Connect with us

تازه خبرونه

طالبانو له هند سره رغنده اړیکو ته ټټر وهلی

خپور شوی

د

 د طالبانو د قطر دفتر لوړپوړي غړي شېر محمد عباس ستانکزي آریانا نیوز ته ویلي: هر کله، چې نوی ډیلی د افغانستان سولې په بهیر کې مثبت ګام واخلي؛ دوی حاضر دي، له دې هېواد سره اړیکه ونیسي.

له ۲۰۱۹ راپدیخو د سیمې اړوند هېوادونو د امریک و روس او چین په ګډول له طالبانو سره خبرو ته راوړاندې شوی؛ خو هند د سیمې د نورو هېوادونو برعکس نه له طالبانو سره خبرې کړي او نه هم له دوی سره په یوه میز ناست دي او تر یوه بریده د سولې بهیر په اړه ناراضه هم ښکاري. اوس، چې امریکا غواړي هند له طالبانو سره خبرې وکړي او خپلې اندېښنې ور سره مطرح کړي؛ نو د طالبانو سیاسي دفتر آریانا نیوز ته ویلي، هند یا بل هر هېواد که د سولې په بهیر کې مثبت ګام واخلي،  طالبان ور سره اړیکه ټینګوي.

په دوحه کې د طالبانو د سیاسي دفتر لوړپوړي غړي شېرمحمد ستانکزي ویلي:  له هر چا سره خبرو ته چمتو دي؛ خو پدې شرط، چې خبرې اترې د سولې بهیر ګډوډولو او شخصي ګټو لپاره نه وي.

دغه راز هندي چارواکو ویلي؛ نوی ډیلي هغه مهال له طالبانو سره خبرې کوي، چې افغان حکومت په رسمیت وپېژني.

د دوی د څرګندونو له مخې؛ امریکا هڅه کوي، چې د افغانستان سولې خبرو اترو کې هند ته ونډه ورکړ شي.

هندي رسنۍ ډي پرنټ د هغه هېواد د چارواکو د څرګندونو له مخې په ډاګه کړې؛ تمه نه کیږي، چې د نریندرا مودي دولت خپل دریځ بدل کړي او په مستقیم ډول له طالبانو سره په خبرو اترو کې یوه برخه وي، تر هغې، چې امریکا یې اړه نکړي.

آزاد خبریال سمیع یوسف ‌زی، چې د افغانستان د سولې بهیر له نږدې څاري وایي هند د افغانستان سیاسي نېام ته د طالبانو له راګرزیدنې اندېښمن دی.

هغه په دې باور دی، چې د طالبانو د واکمنۍ پر مهال د کشمیر د آزادۍ زرګونه جنګیاليو په افغانستان کې هڅې لرلې. کله، چې امریکا له طالبانو سره د القاعده او نورو ډلو له ګواښه ډاډه شو؛ نو هند هم د ورته یوې ژمنې غوښتونکی شوی دی. خلیلزاد هڅه کړط، چې د هند اندېښنې طالبانو ته وړاندې کړي. اوس ښکاري، چې د طالبانو او ندیانو تر منځ اړیکه رامنځته کیدونکې ده.         

په پاکستان کې پخوانی دیپلومات احمد سعیدي ویلي؛ هند د امریکا او طالبانو له هوکړې؛ ځکه اندېښمن دی، چې پاکستان ترې ګته پورته کوي؛ خو زلمي خلیلزاد هندي چارواکو ته ویلي، چې له طالبانو سره خپلې اندېښنې مطرح کړي.

هند د افغانستان د سولې په بهیر کې د پاکستان له روله خوښ ندی؛ خو له افغان حکومت سره له اړیکو خوښ دی.

زلمي خلیلزاد له دې خبرو وروسته له نوي ډیلي څخه پاکستان ته ولاړ. نوموړي د پاکستان د پوځ له لوی درستیز جنرال قمر جاوېد باجوه سره په لیدنه کې له اسلام آباد غوښټي، چې د تاوتریخوالي له کمي او په بیړه د افغانانود خپلمنځي خبرو له پیلولو څخه ملاتړ وکړي.

