تازه خبرونه
له نړیوالو سره مو تعامل د اسلام او شرعې پر بنسټ دی – د اسلامي امارت مشرتابه
د اسلامي امارت مشرتابه شیخ هبة الله آخوندزاده د کندهار ولایت مسوولینو ته څرګنده کړې؛ له نړیوالو سره زمونږ تعامل د شرعې پربنسټ ولاړ دی او پرته له شريعت او اسلام څخه بل هیڅ دليل د منلو وړ ندی.
د اسلامي امارت مشرتابه مولوي هبة الله آخوندزاده، چې د کندهار ولایت له ۲۰۵ البدر قول اردو څخه یې ليدنه کړې د يوې غونډې په ترڅ کې يي د دې قول اردو منسوبينو ته وينا هم کړې .
د اسلامي امارت مشرتابه په خپله وينا کې له نړې سره خپل تعامل د اسلامي شريعت پر بنسټ بللی او ويلي يي دي، چې د دوی لپاره له شريعت پرته بل هیڅ دليل د منلو وړ ندی .
دغه راز په کندهار کې ديني عالمانو او دولتي مسوولينو هم په يوه لويه غونډه کې، چې د جهاديه مدرسې د طالب العلمانو د فراغت په مناسبت جوړه شوې وه؛ د اسلامي شريعت پر عملي کولو ټينګار کړی.
دوی ویلي؛ دیني عالمان د اسلامي امارت ننګه کوي او تمه لري، چې د اسلامي شريعت له عملي کولو سره دا نظام نور هم ټینګ کړي .
د کندهار والي حاجي محمد يوسف وفا وایي: اسلامي، شرعي سوچه نظام، چې اميرالمومنين صاحب يي غواړي د علماوو غوښتنه ده، ملګري يي غواړي، مجاهدين يي غواړي، موږ ټول به د خپل امير ترشا دريږو او بيا به دا نظام بقا او دوام پيدا کوي؛ نو محترمو دا دعالمانو مسووليت دی. د آخرت پر ورځ به داعالمان له ګریوان نيول کيږي که شرعي نظام پلی نکړي.
همداراز وينا کوونکیو اسلام د ټولو لپاره د رحم او شفقت دين وباله او وایي؛ د اسلام په دين کې د ټولو وګړیو حقونو ته درناوی شوی او ټول له خپلو حقونو برخمن دی .
د کندهارد جهاديه مدرسې مشر شيخ مولوي سيد سرور شاه آغا وایي: په اسلام کې د بشر حقوق شته او اسلام د رحمت او شفقت دين دي او هر چاته يي خپل حقوق ورکړي دي. حتا د حيواناتو حقوق په اسلامي ټولنه کې خوندي دي.
همداراز ديني عالمانو او د دولت مسوولينو ويلي؛ د اسلامي نظام او شريعت په عملي کولو کې ښايي له ډول ډول ستونزو سره مخ شو؛ خو ټينګار یې وکړ، چې له زغم او صبر به کار اخلي.
کليپ….د کندهار د دیني عالمانو شورا ریيس شيخ مولوي ملوک شاه ویلي؛ ای مسلمانانو د صبر توصيه عالمان درته کوي، د دين په لاره، د شريعت د تنفيذ په لار، د حدودو د جاري کولو،قصاص جاري کولو په تعذيراتو جاري کولو، په کامل شرعي نظام راوستلو کې به لوږه درته راځي، تنده به درته راځي، جامه به دې څيري وي، وږی به وې، اولاد به درپسې ژاړي، اولاد به دې فرياد کوي؛ خو ته به څه کوې ته به صبر کوې .
په کندهار کې دولتي مسوولين او ديني عالمان دا څرګندونې په داسې حال کې کوي، چې د وروستيو حکمونو له کبله د نجونو پرمخ د ښوونځيو او پوهنتونونو دروازې تړل شوي او په نا دولتي ادارو کې د ښځينه په کار بندیز ولګید او د نړیوالو له سخت غبرګون سره مخ شو؛ خو دولتي چارواکو ویلي، چې د مناسب چاپېریال له رامنځته کولو سره به نجونو ته د تعلیم او تحصیل زمینه ډېر ژر برابره کړي.
تازه خبرونه
افغان او ایراني حکومتي مشرانو د سیاسي، اقتصادي، سوداګریزو او ټرانزیټي اړیکو پر پياوړتیا خبرې وکړې
د ریاستلوزراء اقتصادي مرستیال ملا عبدالغني برادر او د حکومت یو شمېر وزیرانو د ایران د ولسمشر له ځانګړي استازي او په کابل کې د ایران له سفیر حسن کاظمي قُمي سره وکتل.
د ریاست الوزراء د مرستیالۍ دفتر ویلي؛ د لیدنې پر مهال د سیاسي، اقتصادي، سوداګریزو او ټرانزیټي اړیکو پر پياوړتیا او په بېلابېلو برخو کې پر دوه اړخیزو همکاریو خبرې وشوې.
د ریاست الوزراء اقتصادي مرستیال د افغانستان او ایران اړیکې ښې او مثبتې وبللې او څرګندوي، چې د اړیکو د پراختیا او پياوړتیا لپاره ګډ کار ته اړتیا ده.
ملا برادر وایي: سږ کال د اورښتونه د ډېروالي له کبله نیمروز ولایت او د ایران سیستان ته د هلمند سیند اوبه ورسېدې، چې دا به د دواړو هېوادونو د ولسونو ډېری ستونزې حل کړي.
