تازه خبرونه
سعودي دې د اماراتو او اسرئیلو له تړون سره یو ځای شي- ترمپ
رویترز څرګنده کړې؛ د امریکا ولسمشر دونالد ترمپ له سعودي عربستان څخه هم غوښتي، چې د متحده عربي اماراتو او اسرائیلو د تېري اوونۍ له لاسلیک شوي تړون سره یو ځای شي.
دغه راز دونالد ترمپ پر سعودي عربستان دا غږ هم کړی، چې له اسرائیلو سره دیپلوماتیکې اړیکې سمې او د درناوي وړ کړي.
ترمپ دا هم ویلي: نور هېوادونه، چې حتا تاسې یې تمه نه درلوده؛ غواړي پدې تړون کې ورګډ شي. دا په داسې حال کې ده، چې متحده عربي امارات د امریکایي اف -۳۵ جنګي الوتکو یو پېرودونکی هم دی.
نوموړي زیاته کړې، دوی پیسې لري او ښایي ډېر ژر د نورو اف – ۳۵ جیت الوتکو غوښتنه وکړي.
دا خبرې له هغې وروسته راپورته شوې، چې د سعودي عربستان د بهرنیو چارو وزیر فیصل بن فرهان ویلي؛ هېواد به یې تر هغې له متحده عربي امارات تابعیت نکوي، چې اسراییل له فلسطین سره سوله ونکړي.
فرهان برلین ته د سفر پر مهال خبریالانو ته وویل، چې له اسرائیلو سره د اړیکو عادي کولو لپاره د یوه نړیوال تړون له مخې “له فلسطین سره سوله باید وشي”.
سعودي عربستان، چې په عربي نړۍ کې ترټولو ښه اقتصاد لري؛ تر دې دمه په دې اړه څه ندي ویلي.
دغه راز د نړیوالې ځای ټاکنې ادارې ( مودي) په ډاګه کړې، چې متحده عربي امارات، له اسرائیلو سره د همغږۍ له مخې کولی شي سیلانیانو ته د تګ راتګ له زمینې برابرولو پوره ګټه پورته کړي.
په راپور کې راغلي؛ له مصر او اردن وروسته متحده عربي امارات درېیم عربي هېواد دی، چې په رسمي بڼه له اسرائیلو سره اړیکې ټینګوي او کیدی شي د خلیجي هېوادونو لخواهم په رسمیت وپېژندل شي.
دا تړون د متحده عربي اماراتو د بهرني سیاست لپاره یو اړین پړاو دی، چې د امریکا په ګډون په نورو هېوادونو کې هم خپل نفوذ پراخه کړي.
تازه خبرونه
د ازبکستان بشري مرستې بلخ ته راورسېدې
نن پنجشنبه ( د غویي شپږمه ) له ازبکستان څخه د بشري مرستو یوه ټولګه د بلخ په سوداګریز بندر حیرتان کې د دې ولایت سیمهییزو چارواکو ته وسپارل شوه.
د سیمهییزو چارواکو د څرګندونو له مخې؛ په دغو مرستو کې ۶۰ ټنه خوراکي توکي( اوړه، غوړي، غنم، بوره او غوښه ) شته، چې د ازبکستان د سرخاندریا د والي لهخوا د بلخ چارسمبالي والي ته سپارل شوې ده.
د سرخاندریا والي د دغو مرستو موخه د افغانستان له خلکو ملاتړ یاد او د دواړو هېوادونو ترمنځ يې د ښو اړيکو پر پراختيا ټينګار څرګند کړ.
په تېرو دوه کلونو کې دا څووم ځل دی، چې ازبکستان افغانستان ته دا ډول مرستې را لیږي.
کابل او تاشکند دا مهال ښې اقتصادي او سیاسي اړیکي لري او دا دواړه هېوادونه په پام کې لري، چې په روان کال کې د افغان ټرانس د اوسپنې پټلۍ کار هم پیل کړي.
تازه خبرونه
په سیمه او هېواد کې امنیتي پېښې وارداتي دي – امیر خان متقي
نن پنجشنبه ( د غویی شپږمه ) د اسلامي امارت بهرنیو چارو وزارت چارسمبالي امیرخان متقي د افغان-قزاق نندارتون د پرانیستې په مراسمو کې د افغانستان او سیمې امنیتي پېښې وارداتي یادې کړې دي.
نوموړي په دې اړه په خپلو خبرو کې ویلي: متاسفانه زمونږ درې ګاونډي هېوادونه په نوبت سره؛ په یوه هېواد کې د داعش لپاره بشري قوه او افراد تیاریږي؛ مونږ او تاسې ولیدل، چې د نړۍ په بېلابېلو برخو کې یې پېښې تر سره کړې.
بل هېواد د هغې لارې پر سر پروت دی، چې امن خرابوونکي افراد ترې راتېریږي.
او بل هېواد بیا په خپله خاوره کې دوی ته د مرکزیت، د تمویل او پلان جوړونې مراکز ورکړي دي. که دا درې هېوادونه خپل مسوولیت ادا کړي؛ په افغانستان او سیمه کې هیڅ مشکل نشته.
ویل کیږي، چې بد امني پر ګډه همکارۍ او همغږۍ له منځه وړل کیږي.
تازه خبرونه
له اسلامي امارت سره نړیوالې اړیکې ورځ تر بلې پراخیږي – ذبیح الله مجاهد
د اسلامي امارت ویاند ذبیح الله مجاهد افغانستان ته د ګڼشمېر ډیپلوماټیکو استازو راتګ او نورو هېوادونو ته د افغان لوړ پوړیو چارواکو سفرونو ته په نغوته کې ويلي، چې اسلامي امارت په پراخه کچه منل شوی؛ اړیکې ورسره خوندي او لیدنې یې روانې دي.
ذبیح الله مجاهد زیاته کړې؛ له اسلامي امارت سره د نړۍ د هېوادونو اړیکې ورځ تر بلې پراخېږي او اغېزمنتیا یې مخ پر ډېرېدو ده.
د اسلامي امارت ویاند ټینګار کړی: د ځینو خلکو او کړیو دا تصور، چې افغانستان انزوا ته تلی او اقتصاد یې مخ پر خرابېدو دی او له نورو هېوادونو سره یې اړیکې نشي خوندي کېدی؛ ټول دروغ ثابت شول.
د نوموړي د څرګندونو له مخې؛ اوس څرګنده شوه، چې افغانستان له سیاسي او اقتصادي پلوه د ودې او پراختیا پر لوري چټک ګامونه اخلي او دا هڅې به نورې هم ګړندۍ شي.
-
نړۍ3 days ago
د فلسطین پر رفح ښار اسرائیلي ځواکونو د ځمکنيو بریدونو ګواښ وکړ
-
نړۍ5 days ago
د مالیزیا بحري ځواکونو د چورلکو په ټکر کې ۱۰ کسان مړه شول
-
تازه خبرونه5 days ago
راشد خان د افغان بیسیم سوداګریز سفیر شو
-
لوبی3 days ago
اټکانرژۍ لوبډلې په نهمه سیالۍ کې سرخپوشانخوافي ته ۱ـ ۰ ماتې ورکړه
-
لوبی5 days ago
د موج ساحل لوبغاړي د جوانان واحدي لوبډلې پر وړاندې زړهراکښونکی ګول ترسره کړ
-
سیمه ییز خبرونه4 days ago
د غزې په شمال کې د قحطۍ خطر ډېر دی
-
سیمه ییز خبرونه3 days ago
امریکا دې د بشري حقونو په اړه دوه ګوني سیاست ودروي – ترکیه
-
لوبی4 days ago
ابو مسلم فراه اوومه لوبه له خراسان فاریاب لوبډلې څخه ۶ د صفر پر توپیر وګټله