داسې ښکاري، چې له هند او پاکستان وروسته به خلیلزاد د طالبانو له سیاسي مشرانو سره د لیدنې لپاره قطر ته ولاړ شي؛ ځکه، چې په افغانستان کې د هند سوله ییز رول ورته د تینګار وړ ښکاري.

تازه خبرونه

بې‌ځایه کېدا افغان ماشومان نور هم وږي او زیان‌من کړل – د ماشومانو د ژغورنې نړیواله اداره

دغه راپور، چې « د تګ په حال کې ماشومان » نومېږي، د ۲۰۲۶ز.کال د نومبر پر اته‌لسمه په کابل کې خپور شوی او په اووه ولایتونو کې له څه باندې ۸۰۰ ماشومانو او د کورنیو له سرپرستانو سره د مرکو پر بنسټ چمتو شوی دی.

Published

on

 

د ماشومانو د ژغورنې نړیوالې ادارې په خپل تازه راپور کې خبرداری ورکړی، چې په افغانستان کې بې‌ځایه کېدا په تېرو درې کلونو کې د ماشومانو ترمنځ لوږه زیاته کړې، د هغوی د زده‌کړو بهیر یې ګډوډ کړی او هغوی یې د خوندیتوب له ګواښونو سره مخ کړي دي.

دغه راپور، چې « د تګ په حال کې ماشومان » نومېږي، د ۲۰۲۶ز.کال د نومبر پر اته‌لسمه په کابل کې خپور شوی او په اووه ولایتونو کې له څه باندې ۸۰۰ ماشومانو او د کورنیو له سرپرستانو سره د مرکو پر بنسټ چمتو شوی دی.

د دې راپور موندنې ښيي، چې له نیمایي ډېر بې‌ځایه شوي ماشومان د خپلو کورونو له پرېښودو وروسته خوړو ته د لاسرسي له کمښت سره مخ شوي او له هرو پنځه ماشومانو څخه دوه څرګندوي، چې روغتیايي وضعیت یې خراب شوی دی.

د راپور له مخې؛ له ۹۰ سلنې ډېر څېړل شوي ماشومان په تېرو درې کلونو کې د بې‌ځایه کېدا یا کډوالۍ تجربه لري. ۵۵ سلنه یې وایي، چې د ځای له بدلېدا وروسته لږ خواړه ترلاسه کوي، ۴۱ سلنه د خپل روغتیايي وضعیت له خرابېدا خبر ورکوي او د کورنیو ۳۳ سلنه سرپرستانو ویلي، چې د خپلو ماشومانو زده‌کړو ته یې لاسرسی کم شوی دی.

سره له دې، چې اړتیاوې زیاتې شوې دي؛ بشري مرستې ګڼو ماشومانو ته نه‌رسېږي. له هرو لس ماشومانو څخه یوه ماشوم ویلي، چې هر ډول مرسته یې ترلاسه کړې. په داسې حال کې، چې ۹۰ سلنه یې خوړو ته د لاسرسي لپاره مرستو ته اړتیا لري.

دغه موندنې په داسې وخت کې خپرېږي، چې د ۲۰۲۳ز.کال له سپټمبر راپدېخوا له ۶.۶۷ میلیون ډېر افغان وګړي له پاکستان او ایران څخه افغانستان ته راستانه شوي دي.

 د راپور د څرګندونو له مخې؛ دې بهیر د افغانستان نفوس ۱۴ سلنه زیات کړی او پر هغو کورنیو او ټولنو یې ډېر فشار راوستی، چې له دې مخکې هم له بېوزلۍ، د خوړو له کمښت او پرله‌پسې بحرانونو سره مخ وې.

افغانستان اوس هم په نړۍ کې له هغو هېوادونو څخه دی، چې د کورنیو بې‌ځایه شویو تر ټولو لوړه کچه لري.

