ساینس او ټیکنالوژي
له سپوږمۍ وروسته هند د لمر د څېړلو لپاره خپل یو توغندی وتوغاوه
پر سپوږمۍ له بریالۍ ناستې وروسته د هند فضايي ادارې د شنبې پر ورځ ( د وږي ۱۱ / د سپتمبر ۲ ) په لومړني لمریز ماموریت کې د لمر د څېړنې لپاره خپل توغندی واستاوه.
د هند د فضايي څېړنو ټولنې په اوبپاڼه کې د توغولو بهیر پر ژوندۍ بڼه وښودل شو، چې توغندی د ساینسپوهانو د چکچکو په بدرګه د لوګي او اور لیکه تر شاه پریښوه.
دغه خپرونه نږدې ۵۰۰ زره نندارچیانو ولیده. په داسې حال کې، چې زرګونه خلک یې نږې لیدلو ته ورغلي وه او د داسې یو توغندي د پورته کیدو بهیر یې له نږدې ولید، چې هدف یې د لمریز باد څېړنه ده، چې کولی شي په ځمکه کې ګډوډي رامنځته کړي، چې په عادي حالتونو کې د شمالي شفق په توګه لیدل کیږي.
ادیتیا ال ۱ د لمر له هندي کلمې څخه اخیستل شوی او توغېدا یې له هغې وروسته رامنځته شوه، چې هند د لومړني هېواد په توګه د تېرې میاشتې په وروستیو کې د سپوږمۍ پر سویلي قطب راکښته شو. په داسې حال کې، چې روسیې ډېر پیاوړی توغندی درلود؛ د هند چندریان-3 په دې ډول ماموریت کې د روسیې لونا-25 ته ماتې ورکړه.
د ادیتیا ال ش فضایي بېړۍ داسې ډیزاین شوې، چې په فضا کې تمېدی شي د څلورو میاشتو پر مهال ۱.۵ میلیون کیلومتره سفر وکړي، د متوازنې جاذبې له کبله په خپل ځای کې پاتې کیږي، چې دا کار یې د تېلو لګښت راکموي.
دا موقعیتونه د لاګرانژ Lagrange د ټکو پر نوم یادیږي، چې د ایتالوي – فرانسوي ریاضيپوه جوزف لوئس لاګرنژ پر نوم نومول شوي دي.
سماک ریچوودهري، چې د څارخونې د ځینو برخو په پراختیا کې ښکېل و ویلي، چې له ساینسي پلوه دا ماموریت د لوی ټکان رامنځته کولو وړتیا لري.
هغه زیاته کړه، چې له لمر څخه د انرژۍ را بهر شوي ذرات کولی شي هغه سپوږمکۍ ودروي، چې له ځمکې سره اړیکې څاري.
ساینس پوهان هیله من دي، چې په مدار کې د زرګونه سپوږمکیو په اړه د لمریزو وړانګو د اغېزو په اړه نور معلومات هم زده کړي، چې شمېر یې د د ستار لینک مخابراتي شبکې او د ایلان ماسک د SpaceX پر پانګونه د ډېرېدو په حال کې دي.
د هند د فضایي څېړنو ټولنې ساینس پوهان وايي؛ په اوږد مهال کې د دې ماموریت معلومات کولی شي د ځمکې د اقلیم پر بېلګو باندې، چې له لمر څخه شمسي سیستم ته تېریږي؛ د لمر د لمریزو بادونو د ذراتو د اغېزو پر بهیر له ښه پوهېدو سره مرسته وکړي.
د لومړي وزیر نریندرا مودي پر هڅونو هند د فضايې توغېدا خصوصي کړي او په دې لټه کې دي، چې دا سکتور بهرنۍ پانګونې ته پرانیزي؛ ځکه، چې دا هدف په راتلونکې لسیزه کې د هند نړیواله ونډه ډېروي.
لکه څنګه، چې فضا په نړیواله سوداګرۍ بدلیږي؛ هېواد هم په دې برخه کې د خپلو وړتیاوو د ښودلو لپاره د فضایي څېړنو ټولنې له بریاوو کار اخلي.
ساینس او ټیکنالوژي
اپل شرکت د نړۍ د تر ټولو د لوی ګرځند پلورونکي دریځ له لاسه ورکړ
د IDC څېړنیز انسټیټیوټ راپور ښیې، چې د ۲۰۲۴ ز.کال په لومړۍ ربع کې د اپل آی فون بازار د انډرایډ ګرځند له تولید سره په سیالۍ کې سوړ شو.
د رویټرز خبري آژانس د راپور له مخې؛ د جنورۍ او مارچ په میاشت کې د نړۍ بازارونو ته ۷ اعشاریه ۸ سلنه وده وکړه، چې شمېر یې ۲۸۹ اعشاریه ۴ میلیون ته ورسېد.
د ګرځند جوړونکي شرکت (سامسونګ) د بازار ونډه ۲۰ اعشاریه ۸ راغله او په دې توګه یاد شرکت له اپل څخه له ټولو د لوی ګرځند پلورونکي مقام خپل کړ.
اپل د ۲۰۲۴ کال په تېرو درې میاشتو کې ۵۰ اعشاریه ۱ میلیون آی فونونه پلور ته وړاندې کړل، چې دا د تېر کال د ورته وخت پر پرتله ۵۵ اعشاریه ۴ میلیون کم دي. همدارنګه د ۲۰۲۳ په وروستیو دریو میاشتو کې هم چین ته د آی فون د وړاندې کولو په کچه کې ۲ اعشاریه ۱ کموالی راغلی و.
