لوبی
فاروقي او نوین بیرته د افغانستان لوبډلې ته راوګرځېدل؛ خو مجیب د اماراتو پر وړاندې له لوبلړه ووت
چټک توپاچوونکي نوین الحق او فضل الحق فاروقي د عربي متحده اماراتو پر وړاندې درې شل اوریزو لوبو ته راوګرځېدل؛ خو مجیب الرحمن ترې بې برخې پاتې شو.
د روانې اوونۍ په پیل کې د افغانستان کرکټ بورډ پر دغو درې لوبغاړيو له هغې وروسته بندیز ولګاوه، چې دوی د ۲۰۲۴ کال لپاره د مرکزي قراردادونو له نوملړه پاتې کېدو ته لیوالتیا وښوده.
کرکټ بورډ دا هم ویلي، چې د اړتیا په صورت کې به دوی په [نړیوالو] لوبو کې د دغو لوبغاړو د ښکېلتیا ارزونه و کړي.
اوس بورډ وايي، فاروقي او نوین کرکټ بورډ ته ډاډورکړی، چې د خپل هېواد د استازیتوب لپاره لیوالتیا لري.
کرکټ بورډ د دوی لیوالتیا منلې او ستایلې ده؛ خو د اړوند موضوع په اړه، چې بورډ یې امر کړی و؛ څېړنې روانې دي.
دغه راز د ۲۰ اوریزو لوبو لوبډلمشر راشد خان، چې په دې وروستیو کې یې د ملا عملیات کړې وه؛ په روان لوبلړ کې ونه لوبیږي. ابراهیم ځدراڼ ورته ملا تړلی؛ خو راشد د ملاتړي په توګه له لوبډلې سره کړي؛ خو مجیب، چې آی پي ال پر ۲۴۱۰۰۰ پلورلی خپلې لوبې روانې ساتي.
دغه درې واړه لوبغاړي د ۲۰۲۳ کال په نړیوال جام کې د افغانستان لپاره ولوبېدل.
د متحده عربي اماراتو پر وړاندې د ۲۰ اوریزو لوبو لپاره د افغانستان لوبډله:
ابراهیم ځدراڼ (لوبډلمشر) رحمن الله ګربز، محمد اسحاق، حضرت الله ځاځي، صدیق الله اتل، رحمت شاه، درویش رسولي، نجیب الله ځدراڼ، محمد نبي، کریم جنت، عظمت الله عمرزی، شرف الدین اشرف، فضل الحق فاروقي، نوین الحق، نور احمد، محمد سلیم او قیس احمد.
ملاتړی: راشد خان، اعجاز احمد احمدزی، اکرام علیخیل او ګلبدین نایب
لوبی
افغانستان او ازبکستان په خوست کې دوستانه شلآوریزه لوبه کوي
د کرکټ بورډ د څرګندونو له مخې؛ دا لوبه د روان کرکټ لیګ پر مهال ترسره کېږي او د هغې همکارۍ هوکړهلیک یوه برخه ده، چې د تېر کال په ډسمبر کې د افغانستان کرکټ بورډ او د ازبکستان کرکټ فډراسیون ترمنځ د کرکټ د پراختیا لپاره لاسلیک شوی و.
د افغانستان کرکټ بورډ اعلان کړی، چې د چنګاښ پر نولسمه / د جولای پر لسمه به د خوست ولایت په رحمت ولي مسرور کرکټ لوبغالي کې د ازبکستان کرکټ ملي لوبډلې کوربه وي او دواړه لوبډلې به یوه دوستانه شلآوریزه لوبه ترسره کړي.
د کرکټ بورډ د څرګندونو له مخې؛ دا لوبه د روان کرکټ لیګ پر مهال ترسره کېږي او د هغې همکارۍ هوکړهلیک یوه برخه ده، چې د تېر کال په ډسمبر کې د افغانستان کرکټ بورډ او د ازبکستان کرکټ فډراسیون ترمنځ د کرکټ د پراختیا لپاره لاسلیک شوی و.
ټاکل شوې، چې دا دوستانه لوبه د سهار پر ۹:۰۰ پیل او د افغانستان یوولس کسیزه لوبډله به د ازبکستان له ملي لوبډلې سره مخامخ شي. دغه لوبه به په افغانستان او د نړۍ په بېلابېلو هېوادونو کې د ټلوېزیوني او ډیجیټلي خپرنیزو شبکو له لارې پر ژوندۍ بڼه خپره شي.
د افغانستان کرکټ بورډ اجرائیوي رییس نصیب خان ویلي، چې دا بنسټ ازبکستان ته د ورته نویو راټوکېدونکو کرکټي هېوادونو ملاتړ ته ژمن او چمتو دی، چې له هغو هېوادونو سره هم همکاري وکړي، چې غواړي کرکټ ته وده ورکړي.
هغه زیاته کړې، چې د افغانستان کرکټ بورډ له دې مخکې د ازبکستان کرکټ فډراسیون د غړو لپاره د وړتیا لوړونې پروګرامونه او روزنیز ورکشاپونه جوړ کړي او تېر کال یو شمېر ازبک چټکو توپاچوونکو هم د افغانستان کرکټ بورډ د چټکې توپاچونې په ځانګړي روزنیز کمپ کې ګډون کړی و.