د دغه راپور له مخې: تر ۲۰۲۵ز.کال پورې شاوخوا اووه میلیون کسان، چې د ټول هېواد د نفوسو نږدې ۱۴ سلنه کېږي؛ په افغانستان کې دننه بې‌ځایه شوي وه.

بېوزلي او د کاري فرصتونو نشتوالی؛ د بې‌ځایه کېدا اصلي لاملونه

د ماشومانو د ژغورنې ادارې په راپور کې راغلي؛ اقتصادي ستونزې په افغانستان کې د بې‌ځایه کېدا تر ټولو مهم لامل دی. نږدې نیمایي( ۴۹ سلنه ) څېړل شویو ماشومانو ویلي، چې کورنیو یې د کار نه موندلو یا د کافي عاید د نشتوالي له کبله خپل د اوسېدو ځای پرېښی دی. د هغوی درېیمه برخه د خپلو کورنیو د ځای بدلولو له لاملونو څخه د خوړو کمښت یادوي.

دغه راز نږدې څلورمه برخه ماشومانو ویلي؛ کورنۍ یې له بل هېواد څخه د ایستلو یا له هغه هېواد څخه د وتلو د فشار له کبله اړې شوې، چې خپل ځای بدل کړي.

په راپور کې راغلي، چې له هرو لس څېړل شویو ماشومانو څخه نږدې اووه یې په تېرو درې کلونو کې له دوه یا ډېرو بحرانونو لکه: وچکالۍ، سېلابونو، زلزلو او جګړو سره مخ شوي دي.

د ماشومانو پر وړاندې د خوندیتوب ګواښونه زیات شوي

د ماشومانو د ژغورنې ادارې ويلي، چې پرله‌پسې بحرانونو او بې‌ځایه کېدا په افغانستان کې د ماشومانو پر هوساینې او امنیت اغېز کړی دی.

د راپور د موندنو له مخې؛ له ۱۱ سلنې ډېرو ماشومانو ویلي، لږ تر لږه د خوندیتوب له یوه ګواښ سره مخ شوي دي. په دغو ګواښونو کې د ماشومانو درانده کارونه، فزیکي یا لفظي تاوتریخوالی او له وخت مخکې واده شامل دي.

د کورنیو سرپرستانو هم ویلي، چې نجونې د بې‌ځایه کېدا د سفرونو پر مهال او نويو سیمو ته له رسېدا وروسته له ډېرو ګواښونو سره مخ شوې دي.

افغانستان ته د بېرته ستنېدا په اړه د اته کلنې نوریې کیسه

د هغو ماشومانو په ډله کې، چې له بې‌ځایه کېدا زیانمن شوي؛ اته کلنه نوریه هم شامله ده، چې د روان میلادي کال په لومړیو کې د لومړي ځل لپاره افغانستان ته راستنه شوې ده. د هغې کورنۍ له پنځه لسیزو ډېر په پاکستان کې ژوند کړی؛ خو اړ شوه، چې دغه هېواد پرېږدي.

نوریه له خپل پلار، مور او درې خویندو او وروڼو سره نږدې یوازې په هغو جامو کې افغانستان ته راغله، چې پر تن یې وې.

نوریه وایي:« مونږ له پاکستان څخه راستانه شوو. هلته مو کور او ډېر ملګري لرل. افغانستان مې هم خوښېږي؛ خو ښوونځي او خپلو ملګرو پسې مې خفه یم. مونږ به یوځای لوبې کولې او ډېر به مو خندل. غواړو دلته هم پاکستان ته ورته ښوونځی ولرو، چې خپلې زده‌کړې روانې وساتم.»

د هغې کورنۍ د دې وس نه‌لري، چې ښوونځي ته د هغې د تګ راتګ لګښت ورکړي؛ خو هغه د ماشومانو د ژغورنې ادارې په یوه لنډمهاله ښوونیز مرکز کې زده‌کړې کوي.

