کابل افسي به له غرمې وروسته ۳:۳۰ له موج ساحل افسي سره نهمه لوبه ترسره کړي.
دغه سیالۍ له آریانا ټلویزیون څخه پر ژوندۍ بڼه خپریږي.
لوبی
د موج ساحل لوبغاړي د جوانان واحدي لوبډلې پر وړاندې زړهراکښونکی ګول ترسره کړ
د دوشنبې پر ورځ په کابل کې د افغانستان اتلانو لیګ په پېنځمه لوبه کې د موج ساحل لوبغاړي شاه نصیر نوري جوانان واحدي لوبډلې ته د ډګر له نیمایي څخه پخپل زړهراکښونکې ګول یو د صفر پر توپیر بریا خپله کړه.
د دغو سیالیو په شپږمه لوبه کې، چې پر همدې ورځ ترسره شوه؛ میوند لوبډلې عد الت فراه ته ۲ پر ۱ماتې ورکړه.
د لوبې لومړی ګول د عدالت فراه له لوري عبدالعلي واحدي په شپږدېرشمه دقیقه کې ترسره کړ؛ خو د میوند لوبډلې رحیم الله د لوبې د لومړۍ نیمايي له پای ته رسېدو لږ مخکې لوبه مساوي کړه.
عبدالرحمن محمدي د لوبې په دوهیمه نیمایي کې ګټونکی ګول ترسره کړ او لوبډلې ته یې د ډګر بریا ورپر برخه کړه.
نن سې شنبه ( د غویي څلورمه ) غرمه مهال یوه بجه به ابو مسلم فراه له خراسان فاریاب سره او له غرمې وروسته درې نیمې بجې به سرسبز یاشلر د عینو مېنې پر وړاندې لوبه وکړي.
دغه سیالۍ له آریانا ټلویزیون څخه پر ژوندۍ بڼه خپریږي.
-
تازه خبرونه4 days ago
وروستیو سیلابونو په افغانستان کې ۱۵۰۰ کورنیو ته زیانونه رسولي
-
نړۍ2 days ago
د فلسطین پر رفح ښار اسرائیلي ځواکونو د ځمکنيو بریدونو ګواښ وکړ
-
نړۍ4 days ago
د مالیزیا بحري ځواکونو د چورلکو په ټکر کې ۱۰ کسان مړه شول
-
تازه خبرونه4 days ago
راشد خان د افغان بیسیم سوداګریز سفیر شو
-
لوبی2 days ago
اټکانرژۍ لوبډلې په نهمه سیالۍ کې سرخپوشانخوافي ته ۱ـ ۰ ماتې ورکړه
-
لوبی4 days ago
د موج ساحل لوبغاړي د جوانان واحدي لوبډلې پر وړاندې زړهراکښونکی ګول ترسره کړ
-
سیمه ییز خبرونه5 days ago
د ایران ولسمشر پر درې ورځني سفر پاکستان ته ولاړ
-
سیمه ییز خبرونه3 days ago
د غزې په شمال کې د قحطۍ خطر ډېر دی