سوداگري
له روسیې سره د تېلو، ګازو او غنمو د پېرلو لنډمهاله هوکړه لاسلیک شوه
د افغانستان سوداګرۍ او صنایعو وزارت مسوولینو ويلي؛ له روسیې سره یې افغانستان ته د پترولو، ډیزلو، ګازو اوغنمو د پېرلو یوه لنډمهاله هوکړه لاسلیک کړی ده.
د صنعت او سوداګرۍ وزارت مسوولینو ويلي، چې له روسیې سره یې د پترولو، ډیزلو، ګازو اوغنمو د تامین په برخه کې یو لنډ مهاله قرارداد کړی دی.
د صعنت اوسوداګرۍ وزارت مسوولین زیاتوي؛ روسیې له اسلامي امارت سره ژمنه کړې، چې د نړیوال بازار پر پرتله به د روسیې لخوا افغان لوري ته تخفیف هم په نظر کې ونیول شي.
د سوداګرۍ وزارت د مسوولینو د څرګندونو له مخې: له روسیې سره د نوي تړون له مخې دوه میلیون ټنه غنم، یو میلیون ټنه پترول، یو میلیون ټنه ډیزل او پېنځه سوه زره ټنه مایع ګاز په کال کې افغانستان ته ورکوي.
دا چې دا پیسې به یې په څه ډول روسیې ته ورکول کېږي، په اړه یې نورجزئیات نه ورکوي.
د صنعت او سوداګرۍ وزارت زیاتوي، چې دا تړون د دواړو حکومتونو ترمنځ تر سره شوی او افغان لوری په دې هڅه کې دی، چې دا تړون په دوام داره توګه فعال وساتي.
د صنعت او سوداګرۍ وزارت مسوولینو زیاته کړې؛ هڅه کوي، چې خپل سوداګریز شریکان متنوع کړي.
دوی څرګنده کړې؛ روسیې له اسلامي امارت سره ژمنه کړې، چې د نړۍ د توکو په اوسط نرخ کې به دوی افغانستان ته تخفیف ورکړي.
د صنعت او سوداګرۍ وزارت ویاند آخوندزاده عبد السلام جواد وایي: مونږ و د یو میلیون ټن پترولو، یو میلیون ټن ډیزلو، ۵۰۰ زره ټنو اوبلن ګاز او دوه میلیون ټنو غنمو تړون کړی، چې د دې توکو له راتلو سره به د هېواد په بازارونو کې پر بیو خورا مثبت اغېز ولري.
د سوداګرۍ اوپانګونې خوني غړي هم د افغانستان اسلامي امارت او د روسېې ترمنځ له شوي تړون هرکلی کوي او زیاتوي، چې له روسیې اومنځنۍ آسیا سره د هېواد د اقتصادي اړیکو پراختیا کولی شي هېواد د لومړنیو خوراکي او سون توکو له پلوه له ستونزو خلاص کړي.
د سوداګرۍ او پانګونې خونې غړی خان جان الکوزی وایي؛ مونږ د دې قرار داد په تر سره کیدو خوښ یوو. هیله لرو، چې د افغانستان اسلامي امارت لخوا له روسیې او منځنۍ آسیا هېوادونو سره د اقتصادي اړیکو او سوداګرۍ په برخوالي کې آسانتیاوي او پراختیا وې رامنځته شي.
د اقتصادي چارو پوهان هم پدې باور دي، چې واک ته له رسېدو وروسته دا د افغانستان اسلامي امارت لومړنی لوی نړیوال اقتصادي تړون دی، چې کولی شي په نړۍ کې د دوی د انزوا په کمولو کې مرسته وکړي.
دوی د افغانستان له اسلامي امارته غوښتنه کوي، چې د روسیې او منځنۍ آسیا له هېوادونو سره خپلې اقتصادي او سوداګریزې هڅې نورې هم پیاړوې کړي.
سوداگري
روسیه د افغانستان په کانونو کې پانګونې ته لېواله شوه
د کانونو او پټرولیم وزارت چارسمبالي شهاب الدین دلاور د روسیې د یوکي سایبري شرکت له مشر یوري پیاتکین او د سایبریا د سوداګرۍ ټولنې له استازي او د هغوی له افغان شریکانو سره وکتل.
د افغانستان د کانونو او پټرولیم وزارت ويلي، د روسیې د یوکي سایبري شرکت مشر په دې غونډه کې وویل، چې غواړي د افغانستان د نفتو او ګازو په کانونو کې پانګونه وکړي.
