لوبی
سریلانکا به د ۲۰۲۴ ز. کال د ۱۹ کلنو کرکت نړیوال جام کوربه وي
په ۲۰۲۴ کال کې به سریلانکا ته د ۱۹ کلنو د کرکت نړیوال جام لپاره تر ټولو غوره استعدادونه ولاړ شي؛ ځکه، چې د ICC بورد د ۲۰۲۴ او ۲۰۲۷ کلونو ترمنځ د ۱۹ کلنو د سیالیو کوربه هېوادونه اعلان کړل.
د کرکت نړیوال بورد د څرګندونو له مخې؛ زمبابوې او نمیبیا، مالیزیا او تایلند، بنګله دیش او نیپال هم د ۲۰۲۴ او ۲۰۲۷ کلونو ترمنځ د اړوند سیالیو کوربتوب کوي.
د ICC د ۱۹ کلنو کرکت نړیوال جام ۲۰۲۴ به د سریلانکا پر کوربتوب ترسره شي او د ۲۰۲۶ لوبې به په زمبابوې او نمیبیا کې ترسره کیږي.
د ICC د ۲۰۲۵ ز. کال د ښځو شل آوریز نړیوال جام به په مالیزیا او تایلیند کې وي او د ۲۰۲۷ سیالیو کوربتوب به بنګله دیش او نیپال ګډ ترسره کوي.
د کرکت د نړیوال جام د لومړني پړاو د غوراوي لارې
د ۱۴ لوبډلو نرینه کرکت نړیوال جام ۲۰۲۷ لپاره د صلاحیت لاره هم تائید شوې، چې ۱۰ لوبډلې به اتوماتیک جواز ترلاسه کړي.
په دې ۱۰ لوبډلو کې به سویلي آفریقا او زیمبابوې د بشپړ غړي له لرلو سره کوربه وي او د لوړو رتبو لرونکي پاتې اته لوبډلې په پخپله تائید شوې نېټه لوبې کوي. پاتې څلور لوبډلې به د ICC CWC ګلوبل کوالیفایر لړۍ له لارې د لوبې وړتیا ولري.
د ۱۰ ښځینه لوبډلو د وړتیا لار هم تصویب شوې ده.
اته لوبډلې به په اوتومات ډول د لوبې وړتیا ولري.
د هرې برخې لپاره کوربه هېوادونه د رقابتي داوطلبۍ پروسې له لارې غوره شوي، چې د بورد فرعي کمیتې لخوا څارل کیږي، چې مشري یې مارتین سندن کوي.
د ICC بورد کمیتې سپارښتنې ومنل شوې او له ICC مدیریت سره یې د هرې داوطلبۍ بشپړه بیاکتنه ترسره کړه.
لوبی
اټک انرژي د افغانستان فوټبال اتلانو لیګ د درېیم پړاو اتلولي خپله کړه
نن چارشنبه د زمري دوهیمه د افغانستان فوټبال غوره لیګ سیالیو په وروستۍ پېنځهشپېتمه لوبه کې د اټک انرژۍ لوبډلې د عدالت فراه لوبډلې ته ۲ – ۰ ماتې ورکړه او د دې سیالیو اتلولي یې خپله کړه.
د اټیک انرژی لوبډلې د دې پړاو د سیالیو په یوولس لوبو کې ۱۱ لوبې ګټلي او په دغو سیالیو کې یې هیڅ ګول ندی خوړلی.
دغې لوبډلې د افغانستان اتلانو لیګ په درېیم پړاو کې ۴۱ ګولونه کړي دي.
په دې زړهراکښونکیو سپورټي سیالیو کې دولس لوبډلو برخه اخیستې وه، چې د ۱۴۰۳ لمریز لېږدیز کال د غویي له لومړۍ څخه پیل او د غبرګولي تر دوهیمې پورې روانې وې.
دغه سیالۍ د افغانستان د فوټبال فډراسیون د ویکتور انرژۍ پر مالي مرسته د آریانا ټلویزیون له لارې په قانوني، ژوندۍ او ځانګړې بڼه خپرې شوې.
د دغو سیالیو دوه اړخیز او درې اړخیز تړونونه د یکشنبې پر ورځ (د وري نولسمه) د آریانا ټلویزیون، فوټبال فډراسیون او ویکټور انرژۍ ترمنځ لاسلیک شول.
دغه سیالۍ په کابل کې د هېواد د فوټبال فډراسیون په ۵ زره کسیز لوبغالي کې ترسره شوې او ۳۳ ورځې یې دوام وکړ، چې ټولټال ۶۶ لوبې په کې ترسره شوې.
دغه مراسم د آریانا ټلویزیون په سټوډیو کې جوړ شوي وه او پچه اچونه یې د افغانستان د بدني روزنې او سپورټ عمومي رییس احمدالله وثیق پر غاړه درلوده.
د افغانستان د فوټبال فډراسیون رییس محمد یوسف کارګر، د افغانستان فوټبال فدراسیون د فزیکي او مسلکي زده کړو د څانګې تخنیکي او مسلکي مرستیال حافظ احمد جان ځدراڼ، د افغانستان د فوټبال فډراسیون تخنیکي رییس محمد طاهر رووفي، د آریانا ټلویزیون سوداګریز رییس لطف الله ستانکزي، د ویکتور انرژی رییس غلام رباني عباس، د پامیر ګروپ د عامه اړیکو مسوول میر احمد بهره او د کلبونو استازو په دې مراسمو کې ګډون درلود.