د دې ۲۸ کلنې مور نازو ویلي:« زما مېړه دلته کار نه‌لري او مونږ د خپلو اولادونو د اړتیاوو د پوره کولو لپاره هیڅ عایداتي سرچینه نه‌لرو. هره ورځ اندېښمنه یم، چې د بلې ډوډۍ لپاره به څنګه خواړه پیدا کړو.»

هغې زیاته کړې:« کله، چې په یوه هېواد کې زېږېدلي یاست او هلته واده کوئ؛ هغه ځای ستاسو کور ګرځي او داسې احساس کوئ، چې له هغه ځای سره تړاو لرئ. کله، چې ناڅاپه د هغه ځای پرېښودو ته اړ شئ؛ نو ټول ژوند مو له منځه ځي او تش لاس بل ځای ته ورسېږئ.»

د ماشومانو د ژغورنې اداره د ډېرو مرستو غوښتنه کوي

په افغانستان کې د ماشومانو ژغورنې ادارې مشر اشیش دامله ویلي، چې هیڅ ماشوم باید د امنیت یا ژوندي پاتې کېدا لپاره د خپل کور، ښوونځی او ټولنې پرېښودو ته اړ نه‌شي؛ خو د ډېرو ماشومانو لپاره بې‌ځایه کېدا د ماشومتوب یوه برخه ګرځېدلې ده.

هغه زیاته کړې، ماشومان د خطرناکو لارو په اوږدو کې د خوندیتوب له ګواښونو سره مخ کېږي او نویو سیمو ته له رسېدا وروسته یې کورنۍ هم د خوړو د برابرولو، روغتیايي خدمتونو ته د لاسرسي او ښوونځي ته د خپلو ماشومانو د لېږلو په برخه کې له ستونزو سره مخ دي.

د دامله د څرګندونو له مخې، د« د تګ په حال کې ماشومان » راپور موندنې د اندېښنې وړ واقعیت څرګندوي؛ نوي ځای ته رسېدل د خوندي کېدا پر معنا نه‌ده.

هغه ټینګار کړی، چې نجونې او معلولیت لرونکي ماشومان پر ځانګړې بڼه له ډېرو ګواښونو سره مخ دي او بېوزلې کورنۍ اړ باسي، چې د ژوند کولو لپاره سختې پرېکړې وکړي. په داسې حال کې، چې ډېری یې لږې یا هیڅ بشري مرستې ترلاسه کوي.

په افغانستان کې د ماشومانو د ژغورنې ادارې رییس د ماشومانو د ساتنې لپاره د کډوالۍ په لارو کې د پرله‌پسې مالي سرچینو د برابرولو او په هر هغه ځای کې، چې ماشومان میشتېږي؛ بنسټیزو خدمتونو ته د هغوی د لاسرسي د برابرولو غوښتنه کړې ده.

هغه ویلي:« هغه ماشومان، چې مخکې یې خپل کورونه له لاسه ورکړي؛ باید له دغو ګواښونو سره یوازې مخ نه‌شي. دغه ماشومان یوازې د ورځني ژوندي پاتې کېدو له کچې د ډېر څه مستحق دي. هغوی حق لري، چې په خوندي چاپېریال کې ژوند وکړي، بېرته ښوونځي ته ستانه شي او خپل ژوند له سره جوړ کړي.»

په افغانستان کې د ماشومانو د ژغورنې ادارې فعالیتونه

د ماشومانو د ژغورنې اداره له ۱۹۷۶ز.کال راپدېخوا په افغانستان کې فعالیت کوي او د جګړو، بې‌ځایه کېدا او طبیعي پېښو په بېلابېلو پړاوونو کې یې د خدمتونو وړاندې کولو روان ساتلي دي.

دا اداره اوس‌مهال د افغانستان په نهه ولایتونو کې خپل پروګرامونه پلي کوي او له شریکو بنسټونو سره په ۱۱ نورو ولایتونو کې هم فعالیت کوي. دا اداره د روغتیا، تغذیې، زده‌کړې، د ماشومانو ژغورنې، سرپناه، اوبو، حفظ‌الصحې، روغتیايي خدمتونو او معیشت په بېلابېلو برخو کې هڅې کوي.