په همدې حال کې د کانونو او پټرولیم وزارت چارسمبالي د دغو سوداګرو له لېوالتیا هرکلی وکړ او څرګندوي، چې د کانونو او پټرولیم وزارت سوداګرو ته د اسانتیاوو په برابرولو کې هر ډول همکارۍ ته چمتو دی.
سوداگري
په پنجشېر کې د یاقوتو استخراج او وپلورل پیل شول
په پنجشېر کې د زمردو پر پلور سربېره په لومړي ځل استخراج شوي یاقوت پر کورنیو سوداګرو وپلورل شول
د پنجشېر ولایت د رسنیو دفتر څرګنده کړې، چې د دې ولایت د رهبرۍ پر سپارښتنه د کانونو اړونده کمیټې په شتون کې د داوطیبۍ له لارې ۳۳ زره ۸۱۹ قیراته زمرد پر ۲۶۹ زره ۵۵۰ امریکايي ډالرو پر کورنیو سوداګرو وپلورل شول او ترڅنګ يې په لومړي ځل په دې ولایت تازه استخراج شوي یاقوت هم سوداګرو پر ۱۰۰۰ امریکایي ډالرو وپېرل.
په دې وروستیو کې یو شمېر بهرني پانګوال هم دې ولایت ته راغلي او د دغه ولایت والي محمد اغا حکیم ترې په دې ولایت کې په بېلابېلو برخو کې د پانګونې غوښتنه کړې ده.
دغه راز یو شمېر کورنیو سوداګرو د پنجشېر ولایت د کرومایټو ډبرو د قانوني استخرج لپاره د دغه ولایت له والي سره ناستې کړي او پانګوالو په نږدې راتلونکې کې پرې د کار پیلولو ډاډ ورکړی دی.
ویل کیږي، چې د پنجشېر ولایت د کانونو د قانوني استخراج او په دې ولایت کې د ازاد پلور له لارې له یوې خوا د دغه ولایت ډېر ځوانان پر کار اخته شوي او له بله پلوه په پنجشېر کې بازارونو او سوداګرۍ وده کړې ده.
تازه خبرونه
د ۱۴۰۳ کال مالي بودجه تصویب شوه
د اسلامي امارت ویاند څرګنده کړې، چې د ۱۴۰۳ لمریز لېږدیز کال مالي بودجه د اسلامي امارت رهبر شیخ هبةالله اخوندزاده له هراړخیزې کتنې وروسته توشیح شوه.
د ذبیح الله مجاهد د څرګندونو له مخې؛ د سږ کال په مالي بودجه کې د خلکو اړتیاوو او لومړیتوبونو ته پوره پاملرنه شوط ده. همدارنګه تېر کال ته ورته د روان کال مالي بودجه هم د هېواد له ملي عوایدو جوړه شوې ده.
نوموړي زیاته کړې؛ مالیې وزارت به د تل په څېر د ۱۴۰۳ لمریز مالي کال، ملي بودجه د هېواد په مالي سیسپم کې ځای پر ځای کړي او د روان مالي کال اړوند ټولو (عادي او انکشافي) برخو ته به په پوره روڼتیا لاسرسی ومومي.
دا په داسې حال کې ده، چې د روان مالي کال دوه میاشتې تېرې شوې دي.
-
لوبی4 days ago
آریانا ټلویزیون د ۲۰ اوریز کرکټ نړیوال جام د خپراوي حق ترلاسه کړ
-
تازه خبرونه4 days ago
فلسطیني دولت باید د خبرو له لارې راجوړ شي – امریکا
-
تازه خبرونه4 days ago
په بامیان ولایت کې د سمڅو اوسېدونکیو ته د استوګنې کورونه جوړیږي
-
تازه خبرونه5 days ago
د شانګهای ټولنې د اړیکو ډله دې د افغانستان لپاره پخپل حال پاتې شي – پاکستان
-
لوبی4 days ago
اټک انرژي د افغانستان فوټبال اتلانو لیګ د درېیم پړاو اتلولي خپله کړه
-
سوداگري5 days ago
په پنجشېر کې د یاقوتو استخراج او وپلورل پیل شول
-
تازه خبرونه5 days ago
د افغانستان په اړه د دوحې د درېیمې غونډې نېټه وټاکل شوه
-
تازه خبرونه5 days ago
د ۱۴۰۳ کال مالي بودجه تصویب شوه