ساینس او ټیکنالوژي
د جاپان سپیس ون کایروس توغندی له توغېدو وروسته وچاودېد
د چارشنبې پر ورځ د جاپان سپیس ون کایروس کوچنی تېل سوځوونکی توغندی له توغولو لږ وروسته وچاودېد.
د رویټرز د څرګندونو له مخې؛ دغه ۱۸ مټره توغندی پر ځایي وخت ۱۱:۰۱ له توغولو لږ وروسته وچاودېد، چې لوګی او اور یې د رسنیو په انځورونو کې لیدل کیږي.
سپیس ون ویلي؛ دوی د جاپان د لویدیځ ټاپو په څنډه کې توغېدا لغو کړه او په اړه یې ارزونې هم پیل شوې دي.
د ځایي واکایاما حکومت والي شوهی کیشیموتو خبریالانو ته د سپیس ون له معلوماتو وروسته ویلي، چې یوه ستونزه د دې سیسټم د توغېدو خنډ شوې ده.
هغه په ډاګه نکړه، چې ستونزه څه ده.
کیشیموتو زیاته کړې، چې د توغندي د توغېدا مرکز ته هیڅ زیان نه دی رسیدلی او اور هم مړ شوی دی.
کایروس یوه تجربه لرونکې دولتي سپوږمکۍ لېږدوله، چې کولی یې شول په لنډمهاله توګه معلوماتي او استخباراتي سپوږمکۍ په مدار کې ځای پر ځای کړي.
که څه هم جاپان په فضایي سیالیو کې نسبتا کوچنی لوبغاړی دی؛ خو د توغندیو توغولو لپاره د ارزانه وسایطو د جوړولو هڅې کوي.
ساینس او ټیکنالوژي
فیسبوک او انسټاګرام له لنډې پرچاوۍ وروسته بېرته فعال شول
د رویټرز د څرګندونو له مخې؛ د سې شنبې پر ورځ د میټا اړوند فیسبوک او انسټاګرام د دوه ساعته تخنیکي ستونزو له کبله بېرته فعال او په ټوله نړۍ کې یې سلګونه زره کاروونکي اغېزمن کړل.
د میټا اړوند سرچینو ویلي؛ یوه تخنیکي مسله د دې لامل شوه، چې خلک زمونږ خدماتو ته د لاسرسي په اړه له ستونزې سره مخ شي.
د میټا ویاند انډي سټون په ایکس پاڼه کې له بشپړې څرګندونې پرته ولیکل، چې مونږ د خپلو اغېزمنو شویو لپاره اړوند مسله حل کړه .
سټون د فیسبوک او انسټاګرام له کاروونکیو څخه د دې ستونزې له پېښېدا بښنه وغوښته.
دا شرکت د WhatsApp او Threads په ګډون شاوخوا ۳ اعشاریه ۱۹ میلیارد ورځني فعال کاروونکي لري.
په هر حال د واټس اپ او ترایډ لپاره بندښت خورا کوچنی و.
د رویټرز د لیدل شويو پوسټونو له مخې؛ د میټا ډېرو کارمندانو په نامعلوم پیغام رسولو اپلیکیشن بلینډ کې څرګنده کړې، چې دوی نشي کولی خپل داخلي کاري سیسټمونو ته ننوځي. ان دوی حیران شول، چې له دندې ګوښه شوي دي.
د وېبپاڼو څارونکې ډاونډيټکټر څرګنده کړې، چې د فیسبوک پرچاوۍ په اړه ۳۰۰ زره او دغه راز د انسټاګرام د پرچاو کېدو په اړه ۲۰ زره شکایتونه ترلاسه شوي دي.
د یادونې ده، چې په ۲۰۲۱ ز. کال کې هم د فیسبوک، انسټاګرام او وټسآپ خدمات د تخنیکي ستونزو له کبله څو ساعتونه بند شوي وه.
-
نړۍ4 days ago
د فلسطین پر رفح ښار اسرائیلي ځواکونو د ځمکنيو بریدونو ګواښ وکړ
-
لوبی4 days ago
اټکانرژۍ لوبډلې په نهمه سیالۍ کې سرخپوشانخوافي ته ۱ـ ۰ ماتې ورکړه
-
تازه خبرونه16 hours ago
د بغلان ولایت د غوري سمنټو تولید زیات شوی
-
سیمه ییز خبرونه1 day ago
په عراق کې به همجنسبازان پر۱۵ کاله بند شي –پارلمان
-
سیمه ییز خبرونه4 days ago
امریکا دې د بشري حقونو په اړه دوه ګوني سیاست ودروي – ترکیه
-
تازه خبرونه1 day ago
ترکمنستان د ټاپي پروژې بشپړولو ته ژمن دی – امانوف
-
لوبی5 days ago
ابو مسلم فراه اوومه لوبه له خراسان فاریاب لوبډلې څخه ۶ د صفر پر توپیر وګټله
-
لوبی1 day ago
په افغانستان اتلانو لیګ کې موج ساحل ۲-۱ سرسبز یاشلر او سورخ پوشان ۶ -۰ میوند مات کړل