#آریانا‌نیوز #افغانستان #ماشومان #بې‌ځایه‌کېدا #بشري‌مرستې #دماشومانوژغورنې‌اداره

Continue Reading

تازه خبرونه

قطر او بریټانیا د افغانستان، فلسطین، لبنان او سوریې پر وروستیو تحولاتو خبرې وکړې

الخلیفي دغه څرګندونې تېره ورځ په لندن کې د منځني ختیځ او شمالي افریقا په چارو کې د بریټانیا له وزیر سټیفن ډاوټي سره په کتنه کې کړې دي.

Published

on

 

د قطر بهرنیو چارو په وزارت کې د دولت وزیر محمد بن عبدالعزیز الخلیفي ویلي؛ هېواد یې د هغو ډیپلوماټیکو هڅو ملاتړ کوي، چې د سمندري تګ‌راتګ آزادي تضمین او په سیمه کې تلپاتې سولې ته زمینه برابره کړي.

الخلیفي دغه څرګندونې تېره ورځ په لندن کې د منځني ختیځ او شمالي افریقا په چارو کې د بریټانیا له وزیر سټیفن ډاوټي سره په کتنه کې کړې دي.

د قطر بهرنیو چارو وزارت د څرګندونو له مخې؛ دواړو لوریو په دې کتنه کې د افغانستان، فلسطین، لبنان او سوریې وروستي تحولات وڅېړل او د سیمه‌ییزو کړکېچونو د کمولو، امنیت او ثبات د ټینګښت لپاره یې پر ګډو ډیپلوماټیکو هڅو ټینګار وکړ.

دواړو لوریو د دوه اړخیزو اړیکو د پیاوړتیا، د شخړو د سوله‌ییز حل او د منځګړیتوب په برخه کې د همکاریو د پراختیا په اړه خبرې کړې دي.

د قطر د بهرنیو چارو وزارت په خپره شوې خبرپاڼې کې د افغانستان په تړاو د شویو خبرو جزئیات ورکړ شوي نه‌دي.

Continue Reading

تازه خبرونه

افغانستان او ایران د ګمرکي همکاریو پر پراختیا هوکړه وکړه

دا هوکړې د افغانستان مالیې وزیر محمد ناصر آخوند او د ایران د اقتصاد او مالیې وزیر ډاکټر مدني‌زاده ترمنځ په تهران کې د لیدنې پر مهال شوې دي.

Published

on

 

د افغانستان او ایران چارواکو د دواړو هېوادونو د ګمرکي نظامونو پر نښلولو، د ګمرکي فعالیتونو پر ۲۴ ساعته کولو، په بندرونو کې د موټرو د تګ راتګ پر زیاتولو او د سوداګرۍ د پراختیا لپاره د آسانتیاوو پر رامنځته کولو هوکړه کړې ده.

دا هوکړې د افغانستان مالیې وزیر محمد ناصر آخوند او د ایران د اقتصاد او مالیې وزیر ډاکټر مدني‌زاده ترمنځ په تهران کې د لیدنې پر مهال شوې دي.

د مالیې وزارت د څرګندونو له مخې، د اسلام‌کلا بندر ګمرکي فعالیتونه به د راتلونکې شنبې له ورځې ۲۴ ساعته شي.

دواړو لوریو په بندرونو کې د موټرو د ځنډېدا او د د ګمرکي محصولاتو د ورکړې ستونزې(خاک‌پولي) پر اواري، د قاچاقي توکو پر مخنیوي او ایران ته د افغان صادراتو لپاره د آسانتیاوو پر برابرولو خبرې کړې دي.

په دې لیدنه کې د پانګونې، سوداګرۍ، ټرانزیټ، سرحدي او ګمرکي مسایلو او د دوه‌اړخیزو اقتصادي همکاریو د ګډ کمیسیون پر فعالیتونو هم خبرې شوې دي.

Continue Reading
Advertisement

Trending

Copyright © 2026 Ariana News. All rights reserved!