د دغه ليګ د درېيم پړاو لوبډلې سرسبزياشلر فارياب، جوانان واحدي، اټک انرژي، سرخ پوشان خوافي، ابو مسلم فراه، استقلال کابل، خدیم، خراسان، عينو مېنه، ميوند، عدالت فراه او موج ساحل وې.
لوبی
خدیم او عینو مېنې فوټبال لوبډلې د افغانستان اتلانو لیګ اتلولي وګټله
د افغانستان اتلانو لیګ د سې شنبې پر ورځ ( د غبرګولي لومړۍ) په دریشپېتمه لوبه کې د خدیم افسي لوبډلې خراسان فاریاب ته ۲ د ۱ پر توپیر ماتې ورکړه.
په دې لوبه کې د خدیم له لوبډلې څخه نسیم مرادي د لوبې غوره لوبغاړی وټاکل شو.
دغه راز د دې سیالیو په څلورشپېتمه لوبه کې عینو مېنې جوانان واحدي لوبډلې ته ۸ – ۱ ماتې ورکړه.
په دې لوبه کې د عینو مېنې لوبډلې غړی احمد نبي مقدس د لوبې غوره لوبغاړی وټاکل شو.
د فوټبال اتلانو لیګ د دې پړاو پای لوبه به د چارشنبې پر ورځ (د غبرګولي دوهیمه) د عدالت فراه او اټک انرژي ترمنځ ترسره کیږي.
پای لوبه به د کابل پر وخت ۳:۰۰ بجې پیل او له آریانا تلویزیون څخه به پر ژوندۍ بڼه خپره شي.
لوبی
عینو مېنې په افغانستان اتلانو لیګ کې میوند ته ۱۰- ۲ ماتې ورکړه
د یکشنبې پر ورځ د افغانستان اتلانو لیګ په نههپنځوسمه لوبه کې د عینو مېنې فوټبال لوبډلې میوند لوبډلې ته ۱۰ د ۲ پر توپیر ماتې ورکړه.
د عینو مېنې لوبغاړي احمد نبي مقدس له سیالې لوبډلې سره په لوبه کې پېنځه ګولونه ووهل او د لوبې غوره لوبغاړی اعلان شو.
عبدالمجید خان دوه او ملګرو لوبغاړيو یې هر یو رحمان محمدي، عزیز احمدي او راشد نظري یو- یو ګول ترسره کړ.
د یکشنبې پر ورځ په دوهیمه لوبه کې اټک انرژۍ موج ساحل ته ۴ د صفر پر توپیر ماته ورکړه. د دې لوبې غوره لوبغاړی احمد نبي مقدس ونومول شو.
د دې کال لیګ تر پای ته رسېدو پورې له یوې اوونۍ لږ وخت پاتې دی، هر ګول لوبډلو ته ټاکونکی دی.
ټول دولس لوبډلې په دې لوبو کې برخه لري، چې د شنبې پر ورځ د اپریل پر ۲۰ پیل شوي.
تمه ده، چې دا لوبې د پنجشنبې پر ورځ د می پر درویشتمه پای ته ورسیږي.
د دوشنبې پر ورځ به دوه لوبې وګورئ؛ دواړه به د آریانا ټلویزیون لهخوا پر ژوندۍ بڼه خپریږي.
د نن ورځې په لومړۍ لوبه کې به سرخ پوشان خوافي د ماسپښین پر یوه بجه د ابو مسلم فراه لوبډلې سره مخ کیږي.
په بله لوبه کې استقلال کابل له سرسبز یاشلر سره درې نیمې بجې لوبیږي.
د سږکال په زړه پورې سیالۍ د افغانستان د فوټبال فډراسیون، آریانا ټلویزیون او ملاتړي ویکټور انرژي لهخوا پر ګډ کوربتوب تر سره کیږي.
په ټول هېواد کې د فوټبال مینهوال کولی شي هره ورځ د آریانا ټلویزیون له لارې د خپلې خوښې لوبډلې په لوبغاړي کې وکوري.
-
لوبی5 days ago
راشد خان د افغان بیسیم مخابراتي شرکت رسمي سوداګریز سفیر شو
-
نړۍ4 days ago
د سعودي او امریکا چارواکو په غزه کې پر جګړه او دوه اړخیزې هوکړې خبرې وکړې
-
سیمه ییز خبرونه3 days ago
د ایران ولسمشر ابراهیم رییسي د چورلکې د راغورځېدو په پېښه کې مړ شو
-
تازه خبرونه4 days ago
په افغانستان کې د وروستیو سیلابونو له کبله ۵۴۰ کسان مړه شوي – م.م
-
تازه خبرونه3 days ago
سر له سبا د ترکيي هوايي شرکت افغانستان ته رسمي الوتنې پیلوي
-
روغتيا4 days ago
قطر له افغانستان سره پر زړه د سوریو ماشومانو د درملنې هوکړهلیک لاسلیک کړ
-
تازه خبرونه4 days ago
له سوالګرۍ څخه د مخنیوي قانون په رسمي جریده کې خپور شو
-
سیمه ییز خبرونه3 days ago
د ایران د ولسمشر ابراهیم رییسي راغورځېدلې چورلکه وموندل شوه – د ایران سره صلیب اداره