دغه راز ملا عبدالغني برادر اخوند د ایران له لارې اروپايي هېوادونو ته د افغانستان تولیداتو ته د ټرانزیټي اسانتیاوې له برابرولو خوښي وښوده او د دواړو هېوادونو ترمنځ یې د ټرانزیټ او سوداګرۍ کچې د زیاتېدو غوښتنه وکړه.
په کابل کې د ایران سفیر سیستان ته د هلمند سیند د اوبو رسېدو په اړه خوښي څرګنده کړه او د دواړو هېوادونو د اقتصادې ودې او پراختیا لپاره اړینه بولي، چې هېواد به یې له افغانستان سره د سوداګرو د بانکي ستونزو د له منځه وړلو، د چاپېریال ساتنې پر وړاندې د ګډې مبارزې، د کرنې سکټور عصري کولو او همدارنګه د ایران له لارې د افغانستان د سوداګرۍ او ټرانزیټ کچې زیاتولو په برخو کې همکاري وکړي.
د ریاست الوزراء اقتصادي مرستیال په ایران کې د میشت افغان کډوالو د ستونزو د یادونې تر څنګ له ایراني لوري وغوښتل، چې په جبري بڼه افغان کډوال را ونهباسي او په دې اړه د دواړو لوریو ترمنځ ښه همغږي رامنځته شي.
ویل کیږي، چې په دې لیدنه کې د اوبو او انرژۍ، کرنې، اوبولګولو او مالدارۍ، د اطلاعاتو او کلتور وزارتونو چارسمبالو او په تهران کې د افغانستان چارسمبالي استازي فضل محمد حقاني هم حضور درلود.
تازه خبرونه
ملا برادر د قزاقستان د لومړي وزیر له مرستیال سره د اوسپنې پټلۍ پر رامنځته کولو خبرې وکړې
د اسلامي امارت د ریاست الوزرا اقتصادي مرستیال او د قزاقستان د لومړي وزیر مرستیال سیرک ژومانګارین د ترکمنستان او افغانستان له لارې پاکستان ته د اوسپنې پټلۍ پر رامنځته کولو خبرې وکړې.
د افغانستان اقتصادي مرستیالۍ په خبربانه کې راغلي، چې په دې لیدنه کې ملا عبدالغنی برادر د دواړو هېوادونو د سوداګرو د بانکي ستونزو د حل، د افغان – قزاق د ګدو شرکتونو رامنځته کولو او سوداګرو ته د ویزو د ورکړې لپاره د هوکړه لیکونو پر لاسلیک ټینګار وکړ.
سیرک ژومنګارین په پام کې لري، چې د قزاقستان د صنعت او سوداګرۍ ګډه خونه او د دواړو هېوادونو د سوداګرۍ او کار ګډه ډله رامنځته کړي او چمتو دی، چې د برښنایي حکومتولۍ، صنعت، لوړو زدهکړو، پوهنې، روغتیا او بانکدارۍ په سکټورونو کې له افغانستان سره همکاري وکړي.
تازه خبرونه
ایران او پاکستان په افغانستان کې پر ترهګرو ډلو اندېښنه څرګنده کړه
ایران او پاکستان په یوه ګډه اعلامیه کې د یو سولهییز، متحد، خپلواک او له ترهګرۍ او نشهیي توکو قاچاق څخه د پاک افغانستان په اړه پخپلو ژمنو ټینګار څرګند کړی دی.
دواړو لوریو د ترهګریزو ډلو شتوالي ته په افغانستان کې نغوته کړې، چې سیمې او نړۍ ته امنیتي ګواښ دی؛ نو پر وړاندې یې پر مبارزه، همکارۍ او متحدې جبهې جوړولو ټینګار کړی دی.
دوی دغه راز د سیمې د امنیت او ثبات د ډاډمنولو لپاره د سیمهییزې او نړیوالې همغږۍ د اړتیاوو پر اهمیت خبرې کړې دي.
دواړه لوري د افغانستان حاکمیت او ځمکنۍ بشپړتیا ته د احترام کولو تر څنګ څرګندوي؛ د دې هېواد ټولې خواوې باید په بنسټیزو پرېکړو کې ونډه ولري، چې په هېواد کې د سولې او ثبات لامل شي.
-
تازه خبرونه2 days ago
وروستیو سیلابونو په افغانستان کې ۱۵۰۰ کورنیو ته زیانونه رسولي
-
نړۍ4 days ago
د جاپان دوه پوځي چورلکې بحر ته وغورځېدې
-
تازه خبرونه4 days ago
د پاکستان سرحدونو وزیر د افغان کډوالو پر باعزته ستنېدا ټینګار وکړ
-
نړۍ2 days ago
د مالیزیا بحري ځواکونو د چورلکو په ټکر کې ۱۰ کسان مړه شول
-
لوبی3 days ago
عینو مېنې، استقلال کابل او اټکانرژي فوټبال لوبډلې، خدیم افسي مات کړل
-
تازه خبرونه2 days ago
راشد خان د افغان بیسیم سوداګریز سفیر شو
-
لوبی2 days ago
د موج ساحل لوبغاړي د جوانان واحدي لوبډلې پر وړاندې زړهراکښونکی ګول ترسره کړ
-
سیمه ییز خبرونه3 days ago
د ایران ولسمشر پر درې ورځني سفر پاکستان ته ولاړ