نصیب خان زیاته کړې، ازبکستان تل له افغانستان سره دوستانه چلند کړی او دواړو هېوادونو له وروستیو کلونو راپدېخوا د روغتیا، سیاست او سوداګرۍ په برخو کې خپلې همکارۍ پیاوړې کړې دي.
د نوموړي د څرګندونو له مخې، د کرکټ په برخه کې نږدې همکاري به د دواړو ګاونډ هېوادونو اړیکې نورې هم ټینګې او پیاوړې کړي.
لوبی
هند د افغانستان پر وړاندې د یو ورځنیو سیالیو اتلولي وګټله
په دې لوبه کې د افغانستان کرکټ ملي لوبډلې پچه وګټله او لومړی یې د توپوهنې پرېکړه وکړه.
د هند کرکټ ملي لوبډلې د افغانستان پر وړاندې د نړیوالو یو ورځنیو سیالیو د لړۍ درېیمه او وروستۍ لوبه د ۹ ویکټو پر توپیر وګټله او د دې لړۍ اتلولي یې خپله کړه.
په دې لوبه کې د افغانستان کرکټ ملي لوبډلې پچه وګټله او لومړی یې د توپوهنې پرېکړه وکړه.
د افغانستان لوبډلې د خپلو ټولو لوبغاړو پر سوځېدا په ۴۴ اعشاریه ۲ آورونو کې ۲۱۸ منډې وکړې او هند ته یې د ۲۱۹ منډو هدف وټاکه.
د توپوهنې په برخه کې حشمتالله شهیدي ۱۳۱ توپونه ترسره او ۱۰۲ منډې یې وکړې.
د هند لوبغاړو ټاکل شوی هدف په ۲۸ اعشاریه ۴ آورونو کې د یوې ویکټې پر زیان پوره کړل او له دې سره یې د سیالیو د دې لړۍ اتلولي وګټله.
هند له دې مخکې هم په لومړۍ لوبه کې افغانستان ته د ۷ ویکټو او په دوهیمه لوبه کې د ۱۷۰ منډو پر توپیر ماتې ورکړې وه.
لوبی
د ۵۰ اووریزو سیالیو لړۍ؛ هند په دوهیمه لوبه افغانستان ته ماتې ورکړه
هند په ۴۹.۵ آوورونو کې د خپلو ټولو لوبغاړو پر سوځېدو ۴۰۲ منډې جوړې کړې او افغانستان ته یې د ۴۰۳ منډو هدف وټاکه.
د هند کرکټ ملي لوبډلې د نړیوالو یوورځنیو سیالیو د لړۍ په دوهیمه لوبه کې د افغانستان کرکټ ملي لوبډلې ته د ۱۷۰ منډو پر توپیر ماتې ورکړه.
هند په ۴۹.۵ آوورونو کې د خپلو ټولو لوبغاړو پر سوځېدو ۴۰۲ منډې جوړې کړې او افغانستان ته یې د ۴۰۳ منډو هدف وټاکه.
د افغانستان ملي لوبډلې ونه شو کولی ټاکل شوی هدف پوره کړي او د خپلو ټولو لوبغاړو پر سوځېدو یې په ۴۴.۳ آوورونو کې ۲۳۲ منډې جوړې کړې.
د هند لکنهو ښار د ایکانا لوبغالي د دې لوبې کوربتوب کاوه.
د منډو جوړولو په برخه کې، شوبمن ګیل له ۱۱۰ توپونو ۱۵۴ منډې او ایشان کېشن له ۷۹ توپونو ۱۲۵ منډې جوړې کړې. شوبمن ګیل ۲۲ څلوریزې او ۲ شپږیزې ووهلې او ایشان کېشن ۱۴ څلوریزې او ۷ شپږیزې ثبت کړې.
د افغانستان له لوبډلې راشد خان ۳ ویکټې واخیستې.
د یادونې ده، چې د افغانستان ملي لوبډلې د دې لړۍ په لومړۍ لوبه کې هم د ۷ ویکټو پر توپیر ماتې خوړلې وه.
-
تازه خبرونه2 days agoپناه غوښتونکي ښايي تر ۱۰ زره پونډو پورې لګښتونه بېرته ورکړي
-
تازه خبرونه5 days agoد ریښتر پر کچه ۶.۱ درجې زلزلې د افغانستان ځینې سیمې ولړزولې
-
International Sports4 days agoد مسي غوره ځلېدنه؛ ارجنټاین د بشپړې بریا پر خپلولو د ۲۰۲۶ نړیوال جام حذفي پړاو ته ورسېد
-
تازه خبرونه4 days agoله ملګرو ملتونو سره په پراختیايي پروژو کې خپلې همکارۍ روانې ساتو – امیرخان متقي
-
تازه خبرونه5 days agoافغانستان له ۴۷ کلونو وروسته د امنیت، یووالي او پرمختګ پړاو ته رسېدلی – شهاب الدین دلاور
-
څار5 days agoڅار: له اروپایي هېوادونو د افغان پناه غوښتونکو د ایستلو بهیر ته اندېښنې
-
تازه خبرونه3 days agoپه افغانستان کې د پاکستان د وروستيو هوايي بریدونو له کبله ملکي وګړو ته مرګ او ژوبله اوښتې
-
سیمه ییز خبرونه4 days agoپه فارس خلیج کې د ایران او امریکا کړکېچ سخت شوی؛ متقابل بریدونه، نوې تورونه او د سولې د هوکړې د ماتېدا اندېښنې
