د رویټرز د څرګندونو له مخې؛ د سوني فضايي اړیکو شرکت، چې د چارشنبې پر ورځ (د غبرګولي یوولسمه) راجستر شوی، ټاکل شوې، چې د راډیو فریکونسۍ د بندولو لپاره لیزر ټکنالوژي وکاروي.

شرکت دا نه دي ویلي، چې کله به له ځمکې سره خپله لومړنۍ سوداګریزه فضايي اړیکه ټینګه کړي. آیا اوسني پېرودونکي په لیکه کې دي یا یې تر دې دمه پر ټکنالوژۍ څومره پانګونه کړې ده.

په مدار کې لږ تر لږه ۱۲۰۰۰سپوږمکۍ دي. دا شمېر به په راتلونکیو کلونو کې ډېریږي؛ ځکه، چې د توغندیز شرکتونه فضا ته د شیانو د لیږدولو لګښت کموي او امازون او سپیس ایکس ته ورته شرکتونه د نړۍ په ګوټ ګوټ کې د انټرنیټي اړیکو د لیږدولو لپاره د ځمکې د ټیټ مدار سپوږمکۍ لوی شبکې جوړوي.

د شرکت نوي مشر کیوي ایواموتو ویلي؛ په شرک کې کارول شوي معلومات هم کال پر کال وده کوي، خو د شته راډیو څپو کچه پراخه نده.

سپیس ایکس شرکت د خپلو لیزري اړیکو د جوړولو لپاره د تېر کال په وروستیو کې پر لومړی ځل خپل سټار لنک سپوږمکۍ ته ماشین توغول پیل کړل.

سوني اړوند شرکت ويلي، پر ۲۰۲۰ کال یې په جاپان کې له نړیوال فضايي سټیشن څخه د لیزر پر مرسته د لوړ ریزولوشن ویډیويي معلوماتو لېږدولو لومړنۍ بریالۍ تجربې ځمکې ته تر سره